293.19(Gaunt-Harvey-Paterson)

Doas cuidas a·i, compaigner,
qe·m donon joi e destorbier:
per la bona cuia m’esgau,
e per l’avol sui aburzitz.
D’aital cuiar,
douz et amar,
es totz lo segles repleniz,
si q’ieu fora ab los esmaïz
si tant non saubes ben e mau.

II.

En dos cuiars ai consirier
a triar lo fraich del entier:
be·l teing per devin naturau
qi de cuit conoisser es guiz.
De folleiar
no·m sai gardar,
que s’ieu cuich esser de bon fiz
e·l fols m’enbruig, long los auziz:
e·m tornaran d’amon d’avau.

III.

La vostra cuia, soudadier,
fan elusclar los baus Gaifier,
q’enaissi balansen engau
la cuia e·l prometres failliz.
Nostre cuiar
fai desviar
lo mon don issic lo soriz,
c’aissi vei los rics sordeziz
c’un pro contradonar non au.

IV.

Oi fo natz e bateiaz ier
cel qi·m cuiet far encombrier:
als vezis man que jes no·l lau
can cuia contrafar formiz.
Que per cuiar
cuich esser bar:
la cuia es longa e·l faiz blasiz,
car de sol la cuia es fols criz:
leu notz a presen et a frau.

Cuiador d’amor volatgier
son de sol la cuida mainier,
q’en mil no·n trob una corau
d’aquestas amors cuiairiz.
Pero cuia[r]
non dei blasmar
del tot, que jovens fora auniz:
si cuiars d’amor fos obliz,
jois fora tornaz en canau.

VI.

Moillerat cuidan volentier
e, segentre·l vin e·l sabrier,
mouta fola cuida e·s gau,
per qe·l segles deven mestiz.
Tals vol cuidar
c’a bona par
non enten qe Marcabrus diz,
que femnas et efanz petiz
an una decha comunau.

VII.

Dompnas follas de fol mestier
son per cuit, e fol cavallier
paubre, orgoillos, de cuida brau.
A! co·lz a Dieus encaitiviz!
C’anc per cuidar
non vim granar
la cima plus que la rasiz,
q’en bona cuida es hom periz
si meiller obra no·i abau.

VIII.

Cuidan s’en van lo tort sentier,
sioulan tavan per esparvier,
e laissan la dreita carrau
per lo conseill dels gara-niz,
qui fant cuidar
al ric avar
so don jovens es meschausiz,
e jois, es entre·ls francs-faillitz,
tornatz de Basan en Bertau.

Text

Edition: Simon Gaunt, Ruth Harvey and Linda Paterson 2000; notes: Simon Gaunt. – Rialto 14.xii.2004.

Mss.

A (29v) Marcabruns, I (118r) Marcabrus, K (104r) Marcabrus, d (304r) Marcabrus.

Critical Editions / Other Editions

Critical editions: Jean-Marie-Lucien Dejeanne, Poésies complètes du troubadour Marcabru, Toulouse 1909, p. 89; Peter. T. Ricketts, «Doas cuidas ai, compaignier de Marcabru: édition critique, traduction et commentaire», in Mélanges offerts à Charles Camproux, Montpellier 1978, pp. 179-194, on p. 179; Simon Gaunt, Ruth Harvey and Linda Paterson, Marcabru: A Critical Edition, Cambridge, D. S. Brewer, 2000, p. 266.

Philological note

Base of the text: K. A diverges from IK on a number of details; it also has a number of errors and is lacunary. Only in line 64 does A seem to preserve a correct reading when IK are in error, though IK are also in error in lines 28, 29 and 31, where A is missing. The Mss. are nonetheless relatively uniform and some lines suggest a faulty archetype. Since I has a number of minor scribal errors, K is the obvious base Ms.

Metrics and music

Versification: a8 a8 b8 c8 d4 d4 c8 c8 b8 (Frank 204:1 unicum); eight coblas unissonans. As Frank points out (see his 202b), another way of representing the rhyme scheme would be a8 a8 b8 c8 d8 c8 c8 b8, in which case the fifth line would be a rim estramp with an internal rhyme. In all but the second stanza, the poem seems to have cuiar as a refrain word in the fifth line (or at the internal rhyme of the fifth line, if the second scheme is adopted). There is an irregularity at the rhyme in line 51 in the Mss. Stanza order:

	I	II	III	IV	V	VI	VII	VIII
IK	1	2	3	4	5	6	7	8
A	1	2	3		4	5	6	7

General info

There is little sustained commentary on this poem, perhaps because of its obscurity and abstraction, though critics often allude to the notion of two ways of thinking, which derives from this poem.

[]