Bertolome Zorzi
|
||
I. |
||
Non lassarai qu’en chantar non atenda |
||
daisso don sui entr’alegr’et iratz, |
||
pois q’alegriers tan gen l’ira·m esmenda |
||
qu’eu en remanc enaissi meitadatz: |
||
5 |
qu’inz el cor ai doloroza pezanza, |
|
penzan quals es l’antius dechazimenz |
||
del saint paes on Deus fon mortz e naz, |
||
e·m sobra·l cor alegres jauzimenz, |
||
qu’ar penre·n vol l’autz reis Loďs venjanza. |
||
|
||
II. |
||
10 |
Donc s’es mogutz ab grant esfortz de Franza |
|
e·n vai merir los mescrezenz malvatz |
||
on Deus en pert sa dreitur’e s’onranza, |
||
e·l paes es deschauzitz et anctatz, |
||
e nostra leis aunid’, en tal deissenda |
||
15 |
qu’om crestianz non es adreichamenz |
|
se·n pot valer, e no·y es acordatz; |
||
qu’ab sol penzar com es greus l’aunimenz |
||
m’es vis de dol qe·l cors de dinz mi fenda. |
||
|
||
III. |
||
Mas tals sa cor qu’est forfaig en car venda, |
||
20 |
q’en bon esper m’en remanc conortatz; |
|
qu’el non cura ni garda qu’en espenda, |
||
ni tem afan qe l’en sia donatz; |
||
anz l’en es fais e trebaillz alegranza; |
||
per que nulz hom non deu esser temenz |
||
25 |
que l’antius danz gen no·i si’esmendatz, |
|
qu’el s’en vai tan sobrafortidamenz |
||
qu’en re no·i ha per que n’aver doptanza. |
||
|
||
IV. |
||
Qu’ab lui s’en van bel feridor de lanza, |
||
peceiador de cambas e de bratz, |
||
30 |
envazidor per far fag d’agradanza, |
|
sbaraillador quant l’estors es mesclatz, |
||
bon sofridor s’esfortz n’a qui·s defenda, |
||
tant avondos de totz bels garnimenz, |
||
qu’eu non cuig ges qu’om qui·ls vei acesmatz |
||
35 |
ni gen garnitz en bels destriers corenz |
|
aus sol mostrar senblan que lur contenda. |
||
|
||
V. |
||
E si ja fos orgueillz lai tan s’estenda |
||
que mostrar l’aus soudains ni amiratz, |
||
d’aitan sivals que·l dreg de Deu non renda, |
||
40 |
totz hom qu’en vai taing que sia menbratz |
|
qu’el combatre y ha tan de meilluranza |
||
que s’om hi val vius n’er de pretz manenz, |
||
et a sa fi d’esjauzimen paiatz; |
||
e s’om hi mor tan n’ira plus breumenz |
||
45 |
l’arma jauzir l’enteira benananza. |
|
|
||
VI. |
||
Per que l’autz reis Navars, cui pretz enanza, |
||
conpaingn’al rei tan gent acompaingnatz, |
||
que be·m senbl’aver cor e deziranza |
||
de servir Deu, fazen rics faigz honratz, |
||
50 |
qu’el en fai plus que no·ill quer la fazenda; |
|
e·l honratz coms de Toloz’eissamenz, |
||
qu’outra poder s’es per Deu esforsatz |
||
de far acors qu’a Lui si’onramenz, |
||
tant ama far so que Dieus en grat prenda. |
||
|
||
VII. |
||
55 |
Mas ges non taing qu’om l’engles rei reprenda |
|
s’un petit es per non-poder tarsatz, |
||
quar ben sa cor que sa promez’atenda |
||
e·n faza mais tan q’en sia lauzatz; |
||
ni no·s cuj’on qu’el fassa tal tarsansa |
||
60 |
q’us n’ai’asaut qu’el no·i sia prezenz, |
|
qu’estiers com val non valg d’utra·ls presatz, |
||
pois Deu acor ab tal poder de genz |
||
qu’autre socors al sieu non sobravanza. |
||
|
||
VIII. |
||
En mon chantar pauzer’en remembranza |
||
65 |
totz los baros qu’er y hacoron plazenz, |
|
quar tostemps mais chascus en fos lausatz; |
||
mais il son tan qu’eu no·i fora sabenz, |
||
per qu’eu prec Deu qe lur don alegranza. |
Text: Linda Paterson, Rialto 29.x.2012.