63.7a |
Bernart Marti
|
||
Quant la plueja e·l vens e·l tempiers | ||
e·l freigz e l’iverns es remas | ||
m’es bella la flors els vergiers, | ||
e·l soleils lutz e·il erba nais | ||
5 | per la rosada que s’espan, | |
don s’esbaudejon li auzel | ||
lo matin egal del alborn. | ||
Anc mos cors ni mos cossiriers | ||
d’amor non fo vencutz ni las, | ||
10 | que d’als non es mos cors entiers | |
ni autre tresaur non amas | ||
ni autra ricor non deman: | ||
que qi·s haia tor ni castel | ||
eu·m ai mon bel palais el forn. | ||
15 | Tan voil, domna, q’us jorns primiers | |
esplei que nostr’amors non cas | ||
per gelos ni per lauzengiers, | ||
cui mals focs las lengas abras. | ||
Tals met bon aize en soan | ||
20 | d’amor conqiza de novel, | |
q’aicel li fin abanz qe·l jorn. | ||
Molt estaria volontiers | ||
lonc lo seu cors dolgat e gras | ||
don duraria l’anz entiers; | ||
25 | si m’en tornav’en eus lo pas | |
ni si non manjava de l’an | ||
de nulla vianda morsel | ||
non duraria l’anz un jorn. | ||
De tot autr’aver sui leugiers | ||
30 | . . . . . . . . . . . . . mas | |
de lei sui acoill parzoniers | ||
perdas tu Dieu qe si lai m’o diras | ||
ges per zo non ai en talan | ||
si tot mon coratge masel | ||
35 | dels mals no·m puesc partir un dorn. | |
Bella, si me membre·us . . . | ||
. . . . . . . . . . . . . . . | ||
. . . . . . . . . . . . . . . | ||
. . . . . . . . . . . . . . . | ||
40 | . . . . . . . . . . . . . . . | |
. . . . . . . . . . . . . . . | ||
. . . . . . . . . . . . . . . | ||
Tals se fa coindes e parliers | ||
e·m cuj’aver de s’amor ras, | ||
45 | cui morrai tals destorbiers | |
que el ferra entra del nas | ||
et eu remanrai antrenan | ||
en l’amor, don no·m deschabdel, | ||
e lais lo fol irat e morn. | ||
50 | Era mi vai, francs messatgiers, | |
. . . . . . . . . . . . . . . | ||
q’ieu no·il serai ja mensongiers | ||
– qant piegz seria qe Judas – | ||
qe en dormen e en veillan | ||
55 | mi desvesti dal som mantel | |
m’es vis qe mos cors s’i sejorn. |
Testo: Beggiato 1984 (VIII). – Rialto 5.vi.2003.
Ms.: a’ 457 (rubrica: bernartz martis).
Edizioni critiche: Ernest Hoepffner, Les poésies de Bernart Marti, éditées par E. H., Paris 1929 (Les classiques français du moyen âge: 61), p. 27 (VIII); Fabrizio Beggiato, Il trovatore Bernart Marti, Modena 1984, p. 137.
Edizione diplomatica: Giulio Bertoni, «Rime provenzali inedite», Studi di Filologia Romanza, 8, 1901, pp. 421-484, a p. 461.
Metrica: a8 b8 a8 b8 c8 d8 e8 (Frank 430:6). Otto coblas unissonans.
Nota: Ordine delle strofe in a’: I, II, III, IV, VIII, V, VI, VII.
[FB]