458.1(Ricketts)

Scometre·us vuoill, Reculaire;
pois vestirs no·us dura gaire,
de paubretat es confraire
als bons homes de Laun;
mas de fe no·m semblatz un,
que vos etz fols e jogaire
e de putans governaire.

II.

N’Uget, auzit ai retraire
qu’uns temps er, ço m’es vejaire,
que l’aursfres e·l gris e·l vaire
n’iran ab lo fum tot un;
per qu’ieu non ai mon estrun
en aver, don sui burlaire,
e chascus degr’aissi faire.

III.

Reculaire, fols seria
totz hom que d’aiso·us creiria;
vos cuidatz que be·us estia,
quand al joc vos despoillatz,
e, qan fai freich, tremolatz,
e cridatz: “Qi·m prestaria
son mantel, ie·l li rendria.”

IV.

N’Uget, ben sai, s’ieu moria,
c’atretan m’en portaria
co·l plus rics reis q’el mon sia;
per q’ieu sec mas volontatz,
e jogui ab los tres datz,
e pren ab los conz paria,
et ab bon vin, on q’ieu sia.

Reculaire, qi·us donava
cinc solz e pois en gitava
autres cinc por en la grava,
detz solz auria perdutz;
mentre c’aissi viuretz nutz
e cujatz, si be·us estava,
vos prezes qi·us encontrava?

VI.

N’Uget, ben paraula brava
m’avetz cum si re·us costava
mos jocs, e s’ieu amassava
tal aver don fos perdutz
l’esperitz ni deceubutz,
dirion que mal estav’a
·l bon homen de Calatrava.

VII.

Reculaire, eu sui drutz
de tal, si dire l’ausava,
q’es la genser c’om mentava.

VIII.

N’Uget, et eu vauc si nutz,
que laire, si m’encontrava,
no·m tolria si no·m dava.

Testo

Edizione: Peter Thomas Ricketts 2000; note: Francesco Carapezza, Oriana Scarpati. – Rialto 11.x.2004.

Mss.

A 180r, D 145r, I 158v, K 144v, L 3v.

Edizioni critiche / Altre edizioni

Edizioni critiche: Manuel Milá y Fontanals, De los trovadores en España, Barcelona 1861, p. 294; David J. Jones, La tenson provençale, Paris 1934, p. 89; Martín de Riquer, «El trovador Huguet de Mataplana», in Studia Hispanica in Honorem R. Lapesa, Madrid 1972, p. 455; Peter T. Ricketts (ed.), Contributions à l’étude de l’ancien occitan: textes lyriques et non-lyriques en vers, Birmingham 2000 (AIEO, 9), p. 58 (base A).

Metrica e musica

Metrica: a7’ a7’ a7’ b7 b7 a7’ a7’ (Frank 64:1). Sei coblas doblas di sette versi e due tornadas di tre versi.

Informazioni generali

Tenzone databile tra la fine del dodicesimo secolo e l’inizio del tredicesimo. – Il primo dei due interlocutori, Uguet, è stato identificato da Riquer, «El trovador», con Uc de Mataplana, membro di una delle più illustri famiglie della Catalogna, poeta e mecenate morto in seguito alle ferite riportate nella battaglia di Muret (1213). Nulla sappiamo su Reculaire, modesto giullare, come informa Jones, La tenson, p. 93.

[]