I.

1. En abriu    s’eslairo·il riu    contra·l Pascor
2. e nais lo fueill[s]    per los brueils    e vei la flor:
3. ai ieu conort    e·m deport    veramen de bon’ amor.

II.

4. Qui a drut    reconegut    d’una color,
5. blanc lo tenha    puois lo denha s   es brunor,
6. c’amor vaire    al mieu veiaire    fai semblan de traïdor.

III.

7. Denan    vos fara semblan    bon e meillor.
8. Per servir gen    a talen    mal e peior.
9. Vers es: per ben fag    cap frag    en motz luex e per honor.

IV.

10. Dieus maldigua    amor pigua    e sa valor;
11. per tot leca    mala deca    bevedor:
12. e qui mais beu    que non deu    lo vis li tol sa vigor.

V.

13. Si m’amia    non crezia    enguanado[r],
14. lauzengier    ni mal parlier    encuzador,
15. sieus seria,    si·s volia,    ses bauzia e ses error.

VI.

16. Qui la te    tal com l’ave    enquer’ aillor:
17. si faill lai    e no·n pren sai    ni·n a auctor;
18. c’a bon dreg    l’a Dieus eleg    a folia muzador.

VII.

19. Puois q’ieu vei    qu’ela non crei    castiador, (16)
20. mas al malvatz    en da patz    quar l’a groisor: (17)
21. a la den(s)    mena soven    la lengua lai on ha dolor. (18)

VIII.

22. Aquist con    son deziron    e raubador:
23. cascuns gartz    hi clama partz    et el e lor;
24. qui·ll mesfai    lo sordeis    vai com de la sola.l pastor.

IX.

25. Cant a·l mei    ne venon trei    al passador (19)
26. no·n sai mot    tro·l quart la fot    e·l quins lai cor: (20)
27. enaissi    torn’ en decli    amor e chai en error. (21)

X.

28. A dur auzel    tol la pel    aquel qu’escorgua·l voutor. (25)