140.1b = 226.5 |
Enric de Rodez · Guilhem de Mur
|
|||
Guillem de Mur, un enujos | [Enric] | ||
novel partiment vos vuell far. | |||
Cal amas mais: tostems estar | |||
4 | que sias tan formentz gilos | ||
qu’en perdas joy e bel captenement, | |||
ho que sia giloza tan forment | |||
vostra moilher de vos, que·n planc e·n plor, | |||
8 | e non ges vos? No·n prendas la pijor! | ||
Seinher, sel que fai d’un dan dos | [Guillem] | ||
non fai ben ni gent son afar, | |||
per qu’ieu vuell un dan esquivar | |||
12 | e vuell esser so sospichos, | ||
que·l gilos vei hom es a tort sovent. | |||
E s’ill era giloza, for’entent | |||
que·n fezes tant quez acsem dezonor | |||
16 | amduy ensems, que·n mescles m’al follor. | ||
Dieus e dretz . . . e razos | [Enric] | ||
s’acordan c’om deu mais amar | |||
si mezeis c’autre, per que·m par | |||
20 | que pegua es vostra tensos, | ||
car vos sabes – e trobas ho legent – | |||
que fort gilos es fora de son sent. | |||
Trop en portas a la moiller d’amor, | |||
24 | que l’ames mais que vos ex ni honor. | ||
Si ben m’est trop contrarios | [Guillem] | ||
ni sabes pron de predicar, | |||
non comandet Dieus c’am sa par | |||
28 | deu esser tot un a l’espos? | ||
Aisi com sell que son castell defent | |||
deves la part hon plus ha d’espavent, | |||
deu hom guardar la freoleza lor; | |||
32 | cant pros domna faill no·n tornem color! |
Testo: Guida 1983. – Rialto 10.ix.2002.
Ms.: f (16 v).
Edizione critica: Saverio Guida, Jocs poetici alla corte di Enrico II di Rodez, Modena, 1983, p. 161.
Altra edizione: Paul Meyer, Les derniers troubadours de la Provence d’après le chansonnier donné à la Bibliothèque Impériale par M. Ch. Giraud, Paris 1871, pp. 47-48.
Metrica: a8 b8 b8 a8 c10 e10 d10 d10 (Frank 577:168). Quattro strofe unisonanti di otto versi.
Note: Per la figura dei dialoganti e la realtà socio-storico-ambientale cha fa da sfondo alla disputatio rimando all’Introduzione al mio mentovato libro.
[SG]
Enric de Rodez Guillem de Mur