Bernart (52.3)

52.3 = 165.2

		Bernart · Gaucelm
		Gauselm, no·m puesc estener
		c’ab vos, iratz, no contenda,
		qu’en talant ai qu’ieu defenda
		las donas a mon poder,
5		que vos aug descaptener;
		c’una·m rent cortez’esmenda
		que m’avia fait doler;
		per qu’eu, en lor captener,
		tanh que mos bels digz despenda.

10		Bernart, be sapchatz de ver
		que no vezem que be prenda
		a nuill qu’en dona s’entenda,
		per qu’ie·us ho fauc ans saber
		que fol vo·n fassatz tener,
15		ni qu’ela s’amor vos venda;
		e no·i metatz vostr’aver,
		que ben poiriatz decazer,
		s’aviatz mil marcx de renda.

		Gauselm, no·us detz plus paor
20		de mi qu’ieu eis, ni temensa,
		qu’en tal don’ ai m’entendensa,
		cui sierf e prec et aor,
		que sap valer part valor;
		mas vos hi faitz gran faillensa,
25		car descaptenetz amor,
		c’amors meillura·l meillor,
		e·l aut auz’ e·l gensor gensa.

		Bernart, per so n’ai temor
		quar conosc la meinsvalensa,
30		qu’elas ab bela parvensa
		fan lo for del brezador,
		e tornon hom’ en folor;
		e, quan l’an en lor tenensa,
		segon que dizon l’auctor,
35		meton l’en tan gran error
		don ja non aura guirensa.

		Gauselm, e com auzatz dir
		qu’enjans si’ en amor fina,
		vas cui totz lo mons aclina?
40		Qu’ela fai gent esbaudir
		l’irat e·l paubr’ enrequir
		ab una coinda metzina,
		que ja pueis pel mieu albir
		hom no pot dolor sentir,
45		mas ela·l sia vezina.

		Bernart, garda·us de trair
		d’esta vostr’amor frairina,
		en cui malvestatz s’aizina;
		mas si·ll voletz ben servir
50		ni sos talans azumplir,
		corba·ill be soven l’esquina;
		e gardatz vos al partir,
		que no·us puesca escarnir,
		qu’ela sap trop de rapina.

55		Gauselm, en vos no·s taina
		vilas motz ni lagz a dir,
		per qu’ieu vueill aisi fenir
		ma razo qu’es bon’ e fina.

		Bernart, anc d’amor conina
60		no vim nuill home jauzir,
		e si no·us voletz gequir
		tira·us lo cat per l’esquina.

Testo: Ricketts 2000. – Rialto 11.x.2004.

Mss.: E 221r, R 24r.

Edizioni critiche: François Just-Marie Raynouard, Choix des poésies originales des troubadours, Paris 1816-21, 6 voll, IV, p. 19; David J. Jones, La Tenson Provençale, Paris 1934, p. 94; Jean Mouzat, Les poèmes de Gaucelm Faidit, Paris 1965, p. 548; John H. Marshall, «Dialogues of the Dead: Two tensos of the Pseudo-Bernart de Ventadorn», in The Troubadours and the Epic. Essays in Memory of W. Mary Hackett, Warwick 1987, p. 37, a p. 50; Peter T. Ricketts (ed.), Contributions à l’étude de l’ancien occitan: textes lyriques et non-lyriques en vers, Birmingham 2000 (AIEO, 9), p. 11 (base E).

Metrica: a7 b7’ b7’ a7 a7 b7’ a7 a7 b7’ (Frank 471:1). Tenzone composta di sei coblas doblas di nove versi e due tornadas di quattro versi. Lo schema metrico potrebbe risalire a Bernart Marti (BdT 63.6, a7 b7’ b7’ a7 a7 b7’), con la ripetizione degli ultimi tre versi.

Note: Tenzone di difficile datazione. In un primo momento, si è creduto di vedere in Gaucelm il noto trovatore Gaucelm Faidit, ipotizzando che il componimento risalisse al periodo delle sue disavventure, narrate dalla vida, con Maria de Ventadorn e Audiart de Malamort (episodio databile, secondo Robert Meyer, Das Leben des Trobadors Gaucelm Faidit, Heidelberg, 1876, p. 23, al 1198, per cui la tenzone sarebbe di poco posteriore). Jones, La Tenson, p. 98, ritiene più saggio considerare incerta la datazione. Bernart è probabilmente lo stesso interlocutore dei partimens con Elias d’Ussel (BdT 52.4) e Blacatz (BdT 52.5). L’identificazione di Bernart e Gaucelm rispettivamente con Bernart de Ventadorn e Gaucelm Faidit è stata poi confutata da Marshall, «Dialogues». – Al v. 14, Jones, La Tenson, p. 98, preferisce la lezione di R no·s a vo·n di E (adottata da Raynouard e da Ricketts). Al v. 62, tira·us è, come spiega Jones, La Tenson, pp. 98-99, seconda persona plurale dell’imperativo, per cui traduce, come Ricketts, Contributions, p. 15, ‘tirez’. – Interessante, al v. 54, l’ambiguità, non rara nei trovatori, del pronome ela, riferibile sia all’amore che alla dama.

[fc, os]

BdT Bernart

Gaucelm