293.4.B(Gaunt-Harvey-Paterson)

Al prim comens de l’invernaill
qand ploven del bosc li glandutz,
vuoill c’om s’engaill
de proeza – que non tressaill –
e que n’estia amanoïtz
aissi cum s’era·l temps erbutz,

ladoncs que avols hom se plaing
qand ve·l temps frei e las palutz
contra·l regaing,
qe·is avila e met en bargaing,
q’en estiu, que non es vestitz,
pot anar d’una peilla nutz.

Aqist fant semblan atahi
al ser qan son plen e pagut [R]
apres lo vin,
e no lor ne sove·l maitin:
anz jura·l senros acropitz
c’anc tant loncs temps non fo vehutz.

Joves homes de bel semblan
vei per malvestat deceubutz,
que van gaban:
‘de so mil essais encogan
farem qan lo temps er floritz’.
Mas lai reman lo gabs e·l brutz.

Cill ant l’usatge del gosso
que ditz qand sera a la lutz
fara maio,
puois qand es lai qui l’en somo
non er escoutatz ni auzitz
ni per lui non fo dolatz fustz. [R]

Moillerat, li meillor del mon
foratz, mas chascus vos faitz drutz,
que vos confon,
e son acaminat li con,
per q’es jovens a fro[n] bauditz
e vos en apell’om cornutz.

Lo pretz del dan e del barat, (43)
de cal qe part sia vengutz, (44)
ant moillerat (45)
et ieu ai lo lor autreiat: (46)
e jois es entr’els esbauditz (47)
e donars alqes mantengutz. (48)

A tort o a dreig vant desus (49)
e jovens se clama vencutz: (50)
lo mais e·l plus (51)
apenas troba qui·l gratus. (52)
Capel s’a levat d’avols critz (53)
un per un[s] bons que n’a agutz. (54)

Poissas non es poestatz pros (55)
qan non sap garir dels sanglutz (56)
ni d’una tos, (57)
cum fai c’ainz regardara nos? (58)
Don a ssi Marcabrus o ditz, (59)
desama[n]t li gran los menutz. (60)

En Castella e vas Portegau (61)
on anc non fo trames salutz – (62)
e Dieus los sau – (63)
e vas Barcelona atretau, (64)
puois lo Peitavis m’es faillitz, (65)
serai mai cum Artus perdutz. (66)

Text

Gaunt, Harvey and Paterson 2000 (IVb). – Rialto 14.xii.2004.

Mss.

This version is based on Ms. A (33r).

Critical Editions / Other Editions

Critical editions: Jean-Marie-Lucien Dejeanne, Poésies complètes du troubadour Marcabru, Toulouse 1909, p. 13; Simon Gaunt, Ruth Harvey, «Tetxt and Context in a Poem by Marcabru: Al prim comens de l'invernaill», in The Troubadours and the Epic. Essays in Memory of W. Mary Hackett, Warwick 1987, pp. 59-101, p. 59; Lucia Lazzerini, «Un caso esemplare: Marcabru, IV, Al prim comens de l'ivernaill», Medioevo romanzo 17, 1992, pp. 7-42, p. 7; Simon Gaunt, Ruth Harvey and Linda Paterson, Marcabru: A Critical Edition, Cambridge, D. S. Brewer, 2000, p. 82.

Metrics and music

Versification: see version A.

General info

Notes: see version A. – The corresponding line numbers in version A are given in brackets to the right.

[]