282.13(Branciforti)

Lantelm, qui·us onra ni·us acuoill
a pauc de scienza,
q’en vos no trob’om mais orgoill
ab desconoissenza;
e comtatz de Gui de Nantoill
en loc de Valenza
ez enpastatz coblas ab soill
de descovinenza.
Mas entre nos cern om be joill
de bona semenza,
per qe la meton ssai en moill,
qan es de durenza.
Mas fort faillon Breissan, part Oill,
de qe·m desagenza,
qar ill prendon vostre jangloill
per chan de Proenza,
per q’eu lor do
per cosseil bo
c’a ioglar nec
bavec
e pec
e cec
non donon tan de grec
car es grans faillenza.
E ges no taing
dir aur d’estaing
ni taing donar,
ni far
cuidar
ioglar
uei qe lo tegnon car,
car es [breu] tenenza.

II.

Lantelm, eu·s am, per q’eu no voill
qe foudatz vos venza,
q’anatz ab bonas gens en broill
si chans lor agenza;
qar del vostre chan fan vostr’oill
ploran penedenza,
e·l chans-plors fai lo plus vert foill
secar en parvenza,
e parlatz tan c’ab vostra groill
faitz fugir plasenza,
qar vos laisset Qes de Cardoill,
l’enoi per tenenza.
Mas, car del vostre dan mi doill,
vos lau q’estenenza
n’aiatz, estiers m’amor vos toill
e ma benvolenza,
qar en perdo
pren ioglars do
qe chan renec
e prec;
e·l dec
del bec
aia d’Artimalec
e·n si descrezenza.
De Carlemaing
o de Galvaing
no saps comtar,
siblar
sautar
danzar,
mas vos sabetz desfar
tota convinenza.

Testo

Edizione: Francesco Branciforti 1954; note: Sara Centili. – Rialto 15.iv.2003

Mss.

H 57r.

Edizioni critiche / Altre edizioni

Edizioni critiche: Giulio Bertoni, «Due note provenzali», Studi medievali, 3, 1908-1911, pp. 638-672, a p. 667; Francesco Branciforti, Il canzoniere di Lanfranco Cigala, Firenze 1954, (Biblioteca dell’Archivum romanicum: s. I vol. 37), p. 181.

Edizione diplomatica: Louis Gauchat - Heinrich Kehrli, «Il codice provenzale H», Studj di filologia romanza, 15, 1891, pp. 341 e segg., a p. 544 (diplomatica di H).

Altre edizioni: Ludwig Selbach, Das Streitgedicht in der altprovenzalische Lyrik und sein Verhältniss zu ähnlichen Dichtungen anderen Literaturen, Marburg 1886, p. 119.

Metrica e musica

Metrica: a8 b5’ a8 b5’ a8 b5’ a8 b5’ a8 b5’ a8 b5’ a8 b5’ a8 b5’ c4 c4 d4 d2 d2 d2 d6 b5’ e4 e4 f4 f2 f2 f2 f6 b5’ (Frank 233:2), due coblas unissonans; lo stesso schema metrico hanno la risposta di Lantelm (BdT 283.1, composta di due coblas e una tornada) e la pastorella di Joios de Toloza BdT 270.1 (composta di tre coblas).

Informazioni generali

Sirventese satirico di attacco personale a Lantelm (BdT 283), sulla sua incapacità ed ignoranza come giullare; Lantelm gli risponde per le rime con BdT 283.1 – Il testo tradito dal testimone unico H richiede un certo numero di emendamenti, non sempre soltanto per errori di copia; il più importante è probabilmente la correzione su ipermetria del v. 32 (ms. qes tenenza).

[]