Gaucelm Faidit

I.

Can vei reverdir li jardis

et hoi los hoizelos chanter

e nos aten don[c] li marchis

me renoveilon mei penser;

ladonc me soven d’un cler vis,

que ge ne puis pas emblier.

Qu’e tal daima ai pausé mon cuer,

don muir e·n viu, e·n viu e·n muer.

II.

La bela, de cui son amis,

m’a fait passer d’outra la mer

e dechaser de son pais,

pero tan luenh no·s fai aler

que s’amor no·m a[it] sa requis;

a lui m’est obs a retorner.

Qu’e tal daima ai pausé mon cuer,

don muir e·n viu, e·n viu e·n muer.

III.

Ge ne puis müer ne retor

a leis qui·m auci e·m destrui,

que·l cor me blesse d’un’amor,

qui a leis m’amen’e m’adui;

si n’ai ge temens’e paor,

que, can me veira, li enui.

Qu’e tal daima ai pausé mon cuer,

don muir e·n viu, e·n viu e·n muer.

IV.

Mas ge sai don sui en error,

qu’el’ama plus que mi autrui,

e sa[i] que ja n’aura un jorn

merci de moi, que mala sui,

si no·m oblia sa richor,

ni cals il est ni ge qui sui.

Qu’e tal daima ai pausé mon cuer,

don muir e·n viu, e·n viu e·n muer.

V.

Bela dame, per Deu merci!

Ab dousa franxa humelité,

vos regardetz vas vostr’ami,

si faretz franques’e bonté,

car ja Dieus non aura merci,

qui non aura d’autrui pité.

Qu’e tal daima ai pausé mon cuer,

don muir e·n viu, e·n viu e·n muer.

VI.

Ge sai que·m ausi e·m destri

e me mene em po[v]reté,

e sai que ja n’aura merci,

si sa riques’e sa bonté

e son pretz no met en obli,

car cel no·i a mia oblié.

Qu’e tal daima ai pausé mon cuer,

don muir e·n viu, e·n viu e·n muer.