323.18(Fratta)

Gent es, mentr’om n’a lezer,
s’enans de son mielhs a faire,
que, quan s’aizin’a·l cuidaire,
tal hor’es larcs de voler:
e qui enans es avertitz
que l’aguaitz li sia yssitz,
non es ges del tot muzaire.

II.

Contr’aiso deu aparer
en cuy sens es albergaire,
que sciensa no pretz guaire
s’als ops no la vey valer:
doncs ar er de mi sentitz
lo sabers don suy tequitz
s’er fis o mesclatz de vayre.

III.

Qu’el segl’ai fag mon plazer,
tan qu’en suy de trop peccaire,
et ar agrada·m n’estraire
pus Dieus pro·m n’a dat lezer:
qu’esser pot hom descauzitz
e non l’es ops n’an delitz
per oltracujat vejaire,

IV.

Pos Dieus so·m laissa vezer
en que puesc esser miraire
de mo mielhs e sordey raire:
hon om plus a de saber
hon maier sens l’es quezitz,
et aquelh par plus falhitz
qu’a sos ops n’es enguanaire.

Ma si Dieus en saubes ver,
be sai for’ancar confraire
de ioven et enquistaire:
sil ric, cuy degra chazer
en grat, fan vis esbauditz,
mas si·l fals segl’es mestitz,
que·l fait son pauc contra·l brayre.

VI.

E mentr’usquecx pot querer
lui qu’es vers reis e salvaire,
totz es endreg si bauzaire
pus o met e nonchaler,
que mager gratz n’es cobitz
qui fer ses colp que feritz:
d’aitan suy ben esperaire.

VII.

So fera pus a temer,
per que suy meravelhaire
que hom non es reguardaire
tro qu’es tan prosmatz al ser
que·l iornals l’es escurzitz:
e ss’adoncx no·l ven complitz,
non cug que ia pueys s’esclaire.

VIII.

Amors, be·m degra doler
si degus autr’enginhaire,
mas lo dreituriers iutiayre,
de vos me pogues mover,
que per vos er’enriquitz,
essaussatz et enantitz
e pel senhor de Belhcaire.

IX.

Mas so non pot remaner,
cortez’amors de bon aire,
don mi lais esser amaire,
tan m’agrad’er a tener
lai on vol sanhs esperitz;
hueymais el mezeys m’es guitz:
no·us pes s’ab vos non repaire.

Qu’ieu sai tan ric governaire
que·m denhes en guit aver,
Peire d’Alvernhe so ditz,
no m’en for’enquer partitz
ni per autr’amor camiaire.

Testo

Edizione: Aniello Fratta 1996, con modifiche; note: Aniello Fratta. – Rialto 20.vi.2003.

Mss.

C 181v, E 48r, R 6r, T 151r, V 79v, a 126.

Edizioni critiche / Altre edizioni

Edizioni critiche: Carl Appel, Provenzalische Inedita aus pariser Handschriften, Leipzig 1890, p. 201 (tiene conto solo di C); Rudolf Zenker, Die Lieder Peires von Auvergne, Erlangen 1900, p. 121; Peire d’Alvernha, Liriche, a cura di Alberto Del Monte, Torino 1955, p. 98; Peire d’Alvernhe, Poesie, a cura di Aniello Fratta, Manziana 1996 (Filologia, 1), p. 122.

Nota filologica

Ed. 1996: 46 que es (lezione di C), 65 que’m (refuso): per entrambe le modifiche ci siamo avvalsi di segnalazioni contenute in Aurelio Roncaglia, «In margine a un’edizione di Peire d’Alvernhe», Cultura neolatina, 58, 1998, pp. 347-356, a p. 354.

Metrica e musica

Metrica: a7 b7’ b7’ a7 c7 c7 b7’ (Frank 557:2). Nove coblas unissonans di sette versi e una tornada di cinque.

Informazioni generali

Canzone dell’opzione religiosa che scandisce il momento dell’abbandono dell’amor cortese in favore dell’amor Dei; da porre, perciò, in relazione con Al dessebrar del pays, di cui sembra confermare il carattere allegorico.

[]