Rialto
Repertorio informatizzato dell’antica letteratura trobadorica e occitana

Modello

  1. De bona domna voill
  2. c’aia un petit d’orguoill:
  3. no per desmesuranza,
  4. mas per bella senblanza,
  5. e per far espaven
  6. a la malvaza gen;
  7. diz e faiz amoros
  8. ab semblan orguollos
  9. fan ameraviglar
  10. qui·ls pot ensens trobar.

Garin lo Brun, El termini d’estiu

Contraffattura

  1. [De] bona domna voill
  2. q’aia crebat un oill;
  3. e s’el’es bel’e pros,
  4. aia crebat ambtos.
  5. E qand va a cacar
  6. s’i men un bacalar
  7. qe port un veit de mul
  8. ab qe·s forbisca·l cul.

BdT 461.57

[]
chevron-down-circle