Legenda aurea
[90] Sanch Luc
Sanh Luc es dich quar lus per bona vida e doctrina en l’ovangeli. Sanh Luc fonc metges de Antiocha et hun dels1 ·lxxij· discipols, et segon alcus, converti ssi2 a la fe apres la assentio, e fonc virgis entieyramen, e fonc ples del Sanh Sperit, e fonc evangelista, et scrieus l’avangeli segon que Nostra Dona l’o ensenhet ni·ls apostols. E quar [comenset] son evangeli del fach del temple de Dieu, et es comparat a vedel entre los /140d/autres evangelistas, quar ansianamen sacrificava hom al temple e quar vedel va d’a pas e sanh Luc d’a pas si portet3 en la estoria de son evangeli, comensan de la nayssensa de Jesu Christ, e pueys de sa ignossensia, e pauc cada pauc tro a la passio e la4 resurrectio. E fonc companh de sanh Paul ad anar pel mon predican e pueys finalmen mori en Betania en pas, ples de Sanh Sperit.
Testo:
Monika Tausend, Die altokzitanische Version B der
«Legenda aurea» (Ms. Paris, Bibl. Nat., n. acq. fr. 6504), Tübingen, Niemeyer,
1995 (Beihefte zur Zeitschrift für romanische Philologie, 262),
p. 348. – Rialto
7.ix.2002.
[pdl]
