Vidas del ms. B
Dalfin d’Alvernge
1 Lo Dalfins d’Alvernge si fo coms d’Alvernge, uns dels plus savis cavalliers, e dels plus cortes del mon, e dels plus larcs, e meiller d’armas, et aquel que plus d’amor e de dompnei e de totz faitz avinens, e·l plus conoissens e·l plus entendens hom e que mieills trobet coblas e sirventes e sons e tensos, e·l plus gen parlans hom que anc fos a sen et a solatz. 2 E per larguesa que fon en lui perdet ben la meitat e plus de tot lo sieu comtat; e per sen e per avaresa el saup puois recobrar et gazaignar assatz plus qu’el non avia perdut.
Testo: Ornella Damiano, Rialto 15.iv.2005.
|
Ms.: B 120r. |
[OD] |