Anonimo

Can vei la flor sobre·l sambuc

et au lo pic e·l merle e·l gais,

e lo refrim del brau airol,

4

ma dompna m’am plus q’el non sol:

totz temps l’amei, pois la conuc,

mas ara m’es privatz e mol.

Ben me cuia plantar lo duc

8

chi dis q’eu de s’amor mi lais.

Non vol m’ensegn’aital virol,

ancs l’amarai, se Deus lo vol:

anar i pogra ad oil cluc

12

lo iorn, cant son marit non col.

Per lei m’aplan lo pel del zuc

e non desir guera ni fais;

cant en la plaza m’acuoil,

16

tenc mon meillor vesin per fol;

cant eu la vei, tot m’abessuc

et oclei mai d’un ratairol.

Ela tem canch e pezuc, (- 1) †

20

e val tal q’i s’apreza mais;

e negerei entr’un moiol,

qe·l be plus prim d’un rocairol:

anc non vic ren tant leu s’embuc

24

e mania a lei d’un escirol.