248.61(Longobardi)

Lo XXus [= 19] vers d’en Gr. Riquier, l’an MCCLXXXVI en febrier. (19)

Ops m’agra que mos volers
s’acordes ab m’entendensa,
ab sen ez ab conoyssensa,
per que·s complis mos espers;
mas no·l puesc apoderar,
ans me fa forssat passar
soven otra mon dever,
ab pezar o ab plazer.

II.

E say que per los plazers
va mos cors a dechazensa,
dels pezars port malvolensa
e·l tot esme non devers;
e per lo voler blasmar,
no·m puesc ab Dieu escuzar,
quar razos ab bon saber
deu en tot penre poder.

III.

Mas non es tals mos poders,
que soven volers no·l vensa
per esper de penedensa,
ez aquo non es sabers,
quar mans ne fa trabucar
mortz, en aquelh esperar,
que non an plenier lezer,
ez aquo devem temer.

IV.

En Dieu sia mos temers
e ma fes e ma crezensa,
e don me tal paciensa,
que patz sia mos lezers,
e·l puesca ferms adorar
e lauzan glorificar,
ses d’esperansa cazer,
ab fin que·m denh retener.

Quar sos honratz reteners
es de totz plazers creyssensa
e vida ses defalhensa,
don temor no fa cazers,
e gaugz ses als dezirar.
Doncx elh, que sols o pot far,
nos don en luy tal esper,
que als no puscam voler.

VI.

Ses tu, vers Dieus, aizinar
no·ns podem de lunh ben far,
donc fai nos via tener,
que vivam al tieu plazer.

VII.

Maires de Crist, ton filh car
prega per nos, que·ns ampar
e que·ns garde de cazer
a la fin en desesper.

Testo

Edizione: Monica Longobardi 1982-83, con modifiche; note: Monica Longobardi. – Rialto 16.xii.2002.

Mss.

C 303r, R 108v.

Edizioni critiche / Altre edizioni

Edizione critica: Monica Longobardi, «I vers del trovatore Guiraut Riquier», Studi mediolatini e volgari, 29, 1982-83, pp. 17-163, a p. 123.

Altre edizioni: S. L. H. Pfaff, «Guiraut Riquier», in Carl August Friedrich Mahn, Die Werke der Troubadours in provenzalischer Sprache, 4 voll., Berlin 1853-76, vol IV (1853), p. 66 (XLIV); Francisco J. Oroz Arizcuren, La lírica religiosa en la literatura provenzal antigua, Pamplona, 1972, p. 262.

Nota filologica

Ed. 1982-83: 27 pacïensa.

Metrica e musica

Metrica: a7 b7’ b7’ a7 c7 c7 d7 d7 (Frank 577:280). Cinque coblas unissonans, capfinidas e etrogradadas, di otto settenari e due tornadas. Avvicendamento regolare dei rimanti, con ricambio di due su quattro ogni cobla, finché l’ultima coppia prefigura di nuovo la prima: I: volers, espers, dever, plazer; II: plazers, devers, saber, poder; III: poders, sabers, lezer, temer; IV: temers, lezers, cazer, retener; V: reteners, cazers, esper, voler. Cfr. Monica Longobardi, «Osservazioni metrico-retoriche sui vers di Guiraut Riquier», Studi mediolatini e volgari, 31, 1985, pp. 247-257, scheda a p. 256.

Melodia (R): Gennrich, n. 224; Higini Anglès, «Les melodies del trobador Guiraut Riquier», Estudis universitaris catalans, 11, 1926, pp. 1-79, a p. 77; Fernández de la Cuesta, p. 665.

[]