Rialto

293.38b  (Secondary version)

 

Marcabru

 

 

 

 

Puois la fuoilla revirola
qe vei d’entre·ls cims chazer,
que·l vens deromp e degolla
que no·is pot plus sostener,
5 mais prez lo freit temporau
qe l’estiu plen de grondill,
don nais putia et enveia.
 
L’auzeill e la rossignola (15)
tornont lor chant en iazer, (16)
10 si·s fa·l gais e·l auriola (17)
don l’inverns fai son plazer, (18)
e orgoils torn’en chanau (19)
per garssos plens de grondill (20)
q’en estiu contradenteia. (21)
 
15 Serps ni graissans que·s amola (8)
no·m fai espaven ni mau, (9)
mosca ni tavans qe vola; (10)
escaravait ni bertau, (11)
aquest malvaz volatill (13)
20 no sen bruir ni oler: (12)
doncs francs iverns nos neteia. (14)
 
Jes N’Afilaz Bec-d’Aissola
non pert so nom al fogau,
anz porta pic e massola
25 don son gran li dompniau.
Cest tol sidons al jazer
la dolor del penchenill
pel femeniu don se breia.
 
Cest trai del meills la briola
30 plen’al maiti et al ser,
e sobrefaire sai sola
car pot la coa mover;
cest fai la nuoich son jornal,
don engenra un bel fil,
35 per que sobreseignoreia.
 
Chaen levan tombaignolla (38)
vai lo segles – no m’en chau – (39)
aici cum la seguignolla (36)
poia amon e chai avau. (37)

 

 

 

Text: Gaunt, Harvey and Paterson, 2000 (XXXVIII). – Rialto 24.i.2003.


Ms.: The text in K; numbers in brackets indicate the position of the lines in R, the base for our main version.

[LP]


Main version

Foreword

BdT    Marcabru