Vidas del ms. B

Guillem Figieira

1 Guillems Figieira si fo de Tolosa, fills d’un sartor, et el el fo sartres. 2 E qan li Frances agron Tolosa, el s’en venc en Lombardia. 3 E saup ben trobar e cantar; e fetz se ioglars entre·ls ciutadins. 4 Non fo hom qe·is saubes cabir entre·ls barons, ni entre la bona gen; mas mout se fetz grazir als arlotz et a las putans et als ostes et als taveniers. 5 E s’il vic venir bon homen de cort lai on el estava, el en era tristz e dolens, et ades se percassava de lui abaissar.

Vidas di B    Vidas