1 N’Uc Brunetz fo de la ciutat de Rodes, q’es de la seignoria del comte de Tolosa; e fo clergues et amparet ben letras, e fo sotils hom de letras e de sen natural. E fetz se ioglars e trobet bonas chanssons, mas non fetz sons. 2 E briguet ab lo rei d’Arago et ab lo comte de Tolosa et ab lo comte de Rodes, lo sieu seignor, et ab En Bernart d’Andusa et ab lo Dalfin d’Alvernge. 3 Et entendet se en una borzesa d’Orlhac, que avia nom ma dompna Galiana; mas ella no·l volc amar ni retener, ni far li negun plazer d’amor. E fetz son drut lo comte de Rodes, e det comiat a·N’Huc Brunet. 4 E·N’Uc Brunetz, per la dolor q’el n’ac, si se rendet en l’orden de Cartosa; e lai el definet.