1 Arnautz Daniels si fo d’aquella encontrada don fo Arnautz de Maroill, de l’evescat de Peiregos, d’un chastel que a nom Ribairac, et fo gentils hom. 2 Et amparet ben letras e deleitet se en trobar et en caras rimas, per que las soas chanssons non son leus ad entendre ni ad aprendre. 3 Et amet una auta dompna de Gascoigna, moiller d’En Guillem de Buonvila, mas non fo crezut qez anc la dompna li fezes plazer en dreich d’amor. Per que el ditz: «Eu sui Arnautz q’amas l’aura e caz la lebre ab lo boue nadi contra suberna».