1 Peire Raimons de Tolosa lo Vieills si fo fills d’un borzes. 2 E fetz se ioglars e anet s’en en la cort del rei N’Amfos d’Aragon; e·l reis l’acuillic e·il fetz grand honor. 3 Et el era savis hom e sotils, e saup molt ben chantar e trobar; e fetz de bons vers e de bonas chanssos e de bons motz. 4 E estet en la cort del rei e del bon comte Raimon de Tolosa, lo sieu seignor, et en la cort d’En Guillem de Saint Leidier. 5 E aqui son escriutas de las soas chanssos.