323.10(Fratta)

Be m’es plazen
e cossezen,
qui s’ayzina de chantar
ab motz alqus
serratz e clus,
qu’om no·ls tem ja de vergonhar.

II.

D’aut chai em bas
qui per compas
no sap lo segle demenar,
e ben hi falh
qui tan trassalh
que non i puesc’a temps tornar.

III.

Ben es auras
totz crestias
qu’el mezeis si vol encombrar,
ni sobre·l cays
leva tal fays
que corren no·l puesca portar.

IV.

Qu’ieu sai e sen,
mon escien,
ieu vuelh vos en tot castiar:
per trops captens
val hom trop mens
e ten hom plus vil son afar.

Mai am un ort
serrat e fort,
on hom ren no·m puesca emblar,
que cent parras
sus en puegz plas,
qu’autre las tenha ez ieu las guar.

VI.

De tot can sueil
amar me tueil
e so q’ei amat desampar,
q’eu non am re,
autrui ni me,
e vueill me totz d’amor luinar.

VII.

Daus maintas pars
me for’afars
per perdre o per gazagnar:
fers e parvenz
es mos talenz
vas m’amiga cui tenc plus car.

VIII.

Qu’arreire temps
ai amat nemps
e vuelh m’en atrazach layssar:
non aura grat
qui m’a amat
ni en cor m’avia d’amar.

IX.

Qe·l reprochiers
es vertadiers
qe dels antics auzi comtar:
lo rics als rics
e l’om mendics,
qe d’eis semblan trob, a son par.

Qu’ieu ai un cor
et un demor,
et un talan et un pessar,
et un amic
vas cui m’abric
et a cuy me vuelh autreyar.

XI.

. . . . . . . .
. . . . . . . .
. . . . . . . . . . . . .
amors de loing
m’agra besoing
qe pogues tener e baillar.

XII.

Si mal m’en pren
per eys mon sen,
cug a ma vida follejar;
apres ma mort
no·m fass’om tort
d’aquo qu’ieu ai ad oblidar.

Testo

Edizione: Aniello Fratta 1996; note: Aniello Fratta. – Rialto 20.vi.2003.

Mss.

C 180r, a1 340, m 1v, z 2r.

Edizioni critiche / Altre edizioni

Edizioni critiche: Rudolf Zenker, Die Lieder Peires von Auvergne, Erlangen 1900, p. 119 (considera solo C); Giulio Bertoni, «Restitution d’une chanson de Peire d’Auvernhe ou de Raimbaut de Vaqueiras», Revue des langues romanes, 44, 1901, pp. 159-162 (considera C e a1); Peire d’Alvernha, Liriche, a cura di Alberto Del Monte, Torino 1955, p. 77; Antoine Tavera, «Le “congé” de Peire d’Auvergne: un problème d’édition», in Actes du Ve congrès international de langue et de littérature d’oc et d’études franco-provençales, Paris 1974, p. 445; Peire d’Alvernhe, Poesie, a cura di Aniello Fratta, Manziana 1996 (Filologia, 1), p. 40 (VII).

Altre edizioni: H. J. Chaytor, The Troubadours of Dante. Being Selection from the Work of the Provençal Poets quoted by Dante, Oxford 1902, p. 14 (testo di Zenker); Linda M. Paterson, Troubadours and Eloquence, Oxford 1975, p. 77 (testo di Del Monte); Leslie T. Topsfield, Troubadours and Love, Cambridge 1975, p. 175 (testo di Del Monte).

Metrica e musica

Metrica: a4 a4 b8 c4 c4 b8 (Frank 193:9). Undici coblas singulars di sei versi e una (forse lacunosa) di tre, con un rim unissonans (rima b): riproduce lo schema metrico di Aisso lau Dieu (BdT 293.16) di Marcabru.

Informazioni generali

L’ipotesi che il testo di questo componimento fosse il risultato di una fusione parziale di redazioni distinte semanticamente oltre che cronologicamente distanti è stata formulata per la prima volta e in dettaglio illustrata in Aniello Fratta, «Un probabile caso di adattamento redazionale diacronico: la canzone-sirventese Be m’es plazen (P.-C. 323.10) di Peire d’Alvernhe», Studi mediolatini e volgari, 39, 1993, pp. 33-56: accettando questa ipotesi, le dodici coblas (postulando che la penultima sia lacunosa) andrebbero così sezionate: le prime quattro costituirebbero un tronco comune, mentre, a partire dalla quinta, le dispari (V, VII, IX, XI) formerebbero la redazione primaria e le pari (VI, VIII, X, XII) quella secondaria.

[]