401.6(Radaelli)

Joan Miralhas, si Dieu vos gart de dol,
cal re·s plai mai d’aquesta partizo:
que siatz totz redons del cap tro·l sol,
o totz fendutz del pe tro al mento
e que portes sobre·l nas la culveta?
Diatz m’en ver ades, ses falhizo,
si non en vos dirai c’a’ital falveta
que non devetz far cobla ni tenso.

II.

Ramon Gauselm, ja negus, ab mo vol,
no vuelh semblar, ni n’ai <en be> razo!
Mas <l’un> penrai, per la festa c’om col!
Mais am esser trop fendutz que no pro,
c’al mens aurai pider qu’e<s>pas<·s> ses meta,
si tot m’estai lo braguier sul guinho,
et a vos lais que sembles feisseneta
e cavalgues en travers, si·eus sap bo.

III.

Joan, pueis poiretz al son del flautol
balar! Mas pietz avetz pres, per razo,
que non fai sel que·s calfa al cruol
e laissa·l foc bel clar al foguairo,
car s’aitals es, mais vielha ni tozeta
non cre·us vuelha, e pus aital faisso
voletz aver, Dieus prec que la·us trameta
e garde·n mi que deziros no·n so.

IV.

Pus tant vos platz la faisson del mojol,
Ramon Gaucelm, ve·us un deport trop bo:
vos rodolas, et ieu irai per sol
et a l’ussol farai ne bodoisso.
E si tant es que Na Cors Car trameta
que non anes ad ela de rando,
no·i vei cosselh mas qu’en una carreta
·us en travers es. E no·us cal espero!

Joan, trop pus pec me semblatz que’n auchol,
per qu’ieu non pres vostre dig un boto:
car, si midons mi demanda ni·m vol,
far m’ai, si soi redons tro al talo,
portar a leis en cuberta carreta.
Vos seretz tal, qu’en cavalh sim l’arso
non i parres, e si·l vostre cul peta
de la bocca, esper <no> beure pro.

VI.

Adzempratz es que portes un filhol
a la gleiza; Ramon, diatz me co
lai anaretz, si doncx en carriol
no·us faitz tirar, a tal carriato!
Mai ieu venrai de bel’ambladureta
en palafre, e si trop fendut so,
el mieu mieg loc metrai una barreta
e breujarai mos estreups de faisso.

VII.

Joan, obs aura sia fortz la barreta
que, si·<s> trenca, tal daretz del mento,
que creissera·n vostra fendedureta
e vos fendratz tost per pauc d’ochaizo.

VIII.

Ramon, si vos cazetz de la carreta,
obs i auran tug vostre companho
ans que·us levetz, e la vostra panseta
esclatara, si avetz manjat pro.

Testo

Edizione: Anna Radaelli 1997; note: Stefania Romualdi. – Rialto 10.xii.2005.

Mss.

R 73r.

Edizioni critiche / Altre edizioni

Edizioni critiche: Gabriel Azaïs, Les troubadours de Béziers, Béziers 1869, IX, p. 37; Anna Radaelli, Raimon Gaucelm de Béziers. Poesie, Firenze 1997, p. 214.

Altre edizioni: François Just-Marie Raynouard, Choix de poésies originales des troubadours, 6 voll., Paris 1816-1821, vol. V, p. 374 (solo la I cobla); Pierre Bec, Burlesque et obscénité chez les troubadours. Pour une approche du contre-text médiéval, Paris 1984, 17, p. 93 (testo Azaïs, con modifiche).

Metrica e musica

Metrica: a10 b10 a10 b10 c10’ b10 c10’ b10 (Frank: 353:7). Sei coblas unissonans di otto versi e due tornadas di quattro versi.

Informazioni generali

Partimen in cui i due interlocutori, Raimon Gaucelm e Joan Miralhas, si confrontano su un argomento da repertorio giullaresco: è meglio essere rotondi dalla testa ai piedi o avere una fessura dai piedi fino al mento? Si tratta di un testo comico, burlesco, a tratti osceno, completamente differente, quanto a tono e a soggetto, dal resto della produzione poetica di Raimon Gaucelm incentrata sulla tematica religiosa e politico-morale. Non a caso il testo è un unicum di R, che lo definisce tenso, e non è tradito dal manoscritto C, che copia, invece, tutti gli altri componimenti del trovatore. Quanto a Joan Miralhas, nulla si sa di questo autore di cui possediamo quest’unica testimonianza (BdT 205.1).

[]