I.

1. Quant la plueja e·l vens e·l tempiers
2. e·l freigz e l’iverns es remas
3. m’es bella la flors els vergiers,
4. e·l soleils lutz e·il erba nais
5. per la rosada que s’espan,
6. don s’esbaudejon li auzel
7. lo matin egal del alborn.

II.

8. Anc mos cors ni mos cossiriers
9. d’amor non fo vencutz ni las,
10. que d’als non es mos cors entiers
11. ni autre tresaur non amas
12. ni autra ricor non deman:
13. que qi·s haia tor ni castel
14. eu·m ai mon bel palais el forn.

III.

15. Tan voil, domna, q’us jorns primiers
16. esplei que nostr’amors non cas
17. per gelos ni per lauzengiers,
18. cui mals focs las lengas abras.
19. Tals met bon aize en soan
20. d’amor conqiza de novel,
21. q’aicel li fin abanz qe·l jorn.

IV.

22. Molt estaria volontiers
23. lonc lo seu cors dolgat e gras
24. don duraria l’anz entiers;
25. si m’en tornav’en eus lo pas
26. ni si non manjava de l’an
27. de nulla vianda morsel
28. non duraria l’anz un jorn.

V.

29. De tot autr’aver sui leugiers
30. .  .  .  .  .  .  .  .  .  .  .  .  . mas
31. de lei sui acoill parzoniers
32. perdas tu Dieu qe si lai m’o diras
33. ges per zo non ai en talan
34. si tot mon coratge masel
35. dels mals no·m puesc partir un dorn.

VI.

36. Bella, si me membre·us .  .  .
37. .  .  .  .  .  .  .  .  .  .  .  .  .  .  .
38. .  .  .  .  .  .  .  .  .  .  .  .  .  .  .
39. .  .  .  .  .  .  .  .  .  .  .  .  .  .  .
40. .  .  .  .  .  .  .  .  .  .  .  .  .  .  .
41. .  .  .  .  .  .  .  .  .  .  .  .  .  .  .
42. .  .  .  .  .  .  .  .  .  .  .  .  .  .  .

VII.

43. Tals se fa coindes e parliers
44. e·m cuj’aver de s’amor ras,
45. cui morrai tals destorbiers
46. que el ferra entra del nas
47. et eu remanrai antrenan
48. en l’amor, don no·m deschabdel,
49. e lais lo fol irat e morn.

VIII.

50. Era mi vai, francs messatgiers,
51. .  .  .  .  .  .  .  .  .  .  .  .  .  .  .
52. q’ieu no·il serai ja mensongiers
53.  – qant piegz seria qe Judas –
54. qe en dormen e en veillan
55. mi desvesti dal som mantel
56. m’es vis qe mos cors s’i sejorn.