Vidas del ms. B

 

 

 

 

Cadenet

 

1 Cadenetz si fo de la Proenssa, dun castel qe a nom Cadenet, qes en la riba de Durenssa. 2 Fills fo dun paubre cavallier. 3 E qand el era enffas, lo castels de Cadenet si fo destruitz e raubatz per la gen del comte de Tolosa, e li home de la terra mort e pres; et el en fo menatz pres en tolsan per un cavallier que avia nom Guillem del Lantar. 4 Et el lo noiric el tenc en sa maison; et el venc bons e bels e cortes, e si saup ben cantar e parlar, et apres a trobar coblas e sirventes. 5 E parti se del seignor que lavia noirit, et anet per cortz e fetz se ioglars; e fazia se appellar Baguas. 6 Lonc temps anet a pe desastrucs per lo mon. 7 E venc sen en Proenssa, e nuills hom nol conoissia; e fetz se clamar Cadenet, e comensset a far chanssons e fetz las bonas e bellas. 8 EN Raimons Leugiers de Dos Fraires, de levescat de Nissa, lo mes en arnes et en honor. 9 EN Blacaz lonret eil fetz grans bes. 10 Longa sazon ac gran ben e gran honor. 11 E pois el se rendet a lOspital.  12 E tot lo sieu faich eu saubi per auzir e per vezer.

 

 

 

Testo: Ornella Damiano, Rialto 15.iv.2005.


Ms.: B 97v.

[OD]

Vidas di B    Vidas