Pons de Capdoill

 

 

 

 

   

I.

   

En honor del Paire en cui es

   

totz poders e tota vertatz,

   

et el Fill totz sens e totz gratz,

4  

et el Saint Esperit totz bes.

   

Devem creire lun en totz tres:

   

qieu sai qeil Sancta Trinitatz

   

es vers Dieus e vers perdonaire,

8  

vera merces e vers salvaire,

   

per qieu dels mortals failhimens

   

cai faitz en dig ni en penssan

   

ab fals motz et ab mal obran

12  

mi ren colpables penedens.

   

 

   

II.

   

Seignor, pois sai nos a trames

   

per cardenals e per legatz

   

absout cel qes en loc pausatz

16  

de saint Peire cui Dieus promes

   

qen cel et en terra pogues

   

solver chascun de sos pechatz,

   

qui so non cre, al mieu veiaire,

20  

fals es e fellos e trichaire

   

e de nostra lei mescrezens;

   

e qui non se vol traire enan

   

de far la crotz, no mes semblan

24  

qe sia a Dieu obediens.

   

 

   

III.

   

Qui pren la crotz mout les ben pres;

   

qel plus valens el plus presatz

   

er, si roman, flacs e malvatz,

28  

el plus avols, pros e cortes

   

si va, e noill faillira res;

   

anz er del tot monz e lavatz,

   

e ja nol cal tondre ni raire

32  

ni en estreig orde maltraire,

   

qe Dieus lor sera vers guirens

   

a totz celz qe per lui iran

   

vengar lanta qeil Turc nos fan,

36  

qe totas autras antas vens.

   

 

   

IV.

   

Ara fai mout gran necies

   

a son dan rica poestatz

   

qan tol las autrui heretatz

40  

ni bast chastels, tors, ni pares:

   

el cuia mout aver conques;

   

meinz a cus paubres despoillatz,

   

quel Lazers non avia gaire,

44  

et al ric que noil volc ben faire

   

valc a la mort pauc sos argens.

   

Gart si doncs qi tol ab enjan,

   

qe sel cavia daver tan

48  

fon caitius el paubres manenz.

   

 

   

V.

   

Ben volgra qel reis dels Frances

   

el reis engles fezesson patz

   

et aquel fora plus honratz

52  

per Dieu que primiers la volgues

   

e ja noil mermara sos ces,

   

anz fora el cel coronatz

   

el reis de Poilla e lemperaire

56  

fossen amdui amic e fraire

   

tro fos cobraz lo monumens,

   

caissi cum sai perdonaran

   

sapchatz caital perdon auran

60  

lai on er faitz lo jutgamens.

   

 

   

VI.

   

Gloriosa, en cui es merces,

   

e qetz vera virginitatz,

   

lums et estela e clartatz,

64  

salutz et esperanssa e fes,

   

en cui vers Dieus per nos si mes,

   

per totz nos pechadors preiatz

   

vostre doutz fill e vostre paire,

68  

de cui vos etz filla e maire,

   

vergena dousa resplandens,

   

com traia nostra lei enan

   

e nos don forssa e poder gran

72  

sobrels Turcs fellos mescrezens.

 

 

 

Text: Lauren Mulholland, Rialto, 14.v.2015.