Vidas del ms. B

Daurde de Pradas

1 Daurde de Pradas si fo de Rozerge, d’un borc que a nom Pradas, q’es pres de la ciutat de Rodes .iiij. legas, e fo canorgues de Magalona. 2 Savis hom fo de letras e de sen natural. 3 E si saup mout la natura dels auzels prendedors; e fetz chanssons per sen de trobar, mas no moviant ben d’amor, per que non aviant ben sabor entre la gen, ni non foron cantadas, ni grazidas.

Vidas di B    Vidas