S

i
RichCdeL 420.2 (S 1)

1. L<...>
2. Qe messire m<...>
3. No li remenbra del nostr<...>
4. Qe nos feimes andos comunelm<...>
5. Ben sai de uoir qe gaire longamen ·
6. Non serai eu sa pris ·
7. Mi conpaignon cui iamoi (et) cui iam ·
8. Cil de chaill <...>il de persera<...> ·
9. Di lor chanzon qil non sont pas certain ·
10. Unca uers els non oi cor fals ni uain ·
11. Sil me guerroent il feron qe uillain ·
12. Tan com ge soie pris ·
13. Or sachent ben enieuin (et) torain ·
14. Cil bachaliers qi son legier (et) sain ·

ii PVid 364.39 (S 2)

1. <...>z ab gen cobrir ·
2. <...>blanza de non caler ·
3. <...>onc puos can ue qe sos luos es ·
4. Contra cil qi aura mespres ·
5. Non sia flac ne nuallos ·
6. Qen gran d<...>eit noz pauca ocaisos ·
7. Prez (et) iouen uoill mantener ·
8. Et bona do(n)pnas obezir ·
9. Et a cortesa gen seruir ·
10. Eu non ai gran cura dauer ·
11. Et per o seu poder agues ·
12. Non es cons ni dux ni marqes ·

iii

1. <...> cui meillz plagues messios ·
2. Ni men se pac dauol baros ·
3. Bona do(n)pna deu cuit ueder ·
4. Qan lo uostre gen cors remir ·
5. Et puos can uos am eus desir ·
6. Granz bes men deuria escager ·
7. Caissi ma uostramors conqes ·
8. Et uencut (et) lachat (et) pres ·
9. Cab tot lo segle se meus fos ·
10. Men tenrieu paubre ses uos ·
11. Do(n)pna qan uos ui remaner ·
12. Et mauenc de uos a partir ·
13. Tan mangouseron li sospir ·
14. Cab pauc no mauenc a cazer ·
15. Ha dolza do(n)pna francha res ·
16. Uaillam ab uos deus (et) merces ·
17. Retenez mi (et) mas canchos ·
18. Si tot p<...>s al corteis gelos ·
19. Tant ai de sen (et) de saber ·
20. Qe del tot sai molt meill chausir ·
21. Et sai conoisser et grazir ·
22. Qim sap honrar ni car tener ·
23. Et teing mal us dels genoes ·
24. Cab bel semblan gai (et) cortes ·
25. Son a lor amics amoros ·
26. Et als enemics orgoillos ·
27. Cil qi pot (et) no uol ualer ·
28. Com no sesforcha del morir ·
29. Deu car la mort nol deignaucir ·
30. Per far enoi (et) desplaser ·
31. Et es trop laich donrat pagues ·
32. Can recoill las rendas el ses ·

iv

1. Cor puirit ab cors uermenos ·
2. Uiu ses grat de deu (et) de nos ·
3. Emperair soi dels genoes ·
4. Et ai un etal feu conqes ·
5. Don eu me teing honraz (et) pros ·
6. Et soi amics dels borbonos ·PVid 364.40 (S 3)
7. Peire uidal . p .
8. QAnt hom honraz torna en grand paubrera ·
9. Qa estat ricz (et) de gran benenansa ·
10. De uergogna non sab ren com se qera ·
11. Et ama mas cobrir sa malenansa ·
12. Per qes maior merces (et) plus franc dons ·
13. Qant hom fai ben al paubre uergognos ·
14. Qe amanz daltres qont en qerir fiansa ·
15. Qeu era rics (et) de bona mainera ·
16. Mas mado(n)pna ma tornat en eransa ·
17. Qe mala (et) saluage guerrera ·
18. Et an pecat car aissim desenansa ·
19. Et non pot trobar mais nullas ochaisos ·
20. Mais qar li soi fidels (et) amoros ·
21. Et daqest tort nom uol far perdonansa ·
22. La sa guerra mi es tan sobrancera ·
23. Qen sim fai mal non aus prendre ueniansa ·
24. Et seu li fug ni qanbi ma charera ·
25. Denan mes oillz uei sa bella senblansa ·
26. Per qe non soi del fuzir poderos ·
27. Ni del tornar per qe men fora bos ·
28. Plaics et aitals qela iagues honransa ·
29. Qe nom ual forsa ni gens qeu lenqeira ·
30. Plus qe lenclaos qant a de mort dotansa ·
31. Qitrai de dinz entrels e fai arqeira ·
32. Per sels del ost (et) prend atraire esmansa ·

v

1. Mas cel archiers defors es plus ginos ·
2. Qel fer primer per aqel loc rescos ·
3. Et mado(n)pnam ten en aital balansa ·
4. Fol soi car anc lapelai mensongera ·
5. Mas druz certans non a sen ni menbransa ·
6. Qar pauc non mor car tan mest uertadera ·
7. Qe iettat ma de la paubre speransa ·
8. Doncs alas uez era mon cors ioios ·
9. Per qeras uiu damor (et) de ioi blos ·
10. Sab gauz entier non posc far acorda(n)sa ·
11. Qill es tan franc (et) douz (et) plasenteira ·
12. De cortes diz (et) de bella coindansa ·
13. Qeu non ai ges poder qe men soffera ·
14. Plus qe lausels qes norrit per sofransa ·
15. Qant hom lapela el respon cochos ·
16. Et sap qes morz par mon cor uolontos ·
17. Ab mils qarreils cab sos bels oillz mi lansa ·
18. Canson . uaiten al bon rei par orueira ·
19. Qe sa ualor non a el mond engansa ·
20. Sel fos plus dolz uas midon de cabreira ·
21. Qe de ren mais non fai desmesuransa ·
22. Mas toz rics hom qant destrui ses baros ·
23. Nes men presaz (et) tensut per los pros ·
24. Et eu lo dic qar li port fin amansa ·
25. Nauierna eu nom clam ges de uos ·
26. Mas ben magrops plus adregs guierdos ·
27. De lonc aten on aui esperansa ·
28. Saire ben uoill qe maintegnam los pros ·
29. Et (con)fundam los maluaz enueios ·
30. Qar non sente mos rainers en bassansa ·
31. Et chastiaz uostre prez poderos ·
32. Esta sus aut can tuit lhautre uan ios ·

vi

1. Cab meill ualer se meillor (et) senansa ·
2. Et car non uei mon gazanhat ni uos ·
3. Non posc estar alegres ni ioios ·
4. Mas sobrafars men tol ma benenansa ·PVid 364.42 (S 4)
5. Peire uidal .
6. SEu fos en cort on hom tengues dreitura ·
7. De mado(n)pna se tot ses bona (et) bella ·
8. Mi clamera qa tan gran tort mi mena ·
9. Qe no matend pleuit ni couenenza ·
10. E donc perqem promet zo q(ue) no(m) dona ·
11. No tem pechat ni sap qe ses uergoigna ·
12. Et uolgra mais qem fos al prim esqiua ·
13. Qe qem tengues en aitan greu rancura ·
14. Mas il lo fai si com cel qe cenbela ·
15. Cab bel senblan ma mes en mortal pena ·
16. Don ia ses lei non posc trobar guirenza ·
17. Qanc mala fos tan bela ni tan bona ·
18. Dautres afair es cortes e zausida ·
19. Mais mal ofai qar en mos danz sabriua ·
20. Qe pieiz mi fai (et) ges no sen mellura ·
21. Qe mals de dent qan dol en la maissella ·
22. Qel cor mi bat em fer qe nos refrena ·
23. Samors ab leis (et) ab tota proenza ·
24. Qe qan non uei mon rainer de marseilla ·
25. Si tot me uio mos uiures no mes uida ·
26. Et malautes qe souen recaliua ·
27. Garis mol greu anz mor qan sos mals dura ·
28. Donc soi eu morz senaisim renouella ·
29. Aqest desirs qem tol souen lalena ·
30. A mon semblant molt laurai tart (con)qista ·
31. Qar nulla do(n)pna pieiz no sen (con)seilla ·
32. Ues son amic (et) on plus lai seruida ·

vii

1. De mon poder en la trop plus unbriua ·
2. Donc qar tant lam molt soi plus folatura ·
3. Qe fol pastre ca bel poi caramela ·
4. Mais uencuz es cui amors apodera ·
5. Apoderaz fui qant mado(n)pna aic uista ·
6. Qar neguna a lei no sapareilla ·
7. De gauz entier ab proeza conplida ·
8. Per qeu soi seus (et) serai tan qan uiua ·
9. Et si nom uol er torz (et) desmesura ·
10. Canzon uaten a la ualen regina ·
11. E en aragon qar mais regina uera ·
12. Non sai el mond (et) si nai mantaqista ·
13. Et non trob mais ses tort ni ses qerela ·
14. Mais ill es franqe leials (et) grazida ·
15. Per tota gent (et) a deu agradiua ·
16. Et qar lo reis sobrautres reis senanza ·
17. Adaital rei couen aitals regina ·
18. Bel castiaz uostre prez segnoreia ·
19. Sobre toz prez cab meillors faiz senanza ·
20. Bon gadagnat sal deus en auierna ·
21. Qar hom tan gent no dona ni guerreia ·PVid 364.37 (S 5)
22. Peire uidal .
23. POis tornaz soi en proenza ·
24. Et a mado(n)pna sap bon ·
25. Ben dei far gaia chanzon ·
26. Si uau per reconoissenza ·
27. Cab seruir (et) ab onrar ·
28. Conqer hom de bon segnor ·
29. Don (et) ben faiz (et) honor ·
30. Qi benl sap tenir en car ·
31. Per qe men dei esforzar ·
32. Et car anc noill fi fallenza ·

viii

1. Soi en bonasuspeison ·
2. Qel mal traiz me torn en pro ·
3. Pois lo ben tan gen comenza ·
4. Pois porian se conortar ·
5. A mi tuit laltramador ·
6. Cab sobres forcius labor ·
7. Trac de freida neu foc clar ·
8. Et aiga dolza de mar ·
9. Ses pechat pris penedenza ·
10. Et ses torz faiz qis perdon ·
11. Et pris de nient gen don ·
12. Et trac dira benuoillenza ·
13. Et gauzenter de plorar ·
14. Et damar dolsa sabor ·
15. Et soi ardiz per paor ·
16. Et sai perden gaidagnar ·
17. Et can soi uencuz sobrar ·
18. Et cil qi longatendenza ·
19. Blasma fa gran fallison ·
20. Qar an artus li briton ·
21. En auion lor pliuenza ·
22. Et eu per lonc esperar ·
23. Ai conqis tan gran ricor ·
24. Lo bais qem forcet damor ·
25. Qem fez a midon emblar ·
26. Qera lom uol outriar ·
27. Et ia non agra garenza ·
28. Mas qar sap qe uencuz son ·
29. Sec mado(n)pna ital raison ·
30. Qe uol qeu uencuz la uenza ·
31. Caissi deu apoderar ·
32. Franc humilitaz ricor ·

viiii

1. Mas eu non trob ualidor ·
2. Uas lei men posca iudar ·
3. Mas precs (et) merces clamar ·
4. Bel rainer per ma credenza ·
5. Nous sai par ni (con)paignon ·
6. Qar tuit li ualen baron ·
7. Ualon sot uostra ualenza ·
8. Et car deus uos fez ses par ·
9. Eos det mi per seruidor ·
10. Seruirai uos de lausor ·
11. Et dal tan com poirai far ·
12. Bel raner qios es ses par ·PVid 364.4 (S 6)
13. Peire uidal .
14. ANc no mori per amor ni per al ·
15. Mas ma uida pot bon ualer morir ·
16. Qan ue la ren qe plus am (et) desir ·
17. Et ren nom fai mas qe dolor (et) mal ·
18. Ben me ual mort mais anqar mes plus greu ·
19. Qen breu seren ia ueilz ela (et) eu ·
20. Et saissi perd lo meo el seu iouent ·
21. Mal mes del meo mas del seu per un cent ·
22. E anc no ui plait tan descomunal ·
23. Qe qant eu poi nulla ren far ni dir ·
24. Qalei deigues plazer ni abelir ·
25. Et mais no uoill far nuil altre iornal ·
26. Mas tot qant faz par aleis uil (et) leu ·
27. Qe per merces ni per amor de deu ·
28. Non pois trobar en lei nul zausiment ·
29. Tort a de mi (et) pechat senz content ·
30. Bona do(n)pna nostrome natural ·
31. Podez seos plaz leogerament auzir ·
32. Mas a la gent uos farez escarnir ·

x

1. Et pois naurez un pechaz criminal ·
2. Uostrom soi ben qe ges non teng p(er) meu ·
3. Mais ben laisom a mal seignor son feu ·
4. Et ual ben pauc rics hom qa(n)t p(er)d sagent ·
5. Qe dairel rei de perse fo paruent ·
6. Esforsar mai encar dons per aital ·
7. Qel ben el mal mo uoill en pais soffrir ·
8. Mas bens saubreu honradamen grazir ·
9. Sem fes secors a lei damic coral ·
10. Qe seu uolgues do(n)pna segre autre treu ·
11. Onrat plazer agra eu conqist en breu ·
12. Mas senes uos non posc esser plasent ·
13. Ne de ren als gauz entier non atent ·
14. Esters mon grat am tot sol per cabal ·
15. Leis qi non deigna ueder ni audir ·
16. Qen ferai doncs pois no men pois partir ·
17. Ni zausiment ni merces no mi ual ·
18. Tenrai me al us del enoios romeu ·
19. Qi qer (et) qer qar de la freida neu ·
20. Nais lo cristals don hom trai fog ardent ·
21. Qe per esforz uenzon li bon suffrent ·
22. Per zo men soi geitaz anomencal ·
23. Com hom uolpiz qi sobrida fugir ·
24. Qi no sausa tornar ne sab gandir ·
25. Qanc lenzausen sei enemic mortal ·
26. Non ai conort mas aqel del iudeu ·
27. Qe sen fai mal fao ades lo seu ·
28. Aissi com cel qa orba se defent ·
29. Ai tot perdut la forz (et) lardiment ·
30. Cons de piteu de uos me clam a deu ·
31. Et deu ami de uos tot ensement ·
32. Qe uos nauez traiz molt malament ·

xi

1. Lui de sa croiz (et) mi de mon argent ·
2. Per qen deuez auer gran marriment ·PVid 364.36 (S 7)
3. Peire uidal .
4. PLus qel paubres qan iai el ric ostal ·
5. Qi no cas plaing si tot sa grant dolor ·
6. Tan tem qe torn adenoi al seignor ·
7. No maus plaigner de ma dolor mortal ·
8. Ben dei doler qant elam fai orguoill ·
9. Qe solamenz als no desir ni uoill ·
10. Qe si uals res non laus clamar merce ·
11. Tal paor ai cades senoi de me ·
12. Mai si com cel qi gardal uirial ·
13. Qil senbla bels contra la resplandor ·
14. Qant eu lesgart nai al cor tal dolzor ·
15. Qeu men oblit per lei qeu uei etal ·
16. Ben bat amors ab la uerga qeu coill ·
17. Qar una uez en son rial capdoill ·
18. Lenblei un bais dont era mi soue ·
19. Ha com mal uiu qi zo qama noue ·
20. Simaiut deus pechat fa criminal ·
21. Ma bella do(n)pna car il nom secor ·
22. Ben sap qen lei ai mon cor (et) mamor ·
23. Si qeu non pes de nuill altre iornal ·
24. Donc per qem sona tan gen ni macoill ·
25. Pos pro nom te de zo don plus mi doill ·
26. Et cuiami asi loignar des se ·
27. Anz soffrirai zo qai sofert anc se ·
28. Qe soffrir taing a seignor natural ·
29. Los torz els dreiz el sen (et) la folor ·
30. Qar greu pot hom de guerra auer honor ·
31. Pois qeis ses grat fai dicz de son logal ·
32. Ben soi faidiz si de samor mi tuoill ·

xii

1. Nomen torrai anz lam mais qe no soill ·
2. Tenram ia uil puos a mal mi rete ·
3. Non o deu far car per amor maue ·
4. Caissi ma tot midopn en son cabal ·
5. Qe sim ma lia non aura peior ·
6. Qel seus plazers ma tan dolza sabor ·
7. Qe ges del meu non remenbra nim cal ·
8. Non es iornz qe samors el cor non bruoill ·
9. Per caital ioi qan la uezo(n) mei oill ·
10. Ca mos cor pensa de son grant be ·
11. Qel mon no uoill ni deisir altra re ·
12. Sabez per qeill port amor tan coral ·
13. Qar anc non ui tan bella ni genchor ·
14. Ni tan bona don teing qai grant richor ·
15. Qar soi amics de do(n)pna qe tan ual ·
16. Et se ia uei qen sems abmis despuoill ·
17. Meillz mistara cal seignor de siduoill ·
18. Qi manten prez cant altre sen recre ·
19. Et non sai plus mas atan nai gaufre ·
20. Als quatre reis de spagna esta molt mal ·
21. Qar no uolon auer paz entre lor ·
22. Qar altramen son ill de gran ualor ·
23. Et dreich (et) franc (et) cortes (et) leial ·
24. Sol qe de tan gen cesso lor escuoill ·
25. Qe iuresson lor guerra en altre fuoill ·
26. Contra la gen qi nostra lei no cre ·
27. Tro qe spaigna fos tota duna fe ·
28. Bel castiaz seigner . per uos mi duoill ·
29. Qar nos uei la (et) car midonz non ue ·
30. Nauierna cui am de bona fe ·PVid 364.11 (S 8)
31. Peire uidal .
32. BEn pac dinuer (et) destiu ·

xiii

1. Et de freich (et) de calors ·
2. Et am neus aitant com flors ·
3. Et pro mort mais cauol uiu ·
4. Qen aissim ten esfortiu ·
5. Et car am do(n)pna nouella ·
6. Sobrauenenz (et) plus bella ·
7. Paron rosas entre gel ·
8. Et clar te(m)ps a tribol cel ·
9. Mado(n)pnam pres so lo riu ·
10. Denan mil conbatadors ·
11. Et contrals fals feignedors ·
12. Ten establit mon esqiu ·
13. Per qell seu ricx segnoriu ·
14. Lausengiers no po far cors ·
15. Qe senz (et) prez la capdella ·
16. Et qan respon ni apella ·
17. Sos diz an sabor de mel ·
18. Don senbla saint gabriel ·
19. Es fai temer plus dun griu ·
20. Asuilans do(n)pneiadors ·
21. Et als fis conoissedors ·
22. A solaz tan agradiu ·
23. Cal partir qes ui repliu ·
24. Qe do(n)pnes de las meillors ·
25. Per qem trai nem cenbella ·
26. Em traillcor de soz lassella ·
27. Don ma leial (et) fidel ·
28. Et iust plus qe deus abel ·
29. Donrat prez nomen antiu ·
30. Et creis tan la soa ualors ·
31. Qe non po soffrir lasors ·
32. La gran forcha del uerbriu ·

xiv

1. Sei enemic son caitiu ·
2. Et sei amic ricx (et) sors ·
3. Front , oill , nas , bocha (et) maissella ·
4. Blanc peich ab dura mamella ·
5. Del taill des filz israel ·
6. Et es colunba ses fel ·
7. Per chom ten morn (et) pensiu ·
8. Aitant qant estau aillors ·
9. Puos creis men gauch (et) dolchors ·
10. Can del seu bel cors maisiu ·
11. Caissi com de recalliu ·
12. Ar ai calt (et) ar freidors ·
13. Et car es gaia (et) isnella ·
14. Et de toz mals aips pulcella ·
15. Am la mais per saint rafael ·
16. Qe iacob non fez rachael ·
17. Uers uaiten uers mont oliu ·
18. Et dim alas trei serors ·
19. Qe tant mi plaz lor amors ·
20. Qinz en mon cor las escriu ·
21. Uas totas tres momeliu ·
22. Em faz do(n)pnas (et) seignors ·
23. Et plagram mais de castella ·
24. Una fresca iouencella ·
25. Qe daor mil cargat camel ·
26. Ab lenperi manuel ·
27. Franc reis proenza uos apella ·
28. Qe sens claus desclauella ·
29. Et gaus la cera el mel ·
30. Et chai tramet uos lo fel ·
31. Pe celui qi hom apella ·
32. Sain iagme de compostella ·

xv

1. En lui si tal michel ·
2. Cama prez (et) deu de cel ·PVid 364.21 (S 9)
3. Peire uidal .
4. EStat ai grant sason ·
5. Marriz (et) consiros ·
6. Mas or son delichos ·
7. Plus qaussel ni peisson ·
8. Pos mado(n)pnam trames ·
9. Message qem tengues ·
10. A guisa damador ·
11. A tant dolcha sabor ·
12. Mais car deigna uoler ·
13. Qeu torn en bon esper ·
14. Qe se deus mi perdon ·
15. Non puosc esser ioios ·
16. Tro qe men torn coichos ·
17. En la dolcha preison ·
18. On sa beutaz mames ·
19. Qes de senblanz cortes ·
20. Et de gauz ab dolchor ·
21. Per qeu no uoill ricor ·
22. De terra ni dauer ·
23. Tant com far son plaser ·
24. Qe tant mes bel (et) bon ·
25. Qant remir sas faichos ·
26. Els bels oillz amoros ·
27. Qe no sai on mi son ·
28. Si ma chachat (et) pres ·
29. Et uencut (et) conqes ·
30. Qe mi oillz ni mamor ·
31. Non puois uirar aillor ·
32. Anz qant la puois ueder ·

xvi

1. Del tot mi alleser ·
2. Do(n)pna per deu del tron ·
3. Pois aissim rend a uos ·
4. Umills (et) uolontos ·
5. Uostramistat mi don ·
6. Chausimen (et) merces ·
7. Et prez (et) bona fes ·
8. Et farez uostronor ·
9. Qe molt ai grant paor ·
10. Qe tals ma en poder ·
11. Ab cui non puosc tener ·
12. Qel cor ai tant felon ·
13. Ues lei qanc mala fos ·
14. Qar per un comteros ·
15. Ma gitat a bandon ·
16. Ben par qe lo baes ·
17. Qar ab conte senpres ·
18. Espart denperador ·
19. Qa faiza sa lausor ·
20. Per tot lo mond saber ·
21. Mas qi ment no dis uer ·
22. Deus salf lonrat marqes ·
23. Et sa bella seror ·
24. Cab sa leial amor ·
25. Me saup gent conqerer ·
26. Et plus gen retener ·
27. Filla de rei ben pres ·
28. Qant per lei falsamor ·
29. Qen gadagnei meillor ·
30. Et qi meilli sap ualer ·
31. Et far (et) dir plazer ·

xvii PVid 364.46 (S 10)

1. Peire uidal .
2. TAnt ai longament cercat ço cops nomauia ·
3. Qenaissi o ai trobat , cum eu o qerria ·
4. Perdut ai (et) mes chapat , zo qauer solia ·
5. Cre non ai gazagnat , don mos amix ria ·
6. Et fols qant fa foldat , cuia far sen ·
7. Et no conois tro qeill ua malamen ·
8. Qem soi lognat de plazer (et) donranza ·
9. Et chausiment ab lei nomenanza ·
10. Qel cors el cor de mi (et) la ualor ·
11. A , (et) nom ual ni eu non uir aillor ·
12. De ioi don a grant uiltat , me fai carestia ·
13. Mal ui sa grant beltat , ni sa cortesia ·
14. Trait ma (et) galiat , ab bella paria ·
15. Ma si tot mon cor enblat , qe ia nol creria ·
16. Lei ama plus qe mi per qim repren ·
17. Et enqer mi mon dan adessien ·
18. Cablei non trob amistat ni pietanza ·
19. Ni chausimen ni negunacordança ·
20. Qeu clam merce (et) muor se nom secor ·
21. Merce clamant cuit morir de dolor ·
22. Tant clam ab humilitat m(er)ce chascun dia ·
23. Merces . faria pechat se no men ualia ·
24. Molt ai chausimen cridat ues qe a paoc m(en)bria ·
25. Pos ab lei no lai trobat eu cre qe morz sia ·
26. Mado(n)pnamort merce (et) chausimen ·
27. Sos dolz esgart (et) sos bels oillz desmen ·
28. Ab qem mostret tan cortesa senblanza ·
29. Qeu cuiei plus auer qel rei de franza ·
30. De zo senbla irege traitor ·
31. Cab bel senblant met home en error ·
32. Ha bel seigner castiat com muor de felnia ·
33. Ca bel senblan ma nafrat ma mala enimia ·

xviii

1. Et ges e tan de bontat no demostraria ·
2. Qem fis amor de cuiat cabtania uioria ·
3. Com sofraichos qi damor a talen ·
4. Cho qe sen pot auer (et) com sen ·
5. Et eu estau en atretal balanza ·
6. Mas en bonesmenda nai esperanza ·
7. Qim secorra de las penas damor ·
8. Qe ualer deu do(n)pna son amador ·
9. Er tem qe dic gran foldat p(er) ma leuzaria ·
10. Et deu messer perdonat qar no sai qem dia ·
11. Qe nec me apoderat del tota sa guia ·
12. Facha ne sa uoluntat qela sis faria ·
13. Bona do(n)pna sios plaz a uos mi ren ·
14. Et si nos plaz aissi faz issamen ·
15. Qeu conosc ben qe per negunesmanza ·
16. Caitius qe chai en ira de seignor ·
17. Et non troba sosteing ni ualidor ·
18. Tro caia roser passat lai ues lonbardia ·
19. Non aurai mon cor pagat cu(m) qeu chai mestia ·
20. Tant ai de pro encestat qeu tem qem naucia ·
21. Ma do(n)pna (et) auran honrat si tot o fazia ·
22. Cauer dei ben uergoigna (et) espauen ·
23. Car ai estat de lei tan longamen ·
24. Sitals pechaz no fos desesperanza ·
25. Desesperaz mi for eu ses doptanza ·
26. Et rent malei a le de bausador ·
27. Eill facham zo qill torna adhonor ·
28. Oill de merce boca de chausimen ·
29. Nuls hom nos ue qe nol fachai iauzen ·
30. Per qeu ai mes en uos ferma fianza ·
31. Et tot mon cor (et) tota ma speranza ·
32. Et faz de uos midon (et) mon seignor ·

xviiii

1. Et os rent mon cor de bon cor (et) mamor ·
2. Nauierna ben uai per uostramor ·
3. Ab sol qe uis costiat mon seignor ·PVid 364.43 (S 11)
4. Peire uidal .
5. SIm laissaua de chantar ·
6. Per trabaill ni per afar ·
7. Ben leu dirion la genz ·
8. Qe non es aitals mos senz ·
9. Ni ma gaillardia ·
10. Cum esser solia ·
11. Mais beos posc en uer iurar ·
12. Canc mais tant nom plac iouenz ·
13. Ni prez ni caualaria ·
14. Ni do(n)pneis ni drudaria ·
15. Et seu pogues acabar ·
16. Cho qe me faich comenchar ·
17. Mos sobresforcius talenz ·
18. Alixandres fo nienz ·
19. Contra qeu seria ·
20. Et sa deu placia ·
21. Qe mi deignas aiudar ·
22. Ial seus uerais monimenz ·
23. Longam ent non estaria ·
24. Sot mal serua seignoria ·
25. Hom nos deuria tardar ·
26. De ben dir ni de meillz far ·
27. Tant can uida les presenz ·
28. Qel segle non es mais uenz ·
29. Et qi plus se fia ·
30. Fai maior folia ·
31. Cala mort pot lom prouar ·
32. Com paoc ual lo remanenz ·

xx

1. Per qes fols qi nos castia ·
2. Et no reigna en cortesia ·
3. Mas tant ai de qe pensar ·
4. Per qeu non puos deliurar ·
5. Toz mos honraz pensamenz ·
6. Per o bos comenchamenz ·
7. Me tol bona uia ·
8. Et no sen canbia ·
9. Mas eu per sobresforzar ·
10. Cuich dels felon mescredenz ·
11. En breu recobrar soria ·
12. Et damasq (et) tabaria ·
13. Tant es dolza per amar ·
14. Et bella per remirar ·
15. Et cortessa (et) conoissenz ·
16. Si cals pros (et) als ualenz ·
17. De bella paria ·
18. Qe si uer dicia ·
19. El mon non auria par ·
20. Mas fraiz ma tal milz couenz ·
21. Qe son sol men atendia ·
22. Estort (et) garit mauria ·
23. Ges no maus desesperar ·
24. A lei dun flac rei auar ·
25. Cui sobre ors (et) argenz ·
26. Et cuiia cals remanenz ·
27. Cautre deus no sia ·
28. Per sa manencia ·
29. Cauer lo fa renegar ·
30. Mas can uendra aliuiamenz ·
31. Car conparra sa felonia ·
32. Et lengan (et) la bausia ·

xxi Cercam 112.2 (S 12)

1. Peire uidal .
2. GEs per lo fred te(m)ps nomirais ·
3. Anz lam tan com faz la calor ·
4. Caltresi poisc auer damor ·
5. En enuern bonascarida ·
6. Com lan qan uerdion li prais ·
7. En aten bona parcida ·
8. Pois lei plaz qe mos diz acoill ·
9. Qe per autra non sesiau ·
10. Mon cor ni a benenanza ·
11. Cuida uos qeu sia gais ·
12. Per folla ses par ni per flor ·
13. Ni plus iras sel fred uent cor ·
14. Ne qan ueg gent acropida ·
15. Qe amon tan com dura mais ·
16. Et faun lor esbruida ·
17. Et dechaon qan chai lo foill ·
18. Ell fin remanun ell uasau ·
19. Cui fin amistat enanza ·
20. Per o pro nia de sauuais ·
21. Qanchom segle no ui meillor ·
22. Se tot sen fan man blasmador ·
23. Et cel qe bon prez oblida ·
24. Senblam fol qel autrui abais ·
25. Et e raison deschausida ·
26. Com ueial pel en lautrui oill ·
27. Et el seu no conois lo trau ·
28. Per la foldaz qel sobranza ·
29. Tant e mon iois fin (et) uerais ·
30. Et gran qanc hom no(n) ac maior ·
31. Qar de do(n)pnas am la meillor ·
32. Qe mes tan fort abelida ·
33. Et sil uol si mam ou sil lais ·

xxii

1. Qeu lamerai a ma uida ·
2. Et sela no uol eu mo uoill ·
3. Qe daizo pos tenir la clau ·
4. Seu plus non ai dabundanza ·Peirol 366.34 (S 13)
5. Peire uidal .
6. TUiz mei consir son damor (et) de chan ·
7. Qen aqes dos mesters gais (et) cortes ·
8. Ai mon engeng (et) mon corage mes ·
9. Et qar amors adolz plazer menanza ·
10. Ben dei esser mos chanz gais (et) ualenz ·
11. Qar tant ma faz mado(n)pna bos couenz ·
12. Per qe tot uiu en bona speranza ·
13. Qant eu primas la uei me plac aitan ·
14. Qe de mon cor retener no pois ges ·
15. Tot fo a leis (et) enqera si es ·
16. Molt itrobei amorosa coindanza ·
17. Et bels solaz (et) bos ensegnamenz ·
18. Et si tot son per samistat chausenz ·
19. Qar mes trop loing nai dolor (et) pesanza ·
20. Qi uol amar amens auer daffan ·
21. Aisis gardes franchamen es tegnes ·
22. Qe torz ni drez irasser noll sies ·
23. Si col solleil per fred cristal se lanza ·
24. De tal esforz contranasc fogs ardenz ·
25. Altresi es amor peior tormenz ·
26. Pois siaiust ira ne malestanza ·
27. Mal traz damor no sera tan gran ·
28. Qentrel gra(n)z mals no(n) estei calqe bes ·
29. Qesters no(n) cre com soffrir o pogues ·
30. Et qan seschai co(m) na gra(n) benena(n)za ·
31. Ia tan non er segura ni plasenz ·
32. Qades non aia encuichos pensamenz ·

xxiii

1. Qe destreng lo ioi el lalegranza ·
2. Mai enper o qan son dui aman ·
3. Fort airat (et) qe an granz mal pres ·
4. Qan franchesa los plaidea merces ·
5. Molt es pois bona (et) dolza lacordanza ·
6. Qar doncs lor creis nouels eschausimenz ·
7. Mas qeu non uoill qe fols airamenz ·
8. Mon cor segur coren aital doptanza ·
9. Toz te(m)ps aurai uas midonz bon talan ·
10. Et finamen serai seu cui qe pes ·
11. Aisso non pot tolre neguna res ·
12. Soen record sos faz (et) sa senblanza ·
13. Com ill es bel (et) pros (et) auinenz ·
14. De tot mon sen soi en leis entendenz ·
15. Qeu non ai mais en negun ioi fianza ·FqMars 155.16 (S 14)
16. Folket de marxella . S
17. PEr deu amor ben sauez ueramen ·
18. Qan plus deiscen plus poia humilitaz ·
19. Et orgoill chai on plus alt es poiaz ·
20. Don dei auer gauz (et) uos (et) spauen ·
21. Qanc se mostraz orgoill contra mesura ·
22. Et braus respos amas humils chanzos ·
23. Per qes senblanz qel orgoillz chaia ios ·
24. Qapres bel ior ai uist far noich escura ·
25. Ma uos non par poscaz far fallimen ·
26. Per o canc faill cels qes pros ni prisaz ·
27. Tant com ual mais tant es plus encolpaz ·
28. Qen la ualors poial colp e deiscen ·
29. Et qant hom tot perdonal forfaitura ·
30. Ia del blasme noi sera faich perdos ·
31. Qe ce remain en malas sospeichos ·
32. Qamant met cels qe uas un desmesura ·

xxiv

1. Blasme na hom (et) chascun cela sen ·
2. Per qes lenganz en el plus galiaz ·
3. A cel qo fai qa cel qes enganaz ·
4. Et donc amors per qo faiz tan souen ·
5. Com plus uos serf chascuns plus sen ra(n)cura ·
6. Et del seruir taing calqe guierdos ·
7. Prez o amics meilloramenz o dos ·
8. Meinz dun de cels es fols qi sa atura ·
9. Donc fui eu fols qeimis lo cor el sen ·
10. Senz no fo ges anceis fo gra(n)z foldaz ·
11. Qar cel es fols qi cuia esser senaz ·
12. Et sap hom meins ades on plus apren ·
13. Canc iorn merces qe ual mais qe dreitura ·
14. No ualc ami ni ac poder en uos ·
15. Et senblan paoc pogues ualer raisos ·
16. Per qeu fui fols car anc de uos aic cura ·
17. Mas er soi ricx car en uos nomenten ·
18. Qem cuiares riqece paubertaz ·
19. Et cel es ricx qe se ten per pagaz ·
20. Et cel paubres qen trop ricor enten ·
21. Per qeu soi ricx tan gran iois masegura ·
22. Can pes com soi tornaz desamoros ·
23. Qadonc era marriz er soi ioios ·
24. Per cho mo teing a gran bonauentura ·
25. Cortesia non es al mais mesura ·
26. Mas uos amors no sabez anc qe fos ·
27. Per qeu serai tan plus cortes de uos ·
28. Qal maier brui calerai ma rancura ·
29. Abadiman (et) ab toz te(m)ps tatura ·
30. Canchons qe de lor es (et) de lor razos ·
31. Caltresi ses chascuns paoc amoros ·
32. Mas senblan fa daicho don non an cura ·

xxv FqMars 155.22 (S 15)

1. Folket . S .
2. TAnt mabellis lamoros pensamenz ·
3. Qe ses uenguz en mon fin cor asire ·
4. Per qe noi pot nuls altre pes caber ·
5. Ni mais negus no mes dolz ni plaisenz ·
6. Qadoncs uiu san can maucion consire ·
7. Et fin amors aleuza mon martire ·
8. Qem promet ioi mas trop lom dona len ·
9. Qab senblan ma trainat loniamen ·
10. Ben sai qe tot qant faz es dreich nienz ·
11. Eu qen puos al samors mi uol aucire ·
12. Qar esien ma donat tal uoler ·
13. Qe ia non er uencuz ni el no uenz ·
14. Uencuz sier qe mort man li sospire ·
15. Tot soauet se de lei cui desire ·
16. Non ai secors qe daltra nol aten ·
17. Ni daltramor non puosc auer talen ·
18. Bona do(n)pna sios plaz siaz sofrenz ·
19. Del ben qeus uoill qeu soi del mal sofrire ·
20. Et pos lo mals nom pogra dan tener ·
21. Anz mer senblanz qel partam engalmenz ·
22. Et sauos plaz qen altra part me uire ·
23. Tolez de uos la beltat el gen rire ·
24. El dolz parlar qe mafolis mon sen ·
25. Partir mai pois de uos mon escien ·
26. Catoz iorz mes plus bel (et) plus plaisenz ·
27. Per qen uoill mal als oillz ab qeos remire ·
28. Car al meu grat no porrion uezer ·
29. Mas al meu dan uezon trop soptilmenz ·
30. Mos danz no es cho sai pos non az ire ·
31. Anz me sap bon do(n)pna per cui malbire ·
32. Si mauciez nocaos estara gen ·
33. Qe lo meus danz uostre er issamen ·
34. Per cho do(n)pna nous am sauiamenz ·

xxvi

1. Qauos soi fis (et) a mos ops traire ·
2. Qeu uos cuit perdre (et) mi non puosc auer ·
3. E uos cuit noser (et) ami soi noisenz ·
4. Per zo nos aus mon mal mostrar ni dire ·
5. Mas al esgard podez mon cor deuire ·
6. Qeus cuiei dir mas era me repen ·
7. Et port els oillz uergoigna (et) ardimen ·
8. Et car uos am mil tanz qe no sai dire ·
9. Nomen ponet anz uos am per un cen ·
10. Qar ai proat altrui captenemen ·
11. Ues nem sen uai canzos qi qes naz ire ·
12. Qe gauz nauran per lo meu escien ·
13. Las do(n)pnas a cui eu te presen ·FqMars 155.21 (S 16)
14. Folket . S
15. SI tot me soi atart apercebuz ·
16. Aissi com cel qatot perdut (et) iura ·
17. Qe mais no ioc a gran bonauentura ·
18. Mo dei tener car me soi coneguz ·
19. Del gran enian qamors ues mi fazia ·
20. Cab bel senblant ma tengut enfanzia ·
21. Plus de dez anz alei de mal deotor ·
22. Qades promet (et) ren non pagaria ·
23. Ab bel senblan qel fals amors aduz ·
24. Satrai ues lei fis amanz (et) satura ·
25. Col parpaillos qa tan folla natura ·
26. Qes met el foc per la clardat qe luz ·
27. Mais eu men part (et) segrai altra uia ·
28. Soi mal pagaz qesters no men partria ·
29. Et segrai laips del tot bon sofridor ·
30. Com plus sirais (et) plus fort somelia ·
31. Per o uos cuich qeu sia irascuz ·
32. Si tot me dic en chantan ma rancura ·
33. Ne digaz qe sia ultra mesura ·

xxvii

1. Mas sapcha ben qa sos ops soi perduz ·
2. Qanc sobre fre nom uolc menar un dia ·
3. Anz mi fez far mon poder tota uia ·
4. Mas anc senpres cauals de gran ualor ·
5. Qi bagorda trop souen coill felnia ·
6. Fel for eu ben mas soi men retenguz ·
7. Qe qi a plus fort de si desmesura ·
8. Fai gran foldat e nes en auentura ·
9. Neis de son par car pot esser uencuz ·
10. Et de plus freuol de si es uillania ·
11. Per canc nom plac ni plaz sobranzaria ·
12. Per o en sen de hom gardar honor ·
13. Qe sen onit no prez mais qe folia ·
14. Per o amor me soi eu recreuz ·
15. De uos seruir (et) mais non aurai cura ·
16. Caissi com prez hom plus laida peintura ·
17. Qan es de loing qe qan es pres uenguz ·
18. Prezaue uos canc no uos conoisia ·
19. Et sanc naic paoc mais nai qeu no uolria ·
20. Aissim nes pres com al fol qeridor ·
21. Qe dis qa ors fos so qe tocaria ·
22. Bel naiman samor uos destregnia ·
23. Uos en toz te(m)ps ieus en (con)seilleria ·
24. Si uos menbres cant ieu nac de dolor ·
25. Ni can de ben iamais neus en calria ·
26. Eu plus uall sab los oillz uos uezia ·
27. Aissi com faz ab lo cor tota uia ·
28. So qeu ai diz porria auer ualor ·
29. Qieu qier (con)seill (et) (con)seill uos daria ·FqMars 155.18 (S 17)
30. Folket . S
31. SAl cor plagues ben for huimais saisos ·
32. De far canzos per ioia mantener ·
33. Mas trop mi fai mauentura doler ·

xxviii

1. Qant eu regart los bes els mals qeu nai ·
2. Qe ricx diz hom qeu soi (et) qe ben uai ·
3. Mas cel qo diz no sapges lo uer ·
4. Qe benenanza non pot nus hom auer ·
5. De nulla re mas de zo qal cor plai ·
6. Per qe nam mais un paubres qes ioios ·
7. Cuns ric ses ioi qes tot lan consiros ·
8. Et sieu anc iorn fui gais ni amoros ·
9. Ar non ai ioi damor ne len esper ·
10. Ni altre bes nom pot al cor plazer ·
11. Anz mi senblon tot altre ioi esmai ·
12. Per o damor qe uer uos en dirai ·
13. Nom lais del tot ni no men puosc mouer ·
14. Enain no uac ni non puosc remaner ·
15. Aissi com cel qen mei del arbre stai ·
16. Qes tan poiaz qe no sap tornar ios ·
17. Ni sus non uai tan li par temeiros ·
18. Per cho nom lais se tot ses perillos ·
19. Qades nom poge sus a mon poder ·
20. Et deuriam do(n)pnal fis cor ualer ·
21. Pois conoissez qe ia non recreirai ·
22. Qabardiment apoderom les glai ·
23. Et non tem dan qe me posca escader ·
24. Per qhous er gen sim deignaz retener ·
25. El guierdos es aitals com seschai ·
26. Qe neis lo dos len es faich guierdos ·
27. A cel qe sap dauinen far sos dos ·
28. Donc si merces a nuill poder en uos ·
29. Traia sen an se iam uol pro tener ·
30. Qeu no menfi en prez ni en saber ·
31. Ni en canzons mas car conosc (et) sai ·
32. Qe merces uol zo qe raisons deschai ·
33. Per qeu uos cuich ab merce (con)qerer ·

xxviiii

1. Qi mos escuz contral sobra ualer ·
2. Qeu sai en uos per qem met en assai ·
3. De uostramor cho qem ueda raisos ·
4. Mas il mi fai cuiar qauinen fos ·
5. Acho conosc qeu soi neiis pauros ·
6. Qant al comenzamen me desesper ·
7. Et mas chanzons pois uoill merce qerer ·
8. Farai o doncs aissi col ioglars fai ·
9. Aissi com muo mos uers los finerai ·
10. Desesperar puos donc noi puosc saber ·
11. Raison per qeill deia de mi chaler ·
12. Ma tot lo meins aitant en retendrai ·
13. Qinz en mon cor lamerai a rescos ·
14. Et dirai ben de lei en mas chanzos ·
15. Si nazimanz sabia zo qeu sai ·
16. Dir porria cuna pauca ocasos ·
17. Noz en amor plus qe noi ual raizos ·FqMars 155.3 (S 18)
18. Folket . S
19. AI qant gent uenz (et) ab qan pauc daffan ·
20. A cel qil laissa uencer ab merse ·
21. Qar en aissi uenz hom autrui (et) se ·
22. Et a uencut duas uez senes dan ·
23. Et uos amor non o fai ges aissi ·
24. Qanc ior merces ab uos non pog ualer ·
25. Anz mauez tant mostrat uostre poder ·
26. Qar no uos ai ni uos no auez mi ·
27. Per chom par fol qi no sab retener ·
28. Cho com conqer , qeu prez ben autretan ·
29. Qi zo reten com a (con)qes denan ·
30. Per son esforz , com faz lo conqerer ·
31. Mais uos mi rete(n)graz com fol rete ·
32. Lesparuer fer qant tem qe se desli ·
33. Qel estreing tant el poing tro qel aoci ·

xxx

1. Mais pois estorz uos soi uiure pois be ·
2. Tot zo qi ual pod noser altresi ·
3. Donc sens tegn pro beos porai dan tener ·
4. Et er merces sabeis uostre saber ·
5. Qe mauez dat don anc iorn non gaudi ·
6. Uos mou tenzon ni os dig mal en zantan ·
7. Mais non er fait qe chausiment men te ·
8. Mais uoill soffrir mon dan en paz ia se ·
9. Qel uostre tort adreturer claman ·
10. Ou troberai mais tant de bona fe ·
11. Qanc neguns hom si miteos no trai ·
12. Son escient si com eu qeos serui ·
13. Tan longament qanc no gaodi de re ·
14. Ar qer merce (et) faria parer ·
15. Qar qi trop uai seruisi reprozan ·
16. Ben fai senblant qel guederdun deman ·
17. Mais ia de mi non cuies q(ue)ol ne sper ·
18. Et qil bon rei rizard qi uol qeu chan ·
19. Blasmet per zo qar non paset de se ·
20. Ar len desment si qe chascun lo ue ·
21. Qareires trai per meill sallir en an ·
22. Qel era cons ar es ricx reis ses fi ·
23. Mas bon socors fai deus al bon uoler ·
24. Et sen dis ben al crozar eu dis uer ·
25. Et ar uedem per qadonc no menti ·
26. Ia nadiman toz te(m)ps non an cuian ·
27. Qe contramor aia uira mon fre ·
28. Mas eu tenc ben per probat zo com ue ·
29. Et sabra o meill chascuns desor en an ·FqMars 155.1 (S 19)
30. Folket . S
31. AMor merces non moira tan souen ·
32. Qe iam podez uiaz del tot aucire ·
33. Qar uiurem fai (et) morir mesclamen ·

xxxi

1. Et en aissi doblen mi mon martire ·
2. Per o mez morz uos soi hom (et) seruire ·
3. El seruizis esme mil tant plus bos ·
4. Qe de nullaltrauer ricx guierdos ·
5. Per qes pechaz amors so sabez uos ·
6. Se mauciez pos uer uos no maire ·
7. Mas trop seruir ten dan mantas sasos ·
8. Et son amic en perdom so auz dire ·
9. Seus ai seruit ni anqer no men uire ·
10. Et car sabez qen guierdon enten ·
11. Ai perdut uos el seruir issamen ·
12. Et uos do(n)pna qe auez mandamen ·
13. Forzaz amor (et) uos cui tan desire ·
14. Non ges per mi mais per dreit iausimen ·
15. Qe tan plaignen uos pregon mei sospire ·
16. Qel cor plora qan uedez los oilz rire ·
17. Mas per paor qeu senbles enoios ·
18. Enian mi es (et) trag mal en perdos ·
19. Et ia non crei uostre cor orgoillos ·
20. Uolgues el meu tan long desir asire ·
21. Per qai paor no fezes dun dan dos ·
22. No uos ausei lo mon mal trait deuire ·
23. Ai car uostroill non uezon mon martire ·
24. Qadonc nagran merce se el no men ·
25. Li dolz esgart qin fan senblan paruen ·
26. A uos uolgra mostrar lo mal qeu sen ·
27. Et as altres celar (et) escondire ·
28. Qanc non pos dir mon cor celadamen ·
29. Et seu nom sai cobrir qi mer cobrire ·
30. Ni qi mer fins seu eismi soi traire ·
31. Qi si non sap celar non es rasos ·
32. Qe celon cil da qe no li es nul pros ·
33. Mons aimanz diz qeu li soi traire ·

xxxii

1. Et mos bon te(m)ps qe uas lui soi ginhos ·
2. Qar tot mon cor no retrac a els dos ·FqMars 155.5 (S 20)
3. Folket . S
4. BEn an mort mi (et) lor ·
5. Meioill galiador ·
6. Per qem plaz qab els plor ·
7. Pos ill zo an merit ·
8. Qen tal do(n)pnam chausit ·
9. Don an faich falimen ·
10. Et qi trop poia bas deiscen ·
11. Per o en sa merce mi ren ·
12. Qe no crei ges qe merces aus faillir ·
13. Lai on deus uolc toz autres bes aissir ·
14. Per o conosc damor ·
15. Qe mos danz la sabor ·
16. Qe cho don ai langor ·
17. Me fai prezar petit ·
18. Et poigner adestrit ·
19. En tal qi sen defen ·
20. Cho qi men caucha uau fugen ·
21. Et zo qim fuc eu uau seguen ·
22. Aissi no sai com si posca garir ·
23. Qen sems non puosc encauzar (et) fuzir ·
24. Ar auiaz gran folor ·
25. Cardiz soi per paor ·
26. Mas tem la dolor ·
27. Damor qi ma saizit ·
28. Aizom fai plus ardit ·
29. De mostrar mon talen ·
30. A lei qem fai uellar durmen ·
31. Doncs ai per paor ardimen ·
32. Aissi com cel qesters no pot gandir ·

xxxiii

1. Qis uai toz sols entrels cincces ferir ·
2. Pros do(n)pna cui ador ·
3. Restauraz en ualor ·
4. Mi (et) uostra lausor ·
5. Camdui em afreblit ·
6. Qar metez en oblit ·
7. Mi qeos am finamen ·
8. Qe cil qo sabon uan disen ·
9. Qe mal seruir fai mantagen ·
10. Et qar uos am tan qe dal non (con)sir ·
11. Perd mi (et) uos gardaz sin dei morir ·
12. Mas ges oian per flor ·
13. Non uiraz chantador ·
14. Mas pres de mon seignor ·
15. Lo bon rei cui deus guit ·
16. Daragon men partit ·
17. Dir (et) de marrimen ·
18. Per qeu chant tot forchadamen ·
19. Et al seu plasen mandamen ·
20. No deuon ges sei amic (con)tradir ·
21. Cals enemicx uem qes fai ebezir ·
22. Chai a la dolor de la den ·
23. Uir la lenga lei cui mi ren ·
24. Et er merces sil me deigna coillir ·
25. Qen maint bon loc faz son ric prez auzir ·
26. Bel naimanz deus mi gard de faillir ·
27. Uas lei qi faill ues mi seu lauses dir ·FqMars 155.6 (S 21)
28. Folket .
29. CHantan uolgra mon ferm cor descobrir ·
30. Lai on magra ops qe fos saubuz mos uers ·
31. Mas per dreich gauz mes fallit mos sabers ·
32. Per qai paor qe non puosca uenir ·

xxxiv

1. Cus nouel iois en cui ai mesperanza ·
2. Uoill qe mos chanz sia per lei aders ·
3. Et qar li plaz qeu enanz sa lausor ·
4. A mon chantar don ai gauz (et) paor ·
5. Cab son prez uol trop auer lausador ·
6. Per qe no(n) par qe pogues auenir ·
7. Al seu ricx prez qes tan auz (et) aders ·
8. Qara non dei en uer senblan faillir ·
9. Qar eu trob tan de ben en lei a dir ·
10. Qe sofraichos mi fai trop abundanza ·
11. Per qeu lais a dir mon bon espers ·
12. Non poiria retraire sa ualor ·
13. Qar de bon prez ai chausit lo meillor ·
14. Et dels amanz lo plus fin amador ·
15. Anc mais nol dis tan tem a lei faillir ·
16. Si es a leis autriaz mos uolers ·
17. Mas der en an no mol tolra temers ·
18. Qeu sai qe focs sesbraisa per cobrir ·
19. El deu damor ma nafrat de tal lanza ·
20. Qe nom ten pro soiornars ni iazers ·
21. Per qe me part de midonz cui ador ·
22. Tal qe ma fazgran ben (et) gran honor ·
23. Mas hom deu ben caniar bon per meillor ·
24. Per o de ren al non ai mais lo desir ·
25. Non ai donc per molt esgranz mos poders ·
26. Qar sol daitant men es donaz lezers ·
27. Uolria eu donc mon cor plus enriqir ·
28. Qar sos clars uis (et) sa gaia senblanza ·
29. Mi pais mos oillz tan magrada uezers ·
30. Mas un conort nai qe uen de folor ·
31. Qades mes uis qem uoilla dar samor ·
32. Sol uir ues mi sos oillz plens de dolchor ·

xxxv

1. Et donc do(n)pna qant mais no puosc sofrir ·
2. Lo mal qeu trac per uos matin (et) sers ·
3. Merce naiaz qel mond non a auers ·
4. Qe ses uos mi pogues enreqir ·
5. Mas qan uos uei souen nai gran doptanza ·
6. Qe uos non faza oblidar non chaler ·
7. Mas eu qi sent la pena (et) la dolor ·
8. Nom oblit ges ainz iteing noich (et) ior ·
9. Los oillz el cor si qeu non uir aillor ·
10. A uos mi ren pros do(n)pna cui ador ·
11. Et prendez mi qe segui dret damor ·
12. Deit lon esgar fin corage (et) ricor ·FqMars 155.14 (S 22)
13. Folket . S
14. MOlt ifez gran pechat amors ·
15. Qan li plac qes meses en me ·
16. Qar merce noi aduis ab se ·
17. Ab qe sadolces ma dolors ·
18. Qamors perd son nom (et) desmen ·
19. Et es desamors planamen ·
20. Pois merces nom pot far socors ·
21. A cui fora prez (et) honors ·
22. Pois ill uol uencer totas res ·
23. Cunauez la uences merces ·
24. Si nos uenz uencuz soi amors ·
25. Uencer nos puos mas ab merce ·
26. Et sentre tanz mals trai un ben ·
27. Ia nuos er danz ni deshonors ·
28. Cuiauos qeos esteia gen ·
29. Qan mi faiz plaigner tan souen ·
30. Anz en ual meinz uostra lausors ·
31. Per ol mals me fora dolchors ·
32. Sil auram a qe ram soi pres ·

xxxvi

1. Me pleies mercei ant merces ·
2. Mas trop ma airat amors ·
3. Qar ab merce sen desaue ·
4. Per ol meillz del meillz qet hom ue ·
5. Midonz qe ual meillz qe ualors ·
6. En pot leu far acordamen ·
7. Qar mager ne faiz per un cen ·
8. Qi ue com la neus el colors ·
9. Cho es la blanc (et) la colors ·
10. Sacordon en lei senblanz es ·
11. Qamors siacord (et) merces ·
12. Mas non pot esser pos amors ·
13. Non o uol ne midonz cho cre ·
14. Per o de midonz no sai re ·
15. Canc tant nomenfollit folors ·
16. Qeu llausses dir mon pensamen ·
17. Mas cor ai qem capdel absen ·
18. Ab ardimen qel tol paors ·
19. Per o esperar fai la flors ·
20. Torn en fruich (et) de midon pes ·
21. Qe speran la uences merces ·
22. Ester no puos durar amors ·
23. Et no sai cossi se desue ·
24. De mon cor qe si os a (et) os te ·
25. Qe re non cuich qe naia aillors ·
26. Qe si beos es granz eissamen ·
27. Podez e mi caber leumen ·
28. Qous deuis una granz tors ·
29. Qen un paoc miraill es largors ·
30. Eu soi tan granz qe sios plagues ·
31. Ancar neis icaubra merces ·
32. Mal mi soi gardaz per un sen ·

xxxvii

1. Enblat amors ·
2. Mar qer estorz de sas dolors ·
3. Mas dir pot qeu ues mi soi pres ·
4. Neus no mi ual dreich ni merces ·
5. Naiman lo uostro socors ·
6. Et en toz te(m)ps uolgre uaillors ·
7. Mas daqest non uoill sapchaz ges ·
8. Capenas neis o sap merces ·FqMars 155.23 (S 23)
9. Folket . S
10. TAn mou de cortesia raison ·
11. Mon chantar qeu non posc faillir ·
12. Enanz men deo meillz auenir ·
13. Qe mais no fe (et) sabez con
14. Qe lemperairis me somon ·
15. Et pregam fort qeu men ieqis ·
16. Sil mo sofris ·
17. Mas car il es cim (et) rais ·
18. Denseignamen ·
19. Non seschai qal seu mandamen ·
20. Sia mon sabers flac ni lenz ·
21. Anz taing qe dobles mos engenz ·
22. Et san parlei en ma chanson ·
23. De lausengier cui deus adir ·
24. A qi lor uoill del tot mal dir ·
25. Et ia deus nocalor perdon ·
26. Qaram diz so canc uer no fon ·
27. Per cela cui obedis ·
28. Et relenqis ·
29. Et cuia qallor aiasis ·
30. Mon pensamen ·
31. Ben mo don per gran fallimen ·
32. Qan per zo qe am finamenz ·

xxxviii

1. Per sel qil dison qes nienz ·
2. Amarai la donc a lairon ·
3. Pois uei qil non deigna sofrir ·
4. Qi enz en mon cor la desir ·
5. Et sai qafar me uoill o non ·
6. Qel cor ten lo cors en preison ·
7. Et al si destreiz (et) conqis ·
8. Qe no mes uis ·
9. Qaia poder qeu men partis ·
10. Abanz aten ·
11. Qanqera la uencha sufren ·
12. Qe merce alonc sofrir uenz ·
13. Lai o non ual forza ni genz ·
14. Et se merce nomen ten pron ·
15. Qe ferai , porai men partir ·
16. Non eu , qe pres soi a morir ·
17. De gisa qe mer sobre bon ·
18. Qen pensan remir sa faison ·
19. Et remirond (et) eu languis ·
20. Qar elam dis ·
21. Qe nom dara zo qeu lai qis ·
22. Tan loniamen ·
23. Ni per aizo no malen ·
24. Anz dobl ades mos pensamenz ·
25. Et muor aissi mescladamenz ·
26. Ni per aizo no ma bandon ·
27. Qar eu ai senpre audi dir ·
28. Qe mensonza no pot cobrir ·
29. Qe no mora qalqe saison ·
30. Et pois dreiz uenz falsa ocaison ·
31. Anqer asai plus (et) deuis ·
32. Com eu soi fis

xxxviiii

1. Qar si soi suiez (et) aclis ·
2. De bon talen ·
3. De lei amar ai pres (con)ten ·
4. Mon fin corages (et) mon senz ·
5. Cascuns cuiamar plus formenz ·BnVent 70.7 (S 24)
6. Bernard daue(n)ntador . T .
7. ERa non ui luser soleill ·
8. Tan me son escurcit li rai ·
9. Et ges per aicho no mesmai ·
10. Cuna clartat me soleilla ·
11. Damor qenz al cor me raia ·
12. Et qant altra gent sesmaia ·
13. Eu meillor enanz qe sordei ·
14. Per qe mon chant no sordeia ·
15. Prat me senbla uert (et) uermeill ·
16. Issamen com lo te(m)ps de mai ·
17. Sim ten fin amor coint (et) gai ·
18. Nes mes flor blanch (et) uermeilla ·
19. Et liuer chalen de maia ·
20. La genser (et) la plus gaia ·
21. Ma mandat qe samor mautrei ·
22. Senqer nollam desautreia ·
23. Paor me fan maluais conseill ·
24. Per qel secle mor (et) deschai ·
25. Aduns saioston li saluai ·
26. Et luns ab lautre (con)seilla ·
27. Com si fin amor deschaia ·
28. Ai maluasa gent saluaia ·
29. Qi uos ne uostre (con)seill cre ·
30. Damedeu prec el descreia ·
31. Daqest me rancur em coreill ·
32. Qira men fan dol (et) esmai ·

xl

1. Et pesalor del ioi qeu ai ·
2. Et pois chascun sen coreilla ·
3. Del autrui ioi (et) sesmaia ·
4. Ia eu meillor drec non aia ·
5. Cab sol deport uenz (et) guerrei ·
6. A cil qe plus me guerria ·
7. Ges mido(n)pna nos meraueill ·
8. Sil qier qem don samor nim bai ·
9. Contra la foldat qem retrai ·
10. Ferai eu grant merueilla ·
11. Sela macola nim baia ·
12. Ai seria com mi retraia ·
13. Ai cal uos ui (et) cal uos uei ·
14. Per benenansa qem ueia ·
15. Noig (et) ior pens consir (et) ueill ·
16. Planc (et) sospir ma pois ma pai ·
17. Et neguns hom tan mal non trai ·
18. Mas un bon respeg mesueilla ·
19. Don mon corage sapaia ·
20. Fol soi qar dic qe mal traia ·
21. Pois ai tan ric amor enuei ·
22. Ben uai ab sola lenueia ·
23. Fin amor auos mapareill ·
24. Per o nom couen ne meschai ·
25. Mais car par uostra merce plai ·
26. Deu cuit qe mo apareilla ·
27. Caissi fin amor meschaia ·
28. Ha do(n)pna per merce plaia ·
29. Caiaz del uostramic mercei ·
30. Pois ai tant gens uos merceia ·BnVent 70.21 (S 25)
31. Bernard . T .
32. GEs de chantar nom pren talanz ·

xxxxi

1. Tan mi pesa de cho qieu ue ·
2. Qe metres soliom en granz ·
3. Com agues prez honor (et) lau ·
4. Mas era non uei ni non au ·
5. Com parle de drudaria ·
6. Per qe prez (et) cortesia ·
7. Et solaz torna en non chaler ·
8. Des barons comense lenianz ·
9. Cuns non ama per bona fe ·
10. Per cell an los autre lo danz ·
11. Et neguns hom de lor non iau ·
12. Ne amor non reman per au ·
13. Car ben leu tal ameria ·
14. Qi sen ten , qar no saubria ·
15. A guisa damado(r) captener ·
16. Per ren non es hom tan preianz ·
17. Com per amor (et) per domne ·
18. Qe daqi mou deport (et) chanz ·
19. Et tot qant apres fin ab au ·
20. Nuls hom ses amor ren non uau ·
21. Per qieu non uoill sia mia ·
22. Del mon tota la segnoria ·
23. Si ia ioi non sabia auer ·
24. De midonz me lau cent aitanz ·
25. Qieu non sai dir (et) ai ben dre ·
26. Qe qant pot me fa bel semblanz ·
27. Et son ami gent esuau ·
28. Et mandet mi per qeu mi lau ·
29. Qe per paor me remania ·
30. Qar ela plus no fazia ·
31. Per qe nestau en bon esper ·
32. De tal amor soi fin amanz ·

xlii

1. Don duc ni conte non enue ·
2. Et non es rex ni amiranz ·
3. El mon qe si nauia tau ·
4. No sen fezes rics com eu fau ·
5. Et si laussar la uolia ·
6. Ges tan dire non porria ·
7. De ben mais qe non sia uer ·
8. Bona do(n)pna coinde (et) presanz ·
9. Per deu aiaz de mi merce ·
10. Et ia non i annes doutanz ·
11. De uostramic fins (et) corau ·
12. Far mi podez (et) ben (et) mau ·
13. En la uostra merci sia ·
14. Qieu soi garniz tota uia ·
15. Com faza tot uostre plaser ·
16. Fons salada bon drugumanz ·
17. Siaz uas mon seignor lo re ·
18. Digaz li qe mos azimanz ·
19. Miten qar en uas lei non uau ·
20. Si com atal hom emperau ·
21. Qe annet en normandia ·
22. Uolgra qe ben conuenria ·
23. Qagues tot lo mond en poder ·BnVent 70.36 (S 26)
24. Bernard . T
25. POis me preiaz segnor ·
26. Qeu chant eu chanterai ·
27. Et can cug chantar plor ·
28. Mantas uez qe mo sai ·
29. Greu uerrez chantador ·
30. Ben chant pois mal li uai ·
31. Ua mi del mal damor ·
32. Melz qe no fez anc mai ·

xliii

1. Et doncs per qe mesmai ·
2. Gran ben (et) gran honor ·
3. Conosc qe deus mi fai ·
4. Qar am la bellisor ·
5. Et ills mi qeu mo sai ·
6. Mas eu soi sai aillor ·
7. Et no sai com li uai ·
8. Si mauci de dolor ·
9. Qar ochaison non ai ·
10. De souenz anar lai ·
11. Mantas uez can seschai ·
12. Qan de li me soue ·
13. Qi qes cride nis brai ·
14. Eu non aug nulla re ·
15. Tan dolcemen me trai ·
16. La bella al cor de se ·
17. Et cals dicz qe soi sai ·
18. Et so cuic (et) so cre ·
19. Qe de sos oillz non ue ·
20. Amors (et) qe farai ·
21. Se ia garai ab te ·
22. Per ma fe eu morrai ·
23. Del desirer qem te ·
24. Se la bella ou iai ·
25. Non ma de iosta se ·
26. Qeu labraz (et) la bai ·
27. Et la strenia uas me ·
28. Lo seu cors blanc (et) le ·
29. Ges damar nom recre ·
30. Per mals ni per afan ·
31. Et qan deus me fa be ·
32. Nol refuc nil soan ·

xliv

1. Et qant eu non aire ·
2. Sai ben cobrir mon dan ·
3. Cal a coza coue ·
4. Com san autras lonian ·
5. Per meillz saillir en an ·
6. Bona do(n)pna merce ·
7. Del uostre fin aman ·
8. Qem prei per bona fe ·
9. Canc ren non amei tan ·
10. Man iontas ab cor cle ·
11. Uos mautrei en coman ·
12. Et se locs sen deue ·
13. Fazez me bel senblan ·
14. Qe molt nai gran talan ·
15. Mon escudiers (et) me ·
16. Don deus cor (et) talan ·
17. Candui anem truan ·
18. Et ills qe men ab se ·
19. Cho qama ses enian ·
20. Et eu mon aiman ·BnVent 70.1 (S 27)
21. Bernard . T
22. AB zoi mou lo uers el comenz ·
23. Et ab zoi remaing (et) fenis ·
24. Et sol qe bona fos la fins ·
25. Bons tegn qes lo comensamenz ·
26. Per la bona comencansa ·
27. Mi uen iois (et) alegransa ·
28. Et per zo dei la bona fin grazir ·
29. Qar toz bons faiz uei laudar al fenir ·
30. Sima podera iois em uenz ·
31. Qem meraueill qar o sofris ·
32. Qar non o dic (et) non es bruis ·

xlv

1. Per qe soi tan gais ni zausenz ·
2. Mais greu uerrez fin amansa ·
3. Ses paor (et) ses doptansa ·
4. Qades tem hom ues zo qama fallir ·
5. Per qeu no maus del parlar enardir ·
6. Duna ren mauondaua mos senz ·
7. Qanc nuls hom mon zoi non enqis ·
8. Qeu uolenter no len mentis ·
9. Qe nom par bons enseignamenz ·
10. Anz es folia (et) enfansa ·
11. Qi damor a benenansa ·
12. Qer ia lo uol ad home descobrir ·
13. Sil no len pod o ualer o seruir ·
14. Non es enois ni fallimenz ·
15. Ni uilania zo mes uis ·
16. Mais dome qan se fai deuis ·
17. Dautrui amor e conoisenz ·
18. Enoios (et) qeus enansa ·
19. Sim faiz enoi ni pesansa ·
20. Cascuns se uol de son mester fornir ·
21. Mi confondez (et) uos non uei iauzir ·
22. Ben couen a do(n)pna ardimenz ·
23. Entrauols genz (et) mals uezins ·
24. Qe si bons cors no lafortis ·
25. Greu pod esser pros ni ualenz ·
26. Per qeu preg maia menbransa ·
27. La bella en cui ai fiansa ·
28. Qe nos cange per paraulas nes uir ·
29. Qels enemicx faza denueia morir ·
30. Ia sa bella boza rienz ·
31. Non cuidei baisa(n) me trais ·
32. Qab un sol dolz baisar maucis ·

xlvi

1. Et sab altre no mes garenz ·
2. Eissamen mes per senblansa ·
3. Com de peleus la lansa ·
4. Qe del seu colp non podihom garir ·
5. Se per eis loc no sen fezes ferir ·
6. Bella do(n)pnal uostre cors genz ·
7. Eill uostre bel oill man conqis ·
8. Li bel senblant (et) li dolz ris ·
9. Et la bella bocha rienz ·
10. Qan ben men prend aesmansa ·
11. De beutat non sai engansa ·
12. La genzer es com anc pogues chausir ·
13. O non uei clar dels oillz ab qeos remir ·
14. Bel uezer senes doptanza ·
15. Uei qel uostre prez enanza ·
16. Qe tant sabez de plaser far (et) dir ·
17. Nuls hom nos pot de uos amar sofrir ·BnVent 70.31 (S 28)
18. Bernard . T .
19. NOn es meraueilla seu chan ·
20. Meillz de nul autre chantador ·
21. Qar plus me trailcor ad amor ·
22. Et meillz soi faiz al seu coman ·
23. Cors (et) cor (et) saber (et) sen ·
24. Et forz (et) poder iai mes ·
25. Sim tira uas amor lo fres ·
26. Qe ues autrafar non aten ·
27. Ben es morz qi damor no sen ·
28. Al cor qalqe dolce sabor ·
29. Et qe ual uiure senz ualor ·
30. Mas per enoi far ala gen ·
31. Ia damedeo no mair tan ·
32. Qeu ia plus uiua ior ni mes ·

xlvii

1. Puis ia denoi serai mespres ·
2. Et damor naurai talan ·
3. Ben uolgra fosen trian ·
4. Entrels fals li fin amador ·
5. Qe lausenger (et) trizador ·
6. Portes un corn el fron deuan ·
7. Tot lor del mon (et) tot largen ·
8. I uolgrauer dat seu lagues ·
9. Sol qe mado(n)pna conogues ·
10. Tan ben com eu lam finamen ·
11. Qant eu la uei ben mes paruen ·
12. Als oillz al uis (et) al color ·
13. Qe issament trenbli de paor ·
14. Com fa la foilla contral uen ·
15. No ai de sen per un enfan ·
16. Aissi son damor entrepres ·
17. Et dome qes aissi conqes ·
18. Pot do(n)pnauer almosna gran ·
19. Bona do(n)pna plus nous deman ·
20. Mais qem prendaz a seruidor ·
21. Qeos seruirai com bon seignor ·
22. Cossi qe de guederdon man ·
23. Ueos mal uostre comandamen ·
24. Francs cor humils gens (et) cortes ·
25. Urs ni leons non es uogues ·
26. Qe mauciaz sauos mi ren ·
27. Aqest amors me fer tan gen ·
28. Al cor duna dolza sabor ·
29. Cen ues mor lo ior de dolor ·
30. Et reuio de ioi altre cen ·
31. Tant es lo mals de dolz senblan ·
32. Qe mais ual mos mals qaltre bes ·

xlviii

1. Et pois lo mal ai tan bon ses ·
2. Molt uarral bens apres lafan ·
3. Per bona fe (et) ses engan ·
4. Am la plus bella (et) la meillor ·
5. Del cor sospir (et) dels oillz plor ·
6. Qar tant lamei per qei ai dan ·
7. Et qen pois alz camor me pren ·
8. Et les zartres en qe ma mes ·
9. No pod clao obrir for merces ·
10. Et de merce noi trob nien ·BnVent 70.6 (S 29)
11. Bernard . T
12. ERam conseillaz seignor ·
13. Uos cabez saber (et) sen ·
14. Una do(n)pnam det samor ·
15. Qai amada longamen ·
16. Mas era sai en uertat ·
17. Qela altramic priuat ·
18. Et anc de nul (con)paigno ·
19. Conpagna tan greu no fo ·
20. Mas sil uol altramador ·
21. Midon eu nolloil defen ·
22. Et las men mais per paor ·
23. Qe per autre zausimen ·
24. Et sanc hom deg auer grat ·
25. De nuill seruizi forzat ·
26. Ben dei cobrar gierdo ·
27. Eu qai tan gran tort perdo ·
28. Mas de cho soi en error ·
29. Et estau en pensamen ·
30. Qa loignat ai ma dolor ·
31. Sen aqest plai li consen ·
32. Et seu li dic mon pensat ·

xlviiii

1. Ueus mon da(n)pnage doblat ·
2. Qal qem faza o qal qe no ·
3. Res no men pot esser bo ·
4. Et seu lam adesenor ·
5. Et noiser a tota gen ·
6. Et terramen li plusor ·
7. Per cornut (et) per sofren ·
8. Saissim part de samistat ·
9. Bem teng per deseritat ·
10. Damor (et) ia deus nom do ·
11. Mais faire uers ni canzo ·
12. Li sei beill oill traitor ·
13. Qe mesgardauon tan gen ·
14. Sen aissi gardon aillor ·
15. Trop ifan gran falimen ·
16. Mas de tan man ben onrat ·
17. Qe seron mil aiostat ·
18. Plus gardan la on eu so ·
19. Qe tot (et) cels de uiro ·
20. Pois uolt soi en la folor ·
21. Ben sera fols seu non pren ·
22. Daqest dos mals lo menor ·
23. Qe ual mais mon escien ·
24. Qe naia en lei la mitat ·
25. Qe tot perda per foldat ·
26. Qar anc negun drut fello ·
27. No ui damor far son bo ·
28. Del aiga cab los oill plor ·
29. Escrio saluz mais de cen ·
30. Et tramet a la genzor ·
31. Et a la plus couenen ·
32. Mantas uez maura menbrat ·

l

1. Launor qem fez al comiat ·
2. Qeill ui cobrir sa faizo ·
3. Canc nom pog dire raiso ·BnVent 70.19 (S 30)
4. Bernard . T
5. EStat ai com hom esperduz ·
6. Per amor un long estage ·
7. Mas eram soi reconeguz ·
8. Qeu auia faich folage ·
9. Qatoz era dessaluage ·
10. Qar mera del chan recreduz ·
11. Et eu on plus estera muz ·
12. Mais fera de mon da(n)pnage ·
13. A tal do(n)pna mera renduz ·
14. Canc no mamet de corage ·
15. Et soi men tard apercebuz ·
16. Qe trop ai fat lonc badage ·
17. Oimais segra son usage ·
18. De cui qem uoilla serai druz ·
19. Et trameterai per tot saluz ·
20. Et aurai mais cor uolage ·
21. Truanz uoill esser per samor ·
22. Et conuen qab lei aprenda ·
23. Per o no sai do(n)pneiador ·
24. Qe menz de mi si entenda ·
25. Mas bel mes qab lei contenda ·
26. Qaltra nam plus bella (et) meillor ·
27. Qem ual (et) maiuda em socor ·
28. Em fai de samor esmenda ·
29. Aqesta ma fait tan donor ·
30. Qe plaz li car mercenprenda ·
31. Et prec la del seu amador ·
32. Qel ben qem fara nom uenda ·

li

1. Nim faza far lonc atenda ·
2. Qe lonc terminim fai paor ·
3. Qe no uei maluaz donador ·
4. Qab lonc respeich nos defenda ·
5. Mado(n)pnam fo al comenchar ·
6. Francha (et) de bella conpaigna ·
7. Per zo la deu eu mais amar ·
8. Qe sim fos feira (et) straigna ·
9. Qe dreich es qe do(n)pnas fraigna ·
10. Uas celui qi a cor damar ·
11. Qi trop fai son amic preiar ·
12. Dreich es qamix li sofraigna ·
13. Do(n)pna pensem delenganar ·
14. Lausengiers cui deus contraigna ·
15. Qe tant com hom lor pot enblar ·
16. De ioi (et) tant sen gadaigna ·
17. Sol qe iaus nos en plaigna ·
18. Pot longs te(m)ps nostramors durar ·
19. Sol qan luoser uoillam parlar ·
20. Et qan luox non er remaigna ·
21. Deu lau qera sai chantar ·
22. Mal grat naia ma dolz esgar ·
23. Et cil ab cui saconpaigna ·
24. Fis iois ges nos puosc oblidar ·
25. Anz uos am eos uoill eos teing car ·
26. Qar mes de bella conpaigna ·BnVent 70.41 (S 31)
27. Bernard .
28. QAn par la flors iustal uert foill ·
29. Et uei lo te(m)ps clar (et) sere ·
30. El dolz chanz des ausels per broill ·
31. Ma dolza lo cor em reue ·
32. Pos lhausel chanton a lor for ·

lii

1. Eu qai tan de ioi en mon cor ·
2. Dei ben chantar car toz li mei iornal ·
3. Son ioi (et) chant qeu non pes de ren al ·
4. Cela del mon qal eu plus uoill ·
5. Et mais lam de cor (et) de fe ·
6. Au de ioi mos diz els acoill ·
7. Et mos prex escolta (et) rete ·
8. Et se hom per ben amar mor ·
9. Eu en morrai qinz en mon cor ·
10. Li port amor tan fin (et) natural ·
11. Qe tuit son fals ues mi li plus leial ·
12. Ben sai la noich can mi despoill ·
13. En leich qe non dormirai re ·
14. Lo dormir perd qar eu lom tuoill ·
15. Per uos do(n)pna dun mi soue ·
16. Qe la on om a son tresor ·
17. Uolom ades tenir son cor ·
18. Seu no uos uei do(n)pna dun plus mi cal ·
19. Negus uezers mon bel penser nom ual ·
20. Qan mi menbra com amar suoill ·
21. La falsa de mala merce ·
22. Sapchaz qe tal ira ma cuoill ·
23. Per paoc uios de ioi nom recre ·
24. Do(n)pna per cui chant (et) demor ·
25. Per la bocham ferez al cor ·
26. Dun dolz baisar de fin amor coral ·
27. Qem torn en ioi em get dira mortal ·
28. Tal ia qi an mais dorgoill ·
29. Qan granz iois ni granz bes lor ue ·
30. Mas eu soi de meillor escuoill ·
31. Et plus francs qan deus mi fai be ·
32. Cora qeu fos damor en lor ·

liii

1. Er soi de lor uenguz al cor ·
2. Merce do(n)pna non ai par ni engal ·
3. Res nom sofraing sol qe deus uos mi sal ·
4. Do(n)pna se nos uezon mei oill ·
5. Ben sapchaz qe mos cor uos ue ·
6. Et nous doillaz plus qeu mi duoill ·
7. Ben sai com uos destreing per me ·
8. Mas sil gelos uos bat de for ·
9. Gardaz qe no uos toz al cor ·
10. Sios fa enoi (et) uos lui atretal ·
11. Qe ia ab uos no gadaing ren per mal ·
12. Son bel uezer gard deus direde mal ·
13. Seu soi d(e) loing (et) de pres altretal ·BnVent 70.43 (S 32)
14. Bernard . T .
15. QAn uei la laudeta mouer ·
16. De ioi sas alas contral rai ·
17. Qi soblidet laissa cazer ·
18. Per la dolzor qal cor lin uai ·
19. Hai com granz enueia men ue ·
20. De cui qe ueia iauzion ·
21. Merueillas mai qar de se ·
22. Lo cors desirer non fon ·
23. Ha las qant cuiaua saber ·
24. Damor (et) qant petit en sai ·
25. Qar eu damar nom puosc tener ·
26. Celei don ia pro non aurai ·
27. Tolt ma mon cor (et) tolt ma me ·
28. Et si mezeis (et) tot lo mon ·
29. Et qant sim tolc nom laissa re ·
30. Mas desirer (et) cor uolon ·
31. De las do(n)pnas me desesper ·
32. Iamais en lor nom fierai ·

liv

1. Caissi com las suoill captener ·
2. En aissi las descaptenrai ·
3. Pois uei qe una pro nom te ·
4. Ues lei qem destrui em confon ·
5. Totas las dopt (et) las mescre ·
6. Qe ben sai qatretals se son ·
7. Merces es perduda per uer ·
8. Et eu non osaubi anc mai ·
9. Qe cil qe plus en degra auer ·
10. Non agues (et) on la qerrai ·
11. Ha com mal senbla qi la ue ·
12. Qadaqest caitiu desiron ·
13. Qe ia ses lei non aurai be ·
14. Laisse morir qe noill auon ·
15. Pos amidonz no pot ualer ·
16. Deus ni merces nil dreich qeu ai ·
17. Ni a lei no uen a plaisser ·
18. Qeill man iamais nollil dirai ·
19. Aissim part dalei em recre ·
20. Mort ma (et) per mort li respon ·
21. Et uaomen sela nom rete ·
22. Chaitius en eisil no sai on ·
23. Anc non agui de mi poder ·
24. Ni no fui meus deslor enchai ·
25. Qem laisset de mos oillz ueder ·
26. En un miraill qe molt mi plai ·
27. Miraill pois me mirei en te ·
28. Man mort li sospir de prion ·
29. Caissim perde com perdet se ·
30. Lo bel narcius en la fon ·
31. De cho fai ben femna parer ·
32. Mado(n)pna per qeull lo retrai ·

lv

1. Qe cho com uol non uol uoler ·
2. Et cho com li deueda fai ·
3. Cauz soi en mala merce ·
4. Et ai ben fait de fols un pon ·
5. Ni no sai per qe me deue ·
6. Mas car poiai trop contra mon ·
7. Tristeza non aue de me ·
8. Et uamen marriz no sai on ·
9. De chantar me tuoill em recre ·
10. Et de ioi (et) damor mescon ·BnVent 70.25 (S 33)
11. Bernard . T .
12. LAn qan uei la fuolla ·
13. Ios dels arbres cager ·
14. Cui qe pes ni duoilla ·
15. A mi deu bon saber ·
16. Non creaz qeu uoilla ·
17. Flor ni fuoilla uezer ·
18. Qar ues mi sorguoilla ·
19. Cho qeu plus uolgrauer ·
20. Cor ai qe men tuoilla ·
21. Mas non ai ges poder ·
22. Qades cuich ma cuoilla ·
23. On plus me desesper ·
24. Estraigna nouella ·
25. Podez de mi audir ·
26. Qe qant uei la bella ·
27. Qem solia cuoillir ·
28. Ara no mapella ·
29. Nim fai uas sei uenir ·
30. Lo cor soz laseilla ·
31. Men uol de dol partir ·
32. Deus qil mon chapdella ·

lvi

1. Sill plaz men lais iausir ·
2. Sen aissim reuella ·
3. Noi a mais del morir ·
4. Non ai mais fianza ·
5. En augur ni en sort ·
6. Qe bon esperanza ·
7. Ma (con)fundut (et) mort ·
8. De tan loing me lanza ·
9. La bella cui am fort ·
10. Qant li qer samanza ·
11. Com seu li agues gran tort ·
12. Tant nai de pesanza ·
13. Qe tot men desconort ·
14. Mas no(n) faz senblanza ·
15. Cades chant (et) deport ·
16. Al no sai qe dire ·
17. Mas molt faz gran folor ·
18. Qar am ni desire ·
19. Del mon la bellisor ·
20. Ben deuria aucire ·
21. Qi anc fez mirador ·
22. Qan ben mo consire ·
23. Non ai guerrer peior ·
24. Ial iorn qe las mire ·
25. Nis pes de sa ualor ·
26. No serai iauzire ·
27. De lei ni de samor ·
28. Ia per drudaria ·
29. Noman qe nos coue ·
30. Per o sill placia ·
31. Qem fezes qalqe be ·
32. Eu li iuraria ·

lvii

1. Per deu (et) per ma fe ·
2. Qel bes qem faria ·
3. No fos saubuz per me ·
4. En son plaisser sia ·
5. Qeu soi en sa merce ·
6. Sill plaz qe maucia ·
7. Qeu nomen clam de re ·
8. Ben es dreich qeu plaigna ·
9. Seu perd per mon orguill ·
10. La bona conpaigna ·
11. El solaz qauer suoill ·
12. Petit me gadaigna ·
13. Lo fols ardiz qeu cuoill ·
14. Qar uas mi sestraigna ·
15. Cho qeu plus am ni uoill ·
16. Orguoill deus uos fraigna ·
17. Qar en ploron mei oill ·
18. Dreich es qem soffraigna ·
19. Tot iois qeu eis lom tuoill ·
20. Escontral da(n)pnage ·
21. Et la pena qeu trai ·
22. Ai molt bon usage ·
23. Qades consir de lai ·
24. Orgoill (et) folage ·
25. Et uilania fai ·
26. Qin muo mon corage ·
27. Ni daltram met en plai ·
28. Car meillor message ·
29. En tot lo mon non ai ·
30. Et man loill ostage ·
31. Entro qeu torn dechai ·
32. Do(n)pnal mon corage ·

lviii

1. Meillor amic qeu ai ·
2. Uos man en ostage ·
3. Entro qeu torn de chai ·BnVent 70.16 (S 34)
4. Bernard . T .
5. COnort era sai eu be ·
6. Qe ges de mi no pensaz ·
7. Puos saluz ni amistaz ·
8. Ni messages nomen ue ·
9. Trop cuit qeu faz longaten ·
10. Et er ben senblant oimai ·
11. Qeu chace cho qaltrui pren ·
12. Pois nomen uen auentura ·
13. Bel conort qant mi soue ·
14. Com gen fui per uos honraz ·
15. Et qan eram oblidaz ·
16. Per un paoc no muor de se ·
17. Qeu eisme uau enqiren ·
18. Qim met de foldat en plai ·
19. Qant eu midon sobre pren ·
20. De la mia forfaitura ·
21. Per ma culpa mesdeue ·
22. Et ia no sia celaz ·
23. Qar ues lei no soi tornaz ·
24. Per foldat qi men rete ·
25. Tant nai estat longamen ·
26. Qe de uergoigna qeu nai ·
27. Non aus auer lardimen ·
28. Qei an anz no ma segura ·
29. Il mencolpet de tal re ·
30. Don mi degra uenir graz ·
31. Fe qeu dei al aluergnaz ·
32. Tot ofi per bona fe ·

lviiii

1. Et seu en amar mespren ·
2. Tort a qi colpa men fai ·
3. Qe qi en amor qer sen ·
4. Cel non a sen ni mesura ·
5. Tant er gen seruiz per me ·
6. Sos fels cors durs (et) iraz ·
7. Tro del tot ser adolzaz ·
8. Ab bels diz (et) ab merce ·
9. Qeu ai ben trobat legen ·
10. Qi gota daiga qan chai ·
11. Fer en un luoc tan souen ·
12. Tro caua la pera dura ·
13. Qi ben remire ni ue ·
14. Oillz (et) gole front (et) faz ·
15. Aissi son finas beltaz ·
16. Qe mais ni meinz noi coue ·
17. Cors loncs dreich (et) couenen ·
18. Gent afliblar coint (et) gai ·
19. Hom nol pot lauzar tan gen ·
20. Com lo saop formar natura ·
21. Chanzoneta or ten uai ·
22. Ues mon fraces lauinen ·
23. Cui prez enanz (et) meillora ·
24. Et digaz li qe ben uai ·
25. Qe de mon conort aten ·
26. Enqera bonauentura ·BnVent 70.4 (S 35)
27. Bernard .
28. AMors qe uos es ueiaire ·
29. Trobaz uos fol mais qe me ·
30. Uos uolez qeu sia amaire ·
31. Et qe ges non trob merce ·
32. Cho qem comandaz a faire ·

lx

1. Farai qaissim coue ·
2. Ma uos no istagues be ·
3. Qem fachez tot iorn mal traire ·
4. Eu am la plus de bonaire ·
5. Del mond mais qe nulla re ·
6. Mas ela no mama gaire ·
7. Nosai per qe sesdeue ·
8. Et qant eu men cuit estraire ·
9. E non puos qamors mi te ·
10. Traiz soi per bona fe ·
11. Amors ben oposc retraire ·
12. Eu sai ben raison (et) causa ·
13. Per qe puosc midon mostrar ·
14. Qe ges longamen non ausa ·
15. En ues amor contrastar ·
16. Qar amors uenz tota causa ·
17. Qem uenqet de leis amar ·
18. Altretal re pot leis far ·
19. En una petita paosa ·
20. Granz enoiz es (et) granz naosa ·
21. De toz te(m)ps merce cridar ·
22. Lamors qe meses enclausa ·
23. Non pois cobrir ni celar ·
24. Las mos cors no dorm ni pausa ·
25. Ne pot en un loc estar ·
26. Nieu no posc ges durar ·
27. Sel dolors no ma soausa ·
28. Ab amor mes acontendre ·
29. Qe no men puos estener ·
30. Qen tal loc mi fai entendre ·
31. Don eu gran ioi non esper ·
32. En tal loc mi fara prendre ·

lxi

1. Canc non ai cor ni uoler ·
2. Mas eu non ai ges poder ·
3. Qem puosca damor defendre ·
4. Per o amors sol deissendre ·
5. Lai on li uen a plaisser ·
6. Et pot men guiderdon rendre ·
7. Don mautrait (et) dels doler ·
8. Qe mais non posca ualer ·
9. Sol midonz me des ueder ·
10. O en parolas entendre ·
11. Do(n)pna nullz hom no sap dire ·
12. Lo fin cor nil bon talan ·
13. Qeu ai qan de uos consire ·
14. Qe mais ren non amai tan ·
15. Ben magran mort li sospire ·
16. Do(n)pna passat a un an ·
17. Si non fos cent bel senblan ·
18. Qe fai doblar mon martire ·BnVent 70.12 (S 36)
19. Bernard . T .
20. BEn man perdu lai en ues uentadorn ·
21. Tuich mei amic pois mado(n)pna nomama ·
22. Et es ben dreich qe iamais la no(n) torn ·
23. Qades esta uas mi saluaza (et) grama ·
24. Desper qem fa senblan irat (et) morn ·
25. Qar en samor me deleich em soiorn ·
26. Ni de ren al nos rancura nis clama ·
27. Aissi col peis qe seslaissel cardon ·
28. Et no sap mot tro qe ses pres en lama ·
29. Mes laissei eu ues trop amar un iorn ·
30. Qanc no saop mot tro fui en mi la flama ·
31. Qe mart plus fort no feira fuox de forn ·
32. Et ges per zo nom puos partir un iorn ·

lxii

1. Aissim ten pres samor qe maliama ·
2. Nom meraueill se samor me ten pres ·
3. Qe genzer cors non cuit qel mond se mire ·
4. Bel es (et) gen (et) blancs (et) clar (et) fres ·
5. Et toz (et) tals com eu uoill ni desire ·
6. Non pos mal dir de lei qe non ies ·
7. Qel nagra diz de ioi seu li sabes ·
8. Mas no li sai per cho mo lais de dire ·
9. Toz te(m)ps uolrai sa honor (et) ses bes ·
10. Eill serai hom (et) amicx (et) seruire ·
11. Et lamerai beilli plaz (et) beill pes ·
12. Com no pot cor destreigner ses aucire ·
13. No sai do(n)pna uogues au no uolgues ·
14. Sim uolia camar no la pogues ·
15. Mas tota res pot lom en mal escrire ·
16. Alas autras soi omais escaiguz ·
17. La cals se uol me pot ues si atraire ·
18. Per tal conuen qe non sia uenduz ·
19. Lonors nil bes qe man encor a faire ·
20. Qenoios es preiars pos es perduz ·
21. Per mi os dic qe mal men es uenguz ·
22. Qenianat ma la bella de malaire ·
23. En proenza tramet manz esaluz ·
24. Et mais de bes com no lor sap retraire ·
25. Et faz esforz miraclas (et) uertuz ·
26. Qar eu lor mant de cho dont no(n) ai gaire ·
27. Qeu non ai ioi mais tan com men aduz ·
28. Mos bels uezers en faitura mos druz ·
29. En aluergnaz lo segner de bel caire ·BnVent 70.29 (S 37)
30. Bernard . T .
31. LO rossignols sesbaldeia ·
32. Iosta la flor el uerzan ·

lxiii

1. Et pren mes etals enueia ·
2. Qe non puos mudar non chan ·
3. Mas no sai de qe ne de cui ·
4. Qar eu non am mi ni altrui ·
5. Et faz esforz qar no sai faire ·
6. Bos uers poi no soi amaire ·
7. Mais a damor qi do(n)pneia ·
8. Ab orgoill (et) ab enian ·
9. Qe cil qi toz iorz merceia ·
10. Nis uai tro homilian ·
11. Qa penas uol amors celui ·
12. Qe francs (et) fins si com eu soi ·
13. Caizom tol tot mon afaire ·
14. Canc no fui fals ni trichaire ·
15. Aissi com lo rams se pleia ·
16. La ol uenz lo uau menan ·
17. Eu uas celui qim guerreia ·
18. Per far toz iorz son coman ·
19. A sos ops me gart (et) mestui ·
20. Qe si non em amic andui ·
21. Daltramor no mes ueiaire ·
22. Qe iamais mos cors sesclaire ·
23. Souen me retem plaideia ·
24. Em uai ocaisos leuan ·
25. Et qant il en ren felneia ·
26. Ues mi en es tot lo dan ·
27. Gen gaba de mi (et) dedui ·
28. Qe deis son tort condiu lautrui ·
29. Mas ben es uers qe laire ·
30. Cuiia tuit sia sei fraire ·
31. Hom no la ue qe no creia ·
32. Sos bels oillz (et) son senblan ·

lxiv

1. Et no cre qela auer deia ·
2. Felon cor ni mal talan ·
3. Mas laiga qe soausa dui ·
4. Es peiger qe cela qe brui ·
5. Engan fa qi de bon aire ·
6. Senbla (et) non es gaire ·
7. De tot loc on ill esteia ·
8. Me destoill en uau loignan ·
9. Et per zo qeu no la ueia ·
10. Pas li mos oillz claus denan ·
11. Mas aichom seca (et) destrui ·
12. Qar a mal legnai redui ·
13. On mos oill li don a traire ·
14. Sautre tort me saup retraire ·
15. Cel sec amors qi nos desdui ·
16. Et cel encaucha qi la fui ·
17. Ben ai encor del estraire ·
18. Tro qes ues midonz repaire ·
19. En aissi fos pres com ge soi ·
20. Mon aluernaz (et) foram dui ·
21. Qe plus nos pogues estraire ·
22. Dun bel ueder de bel caire ·
23. Tristan seu nocaus uei gaire ·
24. Mais uos am qeu no soill faire ·BnVent 70.35 (S 38)
25. Bernard . T .
26. PEr meillz cobrir lo mal pens el (con)sire ·
27. Chant (et) deport (et) ai ioi (et) solaz ·
28. Et faz esforz qar sai chantar ni rire ·
29. Qar eu me muor (et) nuill senblan non faz ·
30. Et per amor soi si apoderaz ·
31. Tot ma uencut a forza (et) a batailla ·
32. Anc deus no fez trabailla ni martire ·

lxv

1. Ses mal damor qeu no sofris en paz ·
2. Mas daqel son si ben pes a sofrire ·
3. Qamors mi fai amar lai on li plaz ·
4. Et dic uos tan qe seu no soi amaz ·
5. Ges no reman en la mia nualla ·
6. Midonz soi hom (et) amicx (et) seruire ·
7. Et noill enqer mais des altras amistaz ·
8. Mas qa celat los seus bels oillz me uire ·
9. Qe gran ben fan ades qan soi iraz ·
10. Et ren lor en laus (et) merces (et) graz ·
11. Qel mon non ai amic qe tan mi uailla ·
12. Molt mi sa bon lo iorn qan la remire ·
13. La boca els oillz el front els mans els braz ·
14. Et lautre cors qe re non es adire ·
15. Qe no sia bellament faichonaz ·
16. Gen cor de lei no pot faire beltaz ·
17. Per qeu men ai grant pena (et) gra(n)t trauailla ·
18. A mo talan uoill mal tan la desire ·
19. Et prez men mais qar eu fui tan ausaz ·
20. Qen tan aut loc aussei mamor assire ·
21. Per qe men soi cointes (et) enseignaz ·
22. Et qant la uei soi tan fort enueisaz ·
23. Ueiaire mes qel cor ues cel mi sailla ·
24. Deinz de mon cor en corroz em naz ire ·
25. Qar eu sec tan las mias uoluntaz ·
26. Mas negus hom no deu aitals res dire ·
27. Com no sagues com ses auenturaz ·
28. Qe ferai doncs dels bels senblanz priuaz ·
29. Faillirai lor , meill uoill qel mon mi failla ·
30. Ab lausengiers non ai ren a deuire ·
31. Qar anc per lor no fo rics iois celaz ·
32. Et dic uos tan qe per mon escondire ·

lxvi

1. Et ab mentir lor ai caniaz los daz ·
2. Bes es toz iois a perdre destinaz ·
3. Qe es perduz per la lor diuinailla ·
4. Corona mant saluz (et) amistaz ·
5. Et prec midon qe maiut (et) mi uailla ·BnVent 70.44 (S 39)
6. Bernard . T .
7. TAnt ai mon cor plen de ioia ·
8. Tot mi desnatura ·
9. Flor blancha uermeilla (et) croia ·
10. Senbla la freidura ·
11. Cab lo uent (et) ab la ploia ·
12. Mi creis lauentura ·
13. Per qe mos chant monta (et) poia ·
14. Et mos prez millura ·
15. Tant ai al cor damor ·
16. De zoia (et) de dolzor ·
17. Qe linuer me senbla flor ·
18. Et la neu uerdura ·
19. Anar pois ses uestidura ·
20. Nuz en ma chamisa ·
21. Qe fin amor masegura ·
22. De la freida bisa ·
23. Et es fols qis desmesura ·
24. Et nos ten de guisa ·
25. Per qeu ai pres de mi cura ·
26. Pois uos aic enqisa ·
27. La plus bella damor ·
28. Don aten gran honor ·
29. Siqen loc de ma ricor ·
30. No uolgrauer frisa ·
31. De samistat mes esqisa ·
32. Mes eu nai fianza ·

lxvii

1. Qe se uals eu nai conqisa ·
2. Labella senblanza ·
3. Et aien a ma deuisa ·
4. Tan de benenanza ·
5. Qe ial iorn qe laia uisa ·
6. Non aurai pesanza ·
7. Mon cor ai en amor ·
8. El esperiz lai cor ·
9. Et eu sen soi zai aillor ·
10. Loing de leis en fransa ·
11. Tant naten bona esperanza ·
12. Ues qe paoc mauonda ·
13. Qaltresim ten en balanza ·
14. Com la nau soz londa ·
15. Del mal trait qem desenanza ·
16. No trob ou mesconda ·
17. Tota noit me uir en lanza ·
18. De sobra la sponda ·
19. Tant trag pena damor ·
20. Qanc tristan lamador ·
21. Non sofret maior dolor ·
22. Per yseut la blonda ·
23. Deu car non senbles ironda ·
24. Qe uola en laire ·
25. Qeu uengues de noit gronda ·
26. Lai al seu repaire ·
27. Bona do(n)pna gaudiunda ·
28. Morz es uostramaire ·
29. Paor ai qel cor non fonda ·
30. Saizom dura gaire ·
31. Do(n)pna uas uostramor ·
32. Iuing mas mans (et) ador ·

lxviii

1. Bels cors ab fresca color ·
2. Granz mals mi fait traire ·
3. Qel mon non a nul afaire ·
4. Don eu tan consire ·
5. Seu aug ren de lei retraire ·
6. Qe mon cor non uire ·
7. Et mon senblant non esclaire ·
8. Qe qeu noia dire ·
9. Si qades uos es ueiaire ·
10. Caia talent de rire ·
11. Tant lam per fin amor ·
12. Qe mantas uez enplor ·
13. Mesager uai (et) cor ·
14. Et dim ala gensor ·
15. La pena (et) la dolor ·
16. Qeu trai el martire ·BnVent 70.3 (S 40)
17. Bernard . T .
18. AMors enqera uos pregara ·
19. Qem fusses plus amorosa ·
20. Cuns pauc bens desadolora ·
21. Qe res de mal noill pareia ·
22. Sera nageses merce ·
23. Qar de me nous desoue ·
24. Mas eu pens qen aissim prenna ·
25. Com fes al comensamen ·
26. Qan me mis al cor la flama ·
27. De leis qem fes estar len ·
28. Et anc nolles deschausimen ·
29. Molt uiu a gran asescara ·
30. Et a dolor angoissosa ·
31. Cel qi tot iorn aseignora ·
32. Mala do(n)pna qeu mestera ·

lxviiii

1. Iausenz mais aissi maue ·
2. Qe cil cui desir no cre ·
3. Qeu lam tan qe mi couegna ·
4. Lonors nil ben qeu naten ·
5. Et an tort qal no reclama ·
6. Mon cor mas leis solamen ·
7. Et so qaleis es plaisen ·
8. Toz te(m)p de leis mi lausara ·
9. Seram fos plus amorosa ·
10. Qamors qil cor men amora ·
11. Me det mais non escasegra ·
12. Non plaser mas sabez qe ·
13. Enuei (et) desir anc se ·
14. Et sa lei plaz qem retegna ·
15. Far po de mi son talen ·
16. Mielz non fal uenz de la rama ·
17. Qen aissi uau leis seguen ·
18. Com la folla sec lo uen ·
19. Tant es fresca beleclaira ·
20. Qamors nes uas mi doptosa ·
21. Qar de beutaz alugara ·
22. Bel iorn (et) clarzis noiz negra ·
23. Don chascuns qi la ue ·
24. Damar lei nous recre ·
25. Non dic laus mas morz mauegna ·
26. Seu no lam de tot mon sen ·
27. Mado(n)pnamors me liama ·
28. Qem fai dir souen (et) gen ·
29. De uos man uers auinen ·
30. Dousa res coindeauara ·
31. Humil franqeorgoillosa ·
32. Belle genser cops no fora ·

lxx

1. Do(n)pna per merce ous qergra ·
2. Qar mais uos am daltra re ·
3. Qeus prezes merces de me ·
4. Qamort tem per uos me stregna ·
5. Se pietaz nous en pren ·
6. Et sieu mor qar mon cors ama ·
7. Uas uos om ren nom defen ·
8. Tem qe fassas fallimen ·
9. Souen plor tan qe la qara ·
10. Nai destrez (et) uergognosa ·
11. El uis semdesacolora ·
12. Qar uos don zausir mi degra ·
13. Per qe de me nous soue ·
14. Et nom don deus de uos be ·
15. Seu sai sen uos com capteigna ·
16. Qaitan dolorosamen ·
17. Com cel qe mor (et) qafama ·
18. Et si tot mo fai paruen ·
19. Nulz hom menz de mi non sen ·Peirol 366.21 (S 41)
20. Peirol daluergna . q
21. MOl mentremis de chantar uolenter ·
22. Et dalegranz (et) de ioi mantener ·
23. Aitant com fui damor en bon esper ·
24. Mas er non uei mon pro ni li enten ·
25. Ni mai secors de midon non aten ·
26. Tal desconort (et) tal esmai men ue ·
27. Qe per un pauc de tot zoi nom recre ·
28. Gran mal ma fait lacuidamen primer ·
29. El bel senblant qi ges no meron uer ·
30. Can pois non poi mon corage mouer ·
31. Qen un desir soi ades solamen ·
32. Ni de ren al grand enueia nom pren ·

lxxi

1. Et pois non plaz qeu naialtra merce ·
2. A sofrir mer lo trabaill a qem te ·
3. Ia non partrai de leu mon consire ·
4. Per mal qem faz , e noi posc mal uoler ·
5. Qar tant la fait senz (et) beltaz ualer ·
6. Segon lamor folei sauiamen ·
7. Qe fols ai diz , anz folei folamen ·
8. Qan narcisus qan uet lombra de se ·
9. Se ben mori no fo plus fols de me ·
10. Caltresi mor entre long desirer ·
11. Qim fan tot ior sospirar (et) doler ·
12. Per lei qi ma tornat anon caler ·
13. Qora sai eu (et) conois ueramen ·
14. Qil men schiua son priuat parlamen ·
15. Et eu lam tan cala mia fe ·
16. Qan uei mon dan ia mi metei non cre ·
17. Ben sai qals es tot mon conseill derer ·
18. Pois del partir non ai zeng ni poder ·
19. Sens sospensar farai lo meu plaiser ·
20. Amerai la midon per tal couen ·
21. Qel cor aurai lamoros pensamen ·
22. Mais la bocha tenrai ades en fre ·
23. Qe sil per uer nollim dirai mas re ·
24. Anz mestarai fals penedenzer ·
25. Qi ren non qier daizo qel uol auer ·
26. Ai qam tarza qeu no la uau ueder ·
27. Irai la donc morir mon escien ·
28. Oc qaital mort amerai eu souen ·
29. Qestragnamenz es granz plaisers qi ue ·
30. Ço qama fort ia non az altre be ·
31. Bon uers tramet midonz per tal couen ·
32. Catolomens saltre pro nocamte ·

lxxii

1. Can laudira menbrera li de me ·Peirol 366.6 (S 42)
2. Peirol . q
3. CAniat ai mon consirer ·
4. Canies qai fat damia ·
5. Don ai fin cor uertader ·
6. Mais cauer no solia ·
7. Mais non es de prez sobrer ·
8. Et eu per qen mentria ·
9. Qeu aug dir el reproer ·
10. Qi no troba no tria ·
11. Et qi pren nos faudia ·
12. Entendrem fazia amor ·
13. En folla ricaudia ·
14. En la riqeza auzor ·
15. Don mal mon grat soffria ·
16. Pena (et) dan (et) dolor ·
17. Si qe tot imoria ·
18. Gardaz sera ben folor ·
19. Qant eu plus iperdia ·
20. Et meillz mi entendia ·
21. Ara soi amesuraz ·
22. Et sec ma dreita uia ·
23. Qan qe fos ma uoluntaz ·
24. Plus aut qe no deuia ·
25. Ben dei esser castiaz ·
26. Per dan qe men uenia ·
27. Qaizo es dobla foldaz ·
28. Dome qi nos castia ·
29. Pois conois sa folia ·
30. Per qeu sai qe stara be ·
31. Et fora cortesia ·
32. Qe ia hom non ames re ·

lxxiii

1. Mazo qel ameria ·
2. Prechars seschai (et) saue ·
3. Qe mesura imetia ·
4. Mes sapchaz qi trop ote ·
5. Cho es senblant qe sia ·
6. Enois (et) uillania ·
7. Ora conosc (et) enten ·
8. Qes bona conpaignia ·
9. Qandui samen finamen ·
10. Per leial drudaria ·
11. Et chascuns tot franchamen ·
12. Uer son pars somelia ·
13. Et amors no uai qeren ·
14. Orguoill ni uilania ·
15. Mas merces tota uia ·
16. Lai on ai mon bon esper ·
17. Me trai amors em lia ·
18. Don non aus nim puos mouer ·
19. Mon desir noich ni dia ·
20. Ben pot mado(n)pna saber ·
21. Caissi lam ses bausia ·
22. Qar ren contral seu uoler ·
23. Mon cor no pensaria ·
24. Ni boca nol diria ·
25. Torbat man lausengier ·
26. Mon ioi mi (et) mamia ·
27. Cen uez lan faicha plorer ·
28. Qar tot iorn la batia ·
29. Tal nies qe sa moiller ·
30. Plus deigna ne seria ·
31. Qa faiz pres de son oster ·
32. Ab un hom conpaignia ·

lxxiv

1. Non taing qeu plus en dia ·
2. Leu chansonete plaisen ·
3. Uaiten ta dreta uia ·
4. A leis on ioi (et) iouen ·
5. Renouel (et) coindia ·
6. Digaz li qa leis mi ren ·
7. Uas la qal part qe sia ·
8. Qar ieu non ai ges talen ·
9. Del autra segnoria ·
10. Nos taing qeu plus en dia ·
11. Trop melz me ual son bon esper ·
12. Ten chanson drita uia ·
13. A la bella ou qe sia ·
14. Et dill qiei faz a saber ·
15. Qautra non uoill qe sia ·
16. De mon cors garentia ·
17. Oill uos ren boich (et) cors ·
18. Ma bella douz amia ·
19. De toz bons aips conplia ·Peirol 366.31 (S 43)
20. Peirol q
21. DE ben soi loing (et) entre gent estragna ·
22. Oimais consir damor a qem conort ·
23. Et pens dun uers con sil faz (et) acort ·
24. Tal qe sia gais (et) plaisenz (et) fis ·
25. Et qant tot meill mon chantar me grazis ·
26. Et eu me dei gardar qe no mesprenda ·
27. Ni diga res don sauis me reprenda ·
28. Non es nul ior qenz el cor no deiscenda ·
29. Una dolchor qim uen de son pais ·
30. La zoing las mains (et) la estao aclis ·
31. Et la uos dic qeu uorria esser fort ·
32. Pres de midon si tot aues mi tort ·

lxxv

1. Qab bel solaz (et) ab dolze (con)paigna ·
2. Mi dauret gen cho qa ora mistagna ·
3. Ben ai oimais qeu sospir (et) qeu plaigna ·
4. Qab paoc lo cor non part qan me recort ·
5. Del bel solaz del ioi (et) del deport ·
6. Et del plaiser qelam fes (et) qem dis ·
7. Ai com fora gariz sadonc moris ·
8. Qe qan la prec qe de mi merceill prenda ·
9. Nul uezaire no fai qe lo entenda ·
10. Ben es raisos qeu sofra (et) atenda ·
11. Cum atendrai pois le non abellis ·
12. Meill me fora som par , qeu men partis ·
13. Partit non ges trop nai pres long acort ·
14. Bella do(n)pna uostrom soi tot a fort ·
15. Non credaz ges lamors en mi remagna ·
16. Qen uos amar tem qel te(m)ps nom sofragna ·
17. Lei non fall ren qi a pro do(n)pna tangna ·
18. Com no la ue qi de lei laus non port ·
19. Coind (et) gaies (et) pro per qeu lam fort ·
20. Et donc amor cui toz te(m)ps obedis ·
21. Plarialza cuna uez men chausis ·
22. Aqesta iqer perdon (et) per esmenda ·
23. Et se noza gierdon no men renda ·
24. Daltre trabaill prec deu qelam defenda ·
25. Mais un sol iorn uolgra qela sentis ·
26. Del mal qeu trai per lei ser (et) matis ·
27. Qen greu perill ma lassat loing del port ·
28. Mas eu non qier caltra men aia stort ·
29. Qe salei plaz car en ues mi safragna ·
30. Anc hom damar non fes genzer gadaigna ·Peirol 366.19 (S 44)
31. Peirol .
32. MAnta genz mi mal raisona ·

lxxvi

1. Qar eu no chant plus souen ·
2. Et qi daizo mo caisona ·
3. No sap ges qan longamen ·
4. Man tengut en greu pensamen ·
5. Cil qi mon cor enpreisona ·
6. Per qeu perd esbaldimen ·
7. Tal desconort me dona ·
8. Per o sem fo franc (et) bona ·
9. Mido(n)pn el comenzamen ·
10. Era no ma coill nim sona ·
11. Mas aissi com laltra gen ·
12. Qar conois qeu lam finamen ·
13. Aqo mal mi gierdona ·
14. Amors fara fallimen ·
15. Saqest tort li perdona ·
16. De tota ioiam deslonia ·
17. Mado(n)pna nolles honors ·
18. Cab calqe plaizen menzonia ·
19. Me pogra il far gen secors ·
20. Er sai qe non es mas folors ·
21. Aqesta entendancha lonia ·
22. Don ai fat tantas clamors ·
23. Qantas nai ab uergonia ·
24. Ha partirai men eu noia ·
25. Qe son prez (et) sa ualors ·
26. Mo deueda , (et) mo caloia ·
27. Qant eu cuit amar aillors ·
28. Per tot lo cor mintra lamors ·
29. Si com fai laiga en la sponia ·
30. Tot iorn mi plairal dolors ·
31. Qo qem destreing ni ponia ·
32. Ades uoill qamors massailla ·

lxxvii

1. Em guerrei maitin (et) ser ·
2. Contra la soa batailla ·
3. Non qier rapaos ia auer ·
4. Et seu non ai tot mon uoler ·
5. Tals es cil caissim trauailla ·
6. Qel mon non a mais plazer ·
7. Qe lo meu mal traiz uailla ·
8. Lausenga ni deuinalla ·
9. Denueios nom cal temer ·
10. Sol pensar de leis nom failla ·
11. Nul no men po dan tener ·
12. Qel consir dum eu malexer ·
13. Mi pais meill daltra uitailla ·
14. Per ren qe naia en poder ·
15. Mos cors no sen auailla ·
16. Canzos a toz pot dir en uer ·
17. Qe mon chant non agra failla ·
18. Sem uolgues damor ualer ·
19. Mado(n)pna cui iois uailla ·Peirol 366.9 (S 45)
20. Peirol . q .
21. COra qem fezes doler ·
22. Amors nim dones esmai ·
23. Aram tem iauzent (et) gai ·
24. Per qeu chant a mon plazer ·
25. Qeu ai plus ric ioi (con)qis ·
26. Qami no tagnia ·
27. Et qan ricors somelia ·
28. Homilitaz senreqis ·
29. Midonz mercei (et) grazis ·
30. Del benenanza qeu nai ·
31. Et ia no mobliderai ·
32. Los plazers qem fez nim dis ·

lxxviii

1. Qen mi no a mais poder ·
2. Cil qamar solia ·
3. Qen plus franca segnoria ·
4. Uoill ses engan remaner ·
5. Der en an mer a tener ·
6. Al reproer com retrai ·
7. Nos moua qi ben estai ·
8. Non farai eu ges per uer ·
9. Qel flam qamors noiris ·
10. Mart la noit (et) la dia ·
11. Per qeu deueing tuta uia ·
12. Com fa laors el foc plus fis ·
13. Ben magrad (et) mabelis ·
14. De dos amics qan seschai ·
15. Qe samon de cor uerai ·
16. Et luns lautre non trais ·
17. Et sabon loc (et) lezer ·
18. Gardar ses folia ·
19. Qe sa bona conpaignia ·
20. Nos puos qenoios saber ·
21. Souen lanera uezer ·
22. La plus auinen qeu sai ·
23. Sils diuinamenz qom fai ·
24. Nomauengues a temer ·
25. Per cho mos cors les aclis ·
26. Ues lei ont qem sia ·
27. Qe fin amors ioing (et) lia ·
28. Tals qes loing de son pais ·
29. Sera part la croiz del ris ·
30. Don anc hom no tornet chai ·
31. No creiaz qem pogues lai ·
32. Retenir nuill paradis ·

lxxviiii

1. Tant ai assis mon uoler ·
2. En ma dolchamia ·
3. Qe sens lei nom poiria ·
4. Altre iois plazer ·
5. Canzon oimais poich tener ·
6. Ues midonz ta uia ·
7. Qeu sai ben qela uolria ·
8. Ti aucir (et) mi uezer ·Peirol 366.14 (S 46)
9. Peirol . q .
10. DUn sonet uau pensan ·
11. Per solaz (et) per rire ·
12. Qeu non chantai oan ·
13. Ester per mon consire ·
14. Don mi conort chantan ·
15. Qamors mauci desmai ·
16. Qar ma trobat uerai ·
17. Plus de n<...>l altraman ·
18. Seuals ben uai daitan ·
19. Qe ges non pot auzire ·
20. A plus onrat afan ·
21. Ni atan dolz martire ·
22. Qaital do(n)pnam coman ·
23. Qes la genser qeu sai ·
24. Bos mes lo mal qen trai ·
25. Mas il na pechat gran ·
26. Las mon cor desiran ·
27. Sos hom (et) sos seruire ·
28. Qanar eu en sellan ·
29. Mantas uez men adire ·
30. Et dic per mal talan ·
31. Qades men partirai ·
32. Mas qi me destroplai ·

lxxx

1. Mon cor un ser atan ·
2. Li oill del cor minstan ·
3. Uas lei caillors non uire ·
4. Qen las parz on eu an ·
5. Lauei (et) la remire ·
6. Tot per aital senblan ·
7. Com la flor com retrai ·
8. Qe totas uias uai ·
9. Contral soleill uiran ·
10. Ges per autrui noill man ·
11. La ren qeu plus desire ·
12. Tanz la dot (et) la blan ·
13. Forseis qeu noill sai dire ·
14. Et qan li soi denan ·
15. Mantas uez qan seschai ·
16. Dic do(n)pna qe farai ·
17. Nom respon mas gaban ·
18. Do(n)pna per cui eu chan ·
19. Una ren uos dirai ·
20. Sel uostramic deschai ·
21. Ontas naure (et) dan ·
22. Damors uos dic aitan ·
23. Qe bon cosirier nai ·
24. Niza daichi en lai ·
25. Nul hom nomen deman ·Peirol 366.13 (S 47)
26. Peirol . q
27. DUn bon uers uau pensan col lo fezes ·
28. Qamors madui lochaison el talan ·
29. Em fai estar del tot al seu coman ·
30. Si qe mon cor na retengut en gage ·
31. Trop demostra ues mi son poderage ·
32. Qera mauci lo trabaill on ma mes ·

lxxxi

1. Per tal do(n)pna qen ues mi no sataing ·
2. Aqestam plaz mais de neguna res ·
3. A lei mautrei liges deser en an ·
4. Sil nocam uol mi qe qal qal tristan ·
5. Serai aclis ues lo seu segnorage ·
6. Com seullagues fait certan omenage ·
7. Et seria granz torz qi mel tolgues ·
8. Lo desirier pos tot las men sofraing ·
9. Ben uoill samor mais qerer no laus ges ·
10. Esters cab diz cuberz li uau parlan ·
11. Mais sim uolgues esgardar mon senblan ·
12. Non qerria plus uertader mesage ·
13. Qem soll elgart podom ben per usage ·
14. Lo pensamen conoisser tal uezes ·
15. Et menbres li qasaz qer qis conplaing ·
16. Et sap qeu lam sil amar mi uolgues ·
17. Mas no lo uol ni ges nom an per tan ·
18. Cuiaz uos donc qansi uai apensan ·
19. Del seu ualor (et) del seu ric lignage ·
20. Qe noill deia esser fer (et) saluage ·
21. Per o ualer sol en amor merces ·
22. Ueus la speranza on ma dolor refrain ·
23. Aqest conort non es mas nescies ·
24. Qar en amor pos trop uai trainan ·
25. Non deu hom pois auer fiancha gran ·
26. Qe farai donc partrai me del folage ·
27. Non eu per qe far iuoll mon da(n)pnage ·
28. Aissi com cel qa iugar ses enpres ·
29. Qi perd (et) perd per respit de gadaing ·
30. Et donc ualgra mi ia ma bona fes ·
31. Qeu non am ges per esqiern com cil fan ·
32. Qil sont fenglent galiador truan ·

lxxxii

1. Fals lausengier (et) an uoler uolage ·
2. Anz ai en leis assis tot mon corage ·
3. Cora noit ior (et) semaines (et) mes ·
4. Qen un desir soi ades (et) remaing ·
5. Qar per gran sen ai uist da(n)pnage gran ·
6. Et per foldat uen mantas ueiz granz bes ·
7. Do(n)pna en aital auentura remaing ·
8. Do(n)pna el uers entendez mon corage ·
9. El uostre cors francs naturals cortes ·
10. Sapzan zausir zo qauos sen ataing ·Peirol 366.27a (S 48)
11. Peirol . q
12. POis entremis me soi de far chanzon ·
13. Em deu gardar qe faus moz non entenda ·
14. Et seu dic ren qe midonz en grat prenda ·
15. Ben mi sera rendut bon guiza(r)don ·
16. Et agran tort si mes chant non es bon ·
17. Per qe zo me dona lart (et) geing ·
18. Et zo qeu faz no de metrendesdeing ·
19. Anc nuillz amanz per sidon no sofri ·
20. Tan greu dolor ni tan gran malanancha ·
21. Pois merces prec qe digaz tal pessancha ·
22. Sel cor non ai qe millor en ues mi ·
23. Peruengues plus uiaz ala fi ·
24. Qassai ual mais morir al mon senblan ·
25. Qe toz te(m)ps uiure a pena (et) affan ·
26. Et se tot mes de senblan orgoillos ·
27. Non ai poder qe uas autra matenda ·
28. Qel cors els oillz me mostron qeu mi renda ·
29. Tant magrada de sa bella faizon ·
30. Et qan men cuit partir mais no mes pro ·
31. Lo seu amor me denan qe matent ·
32. Qem fai tornar ues lei tant mi destreing ·

lxxxiii

1. Loing mes des oillz mais del cor mes ta(n) pres ·
2. Cela per cui souen plaing (et) sospire ·
3. Et qant plus nai daffan (et) de martire ·
4. Dobla lamor em nais em cres ades ·
5. Et qar soi seus no cuit qil menianes ·
6. Si mes tant bel prez (et) lenseignamen ·
7. Per qai respit qe naura chausiment ·Peirol 366.29 (S 49)
8. Peirol .
9. QAnt amors trobet partit ·
10. Mon cor del seu pensamen ·
11. Duna tenchon massaillit ·
12. Et podez auzir comen ·
13. Amix peirol malamen ·
14. Uos anaz de mi loignan ·
15. Et pos en mi ni en chan ·
16. Non auez entencios ·
17. Digaz pos qe ualrez uos ·
18. Amors tant uos ai seruit ·
19. Qe negus torz no men pren ·
20. Et uos sabez com petit ·
21. Nai agut de iaudimen ·
22. Nous ochaison de nien ·
23. Sol qem teignaz der enan ·
24. Bona paz plus no deman ·
25. Qe nuill altre guierdos ·
26. No men pot esser tan bos ·
27. Peirol metez en oblit ·
28. La bella do(n)pna ualen ·
29. Qe laltrer uos acuillit ·
30. Et tan amorosamen ·
31. Tot per meu comandamen ·
32. Trop auez leuzer talan ·

lxxxiv

1. Et nos era ges senblan ·
2. Tan gais (et) tan amoros ·
3. Eraz en uostras chanzos ·
4. Amors midonz pos lauit ·
5. Ai amada loniamen ·
6. Enqer lam tant mabelit ·
7. Em plac al comenzamen ·
8. Mas folia noi enten ·
9. Per o maint amic partan ·
10. De lor amigas ploran ·
11. Qe sen saladis no fos ·
12. Chai remansera ioios ·
13. Peirol turc ni arabit ·
14. Ia pel uostrenuaimen ·
15. Noi lasseran tor dauit ·
16. Bon conseill uos don (et) gen ·
17. Amaz (et) cantaz souen ·
18. Irez uos eill reinouan ·
19. Ueiaz las guerras qe fan ·
20. Et esgardaz dels baros ·
21. Coissi qerom ozasos ·
22. Amors anc mais nos faillit ·
23. Et o faz forzadamen ·
24. Et prec iesucrist qem guit ·
25. O qe trameta breumen ·
26. Del dos reis acordamen ·
27. Qel secors ua trop tarian ·
28. Et auria mesters gran ·
29. Qel marqes ualenz (et) bos ·
30. Lai aigues mais conpaignos ·
31. Amors can li rei iran ·
32. Del dalfin uos dic aitan ·

lxxxv

1. Ia per guerra ni per uos ·
2. Non remandra tant es pros ·GcFaid 167.49 (S 50)
3. Peirol . q .
4. QAnt la foilla sobre larbre sespan ·
5. Et del soleill son escurzit li rais ·
6. Et li ausell sen uan en amoran ·
7. Luns per lautre (et) fan uautas (et) lais ·
8. Et tot qant es sopleia ues amors ·
9. Mas sol a uos qes greu per conuertir ·
10. Bona do(n)pna per cui plaing (et) sospir ·
11. En uau mez morz entrels rienz ploran ·
12. Ha com ma mort fols amador truan ·
13. Qe per un paoc de iois se fan trop gais ·
14. Et qar ades tot lor uoler no an ·
15. Ill uan disen qamors torn en biais ·
16. Et dautrui ioi fan se diuinadors ·
17. Et qar son mort uolun autrui aucir ·
18. Mas de mi os dic qe no men puosc partir ·
19. La genser am ia noi anes doptan ·
20. Souen la uau entrals meillors blasman ·
21. Et en mos diz tot sos afars abais ·
22. Per esprouar de chascun son senblan ·
23. Et per saber de son prez qes uerais ·
24. Si es tengut per tant bon entre lors ·
25. Mais trop opuosc demandar (et) audir ·
26. Adunc naut tant a chascun de ben dir ·
27. Per qeu nai peiz de lei muor desiran ·
28. Anc mais nulz hom non trais ta(n) greu affan ·
29. Com eu per leis mas leuges mes lo fais ·
30. Qant eu esgart son gen cors ben estan ·
31. El gen parlar ab qe soau matrais ·
32. El seu bels oillz (et) sa fresca colors ·

lxxxvi

1. Molt si saup gen beautaz en lei aissir ·
2. Com plus la gard mais la uei enbelir ·
3. Deus men don ben qanc re non amei tan ·Peirol 366.11 (S 51)
4. Peirol . q .
5. DEissa la raizon qeu suoill ·
6. Mer a cantar per usage ·
7. Qe mal me sona (et) mal macuoill ·
8. Mado(n)pna el seu seignorage ·
9. Bem trairo sei bel oill ·
10. Com a fals message ·
11. Can me miron en corage ·
12. Samor don mi duoill ·
13. Sim fai tort nim mostrorguoill ·
14. A mi es fer (et) saluage ·
15. Mades lam plus (et) la uoill ·
16. Qe non puos penre altre gage ·
17. Uestiz (et) can me despuoill ·
18. Pensi mon da(n)pnage ·
19. Et conosc qe gran folage ·
20. Faz qe no men tuoill ·
21. Tolren uoill pos eu ges me ·
22. Per mal qe lam faz traire ·
23. Anz me plaz , sabez per qe ·
24. Conoissera seu lam gaire ·
25. Qenanz non er hom iabe ·
26. Uertaders amaire ·
27. Tro qe no sen pot estraire ·
28. Per neguna re ·
29. Molt mi plaz per bona fe ·
30. Qant auch de midon retraire ·
31. Lonor el prez qil mante ·
32. Cab lei soi chomes ueiaire ·

lxxxvii

1. Et qan consirers maue ·
2. De nuill altraffaire ·
3. Samors mel uen tost desfaire ·
4. Ueus lo pro qem te ·
5. Tant nai estat engoisos ·
6. Et sofert pene martire ·
7. Et greus trabaillz engoissos ·
8. Qe del esperanzam uire ·
9. Era si ual seu en fos ·
10. Al dereir iauzire ·
11. Conosc cab pro lo desire ·
12. Fo tal iois plus bos ·Peirol 366.16 (S 52)
13. Peirol .
14. EU non lauderai ia mon zan ·
15. Ma seus agrada ni bons es ·
16. Lamors qi ma el seu coman ·
17. En sapchaz grat qami no ges ·
18. Qar amor me guida (et) menansa ·
19. Se ben da trabaill (et) pesansa ·
20. Et uiu zausen qan mor aman ·
21. Midon per sa franchesa gran ·
22. Plac (et) recep monomenes ·
23. Et monret em dis em fes tan ·
24. Qeu no cuide com me ualgues ·
25. Mais erai paur (et) doptansa ·
26. Qe per non cur o per uiltansa ·
27. Moblid (et) me ton en soan ·
28. Sofrir mer la pene laffan ·
29. Tot te(m)ps non pas dos iors ni tres ·
30. Anz qe uaua aillors uiran ·
31. Qe mal me senbrera altre bes ·
32. Qe de uos do(n)pna ai desiransa ·

lxxxviii

1. Qem donez ioi (et) alegransa ·
2. Conseill el mon plus no deman ·
3. Alt fui (et) uei qar uai bassan ·
4. Et pois dir qenaissi mespres ·
5. Com selui qis uai ioi sognan ·
6. Et qan resida non a res ·
7. O qerrai eu mais fidansa ·
8. En neguna bella senblansa ·
9. Pois en aqesta trob enzan ·
10. Trop dic non pois mais qemor man ·
11. Atendres (et) longes merces ·
12. Qe farai eu deser en an ·
13. De gran partir , ohc seus pogues ·
14. Mas mentreu me stau en balansa ·
15. Sen desloigna desesperansa ·
16. Fin amor maproz altretan ·
17. Ia drut no cognosca son dan ·
18. Seser uol sauis ni cortes ·
19. Ni faza parer ni trian ·
20. Qaren contra sidon li pes ·
21. Qaisel enqer sa malenansa ·
22. Qi per orgoill cuida ueniansa ·
23. Penre a qi om nol blan ·
24. Do(n)pna ren non ual ne enansa ·
25. En amor trop longa speransa ·
26. Qi ama far en de senblan ·Peirol 366.15 (S 53)
27. Peirol . q .
28. EN ioi qe demora · Uoill un sonet faire ·
29. Qe ben uai a ora · De tot mon afaire ·
30. Fins amors monora · Si qe mes ueiaire ·
31. Ges tan rix non fora · Seu fos enperaire ·
32. Qel corage nai · Iauxion (et) gai ·

lxxxviiii

1. Per o non a gaire · Qere mort desmai ·
2. Plus est amors bona · Qeu non puois retraire ·
3. Qi mal la raisona · Non es fis amaire ·
4. Qar gen guierdona · Si tot fai mal traire ·
5. Qi si abandona · Nolleis merceaire ·
6. Ou qeu me stei chai · Mon pensamen ai ·
7. Tot dreit al repaire · Ou midon estai ·
8. Seu soi qil me mena · Et es cortesia ·
9. Cab soa cadena · Mi destring em lia ·
10. Mon mal non refrena · Qar gariz seria ·
11. Sab tan dolza pena · Per midon moria ·
12. Ia no men partrai · A ma uida mai ·
13. Seu toz te(m)ps uiua · Toz te(m)ps lamerai ·
14. Franca res cortesa · Bella dolz amia ·
15. Al cor mauez mesa · Amor tota uia ·
16. Gran ioie mes presa · Daital conpaignia ·
17. Qeus soi se nos pesa · Uostrom ou qeu sia ·
18. Ia ren nos qerrai · Anz uos seruirai ·
19. Et si uos plasia · Ia ren non dirai ·
20. Seu per alegranza · Uoill gabar ni rire ·
21. De ioi qe menanza · Don eu soi iauzire ·
22. Do(n)pna ia doptanza · Non aiaz del dire ·
23. Qeu fassa senblanza · Qe de uos consire ·
24. Ben (et) gen mi sai · Cubrir can seschai ·
25. Et seu mos oillz uire · Tost los en retrai ·
26. Som ren me demanda · De mon dolz desire ·
27. Amors mi comanda · Uertat contradire ·
28. Molt couen qeu blanda · Lei qeu plus desire ·
29. Qar foldat es granda · Seu qier qi maire ·
30. Gardaz com seschai · O cussi men uai ·
31. Cho qem sol aucire · Er maduz ioi uerai ·
32. Gent emenderai · Contral grand esmai ·

xc Peirol 366.3 (S 54)

1. Peirol .
2. BEn dei cantar pois amor mo enseigna ·
3. Em dona zeing qeu sacha bon mot faire ·
4. Qar sil no fos ia no fora cantaire ·
5. Ni conegut per tanta bona gen ·
6. Mas era crei (et) sai certanamen ·
7. Qe tot lo ben qe ma fait me uol uendre ·
8. Qe farai doncs recrerai me datendre ·
9. No eu mais am tot en perdon mal traire ·
10. Qeu non uoill reis esser ni enperaire ·
11. Sol qe de leis nostes mon pensamen ·
12. Non soi ben rix sol qeu lam finamen ·
13. Granz honors mes qe samor me destreigna ·
14. A form damic aten qe ioi men uegna ·
15. Dir lo posc eu ma mi non es uezaire ·
16. Qel es tan rix (et) de tan gran afaire ·
17. Coind (et) plazen en faich (et) en paruen ·
18. Per qeu sai ben samors raison enten ·
19. Qel no degues tan bais ues mi descendre ·
20. Bona do(n)pna ben lo deuez entendre ·
21. Qe uos am tan nous aus preiar de gaire ·
22. Ma uos es tan francha (et) de bon aire ·
23. Qe uos naurez merce mon escien ·
24. Lo meu fin cor gardaz el bon talen ·
25. Ia de uostra riqesa nous souegna ·
26. Bona do(n)pna qalqe fals entreseigna ·
27. Siuals me fai don malegr emesclaire ·
28. Pois conoissez qe no men puos retraire ·
29. Ab bel senblan baissaz lo mal qeu sen ·
30. Qaissim podez trainar longamen ·
31. Et de mon cor cauez tot un paoc rendre ·
32. Sieu no son druz res no mo pot defendre ·
33. Catoz lo mens no sia fins amaire ·

xci

1. Franc (et) suffren humils (et) merceaire ·
2. Ses trop parlar (et) de bon celamen ·
3. Per aital gisa (et) per aital conuen ·
4. Mautre a lei qi retener nom degna ·
5. Perol a faz lo uers (et) nollenten ·
6. Mot mal adreich ni ren qill descouegna ·
7. Uai messagier lai a mercoill em ren ·
8. Al contessa cui iois (et) prez manteigna ·Peirol 366.12 (S 55)
9. Peirol . q .
10. DEl seu tort farai emenda ·
11. Lei qem fez partir de se ·
12. Qar anc nai talanz qill renda ·
13. Sil plaz ma chanzon (et) me ·
14. Sens respit daltre merce ·
15. Sem sofre qen lei mentenda ·
16. E qel bel nient atenda ·
17. Pois per nesun mal qem prenda ·
18. De samistat nom recre ·
19. Anz sofri qo qem encenda ·
20. La pena el dan qe maue ·
21. Far me degra qalqe be ·
22. Mais nom taing qela reprenda ·
23. Se tot ses uers qils mesprenda ·
24. Qeu sai qaster non poiria ·
25. De midon mon cor ostar ·
26. Per ira ne per felnia ·
27. Ni per altra do(n)pnamar ·
28. No mo cal plus essaiar ·
29. Maissi com lei plaira sia ·
30. Qeu lamerai tota uia ·
31. Molt en consir noit (et) dia ·
32. Ni no me sai (con)seillar ·

xcii

1. Enpercho ses deuenia ·
2. Granz talenz ai cun baissar ·
3. Li pogues tolre o enblar ·
4. Et sil pois sens ira isia ·
5. Uolentiers lo li rendria ·
6. Non es negus hom cui tegna ·
7. Tant a poderat amors ·
8. Qera uol qem desouegna ·
9. Lo ric ioi el bel secors ·
10. Qauia trobat aillors ·
11. Et salei plaz qem destreigna ·
12. Per tal qi nom uol nim deigna ·
13. Bona do(n)pna en cui reigna ·
14. Iois (et) iouenz (et) honors ·
15. Sofrerez doncs qem destreigna ·
16. Lo desirers el dolors ·
17. Seuals desplaisers menors ·
18. Me faiz tan don ioi me ueigna ·
19. Si cab uos non descoueigna ·
20. Chanzoneta ua de cors
21. A midon dire qem reteigna ·
22. Pois mi retenir no deigna ·Peirol 366.33 (S 56)
23. Peirol . q
24. TOt mon engeng (et) mon saber ·
25. Ai mis en un zoi qem soiste ·
26. Qan mi remenbra ni soue ·
27. Qan bona do(n)pnam fai chantar ·
28. Adonc mi deurieu forzar ·
29. Com pogues far mon chan ualer ·
30. Qeu trai si greu martire ·
31. Damor cui soi seruire ·
32. Amor ma si en son poder ·

xciii

1. Et ma fait comenzar tal re ·
2. Qeu non posc a mal ni a be ·
3. Trar a cap plus cal cel montar ·
4. Per la genser com po trobar ·
5. Gardaz seu deuria chader ·
6. Qeu lam tan (et) desire ·
7. Callors mon cor non uire ·
8. Tu lam mais qeu no faz parer ·
9. Et parlo mai qe nom coue ·
10. Et uoill qe maucia de se ·
11. Se iamais men oez parlar ·
12. Ni adret senblan deuinar ·
13. Tan sai cobertamen tener ·
14. Et celar mon albire ·
15. Ab solaz (et) a rire ·
16. Lo reprozer non es ges uer ·
17. Qe cor oblida coill non ue ·
18. Anz a ben fallit endret me ·
19. Qeu no la posc entroblidar ·
20. La bella cui non aus pregar ·
21. Tan tem faillir al seu uoler ·
22. Per qeu plaing (et) sospire ·
23. Ai amor no malzire ·
24. La noit qan soi anat zaser ·
25. El ior mantauez mi deue ·
26. Cosir com li clames merce ·
27. Qant eu porria alei parlar ·
28. Adonc mo sai eu ben pensar ·
29. Et bon mot zausir (et) ueder ·
30. Et ma raison aisire ·
31. Et la non sai qe dire ·
32. Oi las qeu cuidaua auer ·

xciv

1. Qalqe pro en ma bona fe ·
2. Qant eu soi plus desperaz cre ·
3. Qamor me degues aiudar ·
4. Era no me sai (con)seillar ·
5. Anz atendrai al seu plazer ·
6. Greu est damor iausire ·
7. Qi non est franc soffrire ·
8. El uers non es ren a dire ·
9. Sest qi lo sacha dire ·Peirol 366.26 (S 57)
10. Peirol . q
11. PEr dan qe damor maueigna · No laisserai ·
12. Qeu ioi (et) chant no ma(n)teigna · Ta(n)t qa(n)t uiurai ·
13. Et sim soi en tal esmai · Non sai qem deueigna ·
14. Qe cela ou mon cors estai · Uei qamar no(n) deigna ·
15. Neguna bona entreseigna · De leis non ai ·
16. Qe ia (con)sell ne pro tegna · Del mal qeu trai ·
17. Per o si lan preiarai · Qe de mill soueigna ·
18. Et samor no lam atrai · Merces lam destreigna ·
19. Bona do(n)pna seos placia · Fort mamistaz ·
20. Qals meraueilla seria · Se mamauaz ·
21. Mas era qar no uos plaz · Se iois men uenia ·
22. Conosc qe molt maier graz · Uos en ta(n)gneria ·
23. La noit mi torment el dia · Nom lais en paz ·
24. Si mangoissa cortezia · Et sa beltaz ·
25. Las qe fera so qen faz · Trol desir maucia ·
26. O qe len prenda pitaz · Qe plus francam sia ·
27. Tant ai en lei ferm corage · Qen als non pes ·
28. Et anc ses talent uolage · Mais namet res ·
29. Per zom degra uenir bes · Et ai da(n)pnage ·
30. Gardaz sen amor es ges · De peior usage ·
31. Canzons uaiten dreit uiage · Lai ou il es ·
32. Qel mon no(n) ai mais message · Qeill trameses ·

xcv

1. Et pois del tot me soi mes · El seu segnorage ·
2. Prega li qe non agues · Uer mi cor saluage ·GcFaid 167.52 (S 58)
3. Peirol .
4. SI anc nuls hom per auer fins corage ·
5. Ni per amar leialmen sens falsura ·
6. Ni per sofrir franchamen son da(n)pnage ·
7. Ac de sidonz nul onradauentura ·
8. Ben dei auer alcun coumun plaizer ·
9. Qel bes ols mals qal qieu naia ·
10. Sai sofrir (et) ai saber ·
11. De far tot qamidonz plaia ·
12. Si qel cor non poisc mouer ·
13. De ben amar sai segrel dreit uiage ·
14. Si qe tan am midonz outra mesura ·
15. Qe faire pot tot qanlles dagradage ·
16. Mais noill deman tan tem far forfaitura ·
17. Per o si sai tan ualer ·
18. A obs damar qi qen braia ·
19. Conrat ioi (et) plaizenser ·
20. Et tot don qadruz seschaia ·
21. Aus desirar (et) uoler ·
22. Si tot lam uoill ieu non ai autre gage ·
23. Don ni autrei ni paraula segura ·
24. Mas il es tan franc (et) de bel estage ·
25. Qe la ualor el prez qe si atura ·
26. Fan en leis parer qamors iaia poder ·
27. Qar lai on es amor gaia ·
28. Deuria merce caber ·
29. Ueus lo conort qem napaia ·
30. Em tol qe nom desesper ·
31. Ami qe qal sieu non ai uasalage ·
32. Ni ardimen qellaus dir ma rancura ·

xcvi

1. Qar tan dopt sonor (et) son parage ·
2. Son bel senblan (et)sa bella faitura ·
3. Qaisom fai temer caleis no(n) deigna caler ·
4. De mal ni dafan qen traia ·
5. Et sim uolgues retener ·
6. Non uolgreser reis de maia ·
7. Tan com ab leis remaner ·
8. Qieu ai auzit de saui ses folage ·
9. Qant ora mal celui don non a cura ·
10. Qe diz qelldon deu iouen segnorage ·
11. Aiqest erat sia tort o dreichura ·
12. Ai damor per uer (et) sieu lai no(n) deu doler ·
13. Qar de pros do(n)pna ueraia ·
14. Am mais sol lo bon esper ·
15. Qe nuls don dauol saluaia ·
16. Com no deu en grat tener ·
17. Qieu sai una qes de tan franc usage ·
18. Qanc no gardet honor ios sa centura ·
19. Sieus es lo tort sieu en dic uilanage ·
20. Qar senes gieng (et) senes cubertura ·
21. Fai a toz uezer com pogra ensi descazer ·
22. Et do(n)pna cabaitanz sesaia ·
23. Non pens ges qem ualezer ·
24. Qieu ia de leis ben retraia ·
25. Nil uei qel posc eschaer ·
26. Na maria do(n)pna gaia ·
27. Uos non es daital uoler ·
28. Qi ren non faiz qi desplaia ·
29. Anz faz so qe dieu plazer ·Peirol 366.27 (S 59)
30. Peirol . q
31. POis de mon ioi uertader ·
32. Se fan tan uolentier ·

xcvii

1. Diuinador (et) parlier · Enoios (et) lausengier ·
2. Segon la faisenda · Couen qieu ientenda ·
3. Qar gieng ni a mestier · Ab qieu mi defenda ·
4. Qe neguns non aprenda · Mon celat consirier ·
5. De midon aig de premier · Lenueia el desirier ·
6. Et ab gran esforz sobrier · Tenc me qe ren no(n) iqier ·
7. Mas co(m) qe men prenda · Mon cor me dit qatenda ·
8. Et sofra (et) sofier · Per qeu crei qesmenda ·
9. Men fazamors em renda · Calsqe plaziers legier ·
10. Tal uezes non posc sofrir · Cami mezes nomair ·
11. Et uoill men aitant partir · Qen altre do(n)pnei me uir ·
12. Per o se remuda · Malade qar meillz cuida ·
13. En autra part garir · Mas ren no maiuda ·
14. Anz faz ionta perduda · Cades torn en samor ·
15. Aitan dolsamen desir · Si pogues esdeuenir ·
16. Camor men fezes iausir · Aissi com lam fes chausir ·
17. Trop lai atenduda · Mas la flam esconduda ·
18. Es greus a esmurcir · Tot es remansuda ·
19. La speranza uenguda · Qem soli esbaudir ·
20. Per o ades me soue · Qamors deu atrar a se ·
21. Franc corag ab bona fe · Melz qe negun autra re ·
22. Et cil on seslanza · Tota ma desiranza ·
23. Pois mon cor sap (et) ue · Nom torn en uiutanza ·
24. Caitan col rei de franza · Soi eu ric damar be ·
25. Et pois autre pros nom te · Preiarai lenqer de me ·
26. Caudit ai retraire anc se · Qel anc si uesqis recre ·
27. Et sai ses doptanza · Qi ab bona speranza ·
28. Qant hom troba merce · Dobla laleg(ra)nça ·
29. Et ioi (et) benenanza · A cel cui sesdeue ·
30. Dalfin senesdoptanza ·
31. Ioi (et) prez uos enanza ·
32. Melz qamors non fa me ·

xcviii GcFaid 167.15 (S 60)

1. Gonselm faidiz de lemosi . u
2. CHant (et) deport ioi donei (et) solaz ·
3. Enseignament largesa (et) cortesia ·
4. Honor (et) prez (et) leial drudaria ·
5. An si baissat enianz (et) malueistaz ·
6. Capaoc dira no soi desesperaz ·
7. Qar entre cent do(n)pnas ni preiadors ·
8. Non ui una ni un qe bens capteigna ·
9. En ben amar qe daltra part nos feigna ·
10. Ni sapza dir qes deuenguz amors ·
11. Gardaz com es abaissada ualors ·
12. Mas druz i a (et) do(n)pnas sill parlaz ·
13. Qes feigneran (et) diran totauia ·
14. Qil son leial (et) aman ses bauzia ·
15. Et chascuns dels es cuberz (et) celaz ·
16. Et tricharan chai (et) lai uas toz laz ·
17. Et las do(n)pnas on plus an damadors ·
18. Si se cuidan com a prez lor oteigna ·
19. Mas aitals graz com sataing lor aueigna ·
20. Ma chascuna es onta (et) desonors ·
21. Qan pren un drut (et) pois derenc aillors ·
22. Aissi com es meillz en do(n)pna beltaz ·
23. Genz acoillirs (et) auinenz coindia ·
24. Et genz parlars prez (et) dolza paria ·
25. Aissi deu meillz gardar sas uoluntaz ·
26. Qe re no ual cor de duas meitaz ·
27. Ni no es fis pois iuaira colors ·
28. Cuna sola amors taing qel destreigna ·
29. Non cuit ges qe a do(n)pna descoueigna ·
30. Som la preia ni an entendadors ·
31. Mas no deo ges en dos locs far socors ·
32. Tant qant regnet leialment amistaz ·
33. Fo lo segles bos (et) senz uillania ·

xcviiii

1. Et pos amors tornet en leuzaria ·
2. Fon ioi cheuguz (et) iouenz abaissaz ·
3. Si qieu meteis si dir uoill las uertaz ·
4. Ai apres tan dels fals druz trichadors ·
5. Qe non es dreich qe iamais en reueigna ·
6. Qar lei on prez (et) senz (et) beltaz reigna ·
7. Com sil magues mal faiz fuzit de cors ·
8. Qan mac leuat (et) enanzat (et) sors ·
9. Et saqes tort do(n)pnam fos perdonaz ·
10. Passaz agra la mar par lombardia ·
11. Me non cuit far leialment roma uia ·
12. Seu non iera uas uos adrizuraz ·
13. Sol per aizo degrai uoler la paz ·
14. Et qar en uos es franqessa (et) dolzors ·
15. Man ma chanzon qe ren no la reteigna ·
16. Prezar uos lai franzament qis soueigna ·
17. Qa gentil cors taing franqesa (et) dolsors ·
18. Et deus perdon al bons perdonadors ·
19. Et sill plagues qel beill plaiser ouraz ·
20. Qem retengues in lial segnoria ·
21. Safranses tant pois in als sumilia ·
22. Qem perdones aissi fora finaz ·
23. Uas leis com laor safinala fornaz ·
24. Et nom nogues parages ni ricors ·
25. Qe selam trag de mal ni far odeigna ·
26. Et il sera fins sens fausa entreseigna ·
27. Com lo lions engolfers del austors ·
28. Qan lac gari de son guerrer pezors ·GcFaid-Perd 167.47 = 370.12 (S 61)
29. Gonselm faidiz .
30. PErdigon uostre sen digaz ·
31. Qeos par de dos mariz gelos ·
32. Luns a moiller belle pros ·

c

1. Franc (et) cortes (et) chausida ·
2. Et lautre trista (et) marrida ·
3. Uillana (et) dauol respos ·
4. Cascuns es gardaire dandos ·
5. Et pos tant fols mesters lor plaz ·
6. Et aital es lor uoluntaz ·
7. Cals en deu esser meins blasmaz ·
8. Gausem faidit ben uoill sapchaz ·
9. Qe de do(n)pnab bellas faichos ·
10. Don toz lo monz es enueios ·
11. Qila pres de si aicida ·
12. Non es ges tan granz fallida ·
13. Sil la garde nes cobeitos ·
14. Tan com lautre desauenturos ·
15. Qes tant de toz mals aips cargaz ·
16. Qen gardar nol forcha beutaz ·
17. Ni res mas lagessa (et) cors faz ·
18. Perdigon en fol rasonaz ·
19. Et com aussez anc dire uos ·
20. Com teigna zo qes bon rescos ·
21. Ni com gart do(n)pna escernida ·
22. Belle de ualor conplida ·
23. Donc no la garda sos sens bos ·
24. Mas la laidab diz ennoios ·
25. Per com no ueia sas foudaz ·
26. Ni com il es mas moilleraz ·
27. Gauselm entrels nescis agraz ·
28. Gent cubert blasme uergoignos ·
29. Per o mas conseillaz lespos ·
30. Can dissez caia aital uida ·
31. Qe gart sa mala escernida ·
32. Ni faza dun malastre dos ·

ci

1. Mas lautre gardar es rasos ·
2. Bona do(n)pna on es granz beutaz ·
3. Dom com sia enamoraz ·
4. Et deu nesser meins encolpaz ·
5. Perdigon o plus en parlaz ·
6. Plus desmentez uostras chanzos ·
7. Qe gelosia es fols ressos ·
8. Don toz lo monz brai (et) crida ·
9. Qe om gard do(n)pna esscernida ·
10. Et es laich blasme entre nos ·
11. Mas lautres gardars es razos ·
12. Ses gelosia (et) ses peccaz ·
13. Com resconda zo qes maluaz ·
14. Et mostre zo dont es honraz ·
15. Gauselm sauol auer gardaz ·
16. Dauol tesor es poderos ·
17. Et no par ges senz cabaillos ·
18. Qi prez perd (et) ioi oblida ·
19. Per maluaisa chausa aunida ·
20. Mas qant per bel auer ioios ·
21. Faill nill trenbla senz a sazos ·
22. Damor par qen sia forzaz ·
23. Et si daizous merueillaz ·
24. Ben meraueill si uos amaz ·
25. Toţ te(m)ps durarial tenchos ·
26. Perdigon per qeu uoill em plaz ·
27. Qel dalfin sial plaich pausaz ·
28. Qel iuge (et) la cort (et) paz ·
29. Gauselm tant es ueraill raisos ·
30. Qeus defent (et) el tant senaz ·
31. Qe sen lui es lo plaiz pausaz ·
32. Uoill qe per lui sia iuiaz ·

cii GcFaid 167.39 (S 62)

1. Gonselm faidiz . u
2. MOlt a pugnat amors en mi delir ·
3. Longa saisos per qeu en soi clamanz ·
4. Qen breu aura en uiron de . uii . anz ·
5. Qem fet amar tan fort senesmesura ·
6. Leis on perdei mon ioi (et) mauentura ·
7. Qan pois dalcor no(n) pot partir lafanz ·
8. Et saui eu manz bens eust enanz ·
9. Et manz plaser don plus plaing ma ra(n)cura ·
10. Qar plus es greu malenanza sofrir ·
11. A celui qa manz bens usaz iauzir ·
12. Forchaz sofri (et) no men posc partir ·
13. Et no fora rasos qe fins amanz ·
14. Fos bas damor ni estes malenanz ·
15. Mas amor uol so per qamors peiura ·
16. Et dreich es qe om sega dreichura ·
17. Et dreich qel sen apoderell talanz ·
18. Mas eu no soi al seus dreich (con)trastanz ·
19. Qen altrafar senblera forfaitura ·
20. Qe cel qeu am pugnes en mi delir ·
21. Et qeu ames celeis qem fai morir ·
22. Damar fora mesura sens fallir ·
23. Qe noill regnes malenanza nenianz ·
24. Anz couengra pois lo nom es tan granz ·
25. Camor a nom , camors fos sens falsura ·
26. Mas endreich me es tan saluag e dura ·
27. Qar li soi fis humils (et) merceanz ·
28. Qel nom damor a perdut al meu danz ·
29. Ha com nestau qen re no mi mellora ·
30. Com cel qes ue en meiz de mar perir ·
31. Et non po uius remaner ni essir ·
32. Doncs per qo faz , qal rason isai dir ·
33. Pois retenir non uol mi ne mos chanz ·

ciii

1. Uas mi medes soi trair (et) truanz ·
2. Gardaz se soi ben de fola natura ·
3. Qar asienz qe nolla cobertura ·
4. Ma fait trop peiz qela no fai cen tanz ·
5. Qar sel seu cors ben faiz (et) benestanz ·
6. Nom uol amar ges tan gran forfaitura ·
7. Ni tan gran tort no ma can mo consir ·
8. Com eu medes qe poing en mi aucir ·
9. Non ai poder posca mon dan fuzir ·
10. Qar trop estau en saluage balanz ·
11. Et mado(n)pna qar es bel (et) presanz ·
12. Et ses merce noill prend de mamor cura ·
13. Anz qan la prec me sermon em (con)iura ·
14. Qem lais de leis (et) mais ren non enanz ·
15. Ben fora meillz qe credes sos comanz ·
16. Mas no posc ges qel uoler qe satura ·
17. Et mos ferms cor (et) lamors el desir ·
18. On pez me fai lan fa plus encobrir ·
19. Per o pechat fai gran senesmentir ·
20. Pois ue qeu lam qe sol uns bel senblanz ·
21. O uns plaser de leis qes genz parlanz ·
22. Mi pogra far daitan sia segura ·
23. Ric (et) manen de tot qant ai fraitura ·
24. Et pois daizo mes eschars (et) tiranz ·
25. Creu me uolgra conplir maior demanz ·
26. Don mos tesaurs segner del port de tura ·
27. Qe fai sos prez per tot lo mond grazir ·
28. No cuich qenuis tan mala conuertir ·GcFaid 167.4 (S 63)
29. Gonselm faidiz .
30. A Senblan del rei ties ·
31. Qan lac uencut lenperaire ·
32. Et ill fez tirar qan lac pres ·

civ

1. Sa carrete son arnes ·
2. Dont el cantaual mal traire ·
3. Uezen la roda uirar ·
4. El ser ploraual maniar ·
5. Cant hom plus ai malanancha ·
6. Qar en zoi enaleg(ra)nsa ·
7. Me podeill mal traich tornar ·
8. Et plor qant uei ioi ni be ·
9. Als altres (et) mi soue ·
10. Qeu naic pro ar no ai re ·
11. Cab etal trabaillam te ·
12. Amors pres en greu balancha ·
13. E no sai dire per qe ·
14. Mas car aten sa merce ·
15. Ben cre ses desperancha ·
16. Qar eu nom recre damar ·
17. Qe dal nom sap encolpar ·
18. Tan soi fis leials amaire ·
19. Ues uos cui non aus retraire ·
20. Ni descobrir mon pensar ·
21. Pros do(n)pnab gai cors cortes ·
22. Tan temil prez qen uos es ·
23. Et las granz ualors els bes ·
24. Per o nom desesper ges ·
25. Nimes senblan ni ueiaire ·
26. Qen uos no sia merces ·
27. Qan uostre cors ben apres ·
28. Humil franc (et) de bon aire ·
29. Uei el ric prez ualen e car ·
30. El dolz rire el gen parlar ·
31. Ioios ab homil senblancha ·
32. Et car non auez engancha ·
33. De beltat el mon ni par ·

cv

1. Et çom tira si lo fre ·
2. Et men tol lardit em rete ·
3. Qe nos aus preiar de re ·
4. Qar mantas sazos maue ·
5. Qe tota faz macordancha ·
6. Don eus caich preiar de me ·
7. Et pois can mos cors uos ue ·
8. Mespres qe non ai membrancha ·
9. Si no deuos esgardar ·
10. Pois nos aus ni ossai preiar ·
11. Ni mamor non puos estraire ·
12. Donc grant merce pograz faire ·
13. Qem dessez ses demandar ·
14. Coi non es tan pauca res ·
15. Qe del uostre do(n)pnagues ·
16. Qeu a grant non o tengues ·
17. De chai soplei lai on es ·
18. Mado(n)pna ues son repaire ·
19. Et cuigera qem ualgues ·
20. Qe de sauis tan tengues ·
21. Mas er uei qe no ual gaire ·
22. Qeu muor qan uei son cor car ·
23. Et chai muoir de desirar ·
24. Qinz el cor uei sa senblancha ·
25. Dond li port tan fina amancha ·
26. Qadeu prec qem las tornar ·
27. A lei qi ma em mante ·
28. Et prec li eill clam merce ·
29. Qe dun dels seus bels meste ·
30. Donc pos de uos nom recre ·
31. Nim part de uostra fiancha ·
32. Donaz uos soi per iasse ·

cvi

1. Mon cor (et) ma leial fe ·
2. Se uostra ualors menancha ·
3. Honors uos er ses doptar ·
4. Uos sabez cum teing a far ·
5. Qeu nos qer plus paoc ni gaire ·
6. Mas tant comills merceaire ·
7. Uos soi ab cor fin (et) car ·
8. Et saesmes no saubes ·
9. Can ses plus dir ni degues ·
10. Del plus me for entemes ·GcFaid 167.37 (S 64)
11. Gonselm faidiz . u
12. MOn cor (et) mi (et) mas bonas chansos ·
13. Er tot qan sai dauinen dir ni far ·
14. Conos qeu teing bona do(n)pna de uos ·
15. A cui non aus descobrir ni mostrar ·
16. Lamors qeus ai don languis (et) sospire ·
17. Et pois lamors nos aus mostrar ni dir ·
18. Nil ben qeus uoill greu mausera enardir ·
19. Seus uolgues mal de mon mal cor adire ·
20. Al prim qeus ui do(n)pna magrops qe fos ·
21. Per qamors tan no mi fesses amar ·
22. Qe no fosses tan bella ni tan pros ·
23. Ni saubeses tant auinent parlar ·
24. Qaissi pasmei qan uos ui dels oill rire ·
25. Cuna dolzor damors mi ueng ferir ·
26. El cor qim fes si trenblar (et) fremir ·
27. Qe paoc denanz nos mori de desire ·
28. Adonc partim destrez (et) e(n)uezos ·
29. De uos do(n)pna cui desir (et) ten car ·
30. Si qe an pos segner ni poderos ·
31. No fui de mi mas de mon cor celar ·
32. Per zo conos qamors mi uol aucire ·

cvii

1. Et pos li plaz mol mes bon a sofrir ·
2. Qab altramenz no porrien morir ·
3. Tan bonamen ni a tan dolz martire ·
4. Ai com atrai mon fin cor amoros ·
5. Qan mais no fui leus a enamorar ·
6. Et qant eu ueg loc ni sazos ·
7. Per nulla res nos aus dir mon pensar ·
8. Ni uos no plaz conoiser mon consire ·
9. Per o saber podez leo lo desir ·
10. Qeu ai de uos a man cortes sospir ·
11. Qem uedez far qan uos uei neus remire ·
12. Tot qan ma cord en un mes o en dos ·
13. En cal guisa uos pogues zen pregar ·
14. Moblio qan uei uostras bellas faizos ·
15. Qe no men po souenir ni menbrar ·
16. Tan qan uos uei soi del ueder iausire ·
17. Et qan men part remang en tal cosir ·
18. Qen sela noiz no posc en leiz dormir ·
19. Ni sai al far mas plang en uoluen uire ·
20. Do(n)pna lafanz el consir mes tan bos ·
21. Com plus ipens (et) mais iuoill pensar ·
22. Et ai ab mi mantas uez (con)pagnos ·
23. Per qeu uolria mas tot solez estar ·
24. Qe tan bon mes qan mi pens ni malbire ·
25. Uostra ualor mas a qies mazir ·
26. E mor qar sai qeu nos aus descobrir ·
27. So don long te(m)ps er qeu sera sofrire ·GcFaid 167.60 (S 65)
28. Gonselm faidiz .
29. TOt me cuidei de cansons far sofrir ·
30. Era dinuers tro uers calen de maia ·

cviii

1. Mas era uei qeu no men pois genzir ·
2. Per ma raison qi tot iorn es plus gaia ·
3. Et per ioie qai del mon plus auinen ·
4. Et de son prez qades poia (et) enanza ·
5. Qar sai (et) uei (et) conois ses doptanza ·
6. Qen degra esser plus conta mas cansos ·
7. Qar uol nil plaz qe son bel nom ifos ·
8. Ues mado(n)pna soplei totas saisos ·
9. Qe me nafret el cors ses colp de lansa ·
10. Dun dolz esgart ab sos oillz amoros ·
11. Lo iorn qem det sa ioie sa condansa ·
12. A cel esgard mintret tan dolsamen ·
13. Al cor qe tot lom reuen el apaia ·
14. Et sa sos oillz ma fait cortesa plaia ·
15. Il men sab pois cortesamen garir ·
16. Per qeu lo dei conoisser (et) grazir ·
17. En amor son pausaz tuit mei consir ·
18. Si qen ren al nai poder qels nestraia ·
19. Qe no soi faiz mai per far (et) per dir ·
20. Midonz tot zo qil sia bons el plaia ·
21. Qades laclin (et) gran merce li ren ·
22. A bona fei (et) ab humils senblansa ·
23. Et grazis li la ioie (et) lalegransa ·
24. Qem det tan ferm qe nos ronp ni descos ·
25. Per qeu estau alegres (et) ioios ·
26. Nuls hom no pod ses amor far qe pros ·
27. Se nollenten (et) nolla sa speransa ·
28. Qel ioi damor es tan fins (et) tan bos ·
29. Qe contra leis non es mais benenansa ·
30. Qe per amor ten hom son cors plus gen ·

cviiii

1. E Mais en ual segon raxon ueraia ·
2. Chi no(n) o cre lauertaz les contraia ·
3. Sim ual hom mais caualcar (et) garnir ·
4. Et far qe pros (et) donar (et) seruir ·
5. Ia mado(n)pna no cuit qe de leim uir ·
6. Ni altramor ia mi toilla ni maia ·
7. Om plus esgard altre do(n)pna (et) remir ·
8. Mens ai poder qe ia de leis mestraia ·
9. Per merce clam (et) per ensegnamen ·
10. Aia de mi desirer (et) menbransa ·
11. Et car non uei no so teigna en pesansa ·
12. Qeu en estau tan pensios (et) consiros ·
13. Qades iteng los oillz del cor andos ·GcFaid 167.32 (S 66)
14. Gonselm faidiz . u
15. LO gens cors onraz · Conpliz de gra(n) beltaz ·
16. De lei qi plus mage(n)sa · Et qi mais mi plaz ·
17. On es ioi (et) solaz · Et franc humilitaz ·
18. Et dolsa benuollenza · Et gais prez presaz ·
19. Me fai chantar souen · Sen zo qeill non (con)sen ·
20. Qeu ia sia iausire · Dauer ioi plaisen ·
21. Ni de leis non aten · Mas lenueia el desire ·
22. Qeu ai de son cors gen · Sens autre iausimen ·
23. Per zo li me ren · A far son mandamen ·
24. Et ses uol pot maucire · Qeu nolim defen ·
25. Per o ben mes paruen · Qe fos plus auinen ·
26. Qar li soi franc sofrire · Et lam finamen ·
27. Qe fos sa uoluntaz · Qill plagues mamistaz ·
28. Si qab dolsa paruensa · Men fos iois donaz ·
29. Anz qe fos car (con)praz · Enaissi sens faillensa ·
30. Foral dons el graz · En cen dobles doblaz ·
31. Et pois auziraz · Gai sos enamoraz ·
32. De fina benuollenza · Seu en fos ben pagaz ·

cx

1. Mas per uilans baraz · Del fals pregador faz ·
2. An mes en mescredensa · Et man le col colpaz ·
3. Cels qaman finamen · Per qeu p(re)g dolsamen ·
4. Midon cui soi seruire · Damar leialmen ·
5. Daltrui galiamen · En da(n)pnage non uire ·
6. Qe adreit iuiamen · Er tort si mals min pren ·
7. Daltre falimen · Regna uilanamen ·
8. Do(n)pnas per qen naire · Et les en repren ·
9. Qe si unadrut ualen · Adreit ni conoissen ·
10. Don posc om gra(n) ben dire · Greuer lo(n)gamen ·
11. Car tengut ni amaz · Mas uns mal ensegnaz ·
12. Ab gran desconoisenza · Er seignor clamaz ·
13. Qen sai de ric maluaz · Senes tota temensa ·
14. En aut loc poiaz · Emans (et) priuaz ·
15. Tant nes prez baisaz · Qen fora plus iraz ·
16. Mas per lei nai temensa · Em teng afrenaz ·
17. A cui no plaz foldaz · Ni faz desmesuraz ·
18. Ni maluas entendanza · Ni aus precar ·
19. Tan ual qem nespauen · Et nai men dardimen ·
20. Per leis qan ben (con)sire · Son afortimen ·
21. Si merces noi desen · Pro ai de qe sospire ·
22. Qen al non enten · Ni ai lo cor nil sen ·
23. Per qe adescien · Cobri mon marrimen ·
24. Et sai de mon dan rire · Amorosamen ·
25. Et sagues cor gaozen · Saobral celadamen ·
26. Gandire (et) scondire · Qen lons per un cen ·
27. Ual gen mentir asaz · Mais car fo la uertaz ·
28. Et mais genta sofrensa · Qe orgoill es baisaz ·
29. Qeu nai uis so sapchaz · Uenir mant escaenza ·
30. De rics dons onraz · Per gen sofrig en paz ·
31. Do(n)pnab fina beltaz · Pro (et) de gran ualenza ·
32. A uos uei acordaz · Toz lo pros el maluaz ·

cxi

1. Qe segon ma credenza ·
2. De bel diz onraz ·
3. El bens dir es uertaz ·GcFaid 167.22 (S 67)
4. Gonselm faidiz u
5. FOr chausa es (et) tot lo maior dan ·
6. El maior dol las qeu anc mais agues ·
7. Et zo don dei toz te(m)ps plaigner ploran ·
8. Mauen adir en chantar (et) retraire ·
9. De cel qera de ualors caps (et) paire ·
10. Li reis ualenz rizard reis des engles ·
11. Es morz ai deus cals perda (et) cals danz es ·
12. Can estraing moz (et) qan greu per audir ·
13. Ben a dur cor toz hom copo sofrir ·
14. Morz es li reis (et) son passat mil an ·
15. Qanc tan pros hom no fo ne nol uit res ·
16. Ne ia mais hom non er del seu senblan ·
17. Tan larcs tan pros tan ardiz tals donaire ·
18. Qalixandres lo reis qe uenqi daire ·
19. No cuit qe tan dones ni tan messes ·
20. Ni an charles ni artus tan ualgues ·
21. Qa tot lo mon sen fez qin uol uer dir ·
22. Als us doptar (et) als altres grazir ·
23. Meraueill me del fals segle truan ·
24. Qoi pot istar sauis hom ni cortes ·
25. Pos re noill ual bel dons ni faich prezan ·
26. Et doncs per qe sesforzon paoc ni gaire ·
27. Qa oras a mostrar morz qe pot faire ·
28. Qa un sol colp a lo meill del mon pres ·
29. Totas lonors toz los gauz toz los bes ·
30. Omais uedem qe res noi pot gandir ·
31. Ben deuriom menz doptar a morir ·
32. Ai seigner reis ualenz (et) qes faran ·

cxii

1. Oimais armas ni fort tornei espes ·
2. Ne ricas corz ni bel don alt (et) gran ·
3. Pos uos noies qen eraz caps del aire ·
4. Ne qes faran li liurat amal traire ·
5. Cil qe eron en uostre seruir mes ·
6. Qatendion qel guierdon uengues ·
7. Ni qes faran cels qes degran aucir ·
8. Qauiaz faich en gran ricor uenir ·
9. Longa ira (et) auol uida auran ·
10. Et toz te(m)ps dol qar aissi lor es pres ·
11. Et sarracin , turc , paian (et) persan ·
12. Qeos doptauon mais come nat d(e) maire ·
13. Creisseran tan dorgoill tot lor afaire ·
14. Qe plus greu ner lo sepolcre conqes ·
15. Qar deus lo uol , car sil no lo uolgues ·
16. Et uos seigner uesqisses ses mentir ·
17. De foria los nauengra fozir ·
18. Omais non ai esperanza qell an ·
19. Reis ni princes qi cobrar la saubes ·
20. Et cel seigner qel uostre leu ceran ·
21. Deuon gardar co fos de prez amaire ·
22. Ni cal foron uostri dui ualen fraire ·
23. Li iousner reis el cortes cons zoufres ·
24. Et qi en loc remanra de uos tres ·
25. Ben deu auer ferm cor (et) fin consir ·
26. De toz bons aips (et) si meteis iauzir ·
27. Bel seigner reis cel deus qes perdonaire ·
28. Uerais hom , uerais uida , uerais merces ·
29. Uos faza tal perdon com ops uos es ·
30. Si qel tort auos perdon el falir ·
31. Et menbre li com lo sauiez seruir ·

cxiii GcFaid 167.59 (S 68)

1. Gonselm faidiz . u
2. TAnt ai sofert longamen grand affan ·
3. Qe seu stes mais qeu no ma percebes ·
4. Morir pogra tost (et) leu sem uolgues ·
5. Qala bella non penra ia dolors ·
6. En cui mal anc fo beltaz (et) ualors ·
7. Don regardan per forsat mon corage ·
8. Et pois noill plaz segrai altre uiage ·
9. Ma lei non cal qil no sol ten a dan ·
10. De perdre mi nil ben dir de mon zan ·
11. Per o tal ren teno uil qes presan ·
12. Et tal ren perd com dis qil nes ben pres ·
13. Qe pois fai gran sofraz (et) men rebes ·
14. Mas de midonz es tan granz sa lausors ·
15. Qe ren nos ten sem perd nim uir aillors ·
16. Don ben fazia ultra cuiaz folage ·
17. Qan percasai ma mort (et) mon da(n)pnage ·
18. Et mon fol cor qim fez dir en chantan ·
19. So don degra gen cobrir mon talan ·
20. Et pos mon cor (et) mei oill trai man ·
21. Et ma mala do(n)pna (et) ma bona fes ·
22. Si qe chascus magra mort sil pogues ·
23. Clamar men deu com de mal ballidors ·
24. Ni za mei oill menzuzers traitors ·
25. No crerai mais nen fiansa ses gage ·
26. Qar cel es fols qi fai fol uasalage ·
27. Et fols qi cre auer a son coman ·
28. Tot so qe ue plaisen ni ben estan ·
29. Ben meraueill pos emidon estan ·
30. Prez (et) ualors plaiser (et) diz cortes ·
31. Com pod esser qe noill sia merces ·
32. Et meraueill de lei on es honors ·
33. Beltaz (et) senz com noill sia amors ·

cxiv

1. Et meraueill de do(n)pna dalt parage ·
2. Belaegentil qes de mal seignorage ·
3. Ni com po far contra sa ualor tan ·
4. Qe desmenta son franc humil senblan ·
5. De tot aiso ai meraueilla gran ·
6. Et pois noill plaz qe za se canz de res ·
7. Nom tenra mais afrenat son mal fres ·
8. Anz men partrai se tot mes deshonors ·
9. Et agra ops qe fos de mal traiz sors ·
10. Et pois aillors uau mudar mon ostage ·
11. Bon encontrom don deus (et) bon entrage ·
12. Em las trobar do(n)pna ses cor truan ·
13. Qa mal seignor ai estat aqest an ·
14. Ma tot aital mal (et) brau (et) tiran ·
15. Uolgreu estar uolenter sill plagues ·
16. Mas cab altra qi maior ben fezes ·
17. Mas pos nuil plaz a tal uau per secors ·
18. De qe me uen al cor plasen dolzors ·
19. Coind (et) gaies (et) dauinent estage ·
20. Et am mandat per un cortes message ·
21. Cun pauc ausel en mon puing qi nos an ·
22. Am mais qal cel una grua uolan ·GcFaid 167.62 (S 69)
23. Gonselm faidiz . u
24. TUig cel qe amon ualor · Deuon saber qe damor ·
25. Mou largeze gais solaz · Orgoills (et) humilitaz ·
26. Prez darmes seruir donor · Gen tenir ioi cortezia ·
27. Don pois souen ben d(e)uria · Chascu(n)s pugar q(ui) bo(n) p(re)z uol auer ·
28. De fin amor leialmen mantener ·
29. Qe si fan oc li meillor · Cui prez (con)plida sabor ·
30. Mais li fengedor maluaz · Ab las falsas amistaz ·
31. Uoluun p(re)z en auol color · Et sieu uer dir en uolia ·
32. Aqela mesesa uia · Ueden al plus d(e) las do(n)pnas tener ·

cxv

1. Per qem sab mal en pos dire uer ·
2. Las falsas el trizador · Fan tan qell fin p(re)zador ·
3. An pois dan en lor baraz · Qaital es p(re)iar tornaz ·
4. Tot per doptanza de lor · Qe luns en lautre nos fia ·
5. Et qi p(er) sa recrezia · No(n) a fin cor dama(r) ne ferm uoler ·
6. Qamors non uol qamics se desesper ·
7. Et si ual segon error · Las falsas els fegnedor ·
8. Uolgra fosen aun laz · Et chascu(n) fos enianaz ·
9. El fins leials amador · Et las do(n)pnas senz bausia ·
10. Mante(n)gesen drudaria · Qenois es gra(n)z en amo(r) a ueder ·
11. Qe fals amanz posc entrel fins caber ·
12. Mais una tal saison cor · Qe greu trobo(n) bon segnor ·
13. Ni do(n)pna don siamaz · Tot sol ses altre perchaz ·
14. Et seu a francha dolzor · Trobes leial seignoria ·
15. Ben plagra qaisi ta(n)sia · Qa(n) dui ama(n) saco(r)da(n) dun uoler ·
16. So qe lus uol d(e)u al autre plas(er) ·GcFaid 167.40 (S 70)
17. Gonselm faidiz .
18. MOlt mi noget ogan lo condet mes ·
19. Qan lo cortes te(m)ps salegra (et) sclarzis ·
20. El rosignol qem sol esser cortes ·
21. Mes tan uilan qa pauc no maucis ·
22. Qe au son chan (et) uei qel mond uerdeia ·
23. Et tot qant ai pognat en ioi auer ·
24. Et mon fin cor mor en feu de felnia ·
25. Qar no soi la ou ai mon bon esper ·
26. Qar senes lei null ioi non posc aber ·
27. Per o dic car soplei uer onqil es ·
28. De genglon man iontas (et) aclis ·
29. Et soi aissi del foc damor enpres ·
30. Qan mi menbra la ioia qeu conqis ·
31. Qar ben sapchaz qe uer on qeu me sia ·
32. No(n) uir aillor ni al no(n) pois ueder ·
33. Ne ia no cre qeu altra do(n)pnenueia ·

cxvi

1. Qim destregna ior ni matin ni ser ·
2. Per qe de leis posca mon cor mouer ·
3. Souen record lo gran honor el bes ·
4. El dolz plaser qensospiran me dis ·
5. El dolz (con)iat qen reten mon cor pres ·
6. Donc magra ops qe denan lei muris ·
7. Qautresi mor per gran desir qen creia ·
8. No soi ben mort pois lei non pois ueder ·
9. Si soi qamor pung uas mi (et) guerreia ·
10. Si qe ses lei nom pot uida ualer ·
11. Nel remanenz en mi non a poder ·
12. Qan ben malbir la ioi on plus mi pes ·
13. El dolz esgard de midon el genz ris ·
14. El gai solaz soi eu si entrepres ·
15. Qar ren non faz mas sospir (et) languis ·
16. Trenbletresaill (et) mor de plan enueia ·
17. Qar no soi la seruir al seu iasser ·
18. Lo seu gen cors ioi a ioi don do(n)pneia ·
19. Deu don talenz qeu non aus far parer ·
20.     des seu chader ·ArnMar 30.23 (S 71)
21. Arnald de miroill . ui .
22. SIm destregnez do(n)pna uos (et) amors ·
23. Qamar nous aus ni no men posc estraire ·
24. Luns men chausa lautrem fai remaner ·
25. Luns men ardis (et) lautrem fai temer ·
26. Preiar nous aus per enten de gaudir ·
27. Aissi com cel qes nafraz per morir ·
28. Sab qe morz es (et) per o sis conbat ·
29. Uos clam merce ab cor desesperat ·
30. Bona do(n)pna parages (et) ricors ·
31. On plus auz es (et) de maior afaire ·
32. Deu mais ensi dumilitat auer ·

cxvii

1. Qar ab orgoill no pot bon prez caber ·
2. Qigent nol sap ab iausiment cobrir ·
3. Et pois non posc de uos amar sofrir ·
4. Merce uos clam per uostrumilitat ·
5. Qen uos trobes qalaco pietat ·
6. No me nogues uostra rica ualors ·
7. Canc no la posc un ior plus ananz traire ·
8. Pois en uos ui ab lo sen el saber ·
9. Del uostre prez creiser a mon poder ·
10. Qen mant bon locs lai dit (et) fait auzir ·
11. Et seos plagues qem degnessez grazir ·
12. Nos qerra plus de uostramistat ·
13. Et gaudiria per guederdon lo grat ·
14. Tot los forfait (et) totas las clamors ·
15. Qeos mi podez rancurar ni retraire ·
16. Es qar mausaz abelir ni plaizer ·
17. Mais daltra reis qeu anc pogues ueder ·
18. Altra ochaison do(n)pna no sabez dir ·
19. Mas car uos sai conoiser (et) zaosir ·
20. Per la meillor (et) ab mais de beltat ·
21. Ueos tot lo tort en qe mauez trobat ·
22. Uostre genz cors uostra fresca colors ·
23. Eill dolz esgard plazent qem sabez faire ·
24. Mi uos fan tant desirar (et) uoler ·
25. Qe mais uos am on plus me desesper ·
26. Et si folei qe no men posc partir ·
27. Mas qant eu pens qi es qim fa languir ·
28. Consir lonor (et) oblit la foldat ·
29. Et fug mon sen (et) sec ma uoluntat ·ArnMar 30.3 (S 72)
30. Arnald .
31. AIssi com cel cama (et) non es amaz ·
32. O ai eu faich cai amat longamen ·

cxviii

1. En un sol loc (et) ges no men repen ·
2. Anz la uoill plus amar desesperaz ·
3. Qe daltrauer totas mas uoluntaz ·
4. Et car eu lam finamen ses engan ·
5. Crei qil ual tan per qeu noiaurai dan ·
6. Auzit ai dir per qeu soi conortaz ·
7. Qe qi ben serf bon guierdon aten ·
8. Ab qel seruirs sia en loc ualen ·
9. Qen aissi est molt meillz guierdonaz ·
10. Per qeu me soi del tot a uos donaz ·
11. Bella do(n)pna qe dal non ai talan ·
12. Mas de seruir uostre cor be(n)stan ·
13. Meillz qeu no dic uos prec qe mentendaz ·
14. Qe mais uos am qeu non aus far paruen ·
15. Et no men lais mas per dreich espauen ·
16. Qeu me feira molt de uos plus priuaz ·
17. Mas diriom . qen fos . enamoraz ·
18. Per o uers es . canc . re non amei tan ·
19. Mas endreich uos eu non aus far senblan ·
20. Uos ualez tan ben crei qe sapchaz ·
21. Qe qi meillz ama si prega plus temen ·
22. Qe cels qe prec ades ardidamen ·
23. Bella do(n)pna ia a cel no creaz ·
24. Cab engan ua (et) sia enganaz ·
25. Mas eu soi cel qe temen muor aman ·
26. Per qe nous aus preiar mais en cantan ·
27. Souen mauen la noich can soi colgaz ·
28. Qe soi ab uos per senblan en durmen ·
29. Adoncs estau en tan ric iauzimen ·
30. Ia non uolria mais esser residaz ·
31. Sol qem dures aqel plaisenz pensaz ·
32. Et qan mesueill cuich morir desiran ·

cxviiii

1. Per qeu uolgra aissi dormir un an ·
2. Bella do(n)pna souen soi acordaz ·
3. Qeus an ueder (et) souen uao doptan ·
4. Qe nous plagues per qeu nai estat tan ·
5. Seigner franceis cals qe sia baissaz ·
6. De toz bos prez uos anaz meilloran ·
7. Per dir (et) far trestot faich ben estan ·ArnMar 30.22 (S 73)
8. Arnald . ui .
9. SI com li peis an en laiga lor uida ·
10. Lai eu en ioi (et) toz te(m)ps lai aurai ·
11. Amors ma fait en tal do(n)pn iausir ·
12. Don uio gaudent sol del desir qeu nai ·
13. Tant es ualenz qe qan ben mo consir ·
14. Men ai orgoilz em creis humilitaz ·
15. Mais sis ten ioinz amor (et) iois amdos ·
16. Qe ren noi p(re)nd mesura ni raisos ·
17. Tot autre ioi desconois (et) oblida ·
18. Qe ues seu cors coind (et) cortes (et) gai ·
19. Qen aissi sap dauinent far (et) dir ·
20. Ab pur plazer tot so qil diz ni fai ·
21. Com non pot mal dire sen esmentir ·
22. Qen lei es prez honor senz (et) beltaz ·
23. Et se nom ual sos genz cors amoros ·
24. Amor na tort qi men fai enueios ·
25. Bona do(n)pna de toz bons aips (con)plida ·
26. Tant es ualenz per la meillor qeu sai ·
27. Mais am de uos lo talenz el desir ·
28. Qe dautrauer tot zo qadrut seschai ·
29. De tant nai pro qar temel plus faillir ·
30. Per o non soi del tot desesperaz ·
31. Qen ricas corz ai uist maintas saisos ·
32. Paubrenrichir (et) recebre genz dos ·

cxx

1. Ues lo pais pros do(n)pna escernida ·
2. Repais mos oill ol uostre cors estai ·
3. Et qant de uos plus pres nom poisc aisir ·
4. Tenc uos al cor ades (et) consir sai ·
5. Uostre bel cors cortes qim fai languir ·
6. El gent parlar el deport el solaz ·
7. Lo prez el sen (et) la beltaz de uos ·
8. Don pois uos ui no fui anc oblidos ·
9. Do(n)pna cui prez (et) iois (et) iouenz guida ·
10. Ia no mamez toz te(m)ps uos amerai ·
11. Qamors o uol ues cui no posc gandir ·
12. Et car conois qeus ai fin cor uerai ·
13. Mostra(m) de uos de tal guisa iausir ·
14. Pensan uos bais eos manei eos enbraz ·
15. Aqest do(n)pneis mes dolz (et) cars (et) bos ·
16. Et no mel pod uedar neguns gelos ·
17. Mos genz (con)qis iois (et) prez (et) solaz ·
18. Uos tenon gai uostre cors (et) ioios ·
19. Per com nos uei qi no sa haut de uos ·
20. Ues mon frances uoill qes an ma zansos ·
21. Qar es adreich (et) largs (et) amoros ·ArnMar 30.21 (S 74)
22. Arnald . ui
23. SEs ioi non es ualors · Ni ses ualor honors ·
24. Qe iois aduz amor · Et amors do(n)pna gaia ·
25. Et gaiesa solaz · Et solaz cortesia ·
26. Per qeu no uoill un dia · Uiure desconortaz ·
27. Qe neis can soi iraz · Eu chant (et) masolaz ·
28. Cora cauinen sia ·
29. En ioi ai mon esper · Fin cor (et) ferm uoler ·
30. Et ioi non puosc auer · Do(n)pna tro cauos plaia ·
31. Cui me soi autriaz · Per etal auentura ·
32. Camors men asegura · Et uos men esfredaz ·

cxxi

1. Mas una re sapchaz · Samor (et) mi forchaz ·
2. Ben es saluag (et) dura ·
3. El cor uos mir ades · Et car uos uei plus pres ·
4. La genser canc naqes · Prec uos qe danz nom sia ·
5. Bona do(n)pna sios plaz · Al uostre prez retraire ·
6. Si iois de uos mesclaire · Es tan ma uoluntaz ·
7. Qen altres en baissaz · No fui allezeraz ·
8. Pois eu anc uos ui gaire ·
9. Do(n)pna per uos me clam · Qe toz ard (et) aflam ·
10. Tan de bon cor uos am · Ha franca res ueraia ·
11. Qar tan alt es poiaz · Lo desirs qem tormenta ·
12. Merce os clam do(n)pna genta · Colors daltras beltaz ·
13. Qe sieu orguill faz · La uostrumilitaz ·
14. Per merces mo consenta ·
15. Chausimen (et) merce · Podez auer de me ·
16. Qeus amerai iase · Et tot zo qim neschaia ·
17. Do(n)pna penrai en paz · Aissi com bos sofrire ·
18. Qeus am tan eus desire · Mais men ual uns onraz ·
19. La noich qan soi colgaz · En son entre mos braz ·
20. Qe daltra esser iausire ·ArnMar 30.15 (S 75)
21. Arnald .
22. LA franca captenenza · Qe non puosc oblidar ·
23. Eill dolz ris eill esgar · Eill senblan qeus ui far ·
24. Mifan do(n)pna ualenz · Meiller qe non aus dire ·
25. Denz del cor cosirar · Et si per mi nos uenz ·
26. Merces (et) chausimenz · Tem qe mer amorir ·
27. Ses geing (et) ses faillenza · Uos am (et) ses cor uar ·
28. Al plus com pot pensar · De tan uos puos forchar ·
29. Par uostre mandamenz · Ha do(n)pna cui desir ·
30. Si conoissez nios par · Qe sia fallimenz ·
31. Qar uos soi ben uoillenz · Soffrez maqest faillir ·
32. Tant es de grant uallenza · Mas uos am ab cor clar ·

cxxii

1. Ses pro merce clamar · Cab altra gadaignar ·
2. El uostrenseignamenz · Pos no men puos partir ·
3. Fachaos omiliar · Si qel uostre cors genz ·
4. Amoros (et) plasenz · Si nom uol no mair ·
5. Do(n)pna per gran tem(en)za · Tan uos am eu teing car ·
6. Nos aus esters preiar · Mas plus fai a doptar ·
7. Uns paubres auinenz · Qi sap honor grazir ·
8. El bes damor celar · Cuns ricx desconoissenz ·
9. Cui par qe totas genz · Lo deian obedir ·
10. Plus noi ai de pliuenza · Ni puos razo trobar ·
11. Do(n)maus asegurar · Qe ian deignez amar ·
12. Mas duns mon ferm talenz · Qe poiria auenir ·
13. Nom dei desesperar · Qe tals es paoc manenz ·
14. Cui fa astres (et) senz · En grant ricor uenir ·
15. Genoes cho sapchaz · On plus auch demandar ·
16. Corteis faich auinenz · De reis o daltras genz ·
17. Lo uostre uei zausir ·ArnMar 30.17 (S 76)
18. Arnald . ui
19. LEnseignament el prez (et) la ualors ·
20. De uos do(n)pna cui soplei noit (et) dia ·
21. Ma si mon cors duit de bella paria ·
22. Com plus mi doill en cant (et) mesbaudei ·
23. Et car amors mostram tan son poders ·
24. Ues mi tot sol cui troba plus leial ·
25. Nom ual esforz contra lei ni sabers ·
26. Et donc do(n)pna uallam uostre secors ·
27. Et uenca uos merces (et) cortesia ·
28. Anz qel talent nel desirer maucia ·
29. Del uostre cors genzer qel mon destei ·
30. Qal uostre laus dir me sofran lesers ·
31. Qar es tan rics uostre prez (et) tant ual ·
32. Sobres meillors (et) essauzat (et) ers ·

cxxiii

1. De cho gart als altres trobadors ·
2. Qen so chantars plio chascuns (et) afia ·
3. Qe sa do(n)pna es la genser qe sia ·
4. Si tot ses fals lor diz , lau (et) mercei ·
5. Qentre lor gabs passa segur mos uers ·
6. Cuns no conois ni no so ten a mal ·
7. Caissi cascuns cuigen sia plazers ·
8. Do(n)pna nos trei uos , (et) eu , (et) amors ·
9. Saben tot sol , ses autre garentia ·
10. Cal fol couent , nos tang qe plus uos dia ·
11. Mas uostre soi , (et) per uostre mautrei ·
12. Si es mos cors en uos ioint (et) aers ·
13. De fin amor (et) de desir coral ·
14. Qen autra part non es ferms mon uolers ·
15. Do(n)pna ualenz ab auinenz lausors ·
16. Ren de mon cors no te(n)g mas la baillia ·
17. De uos lo teng , don tot lo mond tenria ·
18. Sil era meus , (et) car souent nos uei ·
19. Lai ou uos es , contrastamel temers ·
20. Qar en mon cor eu uos fai com aital ·
21. Com eraz lai al plus plasen ueders ·
22. Do(n)pnals plazers grazisc (et) las honors ·
23. Et grazirai toz te(m)ps si tant uiuia ·
24. Si tant sofrez qen bos respec estia ·
25. Pos auos plaz ben sai qe far o dei ·
26. Mas seu imor qem ual mos bos espers ·
27. Sen breu de mi plus coralmen nos cal ·
28. Desesperaz me fara no calers ·ArnMar 30.16 (S 77)
29. Arnald .
30. LA gran beutaz el fins enseignamenz ·
31. El uerais prez alas bonas lausors ·
32. El cortes diz a la fresca colors ·

cxxiv

1. Qe son en uos bona do(n)pna ualenz ·
2. Me donon geing qeu chant (et) essienza ·
3. Ma granz paors mon tol (et) gran temenza ·
4. Qeu non aus dir do(n)pna qeu chant de uos ·
5. Ni ren non sai si mes o danz o pros ·
6. Eu uos am tan do(n)pna celadamenz ·
7. Qe non osa mas chant eu (et) amors ·
8. Ni uos eissa tan granz sobre temors ·
9. Moutol ades qeu non aus far paruenz ·
10. Tal paor ai qira (et) maluollenza ·
11. Nom portasses car e ai entendenza ·
12. Et pos mon cor nos aus dir arescos ·
13. Pregar uos ai seu aus en ma chansos ·
14. Aissi uos ren pros do(n)pna conoissenz ·
15. Mon cor ni ia nol uirerai aillors ·
16. Et uos faz mi qan uos plaira socors ·
17. Qeu uos serai de tot mon mal sofrenz ·
18. Tro conoscaz ma fina benuollenza ·
19. Bona do(n)pna aiaz en conoissenza ·
20. Et nom siaz de senblant orgoillos ·
21. A mi qi soi leials (et) amoros ·
22. Ia non serai uencuz ne recredenz ·
23. De uos amar sia sens ou folors ·
24. Qar seu follei per uos mas mes donors ·
25. Qe sabautra mabundaua mon sens ·
26. Et se ricors me tol uostra ualenza ·
27. Per merce prec comilitaz uos uenza ·
28. Seuals daitan do(n)pna genser canc fos ·
29. Qel mon seruis uos plaza (et) sia bos ·
30. Genser do(n)pna cancfos de nulla genz ·
31. Et la meiller de totas la meillors ·
32. Per uos morrai chom dis ades paors ·

cxxv

1. Sen uos non trou merce ni iausimenz ·
2. Bona do(n)pna aiaz en subuinenza ·
3. Al cor ni ia no me fazaz paruenza ·
4. Tro conoscaz qe ben sia raisos ·
5. Qe nescaia calqe ric guierdos ·
6. Bella garda saber (et) conoissenza ·
7. Uos don engen sobre totas ualenza ·
8. Per qeu retrai uostre prez cabaillos ·
9. Al melz qeu sai a ma humill chansos ·ArnMar 30.19 (S 78)
10. Arnald . ui
11. MOlt eron douz mei consir ·
12. Et sens tot marrimen ·
13. Can la bella ab lo cor gen ·
14. Umils franqedebon aire ·
15. Me diz de samor estraire ·
16. Donc eu non posc partir ·
17. Et car il nom rete ·
18. Nill aus clamar merce ·
19. Tuit solaz mi son estraing ·
20. Pois de leis iois mi sofraing ·
21. Do(n)pna sius plagues sofrir ·
22. Per uostrensegnamen ·
23. Ab fin prec clam humilmen ·
24. Mercean con fin amaire ·
25. Uos auses mon cor retraire ·
26. En loc dautre iauzir ·
27. Uos non costera ren ·
28. Et mi feras gran ben ·
29. Qe malade qan se plaing ·
30. Si noill ual si sen refraing ·
31. Dolza do(n)pna cui desir ·
32. Per uostre chausimen ·

cxxvi

1. Uostre bel acuillimen ·
2. Non uedez qe sabez faire ·
3. De plus nous aus preiar gaire ·
4. Tant soi espauentaz ·
5. Qar es de tan ric plais ·
6. Mas ouidi retrais ·
7. Qentrels corals amadors ·
8. Nont parages a ricors ·
9. Enseignamen (et) beautaz ·
10. Franqesa (et) gen parlar ·
11. Gens acoillir (et) onrar ·
12. Cortes ab gaia senblansa ·
13. Uos fan sob autres onransa ·
14. Per qe ioi (et) solaz reuiu ·
15. Ab uos (et) nais ·
16. Uers calqe part biais ·
17. Et nol mo fai dir amors ·
18. Mas uer (et) uostras lausors ·RbVaq 392.28 (S 79)
19. Ranbaut de uaqera . uii
20. SAuis (et) fols humils (et) orgoillos ·
21. Cubes (et) larcs (et) uolpiz (et) ardiz ·
22. Soi qan seschai (et) iausenz (et) marriz ·
23. Et sai esser plasenz (et) enoios ·
24. Et uils (et) cars (et) uillans (et) cortes ·
25. Auols (et) pros (et) conosc mals (et) bes ·
26. Et ai de toz bos aips cor (et) saber ·
27. Et sen ren faill fazo per non poder ·
28. En toz afars soi sauis (et) zignos ·
29. Mas midonz am tant qem sos enfoliz ·
30. Qeill soi humils ou pez me fai (et) diz ·
31. Et nai ergoill car es tan bella (et) pros ·
32. Et soi cubes cab son bel cors iaqes ·

cxxvii

1. Tan qe plus larcs en soi (et) meillz apres ·
2. Et soi uulpiz car no laus enqerer ·
3. Et trop ardiz qar tant ric ioi esper ·
4. Bona do(n)pna tals gauz mi uen de uos ·
5. Qe marriz soi car non soi plus aisiz ·
6. Qeu soi per uos als pros tant abelliz ·
7. Qenoian sen li maluaz enoios ·
8. Bem terrai uil sab uos non ual merces ·
9. Qem teing tant car per uos en tota res ·
10. Qe per uillans me faz als crois tener ·
11. Et per cortes al pros tant sai ualer ·
12. Damor dis mal en mas altras chanzos ·
13. Per mal qem fez la bella enganairiz ·
14. Mas uos do(n)pna ab toz bos aips conpliz ·
15. Me fai tanz bes qe mendames (et) dos ·
16. Camors (et) uos mauez tal ren promes ·
17. Qe ual cent dos caltra do(n)pnam fezes ·
18. Tant ualez mais per qeus uoill plus auer ·
19. Eos tem plus perdre eos uoill mais (con)qerer ·
20. Iois (et) iouenz (et) auinenz faichos ·
21. Don el genz cors denseignamen noriz ·
22. Uos an prez dat qes pel meillor auziz ·
23. Et per ma fe si mauentura fos ·
24. Qeu ni mos chanz ni mamors uos plagues ·
25. Lo meillz de prez aurien uos (con)qes ·
26. Et de beltat (et) puos o dir en uer ·
27. Qe per audir osai (et) per uezer ·
28. Belz caualers chausimenz (et) merces ·
29. El granz amors el sobre bona fes ·
30. Qeus port eos ai mi deuria ualer ·
31. Endreit damor caltre ioi non esper ·

cxxviii RbVaq 392.13 (S 80)

1. Ranbaut de uaqera
2. EIssamen ai guerriat ab amor ·
3. Col franc uassal guerria ab mal seignor ·
4. Qell tol sa terra a tort per qel guerria ·
5. Et qant conos qe guerra pro nol te ·
6. Pel seu cobrar uen pois a sa merce ·
7. Et eu ai tan de ioi cobrar enueia ·
8. Cab amor qier merce del seu peccat ·
9. Et mon orgoill torn en humilitat ·
10. Gauz ai cobrat merce de la gensor ·
11. Qen restaura lo dan cai pres aillor ·
12. Qe samistat per plaig damor mautreia ·
13. Ma bella do(n)pna qi gent absim rete ·
14. Em promet tant per qel reprochier cre ·
15. Com diz qi ben guerreia ben plaideia ·
16. Ab amor ai tan chantan guerriat ·
17. Tant qamidonz nai meillor plaig trobat ·
18. El mon non a rei ni emperador ·
19. Qen leis amar non agues plaig donor ·
20. Qar sa beutaz (et) son prez segnoreia ·
21. Sobre totas las pros do(n)pnas com ue ·
22. Et mielz senance (et) plus gent se capte ·
23. Et mielz acoill (et) miellz parle do(n)pneia ·
24. Et mostrals pros son sen (et) sa beutat ·
25. Salua sonor (et) reten de toz grat ·
26. Do(n)pna ben sai se merce nom socor ·
27. Qeu non uaill tan qeu sia amador ·
28. Qe tan ualez per qe mon cor feuneia ·
29. Qar non poisc far tan ric faig com coue ·
30. Damic qeu sai (et) per tant nom recre ·
31. De uos preiar car uassal pois derreia ·
32. Deu ponger tant qe faza colp honrat ·
33. Per qieus enqis poi magues (con)seill dat ·

cxxviiii

1. Uostre bels oillz truanz galiador ·
2. Ridon daizo don eu sospir (et) plor ·
3. El iouen cors qades gensa condeia ·
4. Mauci aman tal enueia men ue ·
5. Et sieu ab uos non trob amor (et) fe ·
6. Ia non crerai mais ren cauia ni ueia ·
7. Nim fierai en do(n)pna daut barat ·
8. Ni uoill qem don nullautra samistat ·RbVaq 392.23 (S 81)
9. Ranbaut de uaqera . uii
10. LEu pot hom prez (et) gauch auer ·
11. Ses amor qi bei sap poignar ·
12. Ab qes gard de tot mal estar ·
13. Et facha de ben son poder ·
14. Per qieu si tot amors mi faill ·
15. Faz tan de be com puos (et) uaill ·
16. Et seu perd midon (et) amor ·
17. No uoll perdre prez ni ualor ·
18. Qastres puos uiure honraz (et) pros ·
19. Per qe nom cal far dun dan dos ·
20. Per o ben sai sim desesper ·
21. Qel meillz de prez idesempar ·
22. Camors faill meillors meillorar ·
23. El plus maluaz pot far ualer ·
24. Et sap far de uolpill uassaill ·
25. Et desauinent de bon taill ·
26. Et dona a mainz paubres ricor ·
27. Et pos tan itruob de lausor ·
28. Et soi tan de prez enueios ·
29. Qe ben amera samaz fos ·
30. Mas per zo men uoill estener ·
31. Camors tol mais qe no uol dar ·
32. Qe per un ben uei cent mals far ·

cxxx

1. Et mil pesars contra un plazer ·
2. Et anc no det ioi ses trabaill ·
3. Mas conqes uoilla seu gaill ·
4. Qeu no uoill son ris ni son plor ·
5. Pos non aurai gauch ni dolor ·
6. Si uals noill serai mals ni bos ·
7. Et lai mestar desamoros ·
8. Pos toz bos aips uoill retener ·
9. Ia no remagna per amar ·
10. Pois non poira iois reprochar ·
11. Ni prez qel met en no calers ·
12. Ni qem reuos lor manuaill ·
13. Cus amoros desirs massaill ·
14. Per tal qel mon non a gensor ·
15. Et pren en loc de ben lonor ·
16. Qar uol qeu lau en mas chanzos ·
17. Sos prez (et) sas bellas faizos ·
18. Ia sa beltaz ni son saber ·
19. Son bel ris ni son gen parlar ·
20. Non cuit mado(n)pna uender car ·
21. Qe bem puos de samor tener ·
22. Mas sol car uei dinz son miraill ·
23. Color de robin ab cristaill ·
24. Et car la lauson li meillor ·
25. Me cuidauer per seruidor ·
26. Cals conorz mes si no mes pros ·
27. Mas nos cuit qeu lam en perdos ·
28. Ab cor faich uau midonz ueder ·
29. Caram pot perdre (et) gazaignar ·
30. Et si uol mos prex escoltar ·
31. Auram sempre a tot son uoler ·
32. Et sin altra rason missaill ·

cxxxi

1. Nos taing qe tenchon ni baraill ·
2. Ab lei mas pes daltramador ·
3. Et anc floris de blancaflor ·
4. No pres coniat tant doloiros ·
5. Com eu do(n)pna sim part de uos ·
6. Ioan ses terra si damor ·
7. Non ai en breu gauch (et) honor ·
8. Iamais no serai amoros ·
9. Et uiurai mal grat damor pros ·
10. Per o si mado(n)pnam secor ·
11. Qes caps de prez (et) de ualor ·
12. Ben poirem estar eu (et) uos ·
13. Honrat entrels druz cabaillos ·RbVaq 392.20 (S 82)
14. Ranbaut de uaqera . uii
15. IA no cuide ueder · Qamor me destrengues ·
16. Tant qe do(n)pna(m) tengues · De tot en son poder ·
17. Qe contra lor orguoill · For orguillos cu(m) soill ·
18. Mas beltaz (et) iouenz · Et gentil cors plaisenz ·
19. El gai diz plasenter · Et mon bel caualer ·
20. Man fait priuat destraing · Et pois dur cor safraing ·
21. Ues amor en loc car · Sap meill sa do(n)pnamar ·
22. Cumils trop amoros · De totas enueios ·
23. Mado(n)pnam pot auer · Et nullaltra nogues ·
24. Per cho car zenser es · Et car sap mais ualer ·
25. Caitals es com eu uoill · Qe ren noi met ni(n) toill ·
26. Coind (et) gaia (et) ualenz · Et bella (et) auinenz ·
27. Et a bon prez enter · Et senz qanlla mester ·
28. Et foldaz lai on taing · Et nullz bes noill sofraing ·
29. Qab faiz (et) ab onrar · Se fai a tot prezar ·
30. Et laudar meill als pros · Qei uedon mais rasos ·
31. Et sim uol retener · Aissi coma promes ·
32. Molt mes ben damor p(re)s · Mais trop fai lo(n)g esper ·

cxxxii

1. Qe del desir mi duoill · Qem mostrom si bel oill ·
2. Et sa cara ridenz · Et simdes son cors genz ·
3. Ço cab son (con)seill qer · Uencut agra sobrer ·
4. Dauentura galuaing · Qen sa merce remaing ·
5. Pois me uolg autriar · Qeu la pogues prezar ·
6. Et amar a rescos · Em fezes mas chanzos ·
7. Deu lam lais (con)qerer · Et uaillam dreich (et) fes ·
8. Qeu soi del tot (con)qes · Qalei nom puosc tener ·
9. Mas can uasals acuoill · Segnor en son capdoill ·
10. Et illes obedienz · Paoc desforz fai sel uenz ·
11. Et midon sim (con)qer · Cab fin cor uertader ·
12. Lim rend (et) selam fraing · Los coue(n)z nul gadaing ·
13. No(n) pot el meu danz far · Et fera sen blasmar ·
14. Seu la serf en perdos · Et po li es mos danz bos ·
15. Do(n)pna izom fai mainer · Qem failli al gaoz enp(re)s ·
16. Qe trop me soi alt mes · Per qeu tem bas chader ·
17. Mas nom uest ni despoill · Ab negus mal escuoill ·
18. Qe celanz (et) tem(en)z · Et humils (et) sofrenz ·
19. Uos soi ses cor lezer · Et diz el reproer ·
20. Conraz bes mal refraing · Per qauos maco(n)paing ·
21. Qel mal seignor auar · Fan lor uaissals baissar ·
22. Eu larg enanz abdos · Si (et) ses (con)paignos ·
23. De solaz (et) dauer · Es larg no uos faill res ·
24. Pros do(n)pna mas merces · Et merce uoill qerer ·
25. Qapres las flors el foill · Nais darbre fruit co(m) coill ·
26. Et merces nais breumenz · Ap(re)s ualors (et) senz ·
27. Qi francamen lenqer · Com ia fai om maner ·
28. Dun esparuer gilfang · Et eu qi men (con)plaing ·
29. Noi puos merce trobar · Et deus com pot formar ·
30. Tantas bellas faizos · Lai on merces no fos ·
31. Mal anc pog tan plazer · Uostre genz cors cortes ·
32. Qeu perd dautras manz bes · Qaissim d(e)u escader ·

cxxxiii

1. Qar per uos men destoill · Com enguide sidoill ·
2. A cui fu souenenz · La reina entres denz ·
3. Dun la fat del uerzer · Perdet (et) eu sofer ·
4. Et ueill (et) plor (et) plaing · Per uos (et) pens em laing ·
5. Com uos pois (con)qistar · Et de graos gadaignar ·
6. Qeu perd autras per uos · Qe magra fait ioios ·
7. Bona do(n)pna ualenz · Corteis (et) conoissenz ·
8. No credaz lausengier · Ni gelos mal parler ·
9. De mi cab uos remaing · Qe dautra nom (con)plaing ·
10. Ne pois mais do(n)pnamar · Mais seruir (et) honrar ·
11. Las uoill totas per uos · Qe plus bella (et) plus pros ·
12. Nabiatres ualenz · Es bella (et) plaisenz ·
13. Eos donen prez enter · Do(n)pnas (et) caualer ·
14. Et qi uos a(con)paing · Qa tot si com lor taing ·
15. Sabez ben dir (et) far · Ells meillor meillorar ·
16. Et seu dic ben de uos · Apro nai (con)paignos ·RbVaq 392.24 (S 83)
17. Ranbaut de uaqera . uii
18. NO magrad inuer ni pascors ·
19. Ni clar te(m)ps ni foill de iaris ·
20. Qar mos enanz mi par destrics ·
21. Et toz mon maior gauz dolors ·
22. Et son mal traiz tuit mei leser ·
23. Et desesperar mei esper ·
24. Et sim sol amor (et) doneis ·
25. Tenir gai plus qe laigal peis ·
26. Et pois dandos me soi partiz ·
27. Com hom esilaz (et) scariz ·
28. Tot altra uidam senbla morz ·
29. Et tot altre ioi desconorz ·
30. Pois damor mes fallida flors ·
31. El dolz fruit el gran nes li spics ·
32. Don iauzi ab plaisen precics ·

cxxxiv

1. Et prez men sobraua (et) honors ·
2. Em fazia entrels pros caber ·
3. Er ma faiz dalt en bais zader ·
4. Et sil nom senbles fols efreis ·
5. Anc flama plus leu no(n) sesteis ·
6. Qeu for esteins(et) relenqiz ·
7. Et perduz en faiz (et) en diz ·
8. Lo iorn qem uen lo desconorz ·
9. Qinos met ma (con)qe mesforz ·
10. Bel armaz (et) bos feridors ·
11. Se ges (et) calabres (et) pics ·
12. Et tro car murs nous (et) antics ·
13. Et uincer bataille (et) estors ·
14. Ueic (et) aug (et) non posc uezer ·
15. Ben qem posca damor ualer ·
16. Et uau cerchan ab ric arneis ·
17. Qeras (et) cuizas (et) torneis ·
18. Don soi (con)qerenz enriqiz ·
19. Et pois iois damor mes failliz ·
20. Tot lo monz non pari uns orz ·
21. Ni mos canz no mes mais conorz ·
22. Per o nom comanda ualors ·
23. Si ben soi iraz (et) inics ·
24. Qeu don gauz a mos enemics ·
25. Tant qe perda prez ni ualors ·
26. Qar ben pois dan (et) pro tener ·
27. Et sai entre la gen parer ·
28. Et sai entrels latins grezeis ·
29. El marqes qi la spadam ceis ·
30. Et iudei (et) brac (et) druguizi ·
31. Et anc pois lo mond fu basti ·
32. No fei nulla gent tal esforz ·

cxxxv

1. Cum uos cui deus nagencs torz ·
2. Lo marqes neiora desors ·
3. Lo campanes el coms el rics ·
4. Si car montons (et) salanics ·
5. Et costantinople secors ·
6. Qar gen sabon cha(n)p retener ·
7. Et podom ben proar en uer ·
8. Qan mais nulla gen non ateis ·
9. Aitan gran honor apareis ·
10. Per bon uassal ualenz ardiz ·
11. Et nostrempeire (con)qeziz ·
12. Et deus trameta nos esforz ·
13. Qel se traia cap nostra corz ·
14. Anc alixandres non fei cors ·
15. Ni carles nil res lodoics ·
16. Tant honraz nil pros naimeric ·
17. Ni roland a son pugnadors ·
18. Non saubrer tan gen (con)qerer ·
19. Tan ric emperi per poder ·
20. Cum nos don poia nostra leis ·
21. Qenperadors (et) duc (et) reis ·
22. Auon faz (et) castel bastiz ·
23. Pres dels turcs (et) dels arabiz ·
24. Et uberz los chamins el pors ·
25. De brandiz tro al braz san iors ·
26. Bel dolz engles francs (et) ardiz ·
27. Corteis enseignaz esserniz ·
28. Uos es de tot mei gauz conorz ·
29. Et car uiu ses uos faz esforz ·

cxxxvi RmMirav 406.13 (S 84)

1. Raimon de miraual . uiii
2. BEn magradal bel te(m)ps destiu ·
3. Et des ausel magradal chanz ·
4. Et foilla magrad el uerianz ·
5. El praz uerz mi son agradiu ·
6. Mas uos do(n)pna magradaz milaitanz ·
7. Et agradam qan faz uostres comanz ·
8. Mas uos non plaz qem degues ren grazir ·
9. Et gradauos car mi muor de dezir ·
10. Per un desir do(n)pna reuiu ·
11. Qi mes dautres desir plus granz ·
12. Qeu desir qel ric ben istanz ·
13. Desiran uostre cors masiu ·
14. Qel meu desir se doubles en bassanz ·
15. Et pois tan ben desir sens toz enianz ·
16. Ia nom laisses al desirer auzir ·
17. Qe desiran deuon damor iauzir ·
18. Toz iauzir dautramor esqiu ·
19. Mas de uos a iauzir menanz ·
20. Qeu lau los bes (et) cels lo danz ·
21. De uos qim fai iauzen pensiu ·
22. Tan soi iauzen per qe negus afanz ·
23. Nom tol iauzir qel uostre bel senblanz ·
24. Mes iauzis tan qel iorn qeu uos remir ·
25. Non posc ses ioi estar uas on qeu uir ·
26. En alqes an uirat mon briu ·
27. Lausengiers qe uiron amanz ·
28. Et uiron las do(n)pnas prezanz ·
29. Et manz gais uiron en chaitiu ·
30. Et sius uiraz per mal parlanz ·
31. Uostre fin prez tem qes uir truanz ·
32. Qaisis uiron plaiziers en escernir ·
33. Et granz lausor se uiron per mal dir ·

cxxxvii

1. Per qeu dic qe se toz te(m)ps uiu ·
2. Toz te(m)ps dirai uostre comanz ·
3. Et sem disez uau ou non anz ·
4. Al uostre bel diz mumeliu ·
5. Sol non digaz qe remangal demanz ·
6. Qe toz mos diz en passerai en anz ·
7. Qe ia de uos do(n)pna pogues partir ·
8. Lo cor nil diz nil faz de uos seruir ·
9. Per seruir en ric segnoriu ·
10. Son manz seruidor ben ananz ·
11. Per qeus seruirai toz mos anz ·
12. Et anc seruidor mens antiu ·
13. Non ac la bella cui seruit tristanz ·
14. Qeu uos ferai de bel seruizis tanz ·
15. Tro mon seruir deignaz en grat coillir ·
16. O uos direz mon seruidor air ·RmMirav 406.23 (S 85)
17. Raimon de miraual .
18. COntramor uau durs (et) enbroncs ·
19. Per qe mon chanz ne plus lointains ·
20. Qeu no soi tan legiers ni uains ·
21. Qeu ia loniamen natenda ·
22. Cho don no posc esser segurs ·
23. De do(n)pna pois ment son iurs ·
24. Non sa druz qe qe sen prenda ·
25. Ab fals diz (et) ab termin lons ·
26. Fan do(n)pnas de cortes uillains ·
27. Cuns non es tan frans ni humains ·
28. Qel corage no lencenda ·
29. Can autres pren lo seu endurs ·
30. Mas eu non faz tan granz rancurs ·
31. Ni pos mort non qier esmenda ·
32. Et de qem deu alegrar dons ·

cxxxviii

1. Salei on es prez soberans ·
2. Non posc trobar dig segurans ·
3. Ni ai poder qeil car uenda ·
4. Sim fai torz ni senbla escurs ·
5. Cal mon non a roca ni murs ·
6. Qi contra leis mi defenda ·
7. Menachar ni colps ni destons ·
8. Non es damor ni desamans ·
9. Cab bel diz auinenz (et) plans ·
10. Fan qe pro do(n)pna contenda ·
11. Et se trop tensa ab brau dir durs ·
12. Non es son prez tan clars nim purs ·
13. Com auqes no la reprenda ·
14. Si com la rosa entre mil trons ·
15. Es gensers qe flors dautres grans ·
16. Entre fals lausengiers trefans ·
17. Esta mado(n)pna en sa tenda ·
18. Cuns noill ten dans daqel periurs ·
19. Ben comenset a bon agurs ·
20. Prez qi per lors non descenda ·
21. Bella do(n)pna deus don qeus defenda ·
22. De miraual la tors el murs ·
23. Pois uostre talanz es tan durs ·
24. Qe nous plaz qenqer lous renda ·RmMirav 406.12 (S 86)
25. Raimon de miraual . uiii
26. BEl mes qeu chant (et) condei ·
27. Pois laura dolz el te(m)ps gais ·
28. Don per uerzer (et) per plais ·
29. Au lo refrim el gabei ·
30. Qe fan lauzelez menut ·
31. Entrel uers el blanc el uaire ·
32. Adonc se deuria traire ·

cxxxviiii

1. Cel qe uol qamor laiut ·
2. Uas captenenza de drut ·
3. Druz non son eu ni do(n)pnei ·
4. Ni non tem pena ni fais ·
5. Nim rancur leis ni mirais ·
6. Ni per orgoill no mesfrei ·
7. Per o temensa fai mut ·
8. Cala bella de bon aire ·
9. Cui non au dir ni retraire ·
10. Mon cor qeu teng escundut ·
11. Pos ac son prez conugut ·
12. Eu non crei cab lei parei ·
13. Beutaz dautra do(n)pna mais ·
14. Qe flor de roser qan nais ·
15. Non es plus fresca de lei ·
16. Cors ben faiz (et) gen cregut ·
17. Boca (et) oill de mont esclaire ·
18. Canc beutat non pot plus faire ·
19. Sin mes totas sa uertut ·
20. Qe ren non a retengut ·
21. Ben uol com gen la cortei ·
22. Et plaz li solaz (et) gais ·
23. Et noill grada hom saluais ·
24. Qi se desguim ni faudei ·
25. Mas li pros son ben uengut ·
26. Qil mostra tan bel ueiaire ·
27. Qe chascuns dels nes lauzaire ·
28. Qan son deuan leis mogut ·
29. Mais qe serf unt seu uendut ·
30. Ses preiaire (et) ses autrei ·
31. Soi entraz en greu pantais ·
32. Com pora senblar uerais ·

cxl

1. Se sa gran ualor desplei ·
2. Qancar non a prez agut ·
3. Do(n)pna qe nasqes de maire ·
4. Qi contral seu ualgues gaire ·
5. Et sin sai man car tengut ·
6. Qel seu al meller uencut ·
7. Chanson uai me dir al rei ·
8. Cui ioi guida (et) uest (et) pais ·
9. Qen leis non a ren biais ·
10. Mas tol com lo uol lo uei ·
11. Ab qe cobres mont agut ·
12. Et carcasona el repaire ·
13. Pos er de prez emperaire ·
14. Tan doteran son escut ·
15. Sai franceis (et) lai masmut ·
16. Do(n)pna pro mauez ualgut ·
17. Tan qe per uos soi chantaire ·
18. Eu non cuidei chanson faire ·
19. Tro qe mer lo feu rendut ·
20. De miraual qai perdut ·
21. Mai lo rei ma conuengut ·
22. Qel cobrara anz de gaire ·
23. Et mon oldeard bel caire ·
24. Pos poran do(n)pnas (et) drut ·
25. Cobrar lo ioi qan perdut ·RmMirav 406.20 (S 87)
26. Raimon de miraual . uiii
27. CIl qi non uol audir canzos ·
28. De nostra (con)pagnias gar ·
29. Qeu chant per mon cor alegrar ·
30. Et per solaz dels conpagnos ·
31. Et plus per zo qe deuengues ·
32. En canzos qamidon plagues ·

cxli

1. Qaltra uoluntat nom destreing ·
2. De solaz (et) de bel capteing ·
3. De la bella don soi coizos ·
4. Desir lo iaser el baisar ·
5. El tenir el plus conqistar ·
6. Et apres magues ecordos ·
7. Et del plus qill clames merces ·
8. Qe iamais no sera conqes ·
9. Per zoia ni per entreseing ·
10. Se cho qeu plus uoill non ateing ·
11. Ben es sauis alei de tos ·
12. Qi drut blasma de foleiar ·
13. Cun deis qes pot amesurar ·
14. Non e pois adreit amoros ·
15. Mas cel qem sap far nescies ·
16. Aqel sap damor tot qant nes ·
17. Qeu no sai trop ni no me feing ·
18. Ni ia no uoill com men enseing ·
19. Pauc ual qi non es enueios ·
20. Et qi non desiral plus car ·
21. Et qi no sentremet damar ·
22. Greu pot esser gaillard ni pros ·
23. Qe damor uen gauz (et) uen bes ·
24. Et per amor es hom cortes ·
25. Et amor dona lart el geing ·
26. Per qe bon prez troba manteing ·
27. Ben ai qi premers fes gellos ·
28. Qe tan cortes mesters saup far ·
29. Et geloziam fai gardar ·
30. De mal parler (et) denueios ·
31. Et de gelozia ai apres ·
32. Tan qeu meteis soi en defes ·

cxlii

1. A obs midon qautra non deing ·
2. Neus de cortezar men esteing ·
3. Et mais ual bella tracios ·
4. Don ia om non prend son par ·
5. Qaltrui benenanz enueiar ·
6. Qant deus en uol aiostar dos ·
7. De do(n)pna uol qilli auont fes ·
8. Et qe ia nollien sobreges ·
9. Et qi menqier com uau nim ueing ·
10. Amor ma al seu plaisen reing ·
11. Aldiars de uos ai apres ·
12. Ço don a totas soi cortes ·
13. Mas duna chant (et) duna feing ·
14. Et daqela miraual teing ·RmMirav 406.7 (S 88)
15. Raimon de miraual . uiii
16. A Peinas sai dun mapren ·
17. So qen chantan mauzes dir ·
18. Com pielz trai (et) plus mair ·
19. Et melz mon chan esdeuen ·
20. Gardaz qant er qe meuscien ·
21. Si sabrai meillz deuenir ·
22. Sol ma bona do(n)pnam deing ·
23. Et nul autra nom destreing ·
24. Ni ses lei non posc garir ·
25. De la dolor qeu sosteing ·
26. Lo plus nesci om de ren ·
27. Qi la ueia ne remir ·
28. Deuria esser al partir ·
29. Sauis (et) de bel capteing ·
30. Et eu donc qi lam ses geing ·
31. Com sai men deu ben zauzir ·
32. Pos tan gran ualor la ceing ·

cxliii

1. Et ges de saber nom feing ·
2. Ne no poiria faillir ·
3. Qe de leis aia soueing ·
4. Tuit li trobador engal ·
5. Segon qils an de saber ·
6. Lausson do(n)pnas a plazer ·
7. Et no gardon cui ne cal ·
8. Mas qi trop plus qe non ual ·
9. Laussa sidon (et) fai parer ·
10. Qenqera sia (et) ren non al ·
11. Mas eu nai chausida tal ·
12. De com no pot dir mas uer ·
13. Qi donc non dizia mal ·
14. Do(n)pna ben cortes iornal ·
15. Fa lo iorn qios ua ueder ·
16. Qe pois no sausa temer ·
17. Qe nous port amor coral ·
18. Mas noges trop per engal ·
19. Qels fals no podon uoler ·
20. Cho qe uolom nos leial ·
21. Et cil uiuran descabal ·
22. Cab engan an lor esper ·
23. Saillor no prendon ostal ·
24. Anc a nul fin amador ·
25. No cuich mais qe deuengues ·
26. Qe de do(n)pnas non uen bes ·
27. Nim blasmar non posc de lor ·
28. Lunam tol lo iois daillor ·
29. Ni del seu nom dona ges ·
30. Ne daltra no ma sabor ·
31. Per o per la soamor ·
32. Soi plus gais (et) plus cortes ·

cxliv

1. Et port na totas honor ·
2. Ben sai qe per sa ricor ·
3. Me tol so qe me promes ·
4. Mas eu non soi tan apres ·
5. Qe mi prec aion ualor ·
6. En aicho paus ma dolor ·
7. Qe lai se pausa merces ·
8. On faillon tuit ualidor ·
9. Qela a tan de lausor ·
10. Qel bes ies graz (et) pres ·
11. El mal en loc de dolzor ·AlmBel 9.3 (S 89)
12. Naimeric de bellinoi . uiiii
13. AIssi col pres qi sen cuia fugir ·
14. Cant es estort (et) hom pois lo repren ·
15. Et lendoblon son perillos tormen ·
16. Cugei ab geing de la preison issir ·
17. Damor qe ma tan duramen conqes ·
18. Qe per nulh geing estorcer nolh posc ges ·
19. Anc mai no fui en tan mala preson ·
20. Qe ses engenhs nom pogues tener pro ·
21. Cab aital geing men fes mon sen partir ·
22. De som pais qeu non ui son cor gen ·
23. Cascun oblit cho com no(n) uet souen ·
24. Mas anc mon cors nos pot tant afortir ·
25. Qem iet dal cor cela qe ma (con)qes ·
26. Don crei morir se no len pren merces ·
27. Qe mon cors es mirals de sa faizon ·
28. Per qel fugirs no mes ren se mals non ·
29. Tan mes al cor qe qant de leis consir ·
30. Cels qe parlon ami ges nols enten ·
31. Et faz lor en al esgardar paruen ·
32. Et ab senblant (et) ab oc ennodir ·

cxlv

1. Et pas entrels tris ab fin ioi corteis ·
2. Pensan de leis com uezer la pogues ·
3. Qeu non ai ioi mas tant qant ab leis ·
4. Ni naus parlar tan enten mal reson ·
5. Als non sai far mas lai on posc auzir ·
6. De leis parlar men tornarai corren ·
7. Qar fins amics per gran refranhemen ·
8. Cant au sidons lauzar ni enanzir ·
9. En parl ableis a cui plaz toz sos bes ·
10. Qar neguns hom tant enamics nomes ·
11. Sela men tau qeu non uoilla son pro ·
12. Si uals aitant can dira sa razon ·
13. Trestot qan deu a honor abelir ·
14. Et tot qant uei en uerai prez ualen ·
15. I uei ades qant eu plus la remir ·
16. Et car noiue a mos oillz so qe pes ·
17. Mor deziran qestrania dolors es ·
18. Qe fug daqo do li sabria bo ·
19. La conssegres mais dautra re canc fo ·AimSarl 11.2 (S 90)
20. Naimeric de bellinoi .
21. FIns (et) leial (et) senes tot enian ·
22. Aissi com cel qa tot (con)qes amors ·
23. Aurai en paz soffertas mas dolors ·
24. Canc non amei plangen ni rancuran ·
25. Et ai amat longament desamaz ·
26. Uostre genz cors do(n)pna cui me soi daz ·
27. Et pos merces ab uos ren nom ualria ·
28. Partiraimen eu , non , qieu non porria ·
29. Anz antendrai sofren (et) mercian ·
30. Tro qe de uos aia qalqe soccors ·
31. Catoz lo mens mes latendres honors ·

cxlvi

1. Bona do(n)pna se ben trac gran affan ·
2. Qar molt ual mais ric esperar honraz ·
3. Cuns auols dons dom om no(n) fos pagaz ·
4. Per qeus serai tant amics sens amia ·
5. Tro qeus apel senesmentir amia ·
6. Bella do(n)pna foldat faz per senblan ·
7. Qar eu chantan retrac uostras ualors ·
8. Ni las beltaz dom sobras las gensors ·
9. Cobs me fora qeus anes oblidan ·
10. Corgoill uos creichs (et) mi creist humilltaz ·
11. On plus uos uau menbran uostras beutaz ·
12. Et las ualors qes aut sobre lamia ·
13. Dir nai donc mal eu , no , car eu mentria ·
14. Mil uez maurei acordat en pensan ·
15. Cossis preiez puis reten men paors ·
16. Qar oblidar mi fa uostras ualors ·
17. Si com om fai dins lo tertre canchan ·
18. Qe soblida cho don plus es menbranz ·
19. Eu can uos uei soi del tot oblidaz ·
20. Et per chom plai qar faillimenz seria ·
21. Seu per deman lo ric solaz perdia ·
22. Do(n)pna ben sai car uostra ualor gran ·
23. Mabunda sens (et) sofraing mi riccors ·
24. Et se de plus li podez far clamors ·
25. Uos (et) amors en siaz a mon dan ·
26. Et se per cho do(n)pna machasonaz ·
27. Qar non soi rics sera tort (et) pechaz ·
28. Qar tant non ual neguna manantia ·
29. Endreich damor com fins cors ses bausia ·
30. Pros contessa lo nons de sobiraz ·
31. Et louhauziz (et) per tot si chausaz ·
32. Per qeu nom part de uostra segnoria ·

cxlvii

1. Ni no farai aitan can uius estia ·RbVaq 392.26 (S 91)
2. Naimeric de bellinoi .
3. NUls hom en ren non faill ·
4. Tantost ni mesaue ·
5. Com en loc un se te ·
6. Per plus aseguraz ·
7. Per qem par gran foudaz ·
8. Qi non tem cho cauenir li porria ·
9. Qeu cuiaua qant amor nom tenia ·
10. Qe nom pogues forsar estra mon grat ·
11. Mas era ma del tot apoderat ·
12. Tant es damoros taill ·
13. La bella qem rete ·
14. Qe nuls hom no la ue ·
15. Non sia enamoraz ·
16. Et seu en soi forsaz ·
17. Ia non cuiez granz meraueilla sia ·
18. Qe sa beutaz lai on ilh se deslia ·
19. Uenz en aissi totas autras beutaz ·
20. Com lo soleills passa totas clartaz ·
21. De robin ab cristaill ·
22. Senbla qe deus la fe ·
23. Et del seu douz ale ·
24. Laspirez cho sapchaz ·
25. Ab digz enamoraz ·
26. Plens de dousor ab orguill ses feunia ·
27. Ioga (et) rii ab tan plazent conhdia ·
28. Cals amors creihc damor uoluntaz ·
29. Et fai amar cels qe non an amaz ·
30. Trop soffri greu trabaill ·
31. Can loniar men aue ·
32. Mas aichom fai gran be ·

cxlviii

1. Qe qant me soi loniaz ·
2. Mestai sa granz beutaz ·
3. Tals com la ui en mon cor noich (et) dia ·
4. Ell gens parlars el auinenz paria ·
5. On eu do(n)pnei mantas uez a celaz ·
6. Com se cuia qeu aia dals pensaz ·
7. Et car eu tan non uaill ·
8. Com al seu prez coue ·
9. Am leis (et) air me ·
10. Qar men soi achantaz ·
11. Com non es tan preiaz ·
12. Qe sa ualors al seu ric prez par sia ·
13. Mas se amors entrels amanz litria ·
14. Lo plus leial nil meillz en amoraz ·
15. Non cal temer son prez ni sa riccaz ·
16. De la contessa biatrix non poria ·
17. Tan de ben dir qe mais en lei non sia ·
18. Qen leis a deus tan de ben aiostaz ·
19. Com per part na a las autras donaz ·
20. Senger nimo samors nom retenia ·
21. De uos ueder mais tenir nom porria ·
22. Mas amor ma tant fort apoderaz ·
23. Qe non posc far mas a sa uoluntaz ·AlmBel 9.7 (S 92)
24. Naimeric de bellinoi . uiiii
25. ERam destreing amors · Tant amorosamen ·
26. Qel mal qeu trai non sen · Anz mes laffan dousors ·
27. Qe la humils paruensa · Et la francha captene(n)sa ·
28. De leis qaissim ten pres · Amors ma si conqes ·
29. Qe uas on qeu mestei · La om la ui la uei ·
30. Qe qant eu ueng daillors · La gran beltat el sen ·
31. Trop dobla doblamen · Per qe men pren paors ·
32. Qe merces no la uensa · Mas en so nai pleuensa ·

cxlviiii

1. Qar anc orgoill nos mes · En ta(n) franc loc son pes ·
2. Per qeu com qem guerrei · Amors soi tals com dei ·
3. Tant es granz sa ricors · Qeu non aus far paruen ·
4. Com lam celadamen · Ni non aten soccors ·
5. Mas de sa conoissensa · Qeu lam a tal temensa ·
6. Qesgardar non laus ges · Qelam ueia nires ·
7. Anz can garda uas me · Seu lasgard men recre ·
8. Sa couinez colors · Els oillz clars (et) rien ·
9. El douz esgard plazen · Et lonrada ricors ·
10. Me torn en souenensa · Pe qa toz iorz ma gensa ·
11. Sos leials cors cortes · Miraill de toz mos bes ·
12. Qe qant aillors cortei · Pensan aleis do(n)pnei ·
13. Mas tant me uenz temors · La bella a cui me ren ·
14. Naia franc chauzimen · Qel mon non es dolors ·
15. Mas trop longatendensa · Qeu faz ta(n) granz soffre(n)sa ·
16. Qe se non ual merces · Ab leis en bona fes ·
17. Paor ai non derrei · Et car o dic follei ·
18. Sengner nimo can pes · Uos cals es ne qi es ·
19. Lo segles eu non uei · Qe tan bel esplei ·
20. Et qi tort non fezes · Et la rengare ges ·
21. En tot lo mon non crei · Qe tan bona yestei ·AlmBel 9.14 (S 93)
22. Naimeric de bellinoi .
23. NUll hom non pot conplir adreizamen ·
24. So qa el cor se tot ant el ne fai ·
25. Noill senbla paoc ni ama ab cor uerai ·
26. Poi qe cuia amar trop finamen ·
27. Qaital cuiar descreis elautrenansa ·
28. Mas eu non am ges per aital senblansa ·
29. Anz iur per leis cui teing al cor tan car ·
30. On plus fort lam la cuit petit amar ·
31. Petit lam eu segon so qeu enten ·
32. Qe gauz nim ben mas tant com la non ai ·

cl

1. Qar seu lames tan com a lei seschai ·
2. Eu fora reis damor (et) de iouen ·
3. Et de rics faich mas om non a onransa ·
4. Par al seu prez , per o tan gran pesansa ·
5. Nai en mon cor car lo faz no posc far ·
6. Qels mals qen trai degram se faz iuiar ·
7. Cant en mon cor remir son bel cor gen ·
8. Lo dolz esgart mabelis tant em plai ·
9. Pensan languis qar ades no lamai ·
10. Mor de desir aitan lam finamen ·
11. Mas sen uolgues tan cresser samistansa ·
12. Tro qeu moris ou qil nagues pesansa ·
13. Qel iois damor qan do(n)pnal uol donar ·
14. No pot mas tan com hom lama poiar ·
15. Nil donz non ual a celui qi lo pren ·
16. Mas sol aitan can sen dona de iai ·
17. Donc sespensa midonz lo ioi caurai ·
18. Del seu ric don sen leis per mi desen ·
19. Merces qesters non ai nulla fiansa ·
20. Qil (et) merces faran bonacordansa ·
21. Qar meill se fai ric dur cor acordar ·
22. Ab leial cor uengut per sobramar ·
23. Caicel qe uol (et) no pot per un cen ·
24. Trai peior mal caicel qe pot non fai ·
25. Qar lo poders apodera les glai ·
26. Qe tol al rics lamoros pensamen ·
27. Mas cil en cui ai tota ma speransa ·
28. Ual tan qil sab aben duracordansa ·
29. Conqerre prez (et) ci (et) cha gardar ·
30. Qar trop ni paoc no fes de null affar ·
31. Nimo saiso tota uostramistansa ·
32. Auez en deu en prez (et) en onransa ·

cli

1. Cab aqes tres sabez tan gen regnar ·
2. Qe a negus nos uei desacordar ·
3. Mas la bella nelienors tenansa ·
4. Chanson qen leis pren bons prez meilloransa ·
5. Qem trameta a leis per meillorar ·
6. Et se gradis porras segur annar ·
7. Et se dona nul regart al passar ·
8. Enom de foill uai (et) non cal doptar ·Caden 106.2 (S 94)
9. Cadenet . x .
10. A Com dona ric corage ·
11. De preiar (et) dardimen ·
12. Amors qe dona spauen ·
13. Ad autre fin amador ·
14. Qe qant sidona ualor ·
15. A beutat (et) cortesia ·
16. Noilausa sos talan dir ·
17. Per o mi fai enardir ·
18. Mais qe se ren non auia ·
19. Com hom mais cuia (con)qerer ·
20. Maior ardimen deu auer ·
21. A faire gran uassalage · Sechai ben com aia sen ·
22. Per o plus ardidamen · Lo fai qi mescla folor ·
23. Qar anc bon enuaidor · No(n) ui se no sent folia ·
24. Qar ges nos ta(n)g com salbir · Tot zo qes pot auenir ·
25. Qar ia ren ben no(n) faria · Qeu nai uist ia ma(n)s deschader ·
26. Tals qeron ricx per trop temer ·
27. Temer deu hom uillanage · Far (et) tot dechausimen ·
28. E uas sidon fallimen · Et uergogne (et) deshonor ·
29. Et aicho de eu temer · Qar seu aicho no temia ·
30. E uas mado(n)pna mentir · Trop cuiara faillir ·
31. Per o eu faz tota uia · Oimais (et) melz son uoler ·
32. Et sei faill non ai pro saber ·

clii

1. Do(n)pna eu ai un usage · Et segon monescien ·
2. Per sobre forci talen · He cum partia derror ·
3. Can uostra fresca color · Auinen ses maistria ·
4. El uostre ge(n)s cors remir · Soi ta(n) iauze(n)s cal partir ·
5. Men crest ira (et) felnia · Cautresi nai gran d(e)splazer ·
6. Can nous ui , cum ioi del uezer ·
7. Tan magradolh uostre stage · Do(n)pna ta(n) me son plazen ·
8. Li uostre captenemen · Et uos port ta(n) fin amor ·
9. Qe se plus tost qe no(n) cor · Uns cabals de prez corria ·
10. Lai un es do(n)pna uenir · Segon aizo qeu malbir ·
11. Tuz autresi cuieria · Anar do(n)pna de gran lazer ·
12. Et gardaz sei ai mon uoler ·
13. Lausengiers grazidaus sia · Lonors qem faiz ab me(n)tir ·
14. Catoz fai cuiar (et) dir · Qeu am tal per drudaria ·
15. Dom anc ior no(n) aig mon uoler · Cab m(en)tir cobrez lo uer ·Caden 106.7 (S 95)
16. Cadenet . x
17. AMors e cu(m) er de me · Ia soi tornat al affan ·
18. A qe me largest antan · En aissi de tot lo fre ·
19. Per ueder se ia sabria · Ben ni genz uiure sen uos ·
20. Ben ni genz no(n) mais uiuria · Segurs al m(en)s co(m) qe se fos ·
21. Aissi com uei uiure assaz · Sen uos (et) sen uostraiuda ·
22. De rics (et) daleguraz · Can la uergogna perduda ·
23. De tot autre guerrier cre · Qes pot hom defendre as bran ·
24. O metre lescu denan · Se uals entre lui (et) se ·
25. Et se stremon de sa uida · Os met en un loc rescos ·
26. Olh uals forsa o gaillardia · O gens o defensios ·
27. O chastels o fermitaz · O amics o bonaiuda ·
28. Mas a cel qe guerriaz · Ual mens on plus sesuertuda ·
29. Ha de mon cor car no(n) ue · Daqi on remais ogan ·
30. Amors a uos o deman · Mado(n)pna per qel rete ·
31. Uau ueer sel me redria · Al anar soi eu cuichos ·
32. Mas al tornar com seria · Ben faria dun pas dos ·

cliii

1. Qe mais menoiz adeu siaz · Qe deus uos sal no(n) maiuda ·
2. Do(n)pna se no fos cumiaz · Molt fora bon al uenguda ·
3. Tres letres del . a . b . c · Aprendez plus non deman ·
4. A . m . t . car aitan · Uolon dire com am te ·
5. Cabaitan de clergia · Auria pro entre nos · dos
6. Emper o mais eu uolria · O . (et) . c . mantas sazos ·
7. Pois seu diçia digaz · Do(n)pna uos farez ma uida ·
8. Eu sai qe uos seriaz · De dir oc apercebuda ·
9. Bona do(n)pna tar mauen · Qeu uos diga mon talan ·
10. Et adons pauc en doptan · Et ab tot so nom recre ·
11. Ni car uostra (con)paignia · Es tota dome gelos ·
12. Uoz amis itangeria · Dom entretans enoios ·
13. Qeu tem (et) uos en doptaz · Per qeu auria ops daiuda ·
14. Ha per qe non com(en)saz · Bella do(n)pna esperduda ·
15. Lausengiers ben abrasaz · Cades me faz bonaiuda ·
16. Cab uostre mentir monraz · El uertaz no(n) es sabuda ·Caden 106.3 (S 96)
17. Cadenet .
18. A Ome melz non uai · De mi segon qeu cre ·
19. Et dirai uos de qe · De pauc de ioi qeu ai ·
20. Aus esser benenanz · Et mi sai esiausir ·
21. Et an non sap marrir · Sem uenc destrics ni danz ·
22. Anz saup pensar aitan · Don malegres ogan ·
23. Null amador no sai · Qeser en loc de me ·
24. Qes dones a gran re · Tan com eu faz de iai ·
25. Tan mi plaz ioi (et) chanz · Qan uei las flors uenir ·
26. Donc me cug enreqir · Et es us conort granz ·
27. De flors can bon te(m)ps an · Qe ia non failliran ·
28. Dons ni a qe sestrai · Tant an seruit de se ·
29. Sel gueerdo noi ue · Mas lo sauis retrai ·
30. Cus iors ual mai cus anz · Et qi prent a fugir ·
31. Can se deu enancir · Nolles negus enanz ·
32. Da qo qe fag deuan · Anz a perdut aitan ·

cliv

1. IA qi so qi de fai · No fallira per re ·
2. Qe nollen prenga be · Eu qe proat lo ai ·
3. Sai qe bos es affanz · Et esforz de seruir ·
4. Per respeg de iauzir · Et ioi ual mil dostanz ·
5. Qes (con)qis ab affan · Qel autre ioi no(n) fan ·
6. Pros do(n)pna talant ai · Qeu uos preg per merce ·
7. Qar sai cauos conue · Qe non fasaz seus plai ·
8. Ses lo cor lo senblanz · Qem fait qan uos remir ·
9. Qe qan me cuich partir · Et lors si mescle enianz ·
10. Esgardaz en de dan · Uos (et) mi (et) mon chan ·
11. Do(n)pnab fin prez uerai · Lo gaug es qem mante ·
12. Can de uos me soue · Qe cam parti de lai ·
13. Ab plazers benestanz · Merce qan dic partir ·
14. Mas can men uoill uenir · Uns enfanz de dos anz ·
15. Enansera trestan · Sim segues mon talan ·
16. Lausengiers ies grazir · Nous posc ni nous sai dir ·
17. Las bella honors granz · Qe uos mi faiz toz lan ·
18. A mi (et) a mon chan ·Caden 106.17 (S 97)
19. Cadenet . x
20. NO sai qal (con)seill mi prenda ·
21. Tot soi esbahiz ·
22. Qe mos astres mes failliz ·
23. Et no trob fas loniatenda ·
24. Cab dir de no me mescla bel senblan ·
25. Cela qeu am (et) per so uau doptan ·
26. Cal crerai doncs o aso qe laug dir ·
27. Ol bel senblan qem fai can la remir ·
28. Qel bel senblanz me lonia del esmai ·
29. El dir de no me torna senpre lai ·
30. Per o no stauh qe nentenda ·
31. Per midon qem diz ·
32. Qil ia scien ianairiz ·

clv

1. Ni nos tang qeu la mesprenda ·
2. Qar do(n)pnas son (con)duradas daitan ·
3. Qi las preia descondir lor talan ·
4. Per o lhi oill non podo ges mentir ·
5. Ni non es dreg qe ia do(n)pna los uir ·
6. Tan dousamen mas uas aiso qelh plai ·
7. Doncs creire dei lo bel senblan qem fai ·
8. Ben soi fols qenleis mentenda ·
9. Com ilh plus sensdiz ·
10. Et eu plus soi aforsiz ·
11. Adons plus fort se defenda ·
12. Selh asai so plazen ni benestan ·
13. Nilh douz esguarz enper so qilh deman ·
14. Qi ilh non pot la faiso desmentir ·
15. Ni so senblant per me de si partir ·
16. Faz lhi qe fals car lam eu non o sai ·
17. Mas senblan mes segon so qem retrai ·
18. Asaia qem fara esmenda ·
19. Seu soi erescarniz ·
20. Ableis com esguart uoutiz ·
21. Im fa per qeu melz mi enprenda ·
22. A qe ni cum me uau desconortan ·
23. Qeu non cug so qill ia fassi enian ·
24. Uas si eicha per cor de mi trair ·
25. Denian per uer nos poriel esdir ·
26. Qar ab senblan damor uas si matrai ·
27. Sem fallia de tot mas monestrai ·
28. Gran paor ai qe mesprenda ·
29. Qar soi tan ardiz ·
30. Qe de leis me soi partiz ·
31. Et qe merces noi descenda ·
32. Et qe nom don ren de qill deman ·

clvi

1. Et staraill mal , no , car mo diz denan ·
2. Mas eu mesforz per o de lei seruir ·
3. Et ilh no uol gardaz seu dei faillir ·
4. Qar guierdons rendre la on seschai ·
5. Es bella res malaia qi senstrai ·
6. Sol qe sos ric prez sestenda ·
7. Qe sia aussiz ·
8. Nom cal sen estau marriz ·
9. O cun qi san ma fazenda ·
10. Anz es tan bona qeu soffra tot laffan ·
11. Et mi meillor qan la posc trar enan ·
12. Et ela aioi qan mi po far languir ·
13. Et eu maior qan la posc enantir ·
14. A leis non cal de me can mal me uai ·
15. Et ami plaz de leis qan bel estai ·
16. De marssella la contessa uposc dir ·
17. Qen aluerna fa son ric prez auzir ·
18. Et onret me sa merce qan fui lai ·
19. Mas lausengiers monrent atrestan sai ·Caden 106.18 (S 98)
20. Cadenet . x
21. OImais maurez auinen · De cha(n)tar (et) de solaz ·
22. Uos autre a cui iois plaz · Mas ta(n) trop dechausimen ·
23. Qemendamen nai seuals · Et sim crezia cabals ·
24. De iois mais malegreria · No per tan qe ben sabria ·
25. Mon cor d(e)streigner daitan · Qe ia nus hom a mon chan ·
26. Gran ioi no conoisseria ·
27. Pero gaban (et) rien · Podom estar qe celaz ·
28. Qi sauis est ni menbra(n)z · Et eu soi ben daital sen ·
29. Qe nomes hom ta(n) corals · Qe nom senbles desleials ·
30. Pois qe mon ioi menq(ue)rria · Et cel qe mais cuiaria ·
31. Saber mon cor d(e)ma(n)dan · Sabria al cap dun an ·
32. Aitant com al premer dia ·

clvii

1. Qe mespres mon escien · Non a mester al sennaz ·
2. Qen ama (et) sia amaz · Qe ses de legier talen ·
3. Seres de parler uenals · Et de trop parlar uen mals ·
4. Sabez qal prez no(n) sab mia · Per qel senz itangeria ·
5. Qe apoders lo talan · Qaissi uai amors en an ·
6. Et deschai per lezeria ·
7. En ren no mes tan plasen · Do(n)pna cum can mesgardaz ·
8. Cum qel cor naia mandaz · Li oill aus no(n) uan qiren ·
9. Ha qai diz es uos doncs tals · Qe iam fazaz senblan fals ·
10. Uos no , per o ta(n) uolria · Iauzir do(n)pna seu podia ·
11. Et tem lo ioi el talan · Qeu en tem car o uoll tan ·
12. Qe per aiso dic folia ·
13. Eus am per uostre iouen · Eus am car ies beltaz ·
14. Eus am car ades gensaz · Eus am p(er) uostre cor gen ·
15. Et uos am car es leials · Et uos am car es cabals ·
16. Eus am p(er) uostra coindia · Eus am p(er) plasen paria ·
17. Eus am car es ses enian · Qar aissi es fals garan ·
18. Qe mais ne meins noi tangnia ·
19. Lausengier ia uos diria · Mos amanz seus sabia ·
20. Lonor qem fazes lautran · Seus am qe fos malestan ·
21. An sai qe mo graziria ·
22. Sel raina mo sofriria · Qe ualor de toz charia ·
23. Nelianors qe regnan · A honor (et) prez tan gran ·
24. Qeill meillura chascun dia ·Caden 106.16 (S 99)
25. Cadenet .
26. MEraueill me de tot fin amador ·
27. Cossi damor se pot far malananz ·
28. Et merueill per qen sent hom dolor ·
29. Et merueill per qe nes hom clamanz ·
30. Qeu dic qe mais na de ben qe de mal ·
31. Cel qe mens na (et) per ol bens no(n) ual ·
32. Ren a celui cui a obs faill sos senz ·

clviii

1. Cassaz trobom domes entre las genz ·
2. Qe se sabon qan ren perdon marrir ·
3. Et del gadaing no sabon esbaudir ·
4. Nuls hom non uiu ne regna ab amor ·
5. Qe non sia cortes (et) gens parlanz ·
6. Lars (et) metenz (et) cressenz de ualor ·
7. Et non uoilla ab amor adaitanz ·
8. Com faria sel stauen com cabal ·
9. Qe de prez qe na qes proz ni car ual ·
10. Lhi menda tota la pena el tormenz ·
11. Et ab aitan den esser plus iausenz ·
12. Pel ioi qe na qe nespera iauzir ·
13. Et en aissi pot la clamor delir ·
14. Son bon amic deom (et) son seignor ·
15. Seruir se tot lo bens faiz nolles granz ·
16. Et nos tang ges sol com prega amor ·
17. Qe iam sia greus a sofrir lafanz ·
18. Qel mon non a tan auinen cabal ·
19. Com prez qi la enpres a cel qe ual ·
20. Et ab amor podom esser iaussenz ·
21. Donc pois damor mou toz ensegnamenz ·
22. Per com se pot onrar (et) enancir ·
23. Cil en trai qi noill uolon seruir ·
24. Aissi com an prez li bon seruidor ·
25. Ni com los fai onrar lor bons talanz ·
26. Atrestan nan bon guierdonador ·
27. Et aditan mais com lonors es plus granz ·
28. Amor amanz deuon esser engal ·
29. De ben amar per o cels qe mais ual ·
30. Mais sa esser humils (et) conoissenz ·
31. Aqel de mais destrenger chausimenz ·
32. Honors bens a mado(n)pna qeu uoill dir ·

clviiii

1. Alcun des ilh toz te(m)ps mais per grazir ·
2. Uostra beltat do(n)pnam fai grant paor ·
3. Mais eu conort el uostre bel senblanz ·
4. Et temi trop do(n)pna uostra ricor ·
5. Mas eu conort car uos plaz qeus enanz ·
6. Et temi trop uostre ric prez cabal ·
7. Mas eu conort el uostre sen tan ual ·
8. Et temi trop car es a toz plassenz ·
9. Mas eu conort car es tan conoissenz ·
10. Et temi trop qant uos aug escondir ·
11. Mas eu conort do(n)pna el gent acuillir ·
12. Lauseniadors mais qe negunas genz ·
13. Uos dei grazir (et) si damors soi gausenz ·
14. Qar molt mauez celat ab gens mentir ·
15. Et cubert meillz qe non saubria cubrir ·Caden 106.20 (S 100)
16. Cadenet . x .
17. SE a or deuenia · En far chanson plasen ·
18. Meraueilla seria · Tan me uai malamen ·
19. Uolentiers me sofrira · De dire cossim uai ·
20. Ia no lon descobrira · Mallamors ell gai ·
21. Derion (et) qe fai · Meraueilla nauen tuit gran ·
22. Segon qeu era gai antan · Coment pod esser qeu no chan ·
23. Cuna do(n)pna ai seruia · De bon cor leialmen ·
24. Tan qe bon prez lauia · Poiad era descen ·
25. Com en porrai far dira · De leis cui soi seruid ai ·
26. De bon cor (et) seruira · Anz qeu fes lo forfai ·
27. Qar en aissi seschai · Qil aia blasme del enian ·
28. Com prez an celas qi ben fan · Per o irat soi d(e)son dan ·
29. Dirai una felnia · Com iraz non a sen ·
30. Contra ma cortesia · Et mon ensegnamen ·
31. Uolenters la cobrira · Mai ia no lamerai ·
32. Qar elesqernia · Mas un bon conort nai ·

clx

1. En qem conorterai · Qe nac man bel plaser en an ·
2. Qil agues mas un sol talan ·
3. Sa foldaz me fai dir aitan ·
4. Mi el bon prez cauia ·
5. A perduz ueramen ·
6. El ben com en disia ·
7. Gardaz sill sta gen ·
8. Qar qi la uis pliuira ·
9. A tan (et) mais en lai ·
10. Qe ia ior no fallira ·
11. Et doncs como farai ·
12. Cossi men uengerai ·
13. Qe tan ma faz mentir lausan ·
14. Qe sen dic de mal atrestan ·
15. A qo sera plus malestan ·
16. A do(n)pna tangneria · Gran uiltat donramen ·
17. Et del faz carestia ·
18. Mentres en son iouen ·
19. Saber po qan se mira ·
20. De beltaz com li stai ·
21. Et sadonc no consira ·
22. En ualor ill deschai ·
23. Qe la beltaz sen uai ·
24. Et ill reman a pel ferran ·
25. Dolenta qar a uescut tan ·
26. Ab plus simple sen dun efan ·
27. Lausama desser en an ·
28. Podez dire uostre talan ·
29. Qe mi no tenez pro ni dan ·
30. Enueios mai sei de talan ·
31. De trobar do(n)pna de sesenian ·
32. Qe uos de prez cui amaz tan ·

clxi AlmPeg 10.50 (S 101)

1. Naimeric de pigugnan .
2. SI com larbres qe per sobra cargar ·
3. Fraing si meteis (et) pert son fruit (et) se ·
4. Ai eu perdut ma bella do(n)pna (et) me ·
5. Et mon enter se fraing per sobramar ·
6. Per o se tot me soi apoderaz ·
7. Anc ior non fi mon dan a escien ·
8. Enanz cuit far cor zo qant faz ab sen ·
9. Mais ar cognosc qe trop sobral foldaz ·
10. Et non es ben com sia tot senaz ·
11. Qe a sazon non sega son talen ·
12. Et se noia de chascun mesclamen ·
13. Non es bona sola luna mitaz ·
14. Qar ben deuen hom per sobra saber ·
15. Nesis en uai mantas uez foleian ·
16. Per qe seschai com an en lou mesclan ·
17. Senz ab foldaz qio sab gen retener ·
18. Las qeu non ai mi meteis en poder ·
19. Anz uau mon mal enqeren (et) cerqan ·
20. Et uoill trop mais perdre (et) far mon dan ·
21. Ab uos do(n)pna qab autra (con)qerer ·
22. Qar eu cuit far ab aqest dan mon pro ·
23. Et qe sauis ab aqesta folor ·
24. Per o a lei de fin fol amador ·
25. Mauez ades on piez mi fai plus bon ·
26. No sai nul oc per qeu des uostre non ·
27. Per o souen tornon mei ris en plor ·
28. Et eu com fol ai gauz de ma dolor ·
29. Et de ma mort qan mir uostra faizon ·
30. Col basalesc qabioi sanet aucir ·
31. Qant el miral se remiret es ui ·
32. Cot autresi es uos miral a mi ·
33. Et mauciez qan uos uei neos remir ·

clxii

1. Et nous encal qan mi uedez morir ·
2. Ab anz ofai de mi tot enaissi ·
3. Com del enfant cab un maraboti ·
4. Fai hom del plor laissar (et) departir ·
5. Et pois qant es tornaz en alegrer ·
6. Et om lestrai zo qell donet el toll ·
7. Et el adonc plora (et) fai maier doll ·
8. Mil tant plus fort qe no fez de primer ·
9. Bel castelan ges uostre prez non toll ·
10. De meillurar qoi ual pro mas qeher ·AlmPeg 10.20 (S 102)
11. Naimeric de pigugnan . xi .
12. DE fin amor comenza ma chanzos ·
13. Plus qe no fai de nullautra scienza ·
14. Qeu no sabria nient samors no fos ·
15. Et anc tan car no conprei conoissenza ·
16. Cab bel senblan aissi com fals traire ·
17. Me uai doblan chascun ior li martire ·
18. Qen la bocham fez al primer dolcir ·
19. Cho qe ma fait pois el cor amarcir ·
20. Si de merce acusar fos raisos ·
21. Deigna fora de ma desbenuoillenza ·
22. Qamors uenz lei (et) chausiment amdos ·
23. Et usau na del poder qe lei uenza ·
24. Per o mi uol del tot entot aucire ·
25. Qar sab (et) ue qe merces nes adire ·
26. Per o non uoill ges solament aucir ·
27. Ab anz mi fai languent peiz de morir ·
28. Peiza de mort cel qe uiu consiros ·
29. Et non a iois mas dolor (et) temenza ·
30. Pois ue la re qel pogra far ioios ·
31. Ar non troba sosteing ni mantenenza ·
32. Et donc eu las qe soi del mal sofrire ·

clxiii

1. De mil dolors fors dun sol ioi iauzire ·
2. Et ia no fos mais per un escarnir ·
3. Son degra far ab bel senblan la(n)guir ·
4. Mas non a tort qeu am lei arescos ·
5. Et en mon cor non aus fare paruenza ·
6. Daitant en faz a guisa dorgoillos ·
7. Qar soi de lei aus auer souenenza ·
8. Mas eu non posc al amor contradire ·
9. Ço qeill plaz am (et) so qell desplaz aire ·
10. Per o com fols me uoll enfollecir ·
11. Qe enchauz zo qeu non aus (con)seguir ·
12. Qe son rics prez es lo meillors dels bos ·
13. Pois la beltaz es engal auolenza ·
14. Qant plus remir ni ueg daltras faizos ·
15. Ades mes uis qe sa beutaz agenza ·
16. Per qeu noill puos mon cor preant deuire ·
17. Seuals deuant li fremisc (et) sospire ·
18. Et sis laises ab merce conuertir ·
19. Dreich fora oimais qem fes uas si uenir ·
20. Oimais pois lodors te(m)ps gais ue ·
21. Et la douza do(n)pna plaisenz ·
22. En cui es prez iois (et) iouenz ·AlmPeg 10.25 (S 103)
23. Naimeric de pigugnan .
24. EN amor trob alqes en qem refraing ·
25. Calmens damors mal o ben non sofraing ·
26. Ni eu per mal damor nim loing nim fraing ·
27. Com plus mauci plus uers amors mafraing ·
28. Mas non conosc camors uers mi safraigna ·
29. Ni eu damor non ai poder qem fraingna ·
30. Ren nom sofraing sol camor nom sofraigna ·
31. Qar sens amor non sai en qem refraigna ·
32. Damor non posc partir camor mi pren ·

clxiv

1. Qe qan men cuit enblar plus mi repren ·
2. Ab un esgard du(n) mos cor sesconpren ·
3. Qem fa uenir de lei en cui menpren ·
4. Mas al seu dan non cuies qeu mi prenda ·
5. Ni por autra mos fis cor sesconprenda ·
6. Dont hom per fals amador mi reprenda ·
7. Qen lei es tot sil plai qem lais o prenda ·
8. Aissi soi fait del tot a son comant ·
9. Qe nulla ren non desdi qelan mant ·
10. Pero lo ben la prec qil non desmant ·
11. Cal comensar mi promes del demant ·
12. Dum fa pechat oimais car non demanda ·
13. Et gran merce si uals car non desmanda ·
14. Mas eu teing ben per desman si no(n) manda ·
15. Per o assaz qi non desdi comanda ·
16. En lei son tuit li bon aib com retrai ·
17. Esters qe greu promet (et) leu estrai ·
18. Per qeu non posc souffrir lo mal qeu trai ·
19. Si qalqe ben merces non mi atrai ·
20. Mas per o ben o mal calqe matraia ·
21. Soffrirai leu qe ia per mal qem atraia ·
22. Non estarai damar qi qen astraia ·
23. Ne ia nuill te(m)ps non uoill com mo retraia ·
24. Don en uos ai mon cor tan fin (et) ferm ·
25. Qe ges non ai poder qe lem desferm ·
26. Abanz uos iur sobre sainz eus afferm ·
27. Com plus men cuit partir plus mi refferm ·
28. Et si merces qe partimenz referma ·
29. Per chausiment en uos plas no saferma ·
30. Toz mos afars si destrui (et) desferma ·
31. Caltra mas uos non uoill qe mestes ferma ·
32. Nabiatriz tant es de bontat ferma ·

clxv

1. Qe uostre prez non chania ni desferma
2. Don uostre laus so meillor anz saferma ·
3. Et pois mon diz en ren no se desferma ·
4. Ladreg conrat malaspina referma ·
5. Don (et) donei si qe chascun aferma ·
6. Qe de bon prez non laissi ni desferma ·
7. Per qe en lui es ades ualor ferma ·AlmPeg 10.12 (S 104)
8. Naimeric de pigugnan .
9. AUtresim pren com fa al iugador ·
10. Calcomensar ioga maistramen ·
11. Al petit iog pois sescalfa perden ·
12. Qel fa montar tan qes en la folor ·
13. Aissim mis eu pauc a pauc en la uia ·
14. Qeu cuiaua amar a maistria ·
15. Si qem pogues partir can mi uolgues ·
16. Ar soi entraz tant qesir no(n) pois ges ·
17. Autra uez fui en la prison damor ·
18. Don eschapei mais a oram repren ·
19. Ab un cortes engeing tan sotilmen ·
20. Qem fai plazer mon mal (et) ma dolor ·
21. Cun laz me fez metral col ab qem lia ·
22. Don per mon grat mais nom deslieria ·
23. Et nuls autrom qe fos liaz non es ·
24. Qil deslies qe ben no li plagues ·
25. Anc mais nulz te(m)ps non trobei liador ·
26. Qe tan ferm lies a tan pauc liamen ·
27. Qel liam fo corz dun braz solamen ·
28. Don non trob chai qim desli ni aillor ·
29. Enliamaz soi tan qe sim uolia ·
30. Desliamar ges far non o porria ·
31. Camor qe lai mo liamet empres ·
32. Me liama sai plus fort per un tres ·

clxvi

1. A lei des fers qe uai ses tirador ·
2. Ues laziman qel tirauau si gen ·
3. Amor qem sap tirar ses tiramen ·
4. Mas tira ma si uals per la meillor ·
5. Qe se dautra meillurar me sabria ·
6. Et am tant lo meill qe ben meilluraria ·
7. Mas meillurar non cre qe mi pogues ·
8. Ueus per qe ma per la meillor (con)qes ·
9. Ha gentil cors format plus gent de flor ·
10. Aiaz de mi calaqo chausimen ·
11. Qeu mor per uos denuei (et) de talen ·
12. Et podez lo proar a ma color ·
13. Can uos remir qe trasu (et) chambia ·
14. Qe foralmosna (et) granz cortesia ·
15. Cumilitaz mercian uos pregues ·
16. Daqest coichos sofreichos de toz bes ·
17. Ben plaz guill(e)m malaspina marqes ·
18. Qar conqer prez (et) prez a li conqes ·
19. Nabiatriz dest lo bens qen uos es ·
20. Fa meillorar las autras ab los bes ·AlmPeg 10.27 (S 105)
21. Naimeric de pigugnan . xi
22. EN greu pantais ma tengut longamen ·
23. Canc no(n) laiset ni no(n) retenc amors ·
24. Et am saiat ab totas sas dolors ·
25. Si qe del tot ma fag obedien ·
26. Et car me sa esforciu (et) soffren ·
27. An si cargaz del amoros afan ·
28. Qel meillor cent non soffririon tan ·
29. Amar me fai ster ster mon grat finamen ·
30. Leis qi ma faig chausir per la gensors ·
31. Et agram ops qem fes chausir aillors ·
32. Casaz ual mais gazanhar en argen ·

clxvii

1. Qe perdre en aur segon mon esien ·
2. Mas eu ofaz alei de fin aman ·
3. Qeu fug mon pro (et) uau seguen mon dan ·
4. Et seu com fols sec mon dan folamen ·
5. A tot lo mens mes la foudaz honors ·
6. Qeu ai uistas faire mantas folors ·
7. Qe tornauon a saber (et) a sen ·
8. Et ai uist far man faz sauiamen ·
9. Et tornauo(n) a folia trop gran ·
10. Per qeu cuit far sen qan uau foleian ·
11. Et uos do(n)pna cauez ualor ualen ·
12. Aissi com es meiller pars las meillors ·
13. Menbreus merce (et) oblit uoz ricors ·
14. Et noi gardaz raison mas chausimen ·
15. Qar luns poia zo qe lautre deiscen ·
16. Ço qe merce creis raisons uai merman ·
17. Seus plaz aucir me podez raisonan ·
18. Pauc uos carra del meu enansamen ·
19. Se uos souen uostra ualenz ualors ·
20. Nil douz esgard ni la fresca colors ·
21. Qenqeram son al cor uostroill rien ·
22. El corteis diz amoros (et) plazen ·
23. Et car eu plus souen nous uau denan ·
24. A pauc mi oill estra mon grat noi uan ·
25. Reis daragon (et) flors denseignamen,
26. Foilla de gauz frug de bons fags donan ·
27. Uos es de prez maistres ses enian ·
28. Cont cominge cincent merce uos ren ·
29. Qe ses donar mauez donat aitan ·
30. Qe las honors ualon don riche (et) gran ·AlmPeg 10.15 (S 106)
31. Naimeric de pigugnan .
32. CIl qes irais ni guerria ab amor ·

clxviii

1. Ges qe sauis non fa al meu senblan ·
2. Qar hom atrai pro en guerra tost dan ·
3. Et guerra fa tornar mal en peior ·
4. En guerra troff per qeu no la uolria ·
5. Uiltat de mal (et) de ben carastia ·
6. Et fin amor se tot me fai languir ·
7. Aitant de ioi qe pot leu esiausir ·
8. Bona do(n)pna de uos teing (et) damor ·
9. Sen (et) saber cors (et) cor , moz (et) chan ·
10. Et seu faz ren qe sia ben estan ·
11. Deuez nauer lo grat (et) la lausor ·
12. Uos (et) amors qem donaz la mastria ·
13. Et se ia plus de ben no men uenia ·
14. Pro nai daitan segon lo meu seruir ·
15. Se plus nages ben saubra el plus grazir ·
16. Qelh plazer son mais qe lennoi damor ·
17. El ben qel mal el soior qe laffan ·
18. El ioi qel dol el leu fag qel pesan ·
19. El pro qel dan son mais el ris qel plor ·
20. No dieu ges del tot qe mal non sia ·
21. Qe mal com na plaz plus qe qim guerria ·
22. Qar cel cama de cor non uol guerir ·
23. Del mal damor tant es dolz per sofrir ·
24. Enqer sai eu mais de ben en amor ·
25. Qel uil fai car el nesi ben parlan ·
26. El escarz larg (et) leial lo truan ·
27. El fol saui el pec conosidor ·
28. Et lorgoillos domes , ges humilia ·
29. Et fai de dos cors un tan ferm lo lia ·
30. Per com non deu uas amor contradir ·
31. Pois tan gen sap emendar (et) fenir ·
32. Seu lai seruiz pro nai canbis damor ·

clxviiii

1. Ab qe ia plus non faza mas daitan ·
2. Qen mant loc ma fag tan haut (et) ta(n) gran ·
3. Qe ses amor noi pogra auer honor ·
4. Et mantas uez me trai de uillania ·
5. Qe ses amor gardar no men porria ·
6. Et manz bon mot me fa pensar (et) dir ·
7. Qe ses amor noi pogreu deuenir ·
8. Chanson uaten de ma part (et) damor ·
9. Al pro al larc , al ualenz , al prezan ·
10. A cui seruon latin (et) aleman ·
11. El sopliom com bon enperador ·
12. Sobres meillors a tan de maiuria ·
13. Ualor (et) sen largeze cortezia ·
14. Sen (et) saber conoisser (et) grazir ·
15. Naz de ricor fai fin prez enreqir ·UcBrun 450.2 (S 107)
16. Nuc brunel . xii .
17. ERam nafron li sospir ·
18. Damor qinz alcor lo sen ·
19. Et si merces noi deissen ·
20. Per adolzar mon consir ·
21. Mal ui son douz uisage ·
22. El bel senblan ab qem pres ·
23. Cil qi samistat me mes ·
24. El cor ab un foc uolage ·
25. Canc uenc mon cor assaillir ·
26. Amors al comenzamen ·
27. Me dis en fez enten ·
28. Cab mi partrial desir ·
29. Mas ar uei qel seignorage ·
30. Ai dels mals (et) pauc dels bes ·
31. Qen aissi soa asses ·
32. Et son costumer usage ·

clxx

1. Et doncs qem uolun dir ·
2. Sei oill ni qem uan qeren ·
3. Pos ma dolor non enten ·
4. Ni mox prex no uol auzir ·
5. Molt son mensoigner message ·
6. Li dolz esgar qem trames ·
7. Mas crist si eu osaubes ·
8. Non lobriral corage ·
9. Cora non uolun issir ·
10. Per negun altre talen ·
11. Et can cuit mon pensamen ·
12. Uira en nuil altralbir ·
13. Amors ab son poderage ·
14. Uai adoncs fuzir mon pes ·
15. Et tol me zo qai enpres ·
16. Et tornam el seu uiage ·
17. Qil sap tan gen acuillir ·
18. Ab son amoros presen ·
19. Com denan lo seu cors gen ·
20. No poses plazers partir ·
21. Al fol fai cuidar folage ·
22. Et al nessi nessies ·
23. Et al entendenz apres ·
24. Feing ab bels diz son pensage ·
25. Ben deuria souenir ·
26. Cho qelam dis en rien ·
27. Qe nulz hom ses ardimen ·
28. No pot gaire conqerir ·
29. Aqest moz me pres estage ·
30. Al cor ab senblan cortes ·
31. Per qeill prec eill clam merces ·
32. Qe madouz son cor saluage ·

clxxi

1. Can sa grant beutat remir ·
2. Tal ioi ai non sai nim sen ·
3. Caissim uaill plazers plaizen ·
4. Al cor ab douzor ferir ·
5. Res tant no mes dagradage ·
6. Tan qan lo iois ab mi es ·
7. Rei o duc coint o marqes ·
8. Ualer o dauchor parage ·UcBrun 450.4 (S 108)
9. Nuc brunel . xii
10. COrtesamen a mon cor mes o lancha · mou dinz mon co(r) mesclansa
11. Qim fai tornar en lamoros desire ·
12. Ioi me promet (et) aportan cossire ·
13. Qe en aissim sap ferir de sa lancha ·
14. Amors qi es us espiriz cortes ·
15. Qi nos laissa ueder mais per senblanz ·
16. Qe doill en oill saill (et) fai son dolz lanz ·
17. Et doill en cor (et) de coraz en pes ·
18. En aissi uenz (et) destreing (et) sobrancha ·
19. Cil qa son ops sap triar (et) eslire ·
20. Mas eci a un perillos martire ·
21. Qe la dolors uol qe sialegrancha ·
22. Et del seu tort qeill refferon merces ·
23. Et contra orguoill com si humilianz ·
24. Et camor no uenz menanza ni bubanz ·
25. Mas genz seruirs (et) precs (et) bona fes ·
26. Mas a mi fai sobre toz un honrancha ·
27. Canc mon uoler non uolc en dos deuire ·
28. Qe qan se uen en mon fin cor assire ·
29. Tot altre pens geta de for (et) lancha ·
30. Per ca cellei a cui ops ma conqes ·
31. Taing camors prex sadon sos cors pianz ·
32. Tro sial cors ab los oillz acordanz ·

clxxii

1. Cals oillz pareis cal corage plagues ·
2. Mas mado(n)pna sap far ioi (et) pesancha ·
3. Et son uoler gandir (et) escondire ·
4. Et puois senblam cortes ab son dolz rire ·
5. Per qe nos ai cor iuiar a senblancha ·
6. Mas si ben uol en breu te(m)ps parages ·
7. Qar li soi fis leials ses tot enianz ·
8. Qe no pens dal mas de far toz sos manz ·
9. Qem dones cor qill a lo meu conqes ·
10. Et pois nom part de sa bona sperancha ·
11. Ues mon desir adolz son cor (et) uire ·
12. Qe cor no pot pensar ni boca dire ·
13. Lamor qeill teing (et) la grant amistancha ·
14. Et pos mon cor li teing aissim defes ·
15. Qe noill lais entrar altres talanz ·
16. Sia de mi souenenz (et) menbranz ·
17. Qar mill mal traich damor plaideia us bes ·
18. Et sol qel cor aia de mi menbrancha ·
19. Del plus serai atendenz (et) sofrire ·
20. Ab qel esgart se baison eill sospire ·
21. Op qel desir amoros nos estancha ·
22. Cab sol echo ai tot qan mester mes ·
23. Et serailli plasenz (et) merceanz ·
24. Qe daicho es uida dels fis amanz ·
25. Camors non uio mas de gauz (et) de bes ·
26. Et ia parler noillen fazon doptancha ·
27. Qeu ai ues els engeing pres (et) albire ·
28. Qell oill baissi (et) ab lo cor remire ·
29. Et en aissi cel lor ma benenancha ·
30. Per cuns no sap de mon cor ues un ses ·
31. Anz qi menqer de cui se feing mos chanz ·
32. Al plus priua nestau qes (et) celanz ·

clxxiii

1. Mas qe lor feing de cho qe res non es ·
2. Glorieta entre uos (et) merces ·
3. Macaptaz ioi ab lei cui soi comanz ·
4. Et digaz li cab samistat menanz ·
5. Lamors qeill port el prez el bona fes ·UcBrun 450.7 (S 109)
6. Nuc brunel . xii
7. POs lo dreich te(m)ps uen cantan (et) rizen ·
8. Gais (et) floriz ioios de bel senblan ·
9. Bel deuem tuich acuillir en cantan ·
10. Pos il nos fai de ioi tan bel presen ·
11. Qe iois nos es donaz per alegrar ·
12. Et qi no la sil deu far aparer ·
13. Qe de conort nasson gauz (et) plazer ·
14. Don hom sen pren ades a son meillz far ·
15. Qar si fos bon cho qe sol esser gen ·
16. Ni agrades cho qe es benestan ·
17. Eu cre ualgren enqer atretan ·
18. Cum anc fez mais per lo meu escien ·
19. Mas qes apren cho qe degra oblidar ·
20. Et oblida zo qe degra saber ·
21. Et leua sus cho qe degra cazer ·
22. Et baissa cho qe feira a releuar ·
23. Tot echo fan li ric desconoissen ·
24. Can mes derer cho canaua denan ·
25. Dons (et) conduich ioi (et) solaz (et) can ·
26. Et cuidon prez auer per dreich nien ·
27. Ges a razon non o pot hom portar ·
28. Can no fo pros nuillz hom ses pro tener ·
29. Ni fo anc hom ualen senes ualer ·
30. Ni bon ses be ni larcs senesdonar ·
31. En aissi an atrastornat iouen ·
32. Et gauz (et) prez (et) ualor (et) buban ·

clxxiv

1. Qel gai do(n)pnei (con)tenia entrenan ·
2. An li plusors uolt en deschausimen ·
3. Et pos amors ten ui hom qes plus car ·
4. No pot adreich leial nom retener ·
5. Qe qi despen tot son gauz en un esser ·
6. Puois de cent iorz non pot tant recobrar ·
7. Qeu ui damor qeill gauch eill ris eill sen ·
8. Coblas (et) mot cordas anel (et) gan ·
9. Solio pagar los amadors un an ·
10. Ar es perdut mado(n)pna en presen ·
11. Qe adonc fo qel maior don damar ·
12. Uolion mais esperar qe auer ·
13. Et can sai car la dei plit uoler ·
14. Moroill desir qe solon do(n)pnas far ·
15. Per qe ual mais damor cho com naten ·
16. Qeill coichos don desauinen no fan ·
17. Qel mal nes bes (et) plasenter afan ·
18. Eill sospir dolz eill mal traich iauzimen ·
19. Et pos amors no pot longeiz anar ·
20. De qi en an torno en non caler ·
21. Et mudon cor (et) decazoill uoler ·
22. Et druz repren cho qe sol desirar ·
23. Deu sal rodes car a seignor ualen ·
24. Larc (et) ardiz iouen (et) gen parlan ·
25. Et de donar a tro maior talan ·
26. Qe de tener non a cel qi o pren ·
27. Cab plazer toz sos bels dos daurar ·
28. Et deus don len bona uia tener ·
29. De forz en cor (et) de cor en poder ·
30. Si qel rix faiz de prez posca eritar ·
31. Seigner gillem re noi pot meillorar ·
32. Lo plus sauis el uostre captener ·

clxxv

1. Qar gauz de cor (et) uida de plazer ·
2. Aqi ab uos pot caber ni reignar ·
3. Uas andusa uoill mon uers enuiar ·
4. Qe talant ai de mon seignor uezer ·
5. Qar met en creis en prez (et) en poder ·
6. Et uio ioios (et) uoll ualenz estar ·UcBrun 450.3 (S 110)
7. Nuc brunel . xii
8. COindas razos (et) nouelas plasenz ·
9. Digam oimai (et) aiam bel solaz ·
10. Et gardem nos denois (et) de foldaz ·
11. Et recobrem cortesias (et) senz ·
12. Qe de foldat uen danz totas saisos ·
13. Et de sen bes , cortesia (et) pros ·
14. Qar us perillz cors entre totas genz ·
15. Morz , qi desfai los contes el cuiaz ·
16. Per qe ual mais si faiz qe si pensaz ·
17. Qem breic de te(m)ps iuen alongamenz ·
18. Per qe lo faiz es auinenz (et) bos ·
19. Qe no si paus maluaisa ocaisos ·
20. Ab lo ioios deu hom esser iausenz ·
21. Et genz parlanz entrels enrasonaz ·
22. Catretan son de bos moz sil cercaz ·
23. Com de foldaz ni de deschausimenz ·
24. Et genz parlars ab auinenz respos ·
25. Aduz amix (et) no creis messios ·
26. Et qi cuiaz qous sia defendenz ·
27. Si es auols com nos apel maluaz ·
28. Lo cor nauez el poders uos nes daz ·
29. Si noi uedez mentreluns es ardenz ·
30. Gardaz uos si qel te(m)ps es tenebros ·
31. Et noi uerrez pos qeluns es rescos ·
32. Mas duna mes uenguz en penssamenz ·

clxxvi

1. Com uiura iois si chantar nes ostaz ·
2. Ni a qe er cors benananz triaz ·
3. Si ia non es ni ioganz ni ridenz ·
4. Per els odic embronchaz conssiros ·
5. Cais cauer an esfeignon salamos ·Perd 370.14 (S 111)
6. Pernigon daluergna .
7. TRop ai istat qe bon esper non ui ·
8. Per qes ben drez qe tot ioi me sofraigna ·
9. Can eu me long de la soa (con)paigna ·
10. Per mon fol sen don tan ior non iaui ·
11. Mas seu am lei noill costa re ·
12. Qel dan torna tot sobre me ·
13. Qe qant eu plus men uau longnan ·
14. Mens nai de ioi (et) mas daffan ·
15. Se ma foldaz menianna ni mauci ·
16. Ben e rason qe ia hom no me plangna ·
17. Qeu soi com cel qen mez del aiga baigna ·
18. Et mor de se (et) es drez chous affi ·
19. Qe mora desiran del be ·
20. Qe aurai desirat tan se ·
21. Qeu nagra tot cho qen deman ·
22. Se can fuiz me trasses enan ·
23. Gran merces es si sai mor en aissi ·
24. Qeu soi remas marriz en terra strangna ·
25. Et ai asai qe sospir (et) qe plagna ·
26. Qar non uei lei qe de mort me gari ·
27. Et qem trais de mala merce ·
28. Ai las cal foldaz me rete ·
29. Qe sagues morz estat un an ·
30. Sil degra pois uenir denan ·
31. Si soi mespres qe ren non sai cossi ·
32. An denan lei ni no sai com remagna ·

clxxvii

1. Qar qi zo fai a seignor qi nol tangna ·
2. Qan un troua franc (et) leials (et) fi ·
3. Paor de auer can il la ue ·
4. De perdre son seignor (et) se ·
5. Et seu perd lei cui me coman ·
6. Perdut ai mi (et) ioi (et) can ·
7. Perdre la puis qil non perdra ia mi ·
8. En es lo ior uoill qe mort mi (con)trangna ·
9. Qeu ia mon cor departissa nim frangna ·
10. De lei un es tan dolsamen acli ·
11. Qen tot altrafar lo mescre ·
12. Ues qen lei trou de bona fe ·
13. Qel cor el desir el talan ·
14. Sacordon en lei dun senblan ·
15. Cel qe di cal cor non soue ·
16. De cho com ab los oill non ue ·
17. Mi oill lon desmenten ploran ·
18. El cor plangnet (et) sospiran ·
19. Bel mainer de uos mi soue ·
20. Et de midon mas daltra re ·
21. Et car non uos uei faz mon dan ·
22. Et de midon mor desiran ·Perd 370.13 (S 112)
23. Pernigon .
24. TOt temp mi ten amors de tal faison ·
25. Com esta cel qa mal don se dormis ·
26. Et muria dormen tan es conqis ·
27. En breu dora entro com lo resida ·
28. Altresi mestal dolor denudida ·
29. Qem don amor qe son non sai nim sen ·
30. Et cuit morir aqalqe marrimen ·
31. Tro qeu mesforz de far una chanzon ·
32. Qem resida daqest torment on son ·

clxxviii

1. Ben fez amors lusage del lairon ·
2. Qant encontra celui destraing pais ·
3. El fai creire caillors es sos chamis ·
4. Tro qe li dis bels amics tu me guida ·
5. Et en aissi es manta gen tradida ·
6. Qe lai laduz on pois lo lia el pren ·
7. Et eu pos dir autresi ueramen ·
8. Qe seu segui amor qar li fo bon ·
9. Tan me menet tro mac en sa preson ·
10. Et ten lai pres o non trob reenzon ·
11. Mais de ma mort qaissi lor abelis ·
12. Entre midonz (et) amor cui soi fis ·
13. Lor plaz ma mort (et) lor es abelida ·
14. Et eu soi cel qe merce no lor crida ·
15. Plus qe aicel qes iuiaz a turmen ·
16. Qe sap qe pois noill ualria men ·
17. Merces clamar aia tort o raison ·
18. Per qeu men lais qe mot no lor en son ·
19. Per o no sai qel me faza o qal non ·
20. Pois per mon dan mengana em trais ·
21. Amors uas cui estao toz te(m)ps aclis ·
22. Al seu plazers caital fo ma scarida ·
23. Et tengra tot a paraola grazida ·
24. Si nom mostres tan mal captenemen ·
25. Mais sia oniz pel meu descademen ·
26. Ben fai senblan qe mai al cor felon ·
27. Qan per mon dan no tem far mespreison ·
28. Et faz esforz sab ira ioi me don ·
29. Qar en aissim conort (et) mafortis ·
30. Contral desir en cui amor ma aisis ·
31. Aissi com cel qa batailla remida ·
32. Et sa de plan sa raisons es delida ·

clxxviiii

1. Qan es en cort on om dreich noill consen ·
2. Et a tot zo se (con)bat issamen ·
3. Me conbat eu en cort o nom ten pron ·
4. Qar amors ma foriuiaz no sai con ·
5. Ai bels esper pros do(n)pna escernida ·
6. Tan gran dreiz er se damor mal men pren ·
7. Qar anc de uos mi parti las dolen ·
8. Per tal una qe ia nom tenra pron ·
9. Anz maucira en sa dolza preison · Perd 370.9 (S 113)
10. Pernigon . xiii
11. LO mal damor ai eu ben tot apres ·
12. Mas anc los bens no posc un ior saber ·
13. Et se non fos car eu ai bon esper ·
14. Eu cuiera qel non iagues ges ·
15. Et agran dreiz qeu fos desesperaz ·
16. Tan ai amat (et) anc no fui amaz ·
17. Per o sil ben es tan dolz (et) plaisenz ·
18. Cora es lo mal angoissos (et) coissenz ·
19. Anz uoill morir qanqera no lantenda ·
20. Caltresi cuiz camorir me uengues ·
21. Com uiuria toz te(m)ps sens mon plaiser ·
22. Don mes lo meill qe mor en bon esper ·
23. Caia uida qe ia pro nom tengues ·
24. Casaz es morz toz qi uiu iraz ·
25. A cui non es iois ni plazers donaz ·
26. Eu soi ben cel cui negus iausimenz ·
27. Nom pot dar ioi per qeu sia gaudenz ·
28. Tro qamidon plaza qe mercen prenda ·
29. Et seu per zo soi forchaz ni mespres ·
30. Qar sol nos uos desirar ni uoler ·
31. Ges per aital nom toill del bon esper ·
32. Qe maior tort perdona ben merces ·

clxxx

1. Per o si tort me fos adreiz iuiaz ·
2. Eu non cuidet esser dreit encolpaz ·
3. Qe uencuz es tot zo qe forza uenz ·
4. Qe negun dreiz noill pot esser garenz ·
5. Per qe magra ops qe merce men defenda ·
6. La granz beltaz el ualor qen lei es ·
7. Et tot bos aips qe do(n)pna poscauer ·
8. Me fan estar ades en bon esper ·
9. Qar so no crei qe ges esser pogues ·
10. Qe lai on es tot autre ben paussaz ·
11. Qe altresi noll sia humilitaz ·
12. Çom fai sofrir ma dolor bonamen ·
13. Cumilitaz merce (et) zausimen ·
14. Men pot ualer sol qe midon sen prenda ·
15. Eu (et) amors sen daital guisa enpres ·
16. Cora ni ior , noit ni matin , ni ser ·
17. Non part de mi ni eu del bon esper ·
18. Qe mort magra la dolor tan granz es ·
19. Sen bon esper non fos aseguraz ·
20. Per o mon mal non es en ren mermaz ·
21. Qen lonc esper maura faiz loniamen ·
22. Estar marrit (et) en grand pensamen ·
23. Et encar tem qe plus car no mo uenda ·
24. Et seu un ior fos ami apelaz ·
25. Daitan bon cor com alei soi donaz ·
26. A la bella don non part mon talen ·
27. Anc tant amor nom destreng malamen ·
28. Qen es lo ior non agues faz esmenda ·PRog 356.4 (S 114)
29. Çufre rodel de blaia . xiiii
30. GEs non posc en bon uers faillir ·
31. Null ora qeu de midonz zan ·
32. Cossi porieu ren mal dir ·

clxxxi

1. Com non es tan mal ensegnaz ·
2. Si parl ab lei un mot o dos ·
3. Qe toz uillans non torn cortes ·
4. Per qe sapchaz ben qe uers es ·
5. Qel ben qeu dic ai tot de lei ·
6. De ren als non pens ni consir ·
7. Ni ai desirier ni talan ·
8. Mas de lei col pogues seruir ·
9. Et far tot qant les bon nil plaz ·
10. Qeu no cre qeu anc per als fos ·
11. Mas per leis far zo qeill plagues ·
12. Qe ben sai conors mes (et) bes ·
13. Tot qan faz per amor de lei ·
14. Ben posc los autres escarnir ·
15. Qaissim soi saubuz traer en an ·
16. Qe mielz del mon saubi zausir ·
17. Eu o dic (et) sai qes uertaz ·
18. Per o manz ni aura gelos ·
19. Qi diran menz (et) non es res ·
20. Daiso nom cal ni no mes ges ·
21. Qeu mi sai cossi ses de lei ·
22. Greu mes lo mal traz a soffrir ·
23. El dolors qai de lei tan gran ·
24. Don nom pot lo cors reuenir ·
25. Per o nom plai autramistaz ·
26. Ni mais iois no mes dolz ni bos ·
27. Ni non uoill qen sia promes ·
28. Qe seu nauia cent conqes ·
29. Ren nols prez mas aqels de lei ·
30. Bona do(n)pna souen sospir ·
31. Et trac greu penegran affan ·
32. Per uos cui am molt (et) desir ·

clxxxii

1. Et car nous uei non es mos graz ·
2. Mas se ben mestau loing de uos ·
3. Lo cor el sen uos ai trames ·
4. Si qaici non soi oucum ues ·
5. Et cho qeu ai tot es de lei ·
6. Hai las qe plaing la tem morir ·
7. Qe as , am (et) trop eu ohc tan ·
8. Qeu mor ohc non pot garir ·
9. Eu non , ecom tan soi iraz ·
10. De qe , de lei don soi aissos ·
11. Sofra , nom ual , clama il merces ·
12. Si faz , noi as pro , paoc , not pes ·
13. Si tras mal , no , qas faz de lei ·
14. Conseill ai , qals , uoill men partir ·
15. Non fara , si farai , qers ton dan ·
16. Qem puscals , uols ten ben iausir ·
17. Hoc molt cremi , era digaz ·
18. Si als humils francs larcs (et) pros ·
19. Sin fan mal , sofren paz , soi pres ·
20. Tu , ohc , samar uols mas sim cres ·
21. Aisit porras iausir de lei ·
22. Mon torna uerz mant salei plaz ·
23. Qanprendal uers se el es bos ·
24. Et pois uoill qe sia trames ·
25. Mon dreit nauez lai en saues ·
26. Deu saluegart lo cors de lei ·JfrRud 262.2 (S 115)
27. Çufre rodel . xiiii
28. LAn qan li iorn son long en mai ·
29. Mes bel del cant dausels de long ·
30. Et can me soi parti de lai ·
31. Mi menbre dun amor de long ·
32. Uau de talanz enbrunz (et) clins ·

clxxxiii

1. Si qe chant ni flor dalbe spins ·
2. Non ual mais qan li uem gelaz ·
3. Ni ia damor no chausirai ·
4. Si no chau dest amor de long ·
5. Qe zenser ni meillor no sai ·
6. Uers nulla part pres ni long ·
7. Qe tant es sos prez gai (et) fins ·
8. Qe lai el reng de sarrazins ·
9. Fos eu per lei caitiu clamaz ·
10. Ben parra ioi qan li qerrai ·
11. Per amor deu lostal de long ·
12. Et salei plais albergerai ·
13. Pres de lei se tot soi de long ·
14. Adonc seran parlamen fins ·
15. Can druz luitans sera uizins ·
16. A bel diz (et) a gai solaz ·
17. Iraz (et) dolent men partirai ·
18. Seu non uei cest amor de long ·
19. Et non sai se ge la uerai ·
20. Qar tan son nostres terres long ·
21. Et tant i a pas (et) chemins ·
22. Per qeu non puis estre uezins ·
23. Mas tuiz sia si com deu plaz ·
24. Deu qe fist tuiz can uen (et) uai ·
25. En fermez cest amor de long ·
26. Mi don poder pos talent nai ·
27. Qe remir cest amor de long ·
28. Ueraiamen in palazins ·
29. Si qe la chanbra (et) lo zardins ·
30. Me fos tan pres come longaz · JfrRud 262.5 (S 116)
31. Çufre rodel .
32. POis lo riu de la fontaina ·

clxxxiv

1. Ses clargiz si com far sol ·
2. Et par la flor argletina ·
3. El rosignolet el ram ·
4. Uol (et) refrang (et) aplaina ·
5. Son nouel chant safina ·
6. Drez est qel meu se refraigna ·
7. Amor de terra lontaina ·
8. Per uos toz lo cor mi dol ·
9. Et non poisc trobar meiçina ·
10. Seu non uaug al seu reclam ·
11. A mal traig damor douzana ·
12. En uergiers oi denz cortina ·
13. A desiderada conpaigna ·
14. Pois tot iorn mi faill aisina ·
15. Nom meraueill seu nai fam ·
16. Qe tan gensor en pleuina ·
17. Deu no la fis ni lam uol ·
18. Iudea ni sarracina ·
19. Cel es ben paguz de manna ·
20. Qi en samor ren gazagna ·
21. De uoler mon cor non fina ·
22. Cela cui tan uoll (et) am ·
23. Ben sai qe uoler me mena ·
24. Et cobitanza lam tol ·
25. Et car me poing plus qe spina ·
26. Madolor qe per ioi sana ·
27. Ia non uoill qe hom mi plaigna ·ArnDan 29.14 (S 117)
28. Arnaut daniel . xu .
29. LO ferm uoler qel cor mintra ·
30. Non pot ges bec exconxendre ni ongla ·
31. De lausengiers si tot de mal dir sarma ·
32. Et pos nols aus batre ab ram ni a ueria ·

clxxxv

1. Siuals a frau lai on non aurai oncle ·
2. Iauzirai ioi inuerzer o dinz cambra ·
3. Can mi souen de la cambra ·
4. O a mon dan sai qe nuls hom non entra ·
5. Anz me son tuig plus qe fraire ni oncle ·
6. Non ai menbre non fremisca neus longla ·
7. Plus qe non fai lenfan deuan la ueria ·
8. Del cors li fos non de larma ·
9. Tal paurAi noil sia trop dela(r)ma ·
10. Et (con)sentis ma celar dinz sa cambra ·
11. Qar plus mi nafral cor qe colps de ueria ·
12. Qar sui sieus sers lai ont il es o intra ·
13. Toz te(m)ps serai ab leis com carn (et) ongla ·
14. Ia non crerai castic damic ni doncle ·
15. Anc la seror de mon oncle ·
16. Non amieu plus ni tan per aqest arma ·
17. Caitan uezins com es lo degz del ongla ·
18. Salei plagues uolgresser de sa cambra ·
19. De me pot far lamor qinz el cor mintra ·
20. Meill a son uol com fort de freuol ueria ·
21. Pois flori la seza ueria ·
22. Ni den adam foren nebot (et) oncle ·
23. Tan fin amors com cela qel cor mintra ·
24. No cre fos anc en cors , ne nez en arma
25. On qel estei fors en plaza o dinz cambra ·
26. Mon cor de lei non part tan qan ten longla ·
27. Qaissi senpren (et) senongla ·
28. Mon cor en lei com lescorz en la ueria ·
29. Qil mes de ioi tors (et) palais (et) chambra ·
30. Et am la mais no faz cozin ni oncle ·
31. Qen paradis naura doble ioi marma ·
32. Se ia nuls hom per amar la intra ·
33. Arnaut tramet son chantar dongla (et) doncle ·

clxxxvi

1. Ab grat de lei qi de sa ueria es larma ·
2. Son desirar qapres de chambra intra ·ArnDan 29.17 (S 118)
3. Arnaut . xu .
4. SEm fos amors de ioi donar tan laria ·
5. Com soi alei dauer cor fin (et) franc ·
6. Ia per amar non uolgra far embarc ·
7. Qe am tant aut qe spers me pui en tonba ·
8. Mas qan albir cum es de pres al som ·
9. Trop men am mais car anc lause uoler ·
10. Qera sai ben qe mon cors (et) mons senz ·
11. Me faran far lor grat ricca conqesta ·
12. Per o seu faz lonc esper nomen baria ·
13. Qen tan ric loc me soi mes (et) mestanc ·
14. Dom li bel diz me terran de ioi larc ·
15. Et segrai tant com me port a la tonba ·
16. Qeu non soi ges cel qe lai aur per plom ·
17. Et pos en leis nos tang com ren esmer ·
18. Tant li serai fis (et) obedienz ·
19. Tro de samor sell plaz baissan menuesta ·
20. La granz ualors el fins prez me descharia ·
21. Del greu sospir don me dolon li flanc ·
22. Qar en pais pren laffan el sofrel parc ·
23. Pois de beltat son las autras en tonba ·
24. Qe la genzer par caia pres un tom ·
25. Plus bas de leis , qi las ue (et) es uer ·
26. Qar tuit bons aips ioi (et) ualors (et) senz ·
27. Reg hom ab leis , cuns non es mens nim resta ·
28. Et pois tan ual , cuiaz doncs qe sesparia ·
29. Mos deziers ni qe forz ni ses branc ·
30. Non serai meus ni seus se ia men parc ·
31. Se maiut cel qes mostret en colunba ·
32. Qen tot lo mon non es hom de nul nom ·

clxxxvii

1. Qaissi desir de si granz ben auer ·
2. Cum eu faz leis mas feng men no(n) chalenz ·
3. Pels deuinans cuidans dels druz enfesta ·
4. Na melz de ben ia non siaz auaria ·
5. Qen uostramor me trobarez tot blanc ·
6. Qeu non ai cor ne talent qem descarc ·
7. Del ferm uoler qe nes pas de retomba ·
8. Qe qant esueill ni clau les oillz del som ·
9. Uostre remaing can leu en uau iazer ·
10. Et donc cuiez qes nabais mol bilens ·
11. Non ferai ges tals sen sent en la testa ·
12. Fals losengiers foc las lenguas uos aria ·
13. Et qe fosaz tuit ferit de mal cranc ·
14. Qar per uos son estrat cauals (et) marc ·
15. Amor tolez capauc de ioi non tomba ·
16. Confondaus deus car ges no sabez com ·
17. Uos faiz als druz mal dir (et) uil tener ·
18. Mals astres es qeus teng desconoiscenz ·
19. Qar peiors es com plus uos amonesta ·
20. Arnaut a fait (et) fara lons atenz ·
21. Cab soffrir fan pros hom ricca (con)qesta ·ArnDan 29.6 (S 119)
22. Arnaut .
23. CHanzon dun mot son plan (et) prim ·
24. Farai pois qe brotonon uim ·
25. Ella sorsim · Son d(e)color ·
26. De mante flor ·
27. Et uerdeon la foilla ·
28. El chant el brall ·
29. Son alonbrall ·
30. Del ausell per la broilla ·
31. Per broill au lo chant el refrim ·
32. Et per tal com no facha crim ·

clxxxviii

1. Obri (et) lim · Mot de ualor · Ab art damor ·
2. On non ai cor qem toilla · Anc se ben fall ·
3. La seg atrall · Com plus uas mi sorgoilla ·
4. Petit ual orgoill damador ·
5. Qades trebucha son seignor ·
6. Dal loc alsor · Ios al terrall · En tal traball ·
7. Qe de ioi lo despoilla · Drizes lagrim ·
8. Et art terrim · Qe contramor zangoilla ·
9. Ges per zangoill nom uir aillor ·
10. Bella do(n)pna uer qi aor ·
11. Mas per paor · Del diuinall · Don ioi trassaill ·
12. Fai senblan qeu nol uoilla · Anc non iausim ·
13. De lor norrim · Cor ai qeu lor otoilla ·
14. Ges nom toill damor dun badaill ·
15. Ne no sec mesura ne taill ·
16. Sol mo engall · Qe anc no uim · Del te(m)p caim ·
17. Amadors meins acoilla · Cor trizador ·
18. Ne baudador · Per qe mon prez capdoilla ·
19. Se tot uals per dos madaill ·
20. Mon pensamen lai uos lassaill ·
21. Qeu chant (et) uall · Per zoi qe fim · La on partim ·
22. Don souent loill mesmoilla · Dira (et) de plor ·
23. Et de dolzor · Qar paor ai qem doilla ·RicBarb 421.1 (S 120)
24. Rical de berbesseill . xui . trobator .
25. ALtresi com lo lions ·
26. Qes tan fers qan sirais ·
27. De son lionel qan nais ·
28. Morz ses lena (et) sesuida ·
29. Et ab sa uox qan lescrida ·
30. Lo fai reuiore anar ·
31. Autresi pot de mi far ·
32. Ma bona do(n)pna (et) amors ·

clxxxviiii

1. Et garir de mas dolors ·
2. Totas las gaias sazos ·
3. Uenun en abrils (et) mais ·
4. Ben degra uenir oimais ·
5. La mia bonescarida ·
6. Trop ses amors adormida ·
7. Qem donet poder damar ·
8. Ses ardiment de preiar ·
9. Ha qantas bonas honors ·
10. Ma tolt temenze paors ·
11. Ric fora li guiderdos ·
12. Et tan fis (et) tan uerais ·
13. Per qe mabelis lo fais ·
14. Se sa merce no moblida ·
15. Aissi com la nau perida ·
16. Qe ren no pot escapar ·
17. Mas per esforz de nadar ·
18. Isamen foren resors ·
19. Do(n)pna ab un paoc de socors ·
20. Totas las bellas faizos ·
21. Del mon son en uos emais ·
22. Do(n)pna anc ben nos sofrais ·
23. De tota ualor conplida ·
24. Se fosez damar ardida ·
25. Ren noi pogrom meillurar ·
26. Ab tot zo es uos ses par ·
27. Et murs (et) castels (et) tors ·
28. Donors (et) de beltaz flors ·
29. Marrit maten (et) ioios ·
30. Souen zant souen mirais ·
31. Souen magris (et) engrais ·
32. Caissi ses en mi partida ·

cxc

1. Amors ioios (et) marida ·
2. Cab rire (et) ab plorar ·
3. Ab consir (et) ab pensar ·
4. Mostra sas ricas ualors ·
5. A mi entrels ris e plor ·
6. Azales uai chansons a midon dire ·
7. A na gibors cui beltaz sap eslire ·
8. Et prez (et) ioi (et) largese ualors ·
9. Cab lei me clam de sos mals noridors ·RicBarb 421.3 (S 121)
10. Richal de berbesseill . xui .
11. ALtresi com perceuaus · El te(m)ps qe uiuia ·
12. Qe sesbai de gardar · Tant qe no sap dema(n)dar ·
13. De qen Ab cui seruia · La lanza nil graaus ·
14. Et eu soi altretaus · Meill de do(n)pna ·
15. Qan uei uostre cors gen · Qeissamen ·
16. Moblit qan uos remir · Et uos cuit preiar ·
17. Et no sai mais consir ·
18. A un douz esgard coraus · Qi an fait lor uia ·
19. Per mos oillz ses retornar · El cor , on los teing za(n)tar ·
20. Qe sils plai sia · Qaitals fos mos captaus ·
21. Dels trabaills (et) dels maus · Meill de do(n)pna ·
22. Qeu trae per uos souen · Tant greumen ·
23. Mais am per uos morir · Qaltra do(n)pnam far ·
24. Rei tan uos desir ·
25. Se uostre durs cors fos taus · Com la cortesia ·
26. Qeus fai dauinent parlar · Leu pogras d(e) mi pensar ·
27. Qan mauciria · Qeus preies qeu non aus ·
28. Qen mon cor ten enclaus · Meill de do(n)pna ·
29. De uos en pensamen · Tan gauden ·
30. Qant en ren madir · De dolz pensar ·
31. Li rables gaudir ·
32. Ueillia de sen (et) de laus · Iouuen ioi se lia ·

cxci

1. Ueillia de prez (et) donrar · Ioune de bel do(n)pneiar ·
2. Loing de folia · Ueilla de faiz leiaus ·
3. Iounen ioues esaus · Meill de do(n)pna ·
4. Ueillen tot bel iouen · Et plaisen ·
5. Ueilla ses uelleizir · Et iouen ses iouenz far ·
6. Ueillia de gen acuillir ·
7. Si com la stella iornaus · Qi non aparia ·
8. Et uostre ric prez ses par · E ioill amoros (et) clar ·
9. Francs ses felnia · Bels cors plasenz (et) gaus ·
10. De totas beltaz claus · Meill de do(n)pna ·
11. Et de bel estamen · Qim defen ·
12. Lo pensar del marrir · Com no pot zo deloignar ·
13. Ni gandir ·
14. meillz de do(n)pna · En ren non repren ·
15. Seu aten · La ioia qes a uenir ·
16. Qe bon amor gadagnar · Ab seruir ·PBuss 332.1 (S 122)
17. Richal de berbesseill .
18. POis lo dolz te(m)ps dabril · Fai larbre sech follar ·
19. Ellausel moz chantar · Ben dei auer en min ·
20. Saber (et) tal latin · Per qe me uoll forzar ·
21. Com pogues chastiar · Las do(n)pnas de faillir ·
22. Qe mal ne dan · No men pogues uenir ·
23. Qem cuidai entre mil · Una bona trobar ·
24. Mas noi posc auignar · Qar totas fan train ·
25. Et fan altresin · Com lo lar al bendar ·
26. Qe uol ahonir son par · Per sa hontas cobrir ·
27. Si qel mazan · Sobre lei tot non uir ·
28. Et qi en loc femil · Cuia feltat trobar ·
29. Ben fai a chastiar · Q e dic qen loc canin ·
30. Ua ben gitar sain · Ni qi uol comandar ·
31. Al miulan ni baillar · Son polzin per norir ·
32. Ia un del gran · Nom don pois per rostir ·

cxcii

1. Qe cela qe del fil ·
2. A son ops no po far ·
3. Ad altrui uai filar ·
4. Ia de mal uesin ·
5. Nom cal pignar matin ·
6. Qar cho qaurez plus car ·
7. Uos faran airar ·
8. Et tal ren abellir ·
9. Qe de mil an · Non porrez pois partir ·
10. Se la tenez tan uil ·
11. Qe laussaz blasmar ·
12. Senpre ira iurar ·
13. Sor le denz de narpin ·
14. De cho qauez plus fin ·
15. Uos fai a consirar ·
16. Et sabran uos pagar ·
17. Tan gent ab lor mentir ·
18. Qe de lor gan · Null hom no(n) po gandir ·
19. Tant an prim (et) sotil ·
20. Lo cor de galiar ·
21. Cuna non po mudar ·
22. Qe son par no gain ·
23. Laltran gaban (et) rin ·
24. Qan lo fai foleiar ·
25. Et qin altrui afar ·
26. Si sab ben enantir ·
27. Ben me senblan · Qil se deia fornir ·
28. Anc ranart disengrin ·
29. Tan gen no sap ueniar ·
30. Qan lo fis escorzar ·
31. Ell det per eschernir ·
32. Chapels (et) gan · Com eu faz no mair ·

cxciii ElBarj 132.4 (S 123)

1. Elias de berzol . xuii
2. BEn deu hom son bon seignor · Amar (et) seruir ·
3. Et onrar (et) obedir · Atota sonor ·
4. Et de mal seignor ses merce ·
5. Qe pugnal seus endesfaire ·
6. Se deuom qi pot estraire ·
7. Can seu seruisi pro noill te ·
8. Autresi deu hom damor · Per bon dreich partir ·
9. Qi damor nos pot iauzir · Nil ual nilh acor ·
10. Per çom part forsat em recre ·
11. Damor cui foi merceaire ·
12. Qar anc nul ben nom uolc faire ·
13. Ni non ac iausimen de me ·
14. Iamai senblan trizador · No(n) faram morir ·
15. Nilh meu no(n) faram languir · Oill galiador ·
16. Qar fols es qi sos fols oill cre ·
17. Mantaz uez cho mest ueiaire ·
18. Et fols qi trop es guardaire ·
19. Daicho qi noill taing nill coue ·
20. Partiz me soi del eror · En qem sol tenir ·
21. Amors (et) deslonc desir · Qe non sent dolor ·
22. Et seu anc del mals trags gran re ·
23. Et dels ben non lahuzei gaire ·
24. Sos dans mes greu a retraire ·
25. Aitant li port de bona fe ·
26. Al ualenz emperador · Uoill mostrar (et) dir ·
27. Qe deus met tuit en air · Mal sos seruidor ·
28. Et pois deuslla donat de qe ·
29. Serual dreg emperaire ·
30. Qe del mon non pot plus traire ·
31. Mas tant qant ifara de be ·
32. Contessa biatris ben cre ·
33. Qe per uer pot hom retraire ·

cxciv

1. Qe del mon es la bel aire ·
2. De las autras do(n)pnas com ue ·
3. Ges de ualenz prez nos recre ·
4. Blancaz mi sen uol estraire ·
5. Anz ual mais qe non sol faire ·
6. Et meillora de so qil te ·ElBarj 132.1 (S 124)
7. Elias de berzol . xuii
8. AMors ben mauez tenguz ·
9. En uostre poder loniamen ·
10. Qe anc noi trobei chausimen ·
11. Ni merces no ma ualguz ·
12. Et faz hi desconoisenza ·
13. Qar a leis no mostrat mos mals ·
14. Cui soi hom liges naturals ·
15. Mas eu non aus far paruenza ·
16. Et auriaz me rebuz ·
17. Amors (et) faich ric (et) mainen ·
18. Sen donauas tant dardimen ·
19. Qe mon fin cor esconduz ·
20. Per sobrada benuollenza ·
21. Suna uez me mostrastes seuals ·
22. Ia plus nos qessera renals ·
23. Mas de tan me faz uallenza ·
24. Qeu faz senblanza de muz ·
25. Qan uei son bel cors auinen ·
26. Qe la bella en cui menten ·
27. Cil ten mon cor esconduz ·
28. Qeu nollaus dir per temenza ·
29. Com li soi franc fres (et) leials ·
30. Et amics en toz locs cabals ·
31. Qe dals non ai souenenza ·
32. Ges non ai de souenguz ·

cxcv

1. Do(n)pna uostre plaser plasen ·
2. Qeu conosc al comenzamen ·
3. Don mauez uiu decebuz ·
4. Qar com prima conoisscenza ·
5. Et uostra beltat qes aitals ·
6. Com bella rosse bel cristals ·
7. Mas ab uos no trob girenza ·
8. Do(n)pna se deus uos aiuz ·
9. Mas so conoscaz qeus em gen ·
10. Conoscaz seus am finamen ·
11. Et aissi mauez uencuz ·
12. Ni com uos port grant temenza ·
13. Ni com uos soi fins (et) leials ·
14. Ni com anc uas uos no fui fals ·
15. Ni com uostramors magenza ·
16. Al segnoril de proenza ·
17. Es uenguz seigner naturals ·
18. A cui non plaz enian ni mals ·
19. Ni cobeitaz nollazenza ·Blac 97.6 (S 125)
20. Enblachaz de proenza . xuiii
21. LO bel dolz te(m)ps mi plaz · Et la gaia sasos ·
22. El chant dels auselos · Et seu fos ta(n)t amaz ·
23. Com soi enamoraz · Fera gran cortesia ·
24. Ma bella dolz amia · Et pois nuls ben nom fai ·
25. Las edoncs qem farai · Tant atendrai aman ·
26. Tro morrai mercean · Pois il uol qaissi sia ·
27. Aissi soi autreiaz · Ab leial cor a uos ·
28. Bella do(n)pna (et) pros · Qe nul autre solaz ·
29. Ni altramor nom plaz · Ni altra drudaria ·
30. Ni mon cor nos canbia · Per uos do(n)pna morrai ·
31. Qar me trobaz uerai · Uos en prendrez lo dan ·
32. Et non es ben estan · Com meill lo seus aucia ·

cxcvi

1. Do(n)pna uostra beltaz · Et las bellas faisos ·
2. El bell oills amoros · El gent cors ben taillaz ·
3. Don soi enpresonaz · De uostramor qem lia ·
4. Si ben trop a fasia · Ia de uos no(n) partrai ·
5. Qe maior honor ai · Sol en uostre deman ·
6. Qesautramdes baissan · Tot qant de uos uolria ·
7. Ben tengrai per onraz · Et per auenturos ·
8. Saprop cent brau respos · En fos dun iois pagaz ·
9. Ai do(n)pna humilitaz · Et merces nom ualria ·
10. Mes mauez en tal uia · Don nom desuierai ·
11. Qe mos fins cors satrai · A uostra beltat gran ·
12. Qim fai soffrir lafan · Em destreing noiz (et) dia ·
13. Se per soffrir en paz · Mais daltra ren qanc fos ·
14. Ni per far uoluntos · La uostra uoluntaz ·
15. Do(n)pna mo chaisonaz · A uos non es charia ·
16. Qar il nosses ges mia · Ni ues uos no laurai ·
17. Anz franchamen ma pai · Qan uei uostre senblan ·
18. Et qant uos fui denan · Tutor uos fuziria ·
19. Bella cap on qem sia · Uos am eus amerai ·
20. A lial cor uerai · Per zo qe ualez tan ·
21. Qar eu el plus presan · Uolen uostra paria ·JordBon 273.1 (S 126)
22. Raimon iordan de cofenolt . xuiiii
23. SIra damor tangues amic gauden ·
24. No fora cell qe meillz anes de me ·
25. Qar pene dol (et) danz (et) marrimen ·
26. Ai sofert tant pois amei (et) coue ·
27. Qeu aial mal (et) mado(n)pna lo be ·
28. Et si las uol aissi a mi deuire ·
29. Qar sap (et) cre qeu nollaus ren dire ·
30. Uoill tot soffrir si las uol (et) amors ·
31. Gardaz seu soi dels fis genz amadors ·
32. Ara diran qar son desconoissen ·

cxcvii

1. Qe cel es fols qam altrui mais qe se ·
2. Doncs no sabez com non agues de sen ·
3. Qan en amar ses espers (et) ses fre ·
4. Qe chastiar ni mal trait noi ual re ·
5. Ni desamat non a poder qes uire ·
6. Cab anbas mans contra lafan nol tire ·
7. Si com eu faz mas qami fos honors ·
8. Cugei passar toz los bos sofridors ·
9. Qeu nai plorat mantas uez dolzamen ·
10. Qan bem consir com li dirai ni qe ·
11. Et qan lesgard nai tan dur espauen ·
12. Nollaus mostrar coill port tan bona fe ·
13. Qan cuial cors plorar la bocal te ·
14. Et son aissi dolz per un li sospire ·
15. Ar es ardiz aral torna paors ·
16. Ara sen uai aral torna colors ·
17. Si com laiga sofre la nau coren ·
18. Pois es tan granz qe mil homes soste ·
19. Et dun clauel pert son afortimen ·
20. Soffergeo mal mell de tot autra re ·
21. Mas qan de lei qin defal ab merce ·
22. Qe dun plus lam meillz a cor qe maire ·
23. Et donc peiz trac meill doblan mei martire ·
24. Eill dolz esgard mes com la blancha flors ·
25. Qe puis del fruit samarcis la sabors ·
26. Et fa trop mal do(n)pna mon escien ·
27. Pois fan senblant dun prezar sesdeue ·
28. A caualer nill don entendemen ·
29. Qant non a cor si com una fez me ·
30. Qim parla peiz qan non au ni no ue ·
31. Et seu fos fals enganaz ni traire ·
32. Es contra leis ensin fora iaudire ·

cxcviii

1. Mas ues amor no ual forza ni tors ·
2. Ni re mais cor de uerais amadors ·AdNegre 3.1 (S 127)
3. Raimon iordan . xuiiii
4. ERa don deus qe repaire ·
5. Iois ues mi en petit dora ·
6. Et noia mester demora ·
7. Qe trop ai estat musaire ·
8. Et qier mos amics bos ·
9. Mostren sa bella senblanza ·
10. Qeu iur qe longa speranza · Mi desplai ·
11. Per so qim uolra ben faire ·
12. Non dia za qan ni cora ·
13. Qe hocs (et) nos ma sabora ·
14. Chascuns per son locs retraire ·
15. Et ual mais us cortes nos ·
16. Qant hocs no trobundanza ·
17. Qe son diz per alonganza · Si farai ·
18. No uoill plus lanzar ni traire ·
19. Qe non ualria una mora ·
20. Mas lei cui prez e honora ·
21. Prezarai qel cor mesclaire ·
22. Ab un senblant amoros ·
23. Aurai ioi si gent lom lanza ·
24. Et pois non aurai doptanza · Ni esmai ·
25. Franca do(n)pna de bon aire ·
26. Cuna fina beltaz colora ·
27. Uoillaz qe chant cil qe plora ·
28. Qe plor qar no mes ueiaire ·
29. Qel uostre bels cors ioios ·
30. Uoilla auer de mi menbranza ·
31. Per la lonia demoranza · Qe farai ·
32. Mas eu prec del fill mon paire ·

cxcviiii

1. Si tot non soi lai aora ·
2. Qe uostramors menamora ·
3. Em fai en chantant mal traire ·
4. Ai do(n)pna seria saizos ·
5. Qen tornez en alegranza ·
6. Qeu trac mal el te(m)ps senanza · Et sen uai ·
7. Do(n)pna merces siabuos ·
8. Aiaz de mi piatanza ·
9. Pos non temez deuinanza · De sauai ·RmJord 404.6 (S 128)
10. Raimon iordan .
11. PEr cal forfaic o per cal fallimen ·
12. Qeu anc fezes encontrauos amors ·
13. Mi destrengnes nim tenez enueios ·
14. Per la bella qe mos precs non enten ·
15. Trop demostraz en mi uostre poder ·
16. Et qi uencuz uenz molt fai paoc desforz ·
17. Si uenqesses lei qi nous tem nius blan ·
18. Adoncs sai eu cauriaz honor gran ·
19. Ben cuide eu laissar a escien ·
20. Qeu no chantes mais de uostras lausors ·
21. Ni qe iamais nom reclames per uos ·
22. Qar meraz tant de mal acuillimen ·
23. Mas aisom tol do(n)pnal sen el saber ·
24. Qa tota gent aug dir a esforz ·
25. Qel uostre prez uai la meillor sobran ·
26. Qe mal parler nous en pot tener dan ·
27. Er car sabez do(n)pna certainamen ·
28. Qar mi non es ieu gaus mas paors ·
29. Perpensa uos seus pot estre honors ·
30. Sem fai morir ab aitan greu turmen ·
31. Bel conoissez segon qo fai parer ·
32. Qil seu destrui qe no(n) fai gran esforz ·

cc

1. Uostre soi eu aissi ses tot enian ·
2. Et seu ren perd uos prendez tot lo dan ·
3. Qar eu uos am tan deseiadamen ·
4. Com peig me fai la pene (et) la dolors ·
5. Adoncs naflam (et) soi plus cobaitos ·
6. De uostramor en ai mais de talan ·
7. Et non temez do(n)pna pechat auer ·
8. Donc fez anc mais nuls hom tan gran esforz ·
9. Com eu car ai sens mort suffert lo dan ·
10. Lo mal respos (et) lorgoillos senblan ·
11. La gran beutaz qe sobre uos part pren ·
12. Et la uostra fresca fina colors ·
13. El gen parlar ell bels oillz amoros ·
14. Mi fan estar do(n)pna en marrimen ·
15. Qar eu non sai sem uolrez retener ·
16. Et zo men ten en tro gran enesforz ·
17. Hoc seos uolez tot al uostre coman ·
18. Mas tant o uoill per qeu ouau doptan ·
19. Can me menbra car sol nai pensamen ·
20. Qe iam pogues uenir tan gran honors ·
21. Aitan gran gaug qeu follei a saizos ·
22. Qel gaug qeu nai mi cambia tot lo sen ·
23. Donc qen dissez sin sabia lo uer ·
24. Sem me metria de gauz en esforz ·
25. Qar aital gaug qan sol ne uau pensan ·
26. Qe mais ysoit non (con)qis de Tristan ·GrBorn 242.80 (S 129)
27. Girart de borneill . xx .
28. UN sonet faz maluaz (et) bon ·
29. Et re no sai de qal razon ·
30. Ni de cui ni cum ni per qe ·
31. Ni no sai re don mi soue ·
32. Et farai lo pos nol sai far ·

cci

1. Et chant lo qi nol sap cantar ·
2. Mal ai qanc hom plus sanc no fon ·
3. Et teing maluaz home per pron ·
4. Et don assaz qant non ai re ·
5. Et uoill mal celui qem uol be ·
6. Tant soi fis amics ses amar ·
7. Qanc sen pert qun uol gadagnar ·
8. Ab celui uau qi nom somon ·
9. Et qier qant non a qe don ·
10. Per ben estar soi ab iaufre ·
11. Qaissi sai far cho qem coue ·
12. Qem leu can mi degra colgar ·
13. Et chant daqo don dei plorar ·
14. De torn mi uai (et) denuiron ·
15. Foudaz qe mais ai de caton ·
16. De uer la coaill uir lo fre ·
17. Sentre plus fols no men rete ·
18. Qaitals en me fi enseignar ·
19. Al prim qeram fai folleiar ·
20. Pruz ai estat una sazon ·
21. Senes enian ab tracion ·
22. Ab orgoill ai clamat merce ·
23. Al altrui ops si com per me ·
24. Qestra mon grat cuit achabar ·
25. Et qier zo qe nom uol donar ·
26. Do(n)pna sai ia no uoill qem son ·
27. Ni sim fai mal qe lom perdon ·
28. Sis uolia colgar ab me ·
29. Ab paoc no uos iur per ma fe ·
30. Qe pro men faria pregar ·
31. Mas no de hom trop soanar ·
32. Si mi fazes ben gezerdon ·

ccii

1. Eu sai ben trobar ocaison ·
2. Per qe seruizis sen recre ·
3. Mas zo daqeus dariers simple ·
4. Per malueistat e uio leuar ·
5. Et mais uoler per sordeiar ·
6. Non sa de qe mai fat canchon ·
7. Nigus autre no mo despon ·
8. Qar tant fols a saber maue ·
9. Re no conosc qe ma perte ·
10. Cela ma fait utra cuiar ·
11. Et nom uol amic apellar ·
12. E cuit chausiment parlar ·
13. Et dic cho qem fai agaitar ·
14. Elam pot en mon sen tornar ·
15. Sim deignaua tenir en car ·RmJord 404.11 (S 130)
16. Uescont de sant antolin . xxi .
17. UAs uos soplei do(n)pna primeramen ·
18. Per cui eu chant (et) comenz ma chanson ·
19. Et sauos plaz entendez ma raison ·
20. Qester nous aus descobrir mon talen ·
21. Qaissi mauen qan uei uostras faizos ·
22. La lengam faill el cor nai temeros ·
23. Qar qi non tem non ama coralmen ·
24. Per qeu teing car lo uostre segnorage ·
25. Tant ai assis mon desir finamen ·
26. El uostramors qe ia deu ben nom don ·
27. Se mais nous am seruir tot en perdon ·
28. Qe mill altra per far mon mandamen ·
29. Qa tan gran gauz se trai mon cor ues uos ·
30. Qan pois uos ui del no fui poderos ·
31. Tant enueios soi del uostre cors gen ·
32. Cab mi meteis remas el uostre stage ·

cciii

1. Qe uos donei per fe (et) leialmen ·
2. Lo cors el cor don uos faz teneson ·
3. Et plaz mi fort car sai qe uostrom son ·
4. Qim bon esper men ten gai (et) iausen ·
5. Qa bon seignor no faill bon guierdos ·
6. Qar qi benl sers ai uist mantas sasos ·
7. Pabrenriqir per bon atendimen ·
8. Per qeu uas uos afortis mon corage ·
9. Bona do(n)pna merceus trag per gueren ·
10. Et se merces auos no mi ten pron ·
11. Per merceus prec qil merces uincal non ·
12. Ni ia daiso nom uerrez recreden ·
13. Anz clamerai tan merce a rescos ·
14. Tro per merces prenaz mas mans andos ·
15. Dinz las uostras (et) farez iausimen ·
16. Qal non es menz del certan omenage ·
17. Et si conos qe faz gran ardimen ·
18. Qant eu lenqer damar ni mot lin son ·
19. Mas eu non posc partir ma sospison ·
20. Per o ben sai qem trabaill de nien ·
21. Tant fai beltaz son ric cor orgoillos ·
22. Et son ric prez espozaz sobrels bos ·
23. Per qeu nai mais desmai (et) de spauen ·
24. Tan soi dotos qeu mo tenc a folage ·
25. Et se folei ben faz a escien ·
26. Sabez per qe qar mi plaz em sa bon ·
27. Et dirai uos per cal entencion ·
28. Ben esperan uenhom a saluamen ·
29. Et sem fai ben molten serai ioios ·
30. Et sem fai mal sofrirai pensasos ·
31. Grazirail ben el mal issamen ·
32. Qaissi farai lo conort del saluage ·

cciv

1. Canzoneta ueten tost en coren ·
2. A mado(n)pna (et) porrai mon message ·
3. Et digaz li qe paubres iausimen ·
4. Sera toz te(m)ps en son ric poderage ·RbAur 389.38a (S 131)
5. Ranbaut daurenga . xxii .
6. SI de trobar agues meillor raison ·
7. Qeu non ai sapchaz qe me plairia ·
8. Mas tal com lai ferai gaia chanzon ·
9. Si far la sai tal qela fos grazia ·
10. Per mado(n)pna qe no medegnentendre ·
11. Et teing me rics qaillors non posc atendre ·
12. Et plaz me mais uiure desesperaz ·
13. Qe seu fos per altra do(n)pna amaz ·
14. Uiure mes greu ni morir nom sa bon ·
15. Qe farai doncs amerai ma enemia ·
16. Amar la dei si non faz falizon ·
17. Qamors lo uol qi ma en sa bailia ·
18. Al seu uoler eu no men uoill defendre ·
19. Ni en ues lei de nulla ren contendre ·
20. Anz dei ben dir qeu men tenc per pagaz ·
21. Pois qe faz de tot a sa uoluntaz ·
22. Son uoler faz (et) qer lin guierdon ·
23. Qe salei plaz desamant no maucia ·
24. Un qem feses oblidar sa faizon ·
25. Qi mes mirals en qalqe locs qeu sia ·
26. Et pois amors me uol damar sorprendre ·
27. Ben men deuria midons far aprendre ·
28. Com eu pogues de lei esser priuaz ·
29. Pois mauria mos mals guiderdonaz ·
30. Trabaill mal trait cuida ab pensason ·
31. Ni guiriar qeu faz no me desuia ·
32. De uos amar qim tenez en preison ·

ccv

1. Onfension nous fi iorn de ma uia ·
2. Nen ferai com qe mendeza aprendre ·
3. Ni nom fairez ad autra do(n)pna rendre ·
4. Qe a mon cor me soi ben acordaz ·
5. De uos amar sia senz o foldaz ·
6. A mon diable qi bels diz sap entendre ·
7. Ten uai chanzon (et) si te deigna prendre ·
8. Pois porai dir qeu soi ben conseillaz ·
9. De mon (con)seill qes daurenga laissaz ·MoMont 305.4 (S 132)
10.    
11. AIssi com cel com mena al iuiamen ·
12. Et es per paoc de forfait acusaz ·
13. Et en la cort non es gaire amaz ·
14. Et sis poiria ben estorcer fugen ·
15. Mas tan se sap paoc de fallimen ·
16. Non uol fuzir mas uaisen lai doptos ·
17. Altresi ma amors en tal baet mes ·
18. Don nom ual res nillaus clamar merces ·
19. Ni del fuzir non soi eu poderos ·
20. Bona do(n)pna sieu fos leialmen ·
21. En uostra cort mantenguz ni iuiaz ·
22. Lo torz qeus ai fora drez apellaz ·
23. Qeu men posc ben esdir per segramen ·
24. Donc contra me non auez mal garen ·
25. Qeu anc faillis do(n)pna cortes (et) pros ·
26. Mas car am uos (et) tot qant de uos es ·
27. Et car naus dir en mainz rics locs granz bes ·
28. Uez tot lo tort do(n)pna qeu ai ues uos ·
29. Per aital tort me podez loniamen ·
30. Gran mal uoler do(n)pna mas ben sapchaz ·
31. Qe per ben dir uoill trop mais qem perdaz ·
32. Qem gazagnes uilan ni mal disen ·

ccvi

1. Qar damor son tuit sei fait auinen ·
2. Et pois hom es uilans ni enoios ·
3. Pois en amor non a renda ni ses ·
4. Amar pot el mas damar non a ges ·
5. Sil fait eill dit no son tuit amoros ·
6. Ben fai amors a honrar finamen ·
7. Qel mon non es tan rica poestaz ·
8. Qe non faza totas sas uoluntaz ·
9. Et tot qant fai est trop bon (et) plaisen ·
10. Et doncs feill molt gran enseignamen ·
11. Qan uolc qe tot fos mesura (et) razos ·
12. Senz o foldaz sol qe amor plagues ·
13. Et parages noi desren nei tolgues ·
14. Pois fins amors se metria en amdos ·
15. Bona do(n)pna non creiaz lauol gen ·
16. Qe deu fezes de mi doas meitaz ·
17. For de mon cor qe ses en uos mudaz ·
18. Qen un sol loc ai ades mon enten ·
19. Et sapchaz ben qi en dos locs senten ·
20. Ren non es menz de nesei uoluntos ·
21. Et ia non uoill pois menz de uint o tres ·
22. Assi non uoll amor qe om gabes ·
23. Sil nello ffa per mal gen ab rescos ·
24. Ben lau damor car ma dona talen ·
25. De leis on es prez (et) senz (et) beltaz ·
26. Enseignamenz conoisenza (et) solaz ·
27. Res non es menz mas qe merce noill pren ·
28. De mi daitan qe mesgardez rizen ·
29. Et qem fezes senblan de bel respos ·
30. Ab sol aitan for eu gais (et) cortes ·
31. Q(ue) midonz amar mi n(on) desdegnes ·
32. Qel sobre plus el seu bel plaiser fos ·

ccvii PoChapt 375.20 (S 133)

1. Enponz de capdoill . xxiiii
2. SI com celui qa pro de ualidors ·
3. Faillen pois tuit ia tan non er amaz ·
4. Et en la sason qes desauenturaz ·
5. Me faill mado(n)pna car conois qamors ·
6. Me fai morir per lei a greu turmen ·
7. Et sil pogues faire nul fallimen ·
8. Ues mil fera mais menz en ualzo cre ·
9. Bars qi deschai a qo qe uencut ue ·
10. Acho sai eu qes danz (et) deshonors ·
11. Qi non a cor los des apoderaz ·
12. Si col chastels freuols qes aseiaz ·
13. A gran poder nos tenra ses acors ·
14. Et sel seignor de cui es nol defen ·
15. En sas colpas lo perd pois longamen ·
16. Aissi perdra mado(n)pnal seo torz me ·
17. Qar nom socor on plus li clam merce ·
18. Perdre nom pot per tal qe am aillors ·
19. Per o sim soi lonc te(m)ps de lei loignaz ·
20. Et fait semblant qe toz mera caniaz ·
21. Per essaiar sil plagra mo folors ·
22. Et sagues mes en altra mon enten ·
23. Ben ai proat qil nagral cor gauden ·
24. Seu men partis de lei mais noill ual re ·
25. Qe ial meo cor non pot partir del se ·
26. Bella do(n)pna uaillam uostra ualors ·
27. Canc nul chaitius destreiz (et) malmenaz ·
28. Non sap tan gen son dan sofrir en paz ·
29. Et pois lo mals mes deleiz (et) sabors ·
30. Per amor deu (et) car uos sera gen ·
31. Aiaz de mi qal accun iaucimen ·
32. Qe uostre soi (et) sem deignaz far be ·
33. Asai ferez cortesie merce ·

ccviii

1. Uostre bel oill uostra fresca colors ·
2. Uostre rics prez uostra fina beltaz ·
3. Qe fan auer de uos plus dur solaz ·
4. Ia no magrops fos faiz lo miradors ·
5. On uos miraz uostre cors bel (et) gen ·
6. Franc (et) ioios amoros (et) plaisen ·
7. Corgoill men faiz (et) qi bon prez mante ·
8. Orgoill nos taing uer lo seus nil conue ·PRmTol 355.5 (S 134)
9. Peire raimon de tolosa . xxiiii
10. ALtresi com la candela ·
11. Qe si meteissa destrui ·
12. Per far clardat a altrui ·
13. Qan om plus trag greu martire ·
14. Per plazer del autra gen ·
15. Et car adreit escien ·
16. Sai qeu faz folage ·
17. Qa dautrui don alegrage ·
18. Et a mi pene turmen ·
19. Nulla res si mal men pren ·
20. Don deu plaigner del da(n)pnage ·
21. Qar ben conosc per usage ·
22. Qe lai on amors saten ·
23. Uai foldaz en loc deisen ·
24. Doncs pois tan lam (et) desire ·
25. La gensor qel mon se mir ·
26. Per mal qem deia uenir ·
27. Nom taing qem recreia ·
28. Qar ond plus mauci denueia ·
29. Ben li dei ma mort grazir ·
30. Sel dreit damor uoll seguir ·
31. Qesters sa cort non plaideia ·
32. Donc pois am zo qem guereia ·

ccviiii

1. Conosc qem ner a blandir ·
2. Ab celar (et) ab sofrir ·
3. Li serai hom (et) seruire ·
4. Et saissim uol retener ·
5. Uez mi tot al seu plaser ·
6. Fins francs ses bausia ·
7. Et sab aital trizaria ·
8. Poisc en sa cort remaner ·
9. El mond non a nul saber ·
10. Per qeu canbies ma folia ·
11. Lo iorn qen sa cortesia ·
12. Me mostret em fez parer ·
13. Un paoc damoros plaser ·
14. Pareg ben qem uolg aucire ·
15. Qinz el cor manet saisir ·
16. El cor me met lo desir ·
17. Qe mauci denueia ·
18. Et eu com fols qe folleia ·
19. Fui leu ad enfolletir ·
20. Qar cuiei zo per albir ·
21. Qanqers no pens qesses deia ·
22. Se per nullaltra qe seia ·
23. Se pogues mais enriqir ·
24. Ben magran cor a partir ·
25. Mes qant plus fort mo consire ·
26. En tant qan lo mon perpren ·
27. Non sai una tan ualen ·
28. De negun parage ·
29. Per qeu el seu segnorage ·
30. Qar noill trob meilloramen ·
31. Per forz o per agradage ·
32. Canzon al por dalegrage ·

ccx

1. On prez (et) ualor saten ·
2. Al rei qe sap (et) enten ·
3. Miras en arago dire ·
4. Canc mais tant gaudent no fui ·
5. Per fin amor com er soi ·
6. Qarens (et) auela ·
7. Poiades zo qe nom cela ·
8. Per o nocan faz gran brui ·
9. Ne no uol sapchom de cui ·
10. Mos diz plus qe dun estela ·
11. Mais uos am ges un mela ·
12. Nom prez qar ab uos no soi ·
13. Per o ad ops uos estui ·
14. Em siaz couern (et) uela ·RambBuv 281.3 (S 135)
15. Lanbertin de buualel . xxu .
16. DUn saluz uoill mentremetre ·
17. Tal qe amidon sapza dir ·
18. Tot mon talen (et) mon desir ·
19. El ben el mal mescladamenz ·
20. Qeu nai el ioi el pessamenz ·
21. Qar eu sai ben sil o saubes ·
22. Qeu lam ses cor gabador ·
23. Qem prendria per seruidor ·
24. Siuals un aurea merces ·
25. Et pois anar noi puos , per letre ·
26. Li uoill mandar qe souenir ·
27. Li deuria del gen seruir ·
28. Qai fat (et) faz de bon talenz ·
29. Et doblades mon pensamenz ·
30. Del seruir se maiut fes ·
31. Ni no fo anc nul amador ·
32. Qe fos tan leial ues amor ·

ccxi

1. Qeu am (et) ges non trob merces ·
2. Nom poiria midon demeitre ·
3. Nul mesfait sol posc pleuir ·
4. Qar anc ues lei nom uit faillir ·
5. Se trop amar nes faillimenz ·
6. Sim trai fis amors en garenz ·
7. Et se lo uer dir en uolgues ·
8. Ben sai qem fora ualidor ·
9. Lo genz cors gais de la gensor ·
10. A cui fos auc clamar merces ·
11. Per qe mi plaz saluz trametre ·
12. A mon restor qi sap grazir ·
13. Toz los ben faich (et) enantir ·
14. Son prez ab rix captenemenz ·
15. Com pogra donc far fallimenz ·
16. Uas mi cal seu seruir soi mes ·
17. Ne ia de cho non ai paor ·
18. Qar tant ies senz (et) ualor ·
19. Per qeu dei ben trobar merces ·
20. Mon cor non pois aillors ametre ·
21. Ni non pois ges de lei partir ·
22. Qe farai doncs tot dei sofrir ·
23. Pene trabaill cubertamenz ·
24. Tant qeu merces (et) chausimenz ·
25. Empren dal seu cors ben apres ·
26. Qe es gensor qen mirador ·
27. Se mir sab merce nom socor ·
28. Ben cuit qal mon non es merces ·
29. Qar qi es leial seruidor ·
30. De bon cor en ues son seignor ·
31. De be per dreit trobar merces ·

ccxii GsrSt-Did 168.1 (S 136)

1. Iolseram de sain desider . xxu .
2. POis fin amor me torn en alegrier ·
3. Ben dei pensar de far gaia chanzo ·
4. Qen tal do(n)pna ai mes mon consirier ·
5. Qe mai non ui tan bella ni tan pro ·
6. Et am trop mai la soa sospeizo ·
7. Qa dun altra qem donas ioi entier ·
8. Em teing plus ric ab sol lo desirier ·
9. Qal linueios no sabran de cui so ·
10. Sobra totas ren de beltaz lenpier ·
11. Reina es de ioi ses contenzo ·
12. Et marchisa de ualen prez entier ·
13. Et contessa de cor (et) de faizo ·
14. Et duchessa per ben dir sa raiso ·
15. Et princessa qe negus mal parlier ·
16. No poira dir , ni fals , ni losengier ·
17. Qen lei aia nulla ren se ben no ·
18. Humils (et) francs leials (et) uertadier ·
19. Maura toz te(m)ps gardat de mespreiso ·
20. Et pois mos oill la uiren de primier ·
21. Sabchaz mon cor un iorn ab mi no fo ·
22. Anz remas lai on il es en preison ·
23. Et pois per ella deliurar noill enqier ·
24. Anc mais no fo de nesun preisonier ·
25. Qe non amas for sa deliuraso ·
26. Qi mais oi dir de negus archier ·
27. Carmadura no tengues alcun pro ·
28. Et lai trobaz qe tan duramen fier ·
29. Contra losberg el perpont el brezo ·
30. Nafraz ma nes dun bel diz plasentier ·
31. Et larc dun mot dun franc cor dreiturier ·
32. Las de tal cop troberai gariso ·
33. Garir men pois franchamen a sobrier ·

ccxiii

1. Sumilitaz mi uol far tan ric do ·
2. Qeus en samor no trob nulz mei parier ·
3. Eu qe lam tan ses auzir (con)paigno ·
4. Lo ben el mal sofrir sen contenzo ·
5. En son cors dreit no demand parzonier ·
6. Qi ma cargat plus fort dun collatier ·
7. Mas lo so fas no pesa un boto ·
8. Pro contessa de uos ai fait ric do ·
9. Del pro del sen (et) del front dreiturier ·
10. Qar uos gardaz dal brut de losengier ·
11. Qar granz ben es en loncs dire de no ·RmMirav 406.28 (S 137)
12. Raimon d(e)mirauall
13. ENtre dos uolers soi pensios ·
14. Qel cor me dit qeu no chant mais ·
15. Et amors no uol qe men lais ·
16. Mentre qel segle starai uios ·
17. Del laisar agreu razo ·
18. Qe mais no fezes canzo ·
19. Mas per cho chan car amors (et) iouenz ·
20. Restauram tot qant tol mesure senz ·
21. Et sanc nul iorn fui eforcios ·
22. Desser adreich cortes ni gais ·
23. Era conue qe mi es lais ·
24. Ab diz (et) ab faich agradios ·
25. Qen tal do(n)pnai sospeizo ·
26. Qel seu ric car guierdo ·
27. No pot seruir nulz hom desauinenz ·
28. Si tot ses rix (et) poderos (et) genz ·
29. Ab aitals honraz segnorios ·
30. Ai eu estat toz te(m)ps uerais ·
31. Qafanz (et) pena ni esglais ·
32. Ni nulz maltraiz no mes esqios ·

ccxiv

1. Per qe dien a lairo ·
2. Canc damor non fi mon pro ·
3. Minten qaut nai bes (et) iausimenz ·
4. Et nai sofert danz (et) galiamenz ·
5. Per bona do(n)pna soi antios ·
6. Qan ia fai re don sos prez bais ·
7. Et car una do(n)pneran trais ·
8. Tornei men uilans (et) mesdios ·
9. No calei sabria bo ·
10. Sil ator nauen razo ·
11. Qalas auols no ten dan fallimenz ·
12. Et prez os mais per gabs (et) per (con)tenz ·
13. De cui qe uol baisse sos brios ·
14. Pois amidon monta enais ·
15. Caissi com la rosa el glais ·
16. Gencho qan repaira lestios ·
17. Mado(n)pna totansazo ·
18. Qe sap genchar sa faizo ·
19. Ab bels senblanz (et) ab coint enparuenz ·
20. Don creis son prez (et) sos captenemenz ·
21. Per lei am fontainas (et) rios ·
22. Bosc (et) uergiers (et) plans (et) plais ·
23. Las do(n)pnas els pros el sauais ·
24. El sauis el fols el badios ·
25. De la francha regio ·
26. Don il es (et) denuiro ·
27. Qe tant es lai uiraz mos pensamenz ·
28. Qe mais no cuit sia terra ni genz ·ArnPlag 32.1 (S 138)
29. Peire rogier . xxuii
30. BEn uolgra midons sabes ·
31. Mon cor ausi comeul sai ·
32. Et qel plagues qeu fos lai ·

ccxv

1. On es sos gens cors cortes ·
2. Et sai dicz sobransaria ·
3. Digaz (et) cuiaz qe sia ·
4. Eu non , qe nom sent tant rics ·
5. Suffre , (et) non tant men dis ·
6. Qe ben de leu sauenria ·
7. Auenir deu ses uolgues ·
8. Non pot , lo per deu si fai ·
9. Et com , eu uos dirai ·
10. Digaz com , salei plagues ·
11. Plazer he , leis com plaria ·
12. Leuet , samors lo uolia ·
13. Amors doncz est men amics ·
14. Non eu , anz estau enics ·
15. A chascun qe la galia ·
16. Soffre (et) uerraten bes ·
17. Et qant , qels mals ades nai ·
18. Mais nom lo digaz iamai ·
19. Et per qe car no yes ·
20. Non es mals caissi maucia ·
21. Languen la noich (et) el dia ·
22. Qar toz ben se non tenguis ·
23. Garda qe non tem canbis ·
24. Et morrai ohc , gel uorria ·
25. Et non ualgra ia merces ·
26. Ab cui , ab leis , non osai ·
27. Et per qe , qar no(n) seschai ·
28. Qe trop sest en ric locs mes ·
29. Rics per crocs bona sabia ·
30. Et doncs se fecist folia ·
31. Lais aten no(n) me chastis ·
32. Qe ia no ter mos destris ·

ccxvi

1. Qe ges no me baisseria ·
2. No ten laisserias ges ·
3. Eu non , doncs aissi lo fai ·
4. Com eu toi ensengerai ·
5. Sias humels (et) cortes ·
6. Francs (et) de bela paria ·
7. Et fai cho qe gent sestia ·
8. Com porras (et) no ten tris ·
9. Caissi deu rengar amics ·
10. Et gent se genser sabia ·GrdoRos 240.4 (S 139)
11. Girardon lo ros . xxuiii
12. ERa parra sagues de cortesia ·
13. En uos do(n)pna ni se temez pechat ·
14. Pois qe merce ma del tot oblidat ·
15. Sem seccorrez er uos ensegnamenz ·
16. Et pois en als dom es tan conoiscenz ·
17. Conoscaz donc qe mal uos estaria ·
18. Sentre toz te(m)ps nom trobaria ab uos ·
19. Calqe bon fag o calqe bel respos ·
20. Et car desir tant uostra segnoria ·
21. Can tot mauras adrez achasonat ·
22. Cho qe non fo ni er ia sol pensat ·
23. Sim deuria pois ualer chausimenz ·
24. Per o en me non es ges lardimenz ·
25. Qeu ia clames merce se tort auia ·
26. Cab tot bon dreich estau eu temeros ·
27. Qe no(n) posca ab uos ualer raisos ·
28. Et non es ges ualors ni gaillardia ·
29. Qi destrui cho qe troba poderat ·
30. Mas tantas uez uos o aurai mostrat ·
31. Per qeus senbla mos chastiars nienz ·
32. Qe qant tot es do(n)pna sobre ualenz ·

ccxvii

1. En pren orgoill per toz te(m)ps non es bos ·
2. Mas ben estai a locs (et) a saizos ·
3. Anc per ma fe sol cauos mal non sia ·
4. Non ui mai cors tan sem dumilitat ·
5. Com lo uostre mas per crist de beautat ·
6. Non er ia fags contra do(n)pnas cortez ·
7. A uos dic ben qe serat mest . u . cenz ·
8. Cals qe chausist la genser uos penria ·
9. Et meiller es ab qe merce ifos ·
10. Mas trop perd hom per un aip o per dos ·
11. Ades ifaz gran sen o gran folia ·
12. Qar soi uostre (et) no men sabez grat ·
13. Mas enanz uoill qen blasmon la foldat ·
14. E uolgra mais qem fos laudat mos senz ·
15. Qar de gran sen mou granz afortimenz ·
16. Et anc fols hom no saforti un dia ·
17. Ni eu non ui anc bon drut nuallos ·
18. Per qeu mesforz desser auenturos ·
19. Uostre serai se ia nocaus plazia ·
20. Et uostre soi qamors ma ensegnat ·
21. Qeu non creia mal respons ni (con)miat ·
22. Qar sel crezes mort for eu recrezenz ·
23. Et morrai tot se cals aco(n) no(n) uenz ·
24. Eu qe men lais o uos qe siaz mia ·
25. O eu morrai o serai poderos ·
26. Aqest conort me ten de me ioios
27. Bona do(n)pna de cor hi entendia ·
28. Deus qant formet uostre cors genz ioios ·
29. Et paret ben a las bellas faizos ·GlAdem 202.8 (S 140)
30. Guillem aesmar . xxuiiii
31. LAn qan uei florir lespiia ·
32. El saison blauir (et) uaisa ·

ccxviii

1. Et la flor el frug safaisa ·
2. Et lausel per sa part chanta ·
3. Ben dei damor iauzir oimais ·
4. Pois la lauda fa col (et) cais ·
5. Si farai mas trop motreia ·
6. Cela don mon cor nos laissa ·
7. Ni uas autra non biasa ·
8. Per o si nai uista tanta ·
9. Qem fora granz honor lor plais ·
10. Qe men don mes nai greu per mais ·
11. Donc com er ma duzamiia ·
12. Mais lo desirer nom laissa ·
13. De uos per qe ma crins saisa ·
14. Com sauia danz caranta ·
15. Adonc sosteing e le lo fais ·
16. Mai uoill morir qar autra lais ·
17. Laisar caraqo non miia ·
18. Qant trenca no fo abaisa ·
19. En aforest ni en plaisa ·
20. Ni en uerger qe hom planta ·
21. Anz es fin amor qe anc non frais ·
22. Qim pauset el cor dun douz bais ·
23. Per o no siaz eniia ·
24. Qel bos cauals qan seslaisa ·
25. Tira ben fren e lo caissa ·
26. Per qe bons uassal trebucca ·
27. Qel uend pois tal qer molt saluais ·
28. Qe monte (et) poi en fa eslais ·BnVent 70.11 (S 141)
29.    
30. AL chant dausel comenza ma chanzon ·
31. Qant au chantar la gentas (et) lagron ·
32. Et per cortiu reuirdiar lo lins ·

ccxviiii

1. La blaua flor qe nais entrel bussun ·
2. El riu sunt clars de sobre lo sablon ·
3. Lau sespan la blancha flor de lis ·
4. Long te(m)ps aurai estat desamoros ·
5. De bon amor paubres (et) sofraichos ·
6. Per las colpas duna falsa amaris ·
7. Ca faich ues me enian (et) traciuns ·
8. Per qeu nai faich lo carantal perduns ·
9. Et nom lasset entro qe mac aucis ·
10. Ben paoc ama drut qe non es gelos ·
11. Et paoc ama qi non est airos
12. Et paoc ama qi non es folettis ·
13. Et paoc ama qi no fa tracios ·
14. Mais uaut damor qi ben est enueios ·
15. Un dolz plorar non fait qatorze ris ·
16. Qant eu li qier merce en genoillos ·
17. E la me colpa (et) mi met ochaisos ·
18. Et laiguam cur a ual per mer lo uis ·
19. Et elam fai un regard amoros ·
20. Et eu li bais la bucha els ols amdos ·
21. Adonc me par un ioi de paradis ·
22. Daqesta main fu coilli lo bastos ·
23. De qe maucis la plus bella can fos ·
24. Tant uolgreu far toz zo qellabellis ·
25. Qe long respiz (et) mal trait angoissos ·
26. Et lausengers a petit guierdos ·
27. Man fait estar faidiz de mon pais ·Sord 437.24 (S 142)
28. Sordel . xxx
29. PLangner uoill enblachaz , en aqest lezeir son ·
30. A cor trist (et) iraz , (et) aien ben rason ·
31. Qen lei ai mes cabaz , amic (et) seignor bon ·
32. Et car toz ualen faz en sa mort perdut son ·

ccxx

1. Tan es cossenz lo danz , qeu non sai garison ·
2. Com sia restauraz , sen aital guisa non ·
3. Com li traia lo cor · (et) mangen lo baron ·
4. Qe uiuon descoraz , pois auran lo cor bon ·
5. Premer mange del cor , per o qe obs li es ·
6. Lenperaire de roma , sel uol los milanes ·
7. Per forza (con)qerer , qe lui tenum (con)qes ·
8. Et uiu desheritaz , mal grat de sos ties ·
9. Soentre lui en mange , lonrat rei del frances ·
10. Pois cobrera castella , qel perd per nesies ·
11. Mas sela marel sap , el non mangera ges ·
12. Qe ben par a son prez , qe re no fa qeill pes ·
13. Del rei engles me plaz , car es paoc coraios ·
14. Mange a pro del cor , pois er ualenz (et) bos ·
15. Et cobrera sa terra , per qe uiu de prez blos ·
16. Qeill tol lo rei de franza , qar lo sap nuaios ·
17. Et lo re castellan a obs mange per dos ·
18. Qe dos regisme ten , (et) per lun non es pros ·
19. Mas sil uen a maniar tang qil mang a rescos ·
20. Qe sil marel sabia , batrial a bastos ·
21. El rei daragon uoll del cor deia maniar ·
22. Qar aizo lo fara de lanta descargar ·
23. Qe il pres a marssella (et) a mi lao cuntar ·
24. Qester non pot per re qil posca dir ne far ·
25. Apres uoll qil en mange del cor lo rei nauar ·
26. Qe ualia mas cont qe rei so au contar ·
27. Tort es qan deu fa home en gran ricor poiar ·
28. Per sofraza de cor lo fa de prez baissar ·
29. El cont de tolosa a obs qe mange be ·
30. Si menbra so qe sol tener ne qera te ·
31. Qe sab un altre cor sa perda no reue ·
32. No cre qela reuegna ab aqel qe en se ·

ccxxi

1. El conte de prudenza en mange sil soue ·
2. Coms qes desheritaz uiu gaire no ual re ·
3. Et se tot ab esforz se defend (et) capte ·
4. Obs lle mange del cor per gran faz qil soste ·
5. Li baron uorran mal per aqo qeu diu be ·
6. Mas ben sapchan qil prez aitan paoc com il me ·MoMont 305.1 (S 143)
7. Lo monge de montaldon . xxxi .
8. AIssi com cel qa estat sen segnor ·
9. En son aloc franchament (et) in paz ·
10. Canc re non mes ni det mas per amor ·
11. Ni fo destrez mas per sa uoluntaz ·
12. Et pois chae per mal segnor forchaz ·
13. Autresi fui mes meteis longamen ·
14. Canc re non fi per altrui mandamen ·
15. Erai seignor a cui nom ual merces ·
16. Amor qe a mon cor en tal loc mes ·
17. Ou non aus dir ni mostrar mon talen ·
18. Ni per nul plaz partir no me pois ges ·
19. Et nul seignor no(n) fai tan gran paor ·
20. Qe dels altres me deffendriassaz ·
21. En fort chastel o dinz mur o dinz tor ·
22. O en fugen o denugs o armaz ·
23. Mas ab aqest no(n) ual senz ni foldaz ·
24. Qinz en mon cor sen entra (et) sen pren ·
25. Et neguns hom nol ue nel au nel sen ·
26. Tro qe ben la a toz son ops conqes ·
27. Et fai senblar lo iorn an (et) lan mes ·
28. Qen tal do(n)pna ai mes mon pensamen ·
29. Qeu tem qenanz me sia danz qe bes ·
30. Et nul mal trait no teng a gran dolor ·
31. Qe per altra soffris ni foz iraz ·
32. Mas de uos don nai glai (et) temor ·

ccxxii

1. Qar ai ab uos (con)pagna (et) solaz ·
2. Et car uos soi uostra merce priuaz ·
3. Per qes es greus do(n)pna sen uos menten ·
4. Mas non o faz do(n)pna per lo me sen ·
5. Mas per lo sen damor qe ma si pres ·
6. Qe qant eu cuich qer altra qem plagues ·
7. Ab coblide lo uostre entendemen ·
8. La plus bella me senbla laida res ·
9. Et doncs do(n)pna per uostra gran ualor ·
10. Uos meteissa daiso me (con)seillaz ·
11. Qe ben sabez qe nuls hom uas amor ·
12. Non po gandir de re mas fort li plaz ·
13. Qeu men soi tan defenduz (et) lognaz ·
14. Qe lai on es non uau ni nom presen ·
15. Per qeu non uei uostre cor plasen ·
16. Et prec amor qe ia cor nous meses ·
17. Qe uos preges do(n)pna qeu tem qes pes ·
18. Et aissi prec do(n)pna forzadamen ·
19. No me sia ia peiz se meillz no mes ·
20. De toz (con)seillz uos darial mellor ·
21. Bona do(n)pna se uos men crediaz ·
22. Qe se uos prec no siaz de peior ·
23. Acuillimen se mos preiar nos plaz ·
24. Et aissi er lo digs toz te(m)ps celaz ·
25. Qar se de uos me partez malamen ·
26. Et eu uos sai amic ne ben uollen ·
27. Eu pregarai assaz leu dos o tres ·
28. Et poi sera cuiat zo qe non es ·
29. Eus mal digs entre la fola gen ·
30. Ual atrestan com se uer probat es ·
31. Bona do(n)pna de uostra gran ualor ·
32. No sai tan dir qe uos mais non aiaz ·

ccxxiii

1. Qar lo melz es de maior honor ·
2. Qe sien tot lo pais honestaz ·
3. Lo maior prez (et) la maior beltaz ·
4. Et qi mais an ab uos dacoindamen ·
5. Cil qamon prez (et) beltaz (et) iouen ·
6. Mai eu no soi ges lo nescis cortes ·
7. Qeus soi priuaz can de ren nous enqes ·
8. An tem falir al uostre mandemen ·
9. Per lo gran captenemen qen uos es ·
10. Mais de bon cor uos am tan finamen ·
11. Qe non auez ne amic ne paren ·
12. Qeu no lam mais qe mi ne toz qant es ·
13. Et sieu penses qe nus napercebes ·
14. Toz te(m)ps do(n)pna lon anera seguen ·
15. Com la giraflor qe lossolleil seies ·
16. Ben magrauist lauergnaz plus souen ·
17. A mon briso (et) tuich mei benuollen ·
18. Mais tenguz man petaus (et) engolmes ·
19. Et ges a lor no senbla lan un mes ·
20. Et eu nesci per qe me tol lo sen ·
21. Namaria non a par de toz bes ·MoMont 305.6 (S 144)
22. Lo monge de montaldon . xxxi
23. ERas pot mado(n)pna saber ·
24. Qeu no chantei ni ac ioi ne solaz ·
25. Pel te(m)ps destiu ne per las flors dels praz ·
26. Qar il sa be qe mas a de dos anz ·
27. Qeu no chantei ne fu ausiz mos chanz ·
28. Tro qaleis plac qe per plan chausimen ·
29. Uolc qeu chantes de leis celadamen ·
30. Per qer mesforz com en chantand pogues ·
31. So far (et) dir qals auinenz plagues ·
32. Qaicel qe son petit poder ·

ccxxiv

1. Fai uolentiers no de esser blasmaz ·
2. A qel del plus isial uoluntaz ·
3. El acuillirs el gabs el bel senblanz ·
4. Et qe sia leials (et) fin amanz ·
5. Et qen un loc aia tot son enten ·
6. Cel qaital es ual mais monesien ·
7. A ops damar no fai dux ni marqes ·
8. Qar sa rictaz cugirial ualgues ·
9. Aitals uos soi ab ferm uoler ·
10. Em soi per uos do(n)pna tan melloraz ·
11. Qe trestut uius (et) sanz (et) ben parlanz ·
12. Mera del toz recreuz der enanz ·
13. Tro a uos plac do(n)pna cors couinen ·
14. Qeus enqesi dun si gran ardimen ·
15. Mais anc ardit no fi tan bon preses ·
16. Qe gadaignar pois (et) perdre no ges ·
17. Pro gadagnai car degnaz uoler ·
18. Qeu chant de uos bona do(n)pna nis plaz ·
19. Et se de plus do(n)pna menanciaz ·
20. Uostre medes ne seria lenanz ·
21. Cuns petit dons do(n)pna seria granz ·
22. Et gran ben faiz penrieu issamen ·
23. Et rendrai uos guierdon franchamen ·
24. Mas no tan ric com auos couengues ·
25. Mas toz te(m)ps mais nestaria merces ·
26. Et se merces no(n) uol ualer ·
27. Bona do(n)pna uns message priuaz ·
28. Parle per mi seu no soi ensegnaz ·
29. Bella do(n)pna per deu no sia danz ·
30. Seu petit passei uostre comanz ·
31. Qe iaus tramis un messagauinen ·
32. Mon cor un ser qem lasset en durmen ·

ccxxv

1. En uos remas do(n)pna (et) en uos es ·
2. De bon loc moc mas en meillor ses mes ·GsbPuic 173.7 (S 145)
3. Eniaubert lo monge de monsibot . xxxii
4. OImais de uos non aten · Auer iausimen ·
5. Amors pois tan lo(n)iamen · Me soi faidiaz ·
6. Celant (et) suffrend en paz · Laffan el turmen ·
7. Mais er qan me uau plagnen · Ni men cla(m) no(n) ual nien ·
8. Mais del clam qeu faz · Mi tegn per pagaz ·
9. Daitan qe se no mes pros · Blasmes er seuals a uos ·
10. Blasmar uos degreu formen · Mais uau uos soffren ·
11. Qai cel qes irais greumen · Plus qant es iraz ·
12. Es fels (et) desmesuraz · Doncs tem seu mesprend ·
13. Qe uos (et) mei chan plasen · En serez trop ualen ·
14. Per qe uoll sapchaz · Se nous melloraz ·
15. Tan descarriem andos · Amors uos (et) chanzos ·
16. Ben soi folz car eu aten · Null melloramen ·
17. Qades on plus uos repren · Com amics priuaz ·
18. Uos cressez (et) peioraz · Uostre fallimen ·
19. Et qi per castiamen · Ne per blasme de la gen ·
20. No tem far foldaz · Es desuergognaz ·
21. Et qi non es uergognos · Non er ia ualenz ni bos ·
22. Et si sai qe non es gen · Qar ab uos conten ·
23. Mas faz lo forzadamen · Qar me malmenaz ·
24. Don eu soi tan forsenaz · Qeu no posc dir sen ·
25. Et seu dic deschausimen · Contra uos pois forzamen ·
26. Er tort (et) pechaz · Seu en soi blasmaz ·
27. Et uos tang lo mal resos · Don moul torz elochasos ·
28. Ben soi fol adescien · Qar gast (et) despen ·
29. En uos mon galiamen · Amors qel maltaz ·
30. El folor el crueltaz · Qi en uos senpren ·
31. Nous lais cauer chausimen · Anz uos tol (et) uos defen ·
32. Qe ren non creaz · Mas per so nom taz ·

ccxxvi

1. Anz soffrirai pensasos · Tro ueia meiller sasos ·
2. Canpagna beus pren · Qar do(n)pnauez ses (con)te(n)pn ·
3. Ses par de prez (et) de sen · Don uos melloraz ·
4. Qill fai uas toz laz · A son ric prez caballos ·
5. Espaigna grazir (et) uos ·GsbPuic 173.11 (S 146)
6. Eniaubert . xxxii
7. SEu anc ior dis clamanz · Encontra uos amors ·
8. Orgoill ni desonors · Eran dei (et) mos chanz ·
9. Humiliar dos tanz · Et baissar mas clamors ·
10. Pois mado(n)pna leionors · La pro reina presanz ·
11. O deigna en aissi uoler ·
12. Et se tot eu de uos grat non esper ·
13. Ben dei grazir lo dan el mal ·
14. Pois il me manda qaitan ual ·
15. Qeus uencerai enanz · Merce claman amors ·
16. Aprez (et) ab lausors · Qe seu ablau senblanz ·
17. Uos era contrastanz · Eu disia folors ·
18. A fals diz reprendidors · Et se mos leger talanz ·
19. O fes orgoillos parer ·
20. Encontra uos nim fez dir no deuer ·
21. Ben dei far penetenza tal ·
22. Com tang a forza desleial ·
23. Humils (et) merceanz · Me rend a uos amors ·
24. Qar me forcet errors · Ni lenga mal parlanz ·
25. Qeus fos contrarianz · Ab diz mal disidors ·
26. Et eu dirai uos lausors · Et de plaiser cent aitanz ·
27. Qanc nos dis desplaiser ·
28. Corgoill sai ben qe no mi pot ualer ·
29. Per coimais denemic mortal ·
30. Maurez amic fin (et) leial ·
31. Sabez qal , als meus anz · Mer toz te(m)ps mais amors ·
32. Dolza ma greus dolors · Et bes (et) pros mes danz ·

ccxxvii

1. Et sochors mos affanz · Et gauz (et) ris mos plors ·
2. Et mos greus trabalz legors · Et mos long d(e)stric ena(n)z ·
3. Et mei grand enoi plaser ·
4. Et despendrai mon sen (et) mon saber ·
5. En uos ges seruir a iornal ·
6. Com serf a segnor natural ·
7. Al rei des alemanz · Cap dels enperadors ·
8. Uai chansons cui ualors · Dona sobra presanz ·
9. Tan de prez com es granz · Sobre totas ricors ·
10. Et del seu non es auzors · Tan gran no(n) ac lo rei ancz ·
11. Qela frederic per uer ·
12. Per refrenar uil faz (et) retener ·
13. Cuns no tocha son prez cabal ·
14. Frederic qe saportaital ·
15. Del rei daragon esper ·
16. Qades meillor (et) sacha mais ualer ·
17. Com plus aura sen natural ·
18. Reis tan toset sap tant (et) ual ·GlCab 213.5 (S 147)
19. Guillem de capestaing . xxxiii
20. LO dolz consire · Qem donamors souen ·
21. Do(n)pnam fai dire · De uos man uers plasen ·
22. Pensan remire · Uostre cors car (et) gen ·
23. Cui eu desire · Mais qeu no faz paruen ·
24. Et seu tot me deslei · De uos ges nos amnei ·
25. Qades uas uos soplei · Per francha benuollenza ·
26. Do(n)pna cui beltaz genza · Mantas uez oblit mei ·
27. Qeu lau uos (et) mercei ·
28. Toz te(m)ps maire · Lamors qeus me defen ·
29. Seu ial cor uire · En altre entendemen ·
30. Tolt mauez rire · Et donat pensamen ·
31. Plus greu martire · Nuls hom de mi no sen ·
32. Qar uos cui plus enuei · De ren qel mon estei ·

ccxxviii

1. Desampar (et) amnei · Qades am en paruenza ·
2. Tot qant faz per temenza · Deuez en bona fei ·
3. Penre nieus can nos uei ·
4. Tot iorn magenza · Desir tan mabellis ·
5. La captenenza · De leis cui soi aclis ·
6. Ben par qem uenza · Uostramors qan qeus uis ·
7. Fomentendenza · Qeus ames eus seruis ·
8. Per qeu me soi renduz · Francs ses tot mal aiuz ·
9. Per uos qeu nai perduz · Ma(n)z dos qis uoillas p(re)nda ·
10. Qeu am mais qeu ate(n)da · Ses tot couenz sabuz ·
11. Uos don mes laus uenguz ·
12. En souenenza · Teing la cara el dolz ris ·
13. Uostra ualenza · El gen cors blanc (et) lis ·
14. Seu per credenza · Estes uas deus tan fis ·
15. Uius ses fallenza · Entrer en paradis ·
16. Qaissim soi ses tozcuz · De cor a uos renduz ·
17. Qaltra ioi nomaduz · Cuna no(n) porta benda ·
18. Qeu preses per esmenda · Iaser (et) fos sos druz ·
19. Per la uostra saluz ·
20. Anz qe se senda · Sobrel cors la dolors ·
21. Merce desenda · Do(n)pnenuos (et) amors ·
22. Qe ioi me renda · Em loing sospir (et) plors ·
23. Nous me defenda · Parages ne ricors ·
24. Coblidaz mes toz bes · Sauos non p(re)nd merces ·
25. Ha dolza francha res · Molt feras gran fra(n)qesa ·
26. Sal prim qeus ac enqesa · Mamessaz o no ges ·
27. Qeras no sai com ses ·
28. No trob contenda · Contra uostra ualors ·
29. Tals merceus prenda · De mi qeus si honors ·
30. Ia non entenda · Deus mes son prezadors ·
31. Seu uoll la renda · Dels qatre reis meillors ·
32. Per cab uos no(n) ualgues · Franqesa (et) bona fes ·

ccxxviiii

1. Tant es mon cor aers · Per uos en cui es messa ·
2. Mamors (et) se fos pressa · En baissan nius plagues ·
3. Ia no uolgras sol ses ·
4. En ramon la belessa · De mado(n)pna el bes ·
5. Me ten gai (et) cortes ·PoGarda 377.7 (S 148)
6. Ponz de lagarda . xxxiiii
7. TOz te(m)ps de tota fassenda ·
8. Se ben soi enamoraz ·
9. Crerai mei oill zo sapchaz ·
10. Meillz qaltrui com qe men prenda ·
11. Cuiai manta sasons ·
12. Qe zo qe uissen mei oill ·
13. Me fera deserer amors ·
14. Gardei seu crezer ausors ·
15. Ha las ben cuit qe mo uenda ·
16. Amors sanc mac bel solaz ·
17. Qel mals qe mera passaz ·
18. Me par qe ora sessenda ·
19. Qeram uei plus angoissos ·
20. Qe no soill (et) plus me doill ·
21. Em uen soffrir la dolors ·
22. Et a lei non es honors ·
23. A lui non es obs qaprenda ·
24. A mentir qe sapn assaz ·
25. Et es ne ben enganaz ·
26. Qel zel qe del cel descenda ·
27. Per tan asinplas faisos ·
28. Mais en leis a tant dorgoill ·
29. Qeu no sai gaire peiors ·
30. Per qe a senblanz trachors ·
31. Qant ai cor cablei contenda ·
32. Et remir sas granz beltaz ·

ccxxx

1. Aissi soi apoderaz ·
2. Non ai poder qem defenda ·
3. Mort ma tant es belle pros ·
4. Caissom te qe nomen toill ·
5. El granz bens (et) la lausors ·
6. Qades nauc dir als meillors ·
7. Sen trobes de leis esmenda ·
8. Ben fora mouz (et) uiraz ·
9. Mas morir posc desamaz ·
10. Ia non er qar altram renda ·
11. Bona do(n)pna nim partirai de uos ·
12. Anz estarai si com soill ·
13. Aissi entre gauz (et) plors ·
14. Atendrai uostre secors ·
15. A ma chanzon uoill qentenda ·
16. Uas midon qi tan mi plaz ·
17. Qen lei uei totas beltaz ·
18. Ben par qen bon prez entenda ·
19. Deus la mantegna (et) nos ·
20. Qe ben parl (et) gent acoill ·
21. Per qes alt sobres meillors ·
22. Sos rics prez aussiz (et) sors ·
23.    
24.    
25. Qanc hom no las ui meillors ·
26. Catelanas ni gensors ·RmMirav 406.34 (S 149)
27. Ponz de lagarda . xxxiiii
28. ANz ogan no(n) ualc estius ·
29. Ni dolz te(m)ps uers ni floriz ·
30. Bens couen qe sia ausiz ·
31. Mos chantars er ablameu ·
32. Qar cell qe prec (et) non es escoltaz ·

ccxxxi

1. Dei chaniar leu ioi (et) solaz ·
2. Et gardar te(m)ps (et) oras auinenz ·
3. Et foleiar qan uei qe noll ual senz ·
4. Ben conosc qe dru mendius ·
5. Fels engres (et) deschausiz ·
6. Es mais amaz (et) grasiz ·
7. Cuns adrez per qe mes greu ·
8. Et car o dic serain ochassonaz ·
9. Mas tan ni a denchanaz ·
10. Qe se mensors peleia ne contenz ·
11. Meraueill me sel nostra part no uenz ·
12. Sabez per qe torn en esqius ·
13. Contra las enianariz ·
14. De mado(n)pna soi faidiz ·
15. Et noill sai tort mas lo seu ·
16. Et en aiso temers er el colpaz ·
17. Qar tot me senbla uertaz ·
18. Qant elam diz el meus drez par nienz ·
19. Tant es gallard lo seu rasonamenz ·
20. Ia dauos nom partirai uius ·
21. Qar sai (et) tota gen diz ·
22. Qel uostre prez es grasiz ·
23. Et la genser es sot deu ·
24. Per tal qe fos humils uostra beltaz ·
25. Uolgra fos men la meitaz ·
26. Pois fora meller uostre mandamenz ·
27. Qe de nullaltra el uostre cors plus genz ·
28. Do(n)pna no soi tant astius ·
29. Qenqera toz escerniz ·
30. Lo couen qem fo mentiz ·
31. No tengues de uos a feu ·
32. Toz acordres men seria honraz ·

ccxxxii

1. Mas no uoill qe pois digaz ·
2. Meus sial to(r)z anz uerral partimenz ·
3. Qalas autras en perria spauen ·
4. Per o leial serf (et) humius ·
5. La on es plus aforziz ·
6. De esser plus obesiz ·
7. Com eu trob merce a leu ·
8. Et se ben soi damor apoderaz ·
9. Non dei esser malmenaz ·
10. Qar selam perd aleis es fallimenz ·
11. Et res daitan noill pod esser garenz ·Caden 106.12 (S 150)
12. Ponz de lagarda . xxxiiii
13. CAniada es mauentura · Don eu me soffrir assaz ·
14. Et sen breu no me meillura · Serai amics desamaz ·
15. Qera(m) loigna d(e)son aire · Cela qem solia traire ·
16. Mas canzos (et) mos gai sos · Et ma rasos mes fallida ·
17. Se uoll far ca(n)zon grazida · A obs daiuda de sen ·
18. O no chanterai plasen ·
19. Do(n)pna no met en ra(n)cura · Neguna re(n) qem fazaz ·
20. Anz aurai tan de mesura · Qeu sofrirai tot en paz ·
21. Per los bes qe(m) solez faire · Uer mer greu a retraire ·
22. Qe ia uos uostra faizos · Desmentaz a uostra uida ·
23. Et er me mal seus oblida · Qe ia fazaz fallimen ·
24. Som plas mais qel dan qeu pren ·
25. Et seu per ma forfaitura · Fos do(n)pna si malmenaz ·
26. Eus pli per tot qant om iura · Qeu fora desesperaz ·
27. Qar uos soi fedels amaire · Do(n)cs do(n)pna q(ue)us es ueiaire ·
28. Qanc mais pros do(n)pna q(ue) fos · No laiset senes faillida ·
29. Son amic pois lac seruida · A son poder fra(n)chamen ·
30. Et sapchaz no uos er gen ·
31. Per o mos cor sasegura · Do(n)pna car uos no(n) laissaz ·
32. Per altre ne p(er) falsura · De mi mais sai car uos plaz ·

ccxxxiii

1. Per qer plus ben del refaire · Et p(er) zo men soi clamaire ·
2. Mas coichos com amoros · Hom qesters no(n) a guida ·
3. Uos soi car mes abelida · Bona do(n)pna p(er) un cen ·
4. Mais qal prim comenzamen ·
5. Do(n)pna se gaires peiura · Uas mi uostra uoluntaz ·
6. Et non auez de mi cura · Tan qauos me rete(n)gaz ·
7. No pliurai mais en fol gaire · Entro qe(n) ueza grat traire ·
8. Com ioios no mellura ios · Ne ria qan ses delida ·
9. La flors o mell es florida · Ela se frang p(er) nien ·
10. Et so qe mostra<...> GuiUss 194.3 (S 151)
11. Engui<...>. Duzel
12. BEn faria ch<...>n · chanso plus souen ·
13. Mas enoiam to ior a dire ·
14. Com plang per amor (et) sospire ·
15. Qar o sabon tuich dir comunalmen ·
16. Et eu uolgra moz nous a son plasen ·
17. Ma ren no trob qaltrauez diz no sia ·
18. De qal gisas pregerai doncs amia ·
19. A co medes dirai daltre senblan ·
20. Qaissi farai senblar nouel mon chan ·
21. Do(n)pna sapchaz certainamen ·
22. Qel mond no posc mais do(n)pn eslire ·
23. O calqe ben no sia dire ·
24. Et com pensan no no formes plus ualen ·
25. Mas uos passaz oltra tot pensamen ·
26. Et altresi dic uos com no poria ·
27. Pensar amor qe fos par a la mia ·
28. Et seu no posc auer ualor tan gran ·
29. Endrech damor seuals noi ai enian ·
30. Amada uos aurai loniamen ·
31. Et enqer non ai cor qen uire ·
32. Et se per som uolez aucire ·

ccxxxiv

1. Non auez ges de bon rasonamen ·
2. Anz sapchaz ben qe maior fallimen ·
3. Uos er tengut qadaltra no seria ·
4. Cussages es (et) rasons senblaria ·
5. Com blasmes plus a cel qe ual aitan ·
6. Qe dels maluaz no se tenom a dan ·Arn - BnBart 25.1a = 58.1 (S 152)
7. Narman . xxxui
8. BErnart de la bertal zausit ·
9. Uoill aiaz de doas razos ·
10. Doas do(n)pnas ualenz <...> e pros
11. Son engal de faiz <...> e de ditz
12. Engal de prez (et) de io<...> uen ·
13. Lun a bel cors (et) couenen ·
14. Mas autra beltaz loblida ·
15. Lautra de beltat conplida ·
16. En la caramas cors a mal taillat ·
17. Encals de meillz druz metre samistat ·
18. Narman lo ioc qauez partit ·
19. Penrai lo meill tot a estors ·
20. Eu prez mais bellas faizos ·
21. De lai on son tuit ben (con)pliz ·
22. En la bella cara rien ·
23. Qe qan la uei lo conoiscen ·
24. Es al desbendar grasida ·
25. Per toz es lautra escarnida ·
26. Qel bel cors ten abscondut (et) celat ·
27. Et sel mostra sera li mal tornat ·
28. Bernard de la barca eus enuit ·
29. Qel meus iois es cent tant plus bos ·
30. Dun om ab cors ben faiz (et) geignos ·
31. Gras (et) plan grailenz escasiz ·
32. Ual mais segon mon escien ·

ccxxxv

1. Qe do(n)pnab laiz cors desplaisen ·
2. Toz te(m)ps mes mal abellida ·
3. Do(n)pna de laiz cors guarnida ·
4. Si tot sa bel lo uolt ni gen format ·
5. Lo cors li faill lai on la maiorat ·
6. Narman nol lais anz uos reuit ·
7. Ab mil bel senblanz amoros ·
8. Qel dolz esgard meraueillos ·
9. Mi son finamen abelliz ·
10. Tot qant di ni fai li estai gen ·
11. Ges bel (et) dolz (et) plaisen ·
12. Mais ual , qe sera escasida ·
13. Nigra (et) descolorida ·
14. Qar mil dison gran ben de sa beltat ·
15. Qe de neguns del cors no son priuat ·
16. Bernard fort deo esser grasit ·
17. Ab bel cors de do(n)pna ioios ·
18. Qan lonc son amic a rescos ·
19. Se met qe ren non a uestiz ·
20. Si qel ten (et) mancia (et) sen ·
21. Son bel cors gras (et) plan (et) plen ·
22. Ço don amors la conuida ·
23. Et cel qauez uos zausida ·
24. Tot na so drut lamort(et) desbarat ·
25. Sel cors non es zo qel cara a mostrat ·
26. Narman plus fort son encobit ·
27. Li plaiser (et) plus saboros ·
28. Qant om ue lo bel uis glorios ·
29. Cab la beltat don son aiziz ·
30. Doblen lamor el zausimen ·
31. Pois plaz a tota bona gen ·
32. Elautra pois er uestida ·

ccxxxvi

1. Non gardez eisas guida ·
2. Qen ses intrar no cre fors gran beltat ·
3. Et noill chaste sel cap uedes daurat ·
4. Bernard sai lonc te(m)ps seruida ·
5. Midonz cui ai encobida ·
6. Sel guierdon rendre men des agrat ·
7. Fort aurem mal geu el espeirat ·
8. Narman se temes faillida ·
9. Ueiaz iqel chara guida ·
10. Et al senblanz conoscaz la uertat ·
11. Qazo com ue son tuit bon fait iuiat ·BtPug 87.1 (S 153)
12. Bertram . xxxuii
13. BOna do(n)pna duna ren qeus deman ·
14. Me digaz uer segon uostre senblan ·
15. Suns uostre fins amics uos ama tan ·
16. Qautra ues uos no raisona ni blan ·
17. Ar me digaz de tot uostre ueiaire ·
18. Se lamerez o sofrirez son dan ·
19. Qeu soi acel qe lo sabrai retraire ·
20. Et uos digaz fe qem deuez bertram ·
21. Qals es lamics qel uoill saber en an ·
22. Qeu tem de uos per qem uau plus doptan ·
23. Qe no siaz messages per engan ·
24. Dun sabrez greu qem nai encor a faire ·
25. Qeu non uoill dir tan sob te mon talan ·
26. Qe ses mentir no men pogues estraire ·
27. Do(n)pna seu fos aqel qe uos cuidaz ·
28. Qe uos enqeses ben for enganaz ·
29. Qar uos aug dir zo don eu soi iraz ·
30. Per amor cel qest uostrendomenaz ·
31. Et uos ama tan qe no tem mal traire ·
32. Per uostramor (et) uos do(n)pna seos plaz ·

ccxxxvii

1. Uoillaz cab ioi lo seu trist cor sesclaire ·
2. Per uostramor bertram car men pregaz ·
3. Lamerai eu , mais il er paoc amaz ·
4. Qeu noill promet ne nuill respit noill faz ·
5. Qeill don mamor car sest uer mi celaz ·
6. Ni eu no crei camor lo poder gaire ·
7. Qar sel ames nil for ses uoluntaz ·
8. Qalqe senblan feira qe fos amaire ·
9. Do(n)pna eu son lo uostramics aitals ·
10. Francs (et) humils uers , adreiz (et) leials ·
11. Et serai uos de seruir tan uenals ·
12. Qe ia no ner affans a soffrir mals ·
13. Et uos do(n)pna si com es de bonaire ·
14. Retenez mei qe ben es uostre sals ·
15. Atan qeu ia de ren uer uos non uaire ·
16. Amics bertram ben es iocs cumunals ·
17. Qe am celui qes mon amics corals ·
18. Elami uoill qe sia , sabez qals ·
19. Fins (et) fidels uertader (et) no fals ·
20. Ni trop parlers ni ianglons ni gabaire ·
21. Mas de bon prez de son poder si uals ·
22. Qaissi couen fors (et) dinz son repaire ·
23. Do(n)pna cel son qe no mentend en als ·
24. Ni ues autre mon cor non pot atraire ·
25. Amics bertram ben deu amar cabals ·
26. Druz qant es fins fidels (et) non trizaire ·GuiUss - EblUss 194.16 = 129.4 (S 154)
27. Engui dussel . xxxuiii
28. POis tan es endeiptaz · Neble se teniaz ·
29. A ora uostramia · Nuda entre uos braz ·
30. Coment en fariaz · Qiuos aportaria ·
31. Mil marc (et) uos disia · Senegrand abruzia ·
32. Neble uen leuauaz · Et daqi uos anaz ·

ccxxxviii

1. Eu le uos donaria · Per aital couen sia ·
2. Qe iamais noit ni dia · Uos noll siaz trobaz ·
3. Solet ni a solaz · Per nom de drudaria ·
4. Et chausez tota uia · Noill gardaz cortizia ·
5. Qe qal qe uos prenaz · Ben sai qal uorriaz ·
6. Et cal mais uos uarria ·
7. Engui ben raisonaz · Com om desesperaz ·
8. Et com cel qe fairia · Per auer maluestaz ·
9. Mais de mi uoill sapchaz · Qar qi maportaria ·
10. Tot lauer qeu metria · Som trobar lo porria ·
11. De lei on es beltaz · Gaiesa (et) solaz ·
12. Mon fin cor no(m) partria · Qe far no lo porria ·
13. Per nulla ren qe sia · Mas am gai endeibtaz ·
14. Esser qe ric iraz · Qe ric soi sol gai sia ·
15. Et gai sieu ai mamia · Qe ses lei no(n) uiuria ·
16. Ior ni noit zo sapchaz · Donc per qem dema(n)daz ·
17. Mais per qant mauciria ·Esperd - Pons de Montlaur 142.3 = 378.1 (S 155)
18. Enponz de monlaur . xxxuiiii
19. SEigner ponz de mon laur per uos ·
20. Uoill saber de doas razos ·
21. Qal preiaz mais a ops damar ·
22. Toseta qe pot meillurar ·
23. Et ecorteza belle pros ·
24. Ado(n)pna de prez caballos ·
25. Abriuada de do(n)pneiar ·
26. Nisperduz ben par de sen blos ·
27. Ni non par qe siamoros ·
28. Ni no(n) sap la meillor triar ·
29. Eu am mais retener qe sperar ·
30. Auer qant es en leiz e bos ·
31. Non faz a qel don soi doptos ·
32. Cuns destorbers en pot cent far ·

ccxxxviiii

1. Seigner ponz molt mes bel damors ·
2. Qan lai bon el esper meillors ·
3. Et ai respit de gadagnar ·
4. Qan do(n)pna non pot plus poiar ·
5. Anz ai del deiscendre paors ·
6. Qieu ai uist caual mil soldors ·
7. A prez de trenta solz tornar ·
8. Nesperdut ben a la meillors ·
9. Do(n)pna qant es de prez auzors ·
10. Et meill sap son amic onrar ·
11. Et pot ben tot son cors mostrar ·
12. Et meill sap far (et) onors ·
13. Qe cil com enqer ab temors ·
14. Qe uai tot son marit contar ·GlAug 205.5 (S 156)
15. Peire raimon de tolosa . xl .
16. SEns alegrage · Chant per agradage ·
17. Folage fas · Qar mon corage ·
18. Seg lai on ses mes · Qanc plus saluage ·
19. Reclus ni estage · Del meu segnorage ·
20. Non ag nuls hom pres · Caissi fos preza ·
21. Del mal qe madesa · Mamia cela cui paug pesa ·
22. Qar mi fai languir · Mais on er qesa ·
23. Merces ni franqesa · Pos la plus cortesam ·
24. Uol ses tort aucire · Per meils aucire ·
25. Me tornet en lai · Del lonc consire ·
26. Pois tornet lesmai · Souen marbire ·
27. Qe toz men partrai · Pois sol me uire ·
28. En trob mon cor lai · Seria qeu laia ·
29. Greu qen deschaia · Sagramens sens paia ·
30. Per fals mot escur · Ai belle gaia ·
31. Plazens non ueraia · Uoillaz qeus desplaia ·
32. Greu mals don endur · Longen dura ·

ccxl

1. Men aura auentura · Tals sim dura ·
2. Par mesura · Me peiura ·
3. Lo mals qe mauci si · Qe drechura ·
4. Ni falsura · Ni segura · Fes coniura ·
5. Non meillura · Anz sadura ·
6. Qant la preg de mi ri · Sens uolria ·
7. Sols qe mia · Fos un dia · En ma uia ·
8. Non daria · Ma folia · Per qa torzes sens ·
9. Cre qe sia · Qem nenbria ·
10. Mais zom lia · Seu podia ·
11. Com uencuz sofrez uenz · Bien tan ueza ·
12. Ben ualenza · Floris (et) uerai iai ·
13. Maintenensa · Ab temensa ·
14. Qer do(n)pna seus plai sai ·
15. Qar tel gensa · Conoisenza ·
16. Qeus los seus desmai itai ·
17. Del mal traire · Merceaire ·
18. Sons (et) fins leials amaire ·
19. Qe non uaire · De bon faire ·
20. Cui sapcha grazir ·
21. Dir nous aus gaire ·
22. Mon ueiaire · Qel graus beutaz ·
23. Don es maire · Men fan taire ·
24. Mon cor laire · En aqest cossim uir ·
25. Pois uol (et) uire · Enaqest consire ·
26. Don mais am martire ·
27. Qe daltrel gazaing ·
28. Gen gazagna · Qi qes plagna ·
29. Midonz na mil en romagna ·
30. Ualor magna · En qe bagna ·
31. Son gai cors plazen gen · Belle genta ·
32. Matalenta · Plus camerge fals mal ·

ccxli GrCal 243.1 (S 157)

1. Girard de calanso . xli
2. AB la uerdura · Del te(m)ps qe mellura ·
3. Per bonauentura · Mi pren adescura ·
4. De ioi (et)damor · Qar qis rancura ·
5. Ni trop mal saura · Toz te(m)ps li peiura ·
6. Donc seu nai ardura · Cobri ma dolor ·
7. Et mostrill gaug · Et rescondi lo plor ·
8. Qell fi centura · Soz sa uestitura ·
9. De mos braz mas dura · Melz de ior maior ·
10. Don ai franchura · Mas pois masegura ·
11. Mos cors qe satura · Qe non uir allor ·
12. Qar fort es greu · Qi por longa labor ·
13. Qil an ploran · Qant a perduda sa uida ·
14. Cerchan mudan · Cuna nolles escharida ·
15. Maisida no(n) blan · Qar se tot no mes aisida ·
16. Pensin nai tan · Cautra no mes encobida ·
17. Et so qe nai · Tot mon cors gai ·
18. Per so qar sai · Qel mond non a plus chausida ·
19. Et donc sell plai · Tollam desmai ·
20. Ab ioi uerai · Et senes tota fallida ·
21. Qar seum fi · En sa bella senblansa ·
22. Menbres li · Sol de la benenansa ·
23. Se mauci · Fora desmesuransa ·
24. Qen aissi · Ai en leis ma speransa ·
25. Com pelegri · Autra mari ·
26. Creun sa perdonansa · Donc sel se di ·
27. Anc mala ui · Mon sen ni sa gaia senblansa ·
28. Mas non creria · De ma dolz amia ·
29. Qe tan mala sia · Qem laisses morir ·
30. Cab bon segnor · Se deom enreqir ·
31. Et seu nauia · So qe plus uorria ·
32. Iamais non auria · De mort null cosir ·
33. Ni pois null mals · Nom porria auenir ·

ccxlii

1. Et sem crezia · Ia pois noill calria ·
2. Faire roma uia · Per sarma guerir ·
3. Sol qeu maizis · So qeu plus en desir ·
4. Mas del uezer · Non ai poder ·
5. Soen qe mon coragel dia ·
6. Et qi de cei per son uoler sugen ·Anon 461.104 (S 158)
7.    
8. EN aqes gai son (et) legier ·
9. Fai descort sen alegranza ·
10. De uos qem tolez alegrer ·
11. Et solaz (et) benenanza ·
12. Et auez me dat cosier ·
13. Et traball (et) malenanza ·
14. Gran pechat nauret a sobrer ·
15. Se nom fai qalqe pidanza ·
16. Las qe farai · Qeu no lo sai ·
17. Pois non ai · Nul bon conort ·
18. Per uos morrai · Et molt me plai ·
19. Som dis qe uos maiai mort ·
20. Per o morir non uolria ·
21. Se ben es riz (et) ueraia ·
22. Ni mester nocam seria ·
23. Humil dolza do(n)pna gaia ·
24. Merci naiaz · De mi seus plaz ·
25. Qar es pro (et) couenenta ·
26. Et ben sapchaz · Et min credaz ·
27. Qe ren tant no matalenta ·
28. Dirai uos com sim pres laltrer ·
29. Qan fui al entran de franza ·
30. Qeu nagi tan gran desier ·
31. Et tan granda remenbranza ·
32. De uostre bel cors plasenter ·

ccxliii

1. Orgoillos dumil senblanza ·
2. Cades uengi lo dret sentier ·
3. Plus dret non es dart ne lanza ·
4. Qan sa ne lai · Do(n)pna al cors gai ·
5. Non pris pois ues altre port ·
6. Dem don esmai · Seu ia nistrai ·
7. Et sauez de mi gran tort ·
8. Ne per neguna qe sia ·
9. Nom dil cor qe ia nastraia ·
10. Et fesses tot qant uolria ·
11. Et si sai tal qe nassaia ·
12. Melz soi onraz · Qe nul hom naz ·
13. Sol uostramor me consenta ·
14. O qem sofraz · Qen amoraz ·
15. Sia de uos do(n)pna genta ·
16. ben tan non plaz · Com fai burlaz ·
17. Per la contessa ualenta ·
18. Qar prez lli es daz · Et autriaz ·
19. Tant qe ual le meillor trenta ·
20. Tescort a(n)naz · Tost (et) uiaz ·
21. En ben uenguz qe manenta ·
22. De ric solaz · Pois prez onraz ·
23. Non a tan bona parenta ·ElCair 133.10 (S 159)
24.    
25. QAn la fridura eras laure dolzaina ·
26. Sun eu damar plus gais qe qan flor graina ·
27. Qal cor mi surz (et) naist una fontaina ·
28. Don la dolor el faist qa suffert saina ·
29. Ma gran folor matrais falsamor uaina ·
30. Per qeu allor me las ueer plus certaina ·
31. Qeu non cuiai de seruise perduz ·
32. Nuls hom agues giardon tan plazen ·

ccxliv

1. Per o ben pens qi maia ualguz ·
2. Mas bona fe qar amai leialmen ·
3. Leu merces no uoll mais qe maiuz ·
4. Qar nai apres son fals acullimen ·
5. Sens matrai · Al senblant gai · Druz uira en balanza ·
6. Mas or mai · De chap nai · Qar prisai · Sacu(n)danza ·
7. Tan sauai · Conosc qeu sai · Per qeu naurai ·
8. Uenianza · Ere matrai · In lei qem plai ·
9. Qar lamai · Sen dotanza · Ben cuiai ·
10. Lasar rir (et) iugar · Et drudaria ·
11. Mas per nullu afar · Desesperar ·
12. Hom non deuria · Qa cel cui deu guarde ·
13. Qi non a par · De cortesia · Mi fai alegrar ·
14. Em fai cantar · Et uol qeu sia · Leial seruire ·
15. Damor ses enian · Sol qeu non uire ·
16. Allor mon talan · No sent martire ·
17. Dolor ni affan · Sam lei un beutat sespand ·
18. Nell clam merce sim ualgra aitan ·
19. Qe mon seruise en prenda ·
20. Et dun discord entenda · El gai son ·
21. Qe per nulla fazenda · Non es qeu no(n) atenda ·
22. Saissim tan qe merces desenda ·
23. En leis qem faza amenda ·
24. O per don sos braz al col mistenda ·
25. Qeu no qer autra ren · O qe dun ·
26. Ualent present · maura la bella en cui mentend ·
27. Sen breu men a ten · La ioia don me fist couen ·
28. Souent maprend · De leis cortesia ·
29. Et sen cades naten · Son cor plaze(n)ter plazen ·
30. Qan ben malbire · Foldaz uau cazand ·
31. Mas ben pos dire ·
32. Conor hi ai gran ·

ccxlv AlbSist 16.7a (S 160)

1.    
2. BEl mes oimais · Ab la bella sazon gaia ·
3. Qeu sia gais · Et cun gai discord retraia ·
4. Cun iois uerais · Malegra el cor (et) mapaia ·
5. Qem uen em nais · De leis qeu ben (et) iois naia ·
6. Per qeu uoll far (et) dir (et) retraire ·
7. Si com fis amaire · Tot zo qaleis plaia ·
8. Qel mest ueiaire · Belle e de bon aire ·
9. Es (et) noill plaz gaire · Auols gens sauaia ·
10. Ni galiare · Uillans mal parlaire · No pot dir ni braire ·
11. Ren qe noill eschaia · Et mas de bel aire ·
12. Es de nulh repaire · Tal ioi don mesclaire ·
13. Uollam deus qeu naia · Qen mos braz la tenga ·
14. Un ser a ma guisa · Qe uas mi la strenga ·
15. Tota nuda ses camisa · Aital ioi men auenga ·
16. Mas qan laurai qisa · Qar si amar me denga ·
17. Ben ai bon amors (con)qisa · Qil e uale(n)z bele gaie ·
18. Cortesa douz (et) plasenz e de toz ben apresa ·
19. Et conoisenz per qeu yai mamor mesa ·
20. Mas non es gens lamors engal deuisa ·
21. Qieu mor aman per leis tan la desire ·
22. Nilh no blan mon mal ni mon martire ·
23. Nim fa senblan qelh enuge nilh tire ·
24. Doncs com fol hi ai mamor asisa ·
25. Mas il lo fai · Per assai · En senblansa ·
26. E no(n) partrai · De son plai · Ma speransa ·
27. Anz atendrai · Tro naurai · Alegransa ·
28. Qel genser es can fos damor enqisa ·
29. Ai car ten uai · Discord lai · entenensa ·
30. Al marqes gai · Qar cel fai · Ses doptansa ·
31. Son prez uerai · De qem plai ·
32. Es onransa ·
33. A toz grazir de spagna tro arisa ·

ccxlvii PVid 364.35 (S 161)

1. Peire uidal . Seruentes .
2. PEr pauc de chantar non lais ·
3. Qar uei mort iouent (et) ualor ·
4. Et prez qe no trobon sapais ·
5. Cuns qes lenpeing (et)l geta por ·
6. Et uei tan regnar maluestat ·
7. Qel segla uencut (et) sobrat ·
8. Si qa penas trob nuill paes ·
9. Qel cap non aia son luoc pres ·
10. En mez de francha toç le glais ·
11. Dels qe solon estre meillor ·
12. Qel reis non es fis ni uerais ·
13. Uas prez ni uas nostre seignor ·
14. Qel sepolcre a desenparat ·
15. Et conpra (et) uend (et) fai mercat ·
16. Altresi com serus borges ·
17. Per qe son unit sei frances ·
18. Del reis de spagnam tenc afais ·
19. Qar tan uolon guerra meslor ·
20. Ni car destrier feranz ni bais ·
21. Trameto als mors per paor ·
22. Qe lor orgoill lor a doblat ·
23. Dont il sont ahunit (et) baissat ·
24. Et ualgra mais si lor plagues ·
25. Qentrels fos paz (et) leis (et) fes ·
26. Pas ia nos cuich hom qeu abais ·
27. Pel rix sis tornon sordeior ·
28. Cuns fis iois mi capdeilla em pais ·
29. Em ten iausent en tal dolchor ·
30. Qem soiorn en finamistat ·
31. De leis qi plus mi uen agrat ·

ccxlviii

1. Et se uolez saber qals es ·
2. Demandet lo en carcasses ·FqRom 156.8 (S 162)
3. Falket de roman . xlii .
4. MA bella do(n)pna per uos dei esser gais ·
5. Cal departir me dones un dolz bais ·
6. Tan dolzamen lo cor del cors me trais ·
7. Lo cor auez do(n)pna qeu lo uos lais ·
8. Per tal couen qeu nol uoill cobrar mais ·
9. Qe meill non pres araol de cambras ·
10. Ne a flori qan poget el palais ·
11. Com fez a mi car soi fins (et) uerais ·
12. Ma bella do(n)pna ·
13. Auos me ualla deu ·
14. Qe mill aitanz soi meill uostre qe meu ·
15. Obedient plus qe serf ni iudeu ·
16. Et de uos teng mon aloc (et) mon feu ·
17. Et null traball no me pot esser greu ·
18. Sol cauos plaza anz mes plasenz (et) leu ·
19. Et morrai tot aissicom fes nandreu ·
20. Et ualgra mais qagues mort uint romeu ·
21. Ma bella do(n)pna ·
22. Ia uos am eu tan fort ·
23. Se no uos ai uenguz soi a mal port ·
24. Qeu ai ben uist (et) coneguz en sort ·
25. Qen breu de te(m)p mauran li sospir mort ·
26. Se eu a uos en chambra nom deport ·
27. Ha dolza res uostre cor siacort ·
28. Qe ren sen uos no me poi dar conort ·
29. Sen aissi mor pechaz naurez (et) tort ·
30. Ma bella do(n)pna ·
31. No me laissaz morir ·
32. Qe mil ai tant uos am qeu no sai dir ·

ccxlviiii

1. Qe nulla ren non am tan ne desir ·
2. Com eu faz uos per cui plang (et) sospir ·
3. Lo danz er uostre sen aissim faz languir ·
4. Qan plus uos uei mas uos ue enbelir ·
5. Nafrat mauez no sai tant del scrimir ·
6. Ab dolz esgart (et) ab genz acoillir ·
7. Ma bella do(n)pna ·
8. De uos soi enueios ·
9. Sabez per qe qar es ualenz (et) pros ·
10. Et ges parlant (et) dauinent respos ·
11. Com no uos ue qe non siamoros ·
12. Qe deus uos de cors ab bellas faichos ·
13. Et ia nous pes sen soi un paoc gelos ·
14. Qe per amor fu uencuz salamos ·
15. Aissi soi eu cortesa res per uos ·
16. Ma bella do(n)pna ·FqRom 156.6 (S 163)
17. Falket .
18. EU farai un seruentes · Et raison ai granda ·
19. Et dirai de prez on es · Som tot no demanda ·
20. Prez soiorna ab lo cortes · Et noll qier liura(n)da ·
21. Mas ioi (et) ualor · Et ten celui per seignor ·
22. Qill dai tal uianda ·
23. Prez uolom en conoisses · Ab fina largesa ·
24. Franc (et) leial (et) cortes · Et sens auolesa ·
25. A celui no dona res · Qilla samor misa ·
26. Mais pauc na (con)qes · Qen mill baron no(n) atres ·
27. Compli de proesa ·
28. Iamais negus mos amic · No uoill ric deuiegna ·
29. Pois mon seignor federic · Qe sobre toz regna ·
30. Era larc anz qil fos ric · Or li plaz qil regna ·
31. La terra el auer · Aizo me (con)tom per uer ·
32. Chascus qi qen ueigna ·

ccl

1. Duna uoill qe siaz cert · Cail sabi au dire ·
2. Qi tot uol tenir tot pert · En aizo se mire ·
3. Et tengadonar obert · Qe roda nos uire ·
4. Cel de sus de soz · Cal uirar faria toz ·
5. Ses enemics rire ·
6. Anz am deu qe sus lames · Et lla dat corona ·
7. Et son cosin lo marqes · Qe chascun rasona ·
8. Uenir len deuret gran bes · Et ualora bona ·
9. Si com ui laltres · Lamor qe cil dest li fes ·
10. El cont de uerona ·FqRom 156.10 (S 164)
11. Falket .
12. CAn ben me soi apensaz ·
13. Touz laus es nienz mas deus ·
14. Com lassa lalocs el feus ·
15. Et totas las eritaz ·
16. El ricors del secle maluaz ·
17. Non es mas trepassamenz ·
18. Per com deu esser temenz ·
19. Et leial sens toz enians ·
20. Qar chascuns es uianans ·
21. Qar tan tost com hom es naz ·
22. Mou en nai come ro meus ·
23. A iornadas (et) es greus ·
24. Lo uiages cho sapchaz ·
25. Qe chascuns uai tuz eslaissaz ·
26. Uers lamort caurs ni argenz ·
27. Noi en pot esser garenz ·
28. Et can hom mais sai uiu dans ·
29. Sens deu mais fai de son dans ·
30. Et tu chatis qe feras ·
31. Qe conosc lo mal el ben ·
32. Fols es se no ten souen ·

ccli

1. Un es uenguz ni un uas ·
2. Qe sen ta uida ben non fas ·
3. Tu medes nes escherniz ·
4. Et si sen part lespiriz ·
5. Chariat del pechaz mortals ·
6. Tamors es perpetuals ·
7. Dun garda com obereras ·
8. Tan com uida te sosten ·
9. Qen pauc dora sesdeuen ·
10. Com es mors en un trepas ·
11. Per com no deu esser las ·
12. De ben far qi nes aisiz ·
13. Qen breu de tens es failliz ·
14. Le iois dacest secle fals ·
15. Catoz es mors comunals ·
16. Eu non ue freuul ni fort ·
17. Qe tan sapcha descremir ·
18. Cala mort posca gandir ·
19. Qil non garda augur nin sort ·
20. Ni dreic ni mesura ni tort ·
21. Caissi tost pren lo meillor ·
22. El plus bel col surdeior ·
23. Ni niguns hom per nul plaiz ·
24. Nus pot gardar del seu traiz ·
25. Eu non sai mais un conort ·
26. Com se pung de deu seruir ·
27. Et com se gard de fallir ·
28. Mentre sen uai uers la mort ·
29. Qar passar nos coue al port ·
30. On tucz passan ab dolor ·
31. Et rei (et) enperador ·
32. Et lai trob hom atrassaz ·

cclii

1. Lo ben el mal com a faiz ·
2. A deu prec per sa dolchor ·
3. Qem gard del mortal agaiz ·
4. Tro son plasser aia faiz ·