236.7(Negri) - Rialto

Qui sap, sofrent, esperar
son bon seignor, molt greu es
c’un tems no·ill en veigna bes,
s’el li sap, sirven, mostrar
son affar,
car servirs tot ben atrai:
per q’eu mon leial cor ai
et aurai
toz-tems en amor servir
e ja no m’en voill partir.

II.

E si eu tot m’o volgues far,
eu no m’en poiria ges
partir, enaissi m’a pres
ses joi qe no·m vol donar;
mas clamar
no m’en dei ni non farai;
qe farai donc? atendrai
e veirai
s’amors me volra garir
del mal dont sovent sospir.

III.

E pois d’aitan conortar
mon cor, qe greu er cortes
tenguz cel ni ben apres
cui amors non fai amar;
per qe·m par
q’es fols cel qui s’en estrai,
q’eissamen sap donar jai
cum esmai
amors, mas mi fai languir,
car sap q’eu la sai blandir.

IV.

Car vos, on son mei pessar,
donna, ses cui no·m plaz res,
m’avez en tal prison mes
qe·m fai soven sospirar,
per o qar
mi son douz li mal que·m fai
per vos amors e·ill esglai,
car eu sai
q’aissi con hom vol jauzir
los bes, deu los mals sofrir.

Per q’eu no·m voill ja loignar
de vos, dompna, car conqes
avez tot cho q’om pogues
de ben dire ni pessar:
gen parlar,
cortesia, pretz verai,
don lauzors fina·s retrai,
solaz gai,
gen rire, gent acoillir,
beutat, la gensor qe·s mir.

VI.

E pos tuit li ben estar
son en vos, ben es ma fes
qe·i degues esser merces,
que·m fezes mon mal amar
adouzar;
qe, ja tant qant eu viurai,
mon cor de vos no·m partrai,
qe de lai
dont hom se cuida enrichir
part hom molt greu son desir.

VII.

Per q’eu, dompna, enrequirai
per vos o per vos morrai,
car ben sai
que d’als no·m puosc enriquir:
gardaz cum m’en dei partir!

Testo

Edizione: Antonella Negri 2006; note: Antonella Negri, Stefania Romualdi. – Rialto 27.i.2007 (rev. 28.i.08).

Mss.

Da 187v, G 111v, I 132v, K 118r, L 38r, N 246v.

Edizioni critiche / Altre edizioni

Edizioni diplomatiche: Giulio Bertoni, Il canzoniere provenzale della Biblioteca Ambrosiana R. 71. sup., Dresden 1912, p. 359; Mario Pelaez, «Il canzoniere provenzale L (cod. Vaticano 3206)», Studi romanzi, XVI, 1921, pp. 5-206, a p. 67; Francesco Carapezza, Il canzoniere occitano G (Ambrosiano R 71 sup.), Napoli 2004, p. 522.

Edizioni critiche: Ferruccio Blasi, Le poesie di Guilhem de la Tor, Genève - Firenze 1934, V, p. 17 (mancano KN); Antonella Negri, Le liriche del trovatore Guilhem de la Tor, Soveria Mannelli 2006, p. 153.

Altra edizione: Carl August Friedrich Mahn, Die Werke der Troubadours in provenzalischer Sprache, 4 voll., Berlin 1886, vol. III, p. 249.

Metrica e musica

Metrica: a7 b7 b7 a7 a3 c7 c7 c3 d7 d7 (Frank 500:1). Sei coblas unissonans di dieci versi e una tornada di cinque versi.

Informazioni generali

Canzone di argomento cortese incentrata sul motivo del servizio d’amore, che continua a mostrare una sua persistenza nell’àmbito tematico delle liriche di Guillem de la Tor (cfr. BdT 236.2, 236.4, 236.6). All’interno di tale problematica non viene mai a mancare la costante e motivata richiesta di reciprocità che il poeta desidera in ogni occasione puntualizzare e che rivendica come condizione imprescindibile per un servizio amoroso che sia giusto. Altro tema di risalto della lirica, e che fa parte della più affermata tradizione trobadorica, è quello del potere di vita e di morte che la donna può avere sull’uomo e che può provocare un’ingiusta sofferenza all’amante.

[]