236.9(Negri) - Rialto

Si mos fis cors fos de fer,
si degr’el a l’afan fer
esser partiz, q’el sufer:
q’amors lo bat tant e·l fer
qu’inz l’infer
li fora meilz, com retrai,
q’el fos q’en l’afan q’el trai,
qe m’atrai,
dompna, per vos desconort,
cui am, dont non ai conort.

II.

Pero, si·m dei conortar,
q’eu sai q’en desconortar
non pot hom ren conquistar;
per q’om deu ben soffertar
e portar
en patz tot son desplazer
entro qe vegn’al plazer:
que vezer
non deu hom far sa dolor
en loc on no·ill a valor.

III.

Car cel se fai honramen
qui semblan de jauzimen
fai e ten cubertamen
en son cor son marrimen:
q’aissamen
com li poc mals avenir
li poiria bes venir,
que fenir
poiria toz los mals traiz
q’el a per toz-tems maltraitz.

IV.

Per q’eu, suffren esperan
aten e si vau garan
s’amors e merces trairan
ves mi·l joi, don desiran
mi faran
languir, si no·m ven conforz
per lor; e mos desconforz
er trop forz
s’ap vos no·m val pietaz,
domna, on es fina beutaz.

Con plus me di «vira te»,
mos cors, vostr’amors, qi·m te,
adonc plus fort, me rete.
Ha dompna, cui jois mante
e capte,
non gardaz vostra rictat,
mas gardez humilitat
e bontat:
qe ricors cre qe desval,
ses merce, plus qe non val.

VI.

Caps de prez, flors de beutat,
aiatz de mi pietat,
q’en vertat
vos dic que vita·m desval
si merces ab vos no·m val.

Testo

Edizione: Antonella Negri 2006; note: Antonella Negri, Stefania Romualdi. – Rialto 27.i.2007 (rev. 28.i.08).

Mss.

Da 187r, Dc 259r, (la seconda strofa), F 41r, G 110r, I 132r, K 118r, N 247r.

Edizioni critiche / Altre edizioni

Edizioni diplomatiche: Edmund Stengel, Die provenzalische Blumenlese der Chigiana, Marburg 1878, p. 43; Giulio Bertoni, Il canzoniere provenzale della Biblioteca Ambrosiana R. 71. sup., Dresden 1912, p. 355; Francesco Carapezza, Il canzoniere occitano G (Ambrosiano R 71 sup.), Napoli 2004, p. 519.

Edizioni critiche: Adolf Kolsen, Dichtungen der Trobadors, 3 voll., Halle 1916-1919, vol. I, p. 35 (mancano KN); Ferruccio Blasi, Le poesie di Guilhem de la Tor, Genève - Firenze 1934, IV, p. 13 (mancano KN); Antonella Negri, Le liriche del trovatore Guilhem de la Tor, Soveria Mannelli 2006, p. 145.

Metrica e musica

Metrica: a7 a7 a7 a7 a3 b7 b7 b3 c7 c7 (Frank 21:1). Cinque coblas singulars di dieci versi e una tornada di 5 versi.

Informazioni generali

Canzone contraddistinta da una forte adesione alle convenzioni trobadoriche espresse nell’immagine perifrastica del cuore e nei motivi tradizionali del cuore puro, del cuore di ferro, dell’afan e del soffertar en patz. Guillem, dopo aver almeno in apparenza introiettato i dettami dell’amor cortese, sembra attenuarne l’accettazione quando ricorda alla propria donna che in una dama la nobiltà non è una condizione di per sé sufficiente a garantire un profilo umano di eccellenza, se in lei vengono a mancare bontà e pietà verso l’amante.

[]