323.19(Fratta)

Lo fuelhs e·l flors, e·l frugz madurs
quan er sazos,
m’es ioys e gaugz m’adutz,
e·l retins per plas e per murs
dels auzelhos
e·l ros sols qu’el ram lutz,
qu’entendemens
mi ven e voluntatz
d’esser sabens
de mais en mielhs assatz.

II.

Quar ses gaug grans Sabers ni purs
ni Gienh ginhos
non er aut elegutz,
que eu·m cre en cent augurs
iauzens ioyos
e iauzens mantengutz
contra tals gens
cuy falh sciensa e patz,
e·n vi en cens
sobre·ls enamoratz.

III.

Qu’ab lo plus gent ioy vau segurs
qu’anc entre nos
sai fos aparegutz,
e no mi tenran dan digz durs
d’omes iros
ni lauzengiers lengutz,
que l’assenatz Sens
no·s camja ni·l beutatz,
don suy iauzens
de bon’amor amatz.

IV.

E sembla·m ben els ditz escurs
et en razos
de dir ses motz romputz,
de que cove que mot mellurs
tu cuy det sos
e motz far mentaugutz,
que·l mai manens
d’autruy part pert viatz
bos covinens
pus no·y ren del dos gratz.

Mas de mi non auia rancurs,
que cobeytos
sui sobre autres drutz
d’esquivar contra fals tafurs
e d’amoros
esser e ben volgutz,
quar si trop tens
mi fes fals’amistatz,
ia·m sent tenens
de fina afinatz.

VI.

E quals qu’an contr’amar periurs,
ieu serai bos
ves l’amor que·m condutz
e francs e ferms en mos aturs,
e·l sospeyssos
er en los sieus aiutz,
don sapiens
sui e mai melhuratz
d’autre sinc cens
d’amor enamoratz.

VII.

Que cum l’aurs resplan els azurs
contra·l be rros
[...] sobre·ls escutz,
mi det do, tro lai ont es Surs,
qu’ieu sobriers fos
als grans et als menutz
dels esciens
de trobar ses fenhs fatz,
don suy grazens
ad aquelh don m’es datz.

Testo

Edizione. Aniello Fratta 1996; note: Aniello Fratta. – Rialto 20.vi.2003.

Mss.

C 179v.

Edizioni critiche / Altre edizioni

Edizioni critiche: Carl Appel, Provenzalische Inedita aus pariser Handschriften, Leipzig 1890, p. 205; Rudolf Zenker, Die Lieder Peires von Auvergne, Erlangen 1900, p. 85; Peire d’Alvernha, Liriche, a cura di Alberto Del Monte, Torino 1955, p. 51; Peire d’Alvernhe, Poesie, a cura di Aniello Fratta, Manziana 1996 (Filologia, 1), p. 129.

Metrica e musica

Metrica: a8 b4 c6 a8 b4 c6 d4 e6 d4 e6 (Frank 775:1). Sette coblas unissonans di dieci versi.

Informazioni generali

Dallo spettacolo della natura che gli infonde gioia Peire vuole essere sempre più partecipe della sapienza divina (il grans Sabers ni purs); anzi dalla propensione di quest’ultima a un linguaggio polisenso o polisemico (probabile allusione all’allegorismo biblico), egli trae stimolo per un ulteriore affinamento del suo trobar, che la consapevolezza delle capacità tecniche di cui è stato dotato rende ancor più necessario e urgente.

[]