I.

1. Puois la fuoilla revirola
2. qe vei d’entre·ls cims chazer,
3. que·l vens deromp e degolla
4. que no·is pot plus sostener,
5. mais prez lo freit temporau
6. qe l’estiu plen de grondill,
7. don nais putia et enveia.

II.

8. L’auzeill e la rossignola (15)
9. tornont lor chant en iazer, (16)
10. si·s fa·l gais e·l auriola (17)
11. don l’inverns fai son plazer, (18)
12. e orgoils torn’en chanau (19)
13. per garssos plens de grondill (20)
14. q’en estiu contradenteia. (21)

III.

15. Serps ni graissans que·s amola (8)
16. no·m fai espaven ni mau, (9)
17. mosca ni tavans qe vola; (10)
18. escaravait ni bertau, (11)
19. aquest malvaz volatill (13)
20. no sen bruir ni oler: (12)
21. doncs francs iverns nos neteia. (14)

IV.

22. Jes N’Afilaz Bec-d’Aissola
23. non pert so nom al fogau,
24. anz porta pic e massola
25. don son gran li dompniau.
26. Cest tol sidons al jazer
27. la dolor del penchenill
28. pel femeniu don se breia.

V.

29. Cest trai del meills la briola
30. plen’al maiti et al ser,
31. e sobrefaire sai sola
32. car pot la coa mover;
33. cest fai la nuoich son jornal,
34. don engenra un bel fil,
35. per que sobreseignoreia.

VI.

36. Chaen levan tombaignolla (38)
37. vai lo segles – no m’en chau – (39)
38. aici cum la seguignolla (36)
39. poia amon e chai avau. (37)