Legenda aurea
[32] Sanh Gordia
Sanh Gordia fonc vicari de Julia /58c/l’emperayre, que li avia comes son loc, ayssi que hun dia ac pres hun crestia. E [c]an1 s’esforsava que·l feses sacrificar a las ydolas, lo crestia, que avia a nom Januarii, prediquet tant fort lo nom de Dieu que coverti lo fes a Dieu, el e sa molher.
E quant l’emperayre ausi aysso, comandet que hom yssilhes de tota la terra Januarii e que hom descapites Gordia se no volia adorar las ydolas. E quant sas gens viro que non volia adorar las ydolas, ostero li lo cap. Et apres gitero lo sieu cors als cas el valat, et estet hi ·vij· dias. Empero lo sieu cors remas tot entier, ayssi que vengro sos amix et sebelhiro lo am sanh Epimac, loqual avia fach aussire l’emperayre.
Testo:
Monika Tausend, Die altokzitanische Version B der
«Legenda aurea» (Ms. Paris, Bibl. Nat., n. acq. fr. 6504), Tübingen, Niemeyer,
1995 (Beihefte zur Zeitschrift für romanische Philologie, 262),
p. 152. – Rialto
7.ix.2002.
[pdl]
