I.

1. L’autrier, a l’issuda d’abriu,
2. en uns pasturaus lonc un riu,
3. et ab lo comens d’un chantiu
4. que fant l’auzeill per alegrar,
5. auzi la votz d’un pastoriu
6. ab una mancipa chantar.

II.

7. Trobiei la sotz un fau ombriu:
8. .  .  .  .  .  .  .  .  .  .  .  .  .  .  .  .
9. «Bella, fich m’ieu, pois jois reviu,
10. ben nos devem apareillar».
11. «Non devem, don, que d’als pensiu
12. ai mon coratge e mon affar».

III.

13. «Digatz, bella, del pens cum vai
14. on vostre coratges estai?»
15. «A ma fe, don, ieu vos dirai:
16. s’aisi es vers cum aug comtar,
17. pretz e jovens e jois dechai
18. c’om en autre no·is pot fiar.

(Missing)

IV.

19. D’autra manieira cogossos
20. hi a rics homes e baros
21. que las enserron dinz maios
22. q’estrains non i posca intrar,
23. e tenon guirbautz als tizos
24. cui las comandon a gardar.

V.

25. E segon que ditz Salamos,
26. non podon cill peiors lairos
27. acuillir d’aqels compaignos
28. qui fant lo noirim cogular,
29. et aplanon los guirbaudos
30. e cuion lor fills piadar».