P

1rA

BtBorn 80.8a (P 1)

1. Emblanchacet . .I. ·
2. BEm plaz le gai
3. temps de pas
4. chor · Qe fai
5. foillas e flors
6. uenir · E plaz
7. me cant aug
8. la bauzor · Dels
9. ausels qe fan
10. retendir · Lor
11. cant per le bos
12. chaie · E plazm
13. can ueisobrels praz ·
14. Tendas e pauillons fermatz ·
15. E plazme en mon coraie ·
16. Can uei per lo camps arengaz ·
17. Caualiers en cauals armaz ·
18. §E plazm can li coredor ·
19. Fan las iens e lauer fugir ·
20. E plazme can me uei apres lor ·
21. Gran iens armatz en sems uenir ·
22. E ai gran alegratie ·
23. Can uei fort castels aseiatz ·
24. Els batris rotz (et) esfrondatz ·
25. E uei lost el ribatie ·
26. Qes clau de mur e de fosatz ·
27. Ablicas de fors pals cunatz ·
28. §E altresim platz de seignor ·
29. Qant es primiers als esuasir ·
30. En caual armartz ses tremor ·
31. Caissi fai los seus enardir ·
32. Ab ualenti uasalatie ·
33. Can lestorm sera meschatz ·
34. Cascuns deu esser acesmatz ·
35. Asegrel dagratie ·
36. Qe nul hom no(n) es re prisatz ·
37. Tro ca maint colps pris e donatz ·
38. §Mazas e brant e elm de color ·
39. Escutz traucar e desgarnir ·
40. Ueirem alentrar de les tor ·
41. E maint uasal ensems ferir ·
42. E don iran aratie ·
43. Cauals dels mortz e dels nauratz

1rB

1. E cant er en lestorn intratz
2. Cascum hom de paratie ·
3. No pes mais dasclar caps e bratz ·
4. Car mais ual mortz que uiure sobratz ·
5. §Ben uos dic que tan noma sabor ·
6. Maniar ni beure ni dormir ·
7. Con cant aug cridar alor ·
8. Danbas las partz (et) aug hantrair
9. Ios cauals per lerbastie ·
10. E aug cridar aidaz aidaz ·
11. E uei cader per los fosatz
12. Paucs e grantz per lerbastie
13. E uei los mortz per los costatz
14. Ab tros de lanza segnalatz ·
15. §Pro contessa per la meillor ·
16. Qe hom puesca el mon chausir ·
17. Uos ten hom per la iensor ·
18. Qanc mires ni mais se mir ·
19. Biatrix daut lignatie ·
20. Bona do(m)na en ditz en fatz ·
21. Font onsorzon totas beutatz ·
22. Bella ses maiestratie ·
23. Uostre fin pretz e tant puiatz ·
24. Qe sobre totz es en auzatz ·
25. §Donzella daut lignatie ·
26. Tal en cui es pretz e beutatz
27. Am fort e sun per leis amatz
28. E donam tal coratie
29. Que ia non cuitz esser sobriatz ·
30. Per fols gelos outracuiatz ·
31. §Barons metez en gage ·
32. Castels uillas e ciuitatz ·
33. Abainz cuns quecx nog ue reciatz
    PRmToul 355.16 (P 2)
34. Emblanchacet .II.
35. Si cum cellui qa seruit son segnor ·
36. Lonc temps el pert p(er) un pauc fallimen ·
37. Mauen p(er) so qar ieu am loialmen ·
38. Faz son coman de mi don e damor ·
39. Ni ia del tot nom deuria chaisonar
40. Ni mal uoler mado(m)na sil plages ·
41. Per o ben sai qan hom plus sauis es ·
42. Adonc si deu plus de fallir gardar ·
43. §Tan tem son prez (e) sa fina ualor ·

1vA

1. E tan ai cor de far tot son talen ·
2. Etan me fai lausengier espauen ·
3. P(er) qe non aus de lei faire clamor ·
4. Ni mon fin cor descobrir ni mostra(r) ·
5. Mas mil sospir li ren loiam per ces ·
6. E ueus lo tort de qeu li sui mespres ·
7. Qar anc la ausei tan finamen ama(r) ·
8. §E sil plagues chem fezes tan dono(r) ·
9. Qa ienoillons sopleian humelmen ·
10. Son bel cors gai gen format auinen ·
11. Ell duoz esgar e la fresca color ·
12. Me laissas sospiran remirar ·
13. Ben crei iamais nom fallira nul bes ·
14. Que tant fort ma samor lazat e pres ·
15. Qe dals no(n) pens nim puosc mamo(r) uirar
16. §Del parage no(n) soi ni del ricor ·
17. Qe iam tamses q(e) il fes damo(r) paruen ·
18. Mas chan hom som mener acoill gen ·
19. Dobla son prez e creis mais de lauzo(r) ·
20. Per qe fora ma do(m)pna ben estar ·
21. Si chalqe semblan fairem uolges ·
22. Quen tot lo mon no(n) es mais nulla res ·
23. Que iasens li mi pogues ioi donar ·
24. §Ben sai a essien qeu fai follor ·
25. Qar ai en lei mes mon ente(n)dimen ·
26. Mas no(n) puosc alcum pl(us) li uau fugen ·
27. Mais la dessir e dobla ma dollor ·
28. Qaisso com uol non pot oblidar ·
29. E sa pres cent mal traitz un besages
30. Ben fora rich e sol challei non pes ·
31. Iraili tost deuan merce clamar
32. §Sa gran beutat son gen cors mi e ca(r) ·
33. Son prez sonor sal deu el dig cortes ·
34. Que res de bes noi faill mas qan me(r)ces ·
35. Cab sol aitan no(n) trobei nul par ·
36. §Chanson uaime tost retrair e conta(r)
37. Ad autra mar e dir al pro marqes ·
38. Meser contar qen lui a tan de bes ·
39. Per qom lo dei sobre totz apellar ·
    AimPeg 10.33 (P 3)
40. Emblanchacet .III.
41. LOnzament man trabaillat e mal mes ·
42. Ses nuil repaus amor en son poder ·
43. Si qe del tut man uencut e conqes ·

1vB

1. Mas el em ten tan gai (e) en bon esper ·
2. Qa mos oilz man mo(n)strat la genso(r) ·
3. Ez en mon cors enclausa la meillor ·
4. Per qe del tot gadainat ma mi oill ·
5. El temps car mos cors plus que no(n) soill ·
6. §Mesura e sens qes raziz de totz bes ·
7. Iouens beltaz conoissansa e saber ·
8. Poisch en len dex can la nos trames
9. E uolg qe fos per co qe sap ualer ·
10. Sa uallence plus ualens de ualor
11. E sa honransa plus honrada de honor ·
12. Non cre per qeu de loing de lei em toill ·
13. Ni qaltre si uestre ni despoill ·
14. §Qel bel semblantz el mot gai e co(r)tes ·
15. El dolz esgar bias faiz el plaiser
16. Cab mesura diz e fai qua(n)d luoch es·
17. Le fai a toz blandir e car tener ·
18. Com no(n) ueuei com no(n) diga lauzor ·
19. Qa mi meteis fai doblar ma dollor
20. Qan ilor aug dir com parla ni acoill
21. E plaz men plus lo mals on plus me(n) doill ·
22. §Anc no(n) cuiz mais aueni(r) pogues
23. Anuill hom ni ges nom sembla uer ·
24. Qe sa dolors la bellis ni li plagues ·
25. <...>
26. <...>
27. Mas am plus com mais em ma dolo(r) ·
28. Per so souen de lacremas em moill
29. Mon uis car no(n) aus dir lo be qil uoill ·
30. §Ami meteis dich lo plus bel prech q(e) pes ·
31. E faz cum sillen prech ao parer ·
32. Pois ab co fait can ai mon consel pres ·
33. Uein deuan lei qe il cuich mos uoller ·
34. E can la uei no(n) sai se sper amor ·
35. O per temer o per temer ricor ·
36. Torn ces parlar muz e no(n) per orgoill ·
37. Ainz mes dumel escoill ·
38. §Ualenz biatrix anc plus bella flor ·
39. De uostre temps no(n) trobep ni meillor ·
40. Tan es bona com mais lauzar uos uoill ·
41. Ades trob plus de ben qe non soill ·
    GrBorn 242.55 (P 4)
42. Emblanchacet .IIII.
43. Per solatz reueilhar ·

2rA

1. Qe ses trop endormitz ·
2. Et pe(r) prez ques faiditz ·
3. Acuilhir e donar ·
4. Mi cuigei trebeilhar ·
5. Mas ar men sui gequitz
6. Per so men soi failhitz ·
7. Quar no(n) es da cabar
8. Com plus men ue uolo(n)taz e talans ·
9. Plus creis e sors lo da(m)pnages el da(n)s ·
10. §Greu es de sufertar ·
11. A uos ho dic quo uitz
12. Com era iois grazitz ·
13. E tug li ben estar ·
14. Mas no(n) podes uirar ·
15. Qui gua de fust nouitz ·
16. Ni uilans uielhs formiz ·
17. Estar grat caualcar ·
18. Laitz es lafars e fers e malestans ·
19. Don hom pert dieu e rema malans ·
20. §Uos uis torneis mandar
21. E segre als gen garnitz ·
22. E pueis dels mieilhs feritz ·
23. Huna sazon parlar ·
24. Ares pretz de raubar
25. E des brancar berbitz ·
26. Caualiers si aunitz ·
27. Ques met en dompneiar ·
28. Pueis qe toqua del mals moutas bela(n)s ·
29. Ni que rauba glieiszas ni uiandans ·
30. §On son gandit iocglar ·
31. Que uis gent acuilhitz
32. Qua tal a mestier guitz
33. Qe solia guidar ·
34. E per so ses reptar ·
35. Naier tals escarnitz ·
36. Pos fo bons pretz failhitz ·
37. Qe solion menar ·
38. Conpanhos e non sai cans ·
39. Gent en arnes e bels e benestans ·
40. §E ui per cort anar
41. De iotglaretz petitz ·
42. Gen causatz e uestitz ·
43. Sol per dompnas lauzar

2rB

1. Ar non auszan parlar ·
2. Tant es lo pretz delitz ·
3. Don es lo tortz issitz ·
4. De las mal razonar ·
5. Non sai de qual dellas ho dels amans ·
6. Hieu dic dam dos que pretz na trag lenga(n)s
7. §Quieu eisciu sol sonar ·
8. Totz proszom eissernitz
9. Que nom sai conseilhitz ·
10. Qen luec de solassar
11. Auig en las cortz los critz ·
12. Quai tan leu ses grazitz ·
13. De laus e de bramar ·
14. Lo cortetes entrelar ·
15. Com us bos dels ricx chans ·
16. Afar e dels temps e dels ans ·
17. §Mas a cor afrancar ·
18. Qui ses trop endormitz ·
19. Non deu hom los oblitz ·
20. Nil uils faitz remenbrar ·
21. Qe mal es a laissar ·
22. Afiars pos es pleuitz ·
23. El mal don soi garitz ·
24. Nom cal ia metzinar ·
25. Mas uolf e uir e balans ·
26. E prenhe lais e forse damps los pans ·
27. §Daitant mi puesc uanar ·
28. Canc mos ostals petitz ·
29. Non fo dels enuazitz ·
30. Quel cui aug totz duptar ·
31. Anc nom fes mas amar ·
32. Lo uolpilhs ni larditz ·
33. Doncs mos senher chauzitz
34. Si douria pensar
35. Que no(n) les ges pretz ni laus ni bo(n)bans ·
36. Qui eu qem lau dels sia de lui clamans ·
37. §Eras no mas p(er) que no(n) mo demans ·
38. Car blasmera saissi reman mos chans ·
39. So del dalfi que conois lo bos chans ·
    GrBorn 242.36 (P 5)
40. Giraut . .V.
41. Ges asci del tot no(n) lais ·
42. Cantar ni deport ni rire
43. Qancara nomeis lais ·

2vA

1. Mas car plus nom plaz
2. Deport ni solatz
3. Non uuoil en mi sol despendre ·
4. Mos bos ditz presatz ·
5. Anc qe comentz ·
6. Leo zans auinenz ·
7. Puos estregnon las denz ·
8. Qar non laus retraire ·
9. Qar no(n) i uei gaire ·
10. Cui plaza gais ·
11. Ni trob qui men uei ·
12. Quant mallegre nim sbaudei ·
13. §E pero si mi noz mais ·
14. Mas qar non es ben a dire ·
15. Ma mala amiga quin trais ·
16. Per qem par foldat
17. Sarai doncx suffrentz
18. Ia men uengnalentz ·
19. Ben ni gauzimentz ·
20. Qar nuill fins amaire ·
21. No sap damors gaire ·
22. Qi leu sirais ·
23. E mezei camors dona lei ·
24. Com laltrui tort landa ·
25. §Uers es que samors mestrai ·
26. Ni non sen uol escondire ·
27. E puois la forza el platz pais
28. Que men ual uertatz ·
29. Miellz men fora satz ·
30. Chel cor iures ses atendre ·
31. Ues caloco(m) latz ·
32. E puois forza uenz
33. Nos es dreitz guirenz ·
34. El paoc iscienz ·
35. Qe mes qab dellaira ·
36. Dompna me ueiaire ·
37. Qeu tem non bais ·
38. Se uas lei felnei ·
39. Qa poder qem sorz me sordei ·
40. §Mais quim fos amics uerais ·
41. E de mon ben esgardare ·
42. Fin (e) franc (e) ses mals abs ·
43. Ab qem fos celatz ·

2vB

1. Ia non fos preiatz
2. Ioi em pogra anquara rendre ·
3. Non so tan loignatz ·
4. Qel cor mescredens ·
5. Se conbat el senz ·
6. El ters espauenz ·
7. Qanc mais tem laire ·
8. Dis null fort repaire ·
9. Sol non estais ·
10. Qel cor e tuit treis ·
11. Plus temet ues lei ·
12. Non des rei ·
13. §Ara soiorn es en grais ·
14. Qar sap com me pot aucire ·
15. Quanc puois no(n) fui lez ni gais ·
16. Des cun fol usatz ·
17. Qe ma dus en pecchatz ·
18. Ma fait (e) fetz entendre ·
19. Gran menzoigna el faitz ·
20. Non fos pois girenz ·
21. Plus que lardimenz ·
22. En que ma souenz ·
23. Ni adon doneiaire ·
24. Ser uns emperaire ·
25. Sei sobrier fais ·
26. No ner qen lei uei ·
27. Qamors non uol com segnorei ·
28. §Quan no(n) fu qui leu safrais
29. Nis fe uencutz · ni suffrire ·
30. Se tot ses enals (e) uais ·
31. Quanc non fos paiatz ·
32. Cun desmesuratz ·
33. Quis menaza descoiscendre ·
34. Per qe humilitat ual al conoisenz ·
35. Adoncx non a prenz ·
36. Que erguoll esmenz ·
37. Per qe sufertaire ·
38. Se non es gabaire ·
39. Conqer cun bais ·
40. E teng em anei ·
41. Mas ieu non dic que ben estei ·
42. §Quant ualor qu uil preg fais ·
43. Per nuill agrazir aseire ·

3rA

1. Ues bon estar non atrais ·
2. Ni ric ia maluatz ·
3. Nimal enseignamentz ·
4. Non si degra en aut estendre ·
5. Sem fos dreiz iuaz ·
6. E uai si mentez ·
7. Hoc e doncx consenz
8. Qe maluasa genz ·
9. Saes uos dompna atraire ·
10. Comd (e) de bonaire ·
11. Maus daiscel nais
12. Locx en que follei ·
13. Mais qui non pensa amor niei
    GrBorn 242.31 (P 6)
14. Giraut de Borneilh . .VI.
15. De chantar em fora entremes ·
16. Proi uetz per cui ia desolatz
17. Sieu uis qe bon chant fos amatz
18. Per o sagues agiuda ·
19. De raison o de druda ·
20. Ualen ges non defen ·
21. Qeo non chantes anqera ·
22. Tant mes esqiua e fera ·
23. La perda el dan ·
24. Car aisi iois (e) can ·
25. E prez e galobia
26. Quera appellom fullia
27. Sem deport ni mesgao · nim chan ·
28. E non fai zo qe lialtri fan ·
29. §E nom par com sia cortes
30. Qui tot ion uol esser se(n)natz ·
31. Mout magrada bella foudatz
32. Longnada o retenguda ·
33. Si com locs e temps muda ·
34. Qel sen fai pairisen ·
35. Qel en antz es esmera ·
36. Es ieu qi chant leschera ·
37. Per uer en an ·
38. Sieu saubes que ioi fos afan
39. Ni trebail cortezia ·
40. Ia deo sos pron noiscia ·
41. Qui laisa ioi ni bel senblan
42. P(er) maluastat ni per engan ·
43. §Oblidar uolgra si pogues ·

3rB

1. Mais non puoisc don soi irat ·
2. Car uei alas granz poestatz
3. Laisar so las (e) bruida ·
4. Cun ampla recreduda ·
5. Per pren qe tol iouen ·
6. El en causa el es ferra
7. Es ieu qui non cuiera ·
8. Que de milz anz fos tan ·
9. Bassatz pretz ni boban ·
10. Queisa cauallaria ·
11. En ual mentz e drudaria ·
12. Pois gardes son pro ni son dan ·
13. Poag mester de fin aman ·
14. §Ges mudar no(n) puois qe no(n) pes ·
15. Mais duna ren sui conortaz ·
16. Cun messagier ben ensegnatz
17. Me dis chunam saluda ·
18. Que ma ioia renduda ·
19. Qar preu (et) iauzimen ·
20. Mon chant qeu no(n) cantera
21. Per autra ni crezera ·
22. Salutz ni man ·
23. Tan uuoill sa segnoria ·
24. Per o sa lei plazia ·
25. Qem poin sos sol un pauc en an ·
26. Al noil qer ni plus noi deman ·
27. §Mi deu far ma bona fes ·
28. Qar anc non sui mal ueziaz ·
29. Que fin am (e) fin sui amaz ·
30. E sia ben uenguda ·
31. Aital com lei uolguda ·
32. Plazen (com) da e rien
33. Lan tail colorera ·
34. Que ia ren non cangera ·
35. Qel pretz prezan ·
36. El cor a dreitz e benestan ·
37. Dolz (e) de bella paria ·
38. Ma mes en sa baillia ·
39. Per qi eu lais (e) pren (e) soan ·
40. Em enardis (e) uau dotan ·
41. §Preiar la uolgra sel plagues ·
42. Puois per lieis sui en ioi tornaz ·
43. Que fos nostra bonamistatz ·

3vA

1. Per un amic saupuda
2. Que plus ner car tenguda ·
3. Qar gen dira souen ·
4. Zo don no malegrera ·
5. Mentres qe sol celera
6. Conors er gran
7. E ioi qan troba fins aman ·
8. A cui solas (e) ria ·
9. Qar qui no(n) pot qui qe dia
10. Dir asamiga son talan ·
11. Chonuen qaia per cui lai man ·
    AimBel 9.3 (P 7)
12. Giraut de Borneilh .VII.
13. Aissi col pres qi sen cuia fugir ·
14. Qant es estort (e) hom pois lo rep(re)n ·
15. Ellen dobla son perillos tormen ·
16. Cugei ab geing d(e) sa preisson isir ·
17. Damor qe ma tan duramen (con)qes ·
18. Qe p(er) nuill geing estorce(r) nolh posc ges ·
19. Anc mai no(n) fu en tan mala preso ·
20. Qe se(n)s ongues nom pogues tene(r) ges pro ·
21. §Cabaital geing men fes mon sen p(ar)ti(r) ·
22. De son pais qeu no(n) ui son cors gen ·
23. Caschun oblit co com nom ue souen ·
24. Mas anc mon cors no(n) pod tan afo(r)tir ·
25. Qem get dal col cella qe ma (con)qes ·
26. Don crei morir se no len p(re)n me(r)zes ·
27. Qe mon cors es mirails d(e) sa faison ·
28. Per q(e)l fugirs no mes ren se mals no ·
29. §Tan mes al co(r) q(e) can de leis consir ·
30. Cels q(e) pa(r)lon a mi ges nols enten ·
31. E faz lor en al les garda(r) paruen ·
32. Cab semblan e ab oc e no dir ·
33. E pos entrels tris ab fin ioi cortes ·
34. Pensan delleis com ueuze(r) la pogues ·
35. Qeu no(n) ai ioi mais tant qan ab leis so ·
36. Ni naus parlar tan en ten mal reso ·
37. §Als no(n) sai fair mas lai on posc auzir ·
38. Delleis parlar men tornarai coren
39. Qar fins amics per gran retrahem(en) ·
40. Cant aussi dons lauzar ni ena(n)zir ·
41. En parl ab leis ab cui plaz toz sos bes ·
42. Car neguns hom tan en amics nomes
43. Sella me tau qeu non uoilla son pro ·

3vB

1. Si uals aitan can dira sa razo ·
2. §Tiesta t can deu a honor abelir ·
3. E tot qan uei en uerai prez ualen ·
4. E tot qan taing a ioi (et) a iouen ·
5. I uei ades qand eu mais la remir ·
6. Car noi ue amos oillz so qe pes ·
7. Mor deziran qe straia dolors es ·
8. Que fug daico don li sauria bo ·
9. Lo consegres mais dautra re canc fo ·
   PVid 364.36 (P 8)
10. Giraut de Borneilh .VIII.
11. Plus qel paubres qan iai en ric ostal ·
12. Qui noca s plaing si tot sa gran dolor ·
13. Can tem qe torn ad enoi alseignor
14. No maus plaigner de ma dollo(r) mo(r)tal ·
15. Ben dei doler quand ellam fai orgoillz
16. Qe sollamen als no dexir ni uoillz
17. Qe si ual res non laus clamar merce ·
18. Tal paor ai qa des se noi de me ·
19. §Ma si com cel qe garde el uerial
20. Qil senbla bels contra la resplandor ·
21. Quant eu lesgard nai al cor tal dolzo(r) ·
22. Qeu men oblit p(er)lei qeu vei e tal ·
23. Ben bat amors ab la uerga qeu coill ·
24. Car una ues en son rial capdoill
25. Lenblei un bas don era mi soue(n) ·
26. Hai com mal uic qi zo cama no ue(n) ·
27. §Si maiut deu pecat fai criminal ·
28. Ma bella do(m)pna qar ill nom secor ·
29. Ben sap qen lei ai mon cor (e) ma mo(r)
30. Si qeu nom pes de nuill autre io(r)nal ·
31. Donc p(er)qem sona tan gen ni mal acoill ·
32. Pos pro nom te de co don plus mi doill ·
33. E cuiaimi aissi loingnar de se ·
34. Ainz soffrerai co qai sofert ancse ·
35. §Qe soffrir taing a seignor natural ·
36. Los torz els dreiz el sen ella follor ·
37. Qar greu pot hom de guerra aue(r) honor
38. Pois qeis sesgard faiditz de lo gal ·
39. Ben soi faiditz si de samor mi toill ·
40. No men torrai ainz lam mais q(e) no(n) soill ·
41. Tenram ia uil puos amal mi rete ·
42. Non o deo far qar per amor maue ·
43. §Caissi ma tot mi douen son cabal ·

4rA

1. Qe sim ma lia non aura peior ·
2. Qel seus plazers ma tan dousa sabo(r) ·
3. Qe ges del meu non remenbra ni(m) cal ·
4. Non es iorz qesamors el cor nom br oill
5. Per cai tal ioi qan la uezon mei oill ·
6. Qamos cor pensa de son grat be ·
7. Qel mon non uoill ni dexir autra re ·
8. §Sabez per q(e) il port amor tan coral ·
9. Qar no(n) ui tan bella ni gensor ·
10. Ni tan bona dom teig(na) qai gran rico(r) ·
11. Qar soi amicx de do(m)pna qe tan ual ·
12. E si ia uei qen sembs ab mi de poill ·
13. Mielz me stara chal seignor da si doill ·
14. Qui manten prez quandaltre sen recre ·
15. E no(n) sai plus mas a tan nai gaufre ·
16. §Als qatre reis de spangna esta molt mal ·
17. Qar no uolon auer paz entre lor ·
18. Qar altramen son ill de gran ualor ·
19. Adreich e franc e cortes e lial ·
20. Sol qe de tan gen cesso lor escuoill ·
21. Qe uireson guerra en altre fuoill ·
22. Contra le gen qe nostra lei non cre ·
23. Tro qe spagna fos tuta duna fe ·
24. §Bel castiaz seigner p(er) uos mi duoill ·
25. Qar uos uei la (e) car mi donz no(m) ue ·
26. Manierna cui am de bona fe ·
    GrBorn 242.80 (P 9)
27. Giraut del bornelh . VIIII.
28. UN sonet faz maluaz (e) bon ·
29. E non sai de qal razon ·
30. Ni de cui ni cum ni per qe ·
31. Ni no(n) sai re don mi soue ·
32. E farail pois no(n)l sai far ·
33. E chant lo qi nol sap cantar ·
34. §Mal ai can hom plus san no fon ·
35. E teing maluaz hom per pron ·
36. E don asaz quand non ai re ·
37. E uoill mal cellui qim uol be ·
38. Tant sui fins amics ses amar ·
39. Qanc sen perd qun uol guadagnar
40. §Ab cellui uau qi nom so nom ·
41. Aqier qand non a qe don ·
42. Per ben estar soi abiaufre ·
43. Qai si sai far co qem coue ·

4rB

1. Qem leu qam mi degra colcar
2. E chant daico don dei plorar ·
3. §De tort em uai e den uiron
4. Foudatz qe mais sai de caton ·
5. Deuer lo cuil uir la fre ·
6. Sautre plus fol no men rete ·
7. Qaitals sen me fi en seignar
8. Al prim qeram fai folleiar
9. §Drutz ai estat una sazon ·
10. Senes enian ab tracion ·
11. Ab orgoill ai clamat merçe
12. Al altrui ops si com per me ·
13. Qestra mon grat cuig acobar
14. E qier zo qe nom uol donar
15. §Do(m)pns sai no(n) uoill qen son
16. Ni sim fai mal qillom perdon
17. Si uollia calgar ab me ·
18. Ab pauc non uos iur p(er) ma fe ·
19. Qe pro men faria preia
20. Mas nom de hom trop soanar
21. §Si me fezes ben guizardon ·
22. Eu sai ben trobar ochaison ·
23. Per qe s(er)uicis sen recre ·
24. Mas co da qeus dan cres simple ·
25. Per maluistat leuar
26. E mais uoller per sordeiar ·
27. §No sai de qe me fac canchon ·
28. Niqe siautre nom despon ·
29. Qar tant fols la saber maue ·
30. Re no conosc qe perte ·
31. Cella ma fait outracuiar ·
32. Qe nom uol amic appellar ·
33. §Eu cuig ciausimen parlar ·
34. E dic co qem fai agitar
35. §Ellam pod en mon sen tornar
36. Sim deignaua tenir encar ·
    BnVent 70.10 (P 10)
37. Giraut de Bornelh . .X.
38. Amors e chals iois uos es ·
39. Ni cal bens uos pot escazer ·
40. Sauzirez selui chauez pres ·
41. Qi uas uos no(n) sausa mouer
42. Qar de mi dol no us pren ·
43. Qamar mi faitz en perdon loiaumen ·

4vA

1. Sella on ia me(r)se non trobarai
2. §Gran mal mai faitz ma bona fes ·
3. Qem degra ab midon ualer ·
4. Essieu ai faillitz ni mespres ·
5. Per trop amar ni per temer ·
6. Don qe farai ai las caitiu dolen ·
7. Qa toiz esmais de bon acuillimen ·
8. E mei tot sol ai ira e de chai ·
9. §Guerir magra si masizes ·
10. Qaisi magra faig son plazer
11. Mas lo sieu cors gai (e) cortes ·
12. Es genser com posca uezer ·
13. Nagra esmai e pene de rasen ·
14. Ia non creirai noman cubertamen ·
15. Mas illz o fai per plan asai ·
16. §Pos uei qe preiar ni merces ·
17. Ni seruir pro nom pot tener ·
18. P(er) amor de deu mi fazes ·
19. Ma donpna qalqe bon saber
20. Que gran ben fai un poi de seiuamen
21. Celui qe trai tan gran mal com eu sen ·
22. Es aissi muer qe retrais li serai
23. §Del maior tort qe zeul hagues ·
24. Uos dirai si us plaz lo uer
25. Ameraila sil il plagues ·
26. E seruiraila a mon poder ·
27. Mas nos eschai chel am tan bassam(en) ·
28. Pero ben sai qasaiz fora auinen ·
29. Car ies amors segon ricor no(n) uai ·
30. §Quel mon non es mas unares ·
31. Per qeu gran ioi pogues auer ·
32. Et aqella no aurai ies
33. Ni dautra non la puosc uoller ·
34. Per o si nai p(er) leis ualor e sen ·
35. Eu soi plus gais en te(n)g mo(n) cors pl(us) ien ·
36. Car sil non fos nome(n)zeren plaien ·
37. §Mesaier uai e portami curen ·
38. Ma chanzon a mon frances ·
39. Lai part moiron e diguas len
40. Qe breumen lo uerai ·
    AimPeg 10.8 (P 11)
41. Giraut de Bornelh XI.
42. ANch mais de ioi ni de chan ·
43. Ni de solatz mantener ·
44. Non agui al meu parer ·

4vB

1. Tan bon ni tan ferm talan ·
2. Ni anch mais non me plac tan ·
3. Com eram plaz damor sa ma(n)tenezha ·
4. Per qeu la uoill mantener (et) honrar
5. En contra cels defendre (e) raisonar
6. Qin fan clamor alq(e)s p(er) no(n) sabenzha ·
7. §E cals qe sen an claman ·
8. Damor an pauch de saber ·
9. Qar segon razon e uer ·
10. Eu uenzerai razonan ·
11. Cels qi sen uan rancuran ·
12. Camors non fai mal ni desconoisse(n)zha
13. Per qe nuillz hom sen deia rancurar ·
14. Ni ges amor no pot apoderar
15. Neguna res ses grat dautra ualenzha ·
16. §Ni fin amors cho uos man ·
17. Non ha ni no pot auer ·
18. Absi forzha ni poder ·
19. Ni nuill conseill pauc ni gran ·
20. Si li oill el cor non li dan ·
21. Mas zho cals oillz plaz e al cor age(n)zha
22. Uol fin amors qe no ipot contrastar
23. P(er)zho non dei amor ocaisonar
24. Tan cum los oillz el cor ama parue(n)zha ·
25. §Car li oill son drogoman
26. Del cor eill oillz uan uezer ·
27. Zo cal cor plaz retener ·
28. E can ben son acordan ·
29. E ferm tuit trei dun sce(n)eblan ·
30. Adoncas pren uerai amors nascenzha ·
31. Da so qe li oill fan al cor agradar ·
32. Qisters non pot naisser ni com(en)zhar ·
33. Mais per lo grat dels treis nais e com(en)zha ·
34. §Per lo grat e pel coman ·
35. Dels treis e per lor plazer ·
36. Nais amors qen bon esper ·
37. Uai sos amics confortan ·
38. Per qe tuit li fin aman ·
39. Sapchan camors es fina ben uole(n)zha
40. Qi nais del cor e dels oillz ses doptar
41. Qeil oill la fan florir el cor granar ·
42. Amors qes fruiz de lor uera semenzha ·
43. §Per qeu adui merceian ·

5rA

1. Mes oillz el cor ses tener
2. Ez amor cab ferm uoler
3. Sen uan trestuit p(er)cazhian ·
4. De mas honor traire enan ·
5. E de mos bens ses geing e ses tem(en)zha ·
6. Per qeu los dei grazir e merzeiar
7. Car il man fait de tal enamorar ·
8. Don sui pagatz ses plus al le(n)te(n)de(n)zha ·
9. §Canzhos uai dir enbla(n)caz en p(ro)he(n)zha ·
10. Qel fai ualor ualer e prez prezar ·
11. Chom lui lauzan no(n) pot sobre lausa(r) ·
12. Tan es ualenz e fina sa ualenzha ·
    PVid 364.30a (P 12)
13. Giraut de Bornelh . .XII.
14. §Non es sauis ne gaire ben apres ·
15. Cel qui blasma damor ni mal en ditz ·
16. Camo(r) sap gent dona(r) gaug als maritz ·
17. E fai tornar los mals adauz cortes
18. E chascun fai de falimen gardar
19. Qe gent la sap car tener (e) celar ·
20. Et als faillutz donauinens perdo ·
21. Ei fin amant son per lei car (e) bo ·
22. §Ben aial temps el iorn elan el mes ·
23. Qel dolz cors gais plagenter ge(n)t n(oiri)tz ·
24. Per los meillors desiraz e grazitz ·
25. De leis qes tant complida de toz bes
26. Me saup ferir el cor dun dolz esgar ·
27. Don ia nom uoil desp(ar)tir ni sebrar ·
28. Qar ges non es dona nier ni fo ·
29. De tainz bos aibs ab tan gentil faiso ·
30. §Anc mais a nul aman tan be ne pres ·
31. Ni tan no fo de fin ioi en riquiz
32. Chom a cel iorn qe mos chanz fo auzitz
33. Per uos do(m)pna eus plac qeu retraisses ·
34. Uostra lauzor el prez compliz e car ·
35. E seu sai re dauinen dir ni far
36. Uostra beutat el honor no chaiso
37. Qeu teing engal dun co(m)plit gaze(r)do ·
38. §Tant maues dat pos qe magues (com)pres ·
39. P(er) cautre dos p(er) mi nouser qeritz ·
40. Mas uostre cors par los meillors chauzitz ·
41. Sap q(e)s coue garda(r) en totas res ·
42. P(er)o cel qi ses qere uol donar
43. Be fai lo dos mai mil tant aprezar ·

5rB

1. Qi ai ben uist ses qere far ric do ·
2. E dos qeritz merma lo meil del pro ·
3. §Mon ferm uoler do(m)nai tant en uos mes ·
4. Qe ia non er deloignaiz ni partitz ·
5. E car damor soi pres e conqeritz ·
   05bis Ben de re(n)dre de s<...> merzes
6. Be(m) fo astrucx qi primer sap amar ·
7. Com nes cortes en sa mels eschiuar
8. Enoig en uilanie e faliliso
9. Per qeu estanc en bona sospezo ·
10. §Seigner Guillelm malaspina deus gar ·
11. Uostra ualor el preitz conplitz e car ·
12. Qen uos trobon iois e solaiz e do ·
13. Per qeu uos uoil presentar ma chazho ·
    PVid 364.33 (P 13)
14. Giraut de Bornelh .XIII.
15. Per miels cobrir lo mal traig elafan ·
16. Qem dona amors don eu no(m) posc defe(n)dre
17. Farai chanso tal qer leu adapenre ·
18. De motz cortes e abauiner chan ·
19. E fas esforz car ai cor ni talan ·
20. De far chanso cades plang e sospire ·
21. Car non uei leis don mon cor no sa ire ·
22. Car tan mes lueg lair el douz pais ·
23. On es cella uas cui eu sui aclins ·
24. Per cai perdut ioi e solatz e rire ·
25. §Aleis mautrei ab fin cor ses enian ·
26. Car toiz sui seus ses donar e ses uendre ·

27

1. Leis cui suplei don iois mi ua tarzan ·
2. Que dautra uer ben fag ni bel sce(n)blan ·
3. Qinz en mon cor ma fag amors escrire ·
4. Sa gran beutat don res non es a dire ·
5. E son bel cors gent fag e ben assis ·
6. Per cheu de li son oms fizels e fis ·
7. E per samor alas autras seruire ·
8. §Dieus qan uerai lo iorn nil mes ni lan ·
9. Qi lam uuelha del mal guazerdon rendre ·
10. Qeu no(n) laus dir mieus mazaria pendre
11. Mon coraige cant eu li soi denan ·
12. Mas assatz pot conoisser mon scenblan ·
13. Qil es la res del mon qeu plus desire ·
14. E per samor sofricx tan greu martire ·
15. Qe la dolor ma ia tot conqis ·
16. El dezirers qui maura tost auzis ·

5vA

1. Et an gran tort mas eu nonllo aus dire ·
2. §E se merces ab leis mi ualgues tan ·
3. Qe lam uolges lofr seus bel bras este(n)dre
4. Ia del tirar nom fera escoissendre ·
5. De tost uenir humilmen merceian ·
6. A leis qe ma del tot en son coman ·
7. Qem pot donar ioi e del tot auzire ·
8. Qeu no(n) ai ges poder cailors me uire ·
9. E sillz plagues qe pres de si mauzis ·
10. Ben tenc per sieus e miels magra (con)qis ·
11. E feiram ric de gran ioia iauzire ·
12. §Al pro ma(r)qes ca p(re)iz ab ualor gran ·
13. Manten e sap gen donar e despendre ·
14. E sos ric pretz faitz los autres d(e)ssendre ·
15. Uas monferat chansoneta te man ·
16. Qel sei ric fag son dels autres trian ·
17. Et al meillor lo pot om ben eslire ·
18. Qil es la flors de tot a cui querire ·
19. E des toz bes comensamens e fis ·
20. E si en fos com uoillz ni deuis ·
21. Corona daur si pot el cap assire ·
    GrBorn 242.77 (P 14)
22. Girautz de Bornelh . XIIII.
23. Tals gen prezi che sermona ·
24. Qa cor fals e mal talen
25. E tals autrui ochaisona ·
26. Qi sa colpa no repren ·
27. E tals fera peiz de serpen ·
28. Qi son coragen preisona ·
29. Tals port humil uestimen ·
30. Qa uolontat felona ·
31. §Tals lautrui tort no perdona ·
32. Qi sa part non get al uen ·
33. E tals clama e tenzona ·
34. Qi non a de dreig nien ·
35. E tals sos faigz fai follamen ·
36. Qi parla gent e rasona ·
37. Tals somena ben e gen
38. Son blat qi nol meixona ·
39. §Tals a gent e fort persona ·
40. Qa soffrancha dardimen ·
41. Tals son amic abandona ·
42. Qi na sofracha souen ·
43. E tals promet qi mal aten ·
44. E tals ten pro qi pauc dona ·

5vB

1. E tals gran seruizi pren ·
2. Qi mal lo guizardona ·
3. §Tals cui auer saison bona ·
4. A cui en uai malamen ·
5. E tals poing fort e esperona ·
6. Qa so caual trop corren ·
7. E tals cuia far ma(n)tenen ·
8. Qe sa sperans obretona ·
9. E tals per annar tro plen ·
10. Qe sos faig dessaixona ·
11. §Tals qeir den peri corona ·
12. Qui nostra fe mal defen ·
13. El pap entre terz e nona ·
14. Sen dorm aissi planamen ·
15. Qen contra sarrazina gen ·
16. Non uei baron qi sopona ·
17. Anz an per lur mal uolen ·
18. Qi daiso mot lor sona ·
19. §Iesu crist per saluar la gen ·
20. Portet de spinas corona ·
21. El papa so monimen ·
22. Malamen abandona ·
23. §Lantecrist cug uenra breumen ·
24. Tan aonda gent fellona
25. Car tostemps uei comaten ·
26. La ploia qant fort trona ·
    GrBorn 242.52 (P 15)
27. Giraut de Bornelh . XV.
28. Non sai rei ni emperador ·
29. Sals seus no si fai obedir ·
30. Qi no failla se ill qeir aillor ·
31. Qhonrar lo deia ni seruir ·
32. P(er) qes daut paratge
33. Deu far tan qel sia doptaz
34. Dels seus (e) dels autres amaz ·
35. Et auer gran corage ·
36. Laissan lo pauc per far lassaz
37. Daiso don el mais sia honraz ·
38. §Mas ben a corage maor ·
39. Qis met en peril per gandir
40. Lui e sa gen de deshonor ·
41. O per pros honor ena(n)tir ·
42. Qa baron daut lignatge ·
43. Ual mais esser perigolaz ·

6rA

1. Qel uiua uniz ni deshonraz ·
2. E qan per bon usage ·
3. Als seus far ben trop mais li plaz ·
4. Qesser del ben guiardonaz ·
5. §E qi de gran faigz lo meillor
6. Sap quan es ops prendre chausir ·
7. Par ben qe port de sen la flor
8. Sil senz noil sofraing al fenir ·
9. Qe greu ab cor uolage
10. Fai hom ren don sia lausaz ·
11. Anz deu far sos faigz apensaz
12. Qauer uol segnorage ·
13. E no creir autrui trop uiaz ·
14. Sa dreig uol esser conseillaz ·
15. §Segner qi nom de bon segnor
16. Uol auer ben far e mielz dir
17. Les ops auer gran ricor
18. Qi uol en grand honor uenir
19. O far gran uasalage
20. Qe qi no(n) pod pauc es presaz ·
21. E menz qan pod qant es serraz
22. Qe rics faigz dagradage
23. Fan fa(r)n poders e uolontaz
24. Qim sems los a ben acordaz
25. §Qe zo qe mais creis sa ualor
26. Al segnor el fais mais grazir
27. E qe mais li torn ad honor
28. Es de pro despendres iausir
29. P(er) far faigz dauantage ·
30. O per far dos meraueillaz ·
31. Qe no(n) es larcs adreig iuiaz ·
32. Qi non a allegraze ·
33. E qan le dos es trop tarzaz
34. Perd sen souen le dos el graz ·
35. §Seruentes tou lengage ·
36. Entendra mielz neis qeu no faz
37. Mos segner cui es mon ferraz ·
38. Qi per dreig segnorage
39. Es en tan grand honor poiaz
40. Qel en sera Reis coronaz ·
41. §E pois ton dreig uiage
42. Faras al Rei de nou regnaz
43. De spagna qar es sobrhonraz ·

6rB

GrBorn 242.38 (P 16)

1. Giraut de Bornelh . XVI.
2. Honraz es hom per despendre ·
3. E pro lausaz e per donar ·
4. E blasmatz p(er) uoler prendre ·
5. Et encolpat per gardar ·
6. Lauer qe tals qi na pron ·
7. Na pauc en breu de saison ·
8. E tals es en gran poiar
9. Cui la rod en breu uirar ·
10. Fai son poiar e descendre
11. §Si conprar ensegna uendre ·
12. Per dreg deuri hom iuiar
13. Qezasus degues aprendre ·
14. Per son prendre ad autrui dar ·
15. Mas cel qas entention ·
16. En prendre tan li sap bon ·
17. Qe de dar noil pod menbrar
18. Per qe lui deu oblidar
19. Deus e lauers ses reprendre
20. §Mas per zo nos deu desfendre ·
21. Cel qui uol largesa far ·
22. Anz deu largamen estendre ·
23. Sa man donan ses tarzar ·
24. E ses trobar ochaison ·
25. Qi uol ben dir de non
26. Car cel don ten hom plus car ·
27. Quant es pres ses demandar ·
28. Ses afan e ses atendre
29. §Cel qi fai pan per reuendre ·
30. Nol sap tan prim balanzar
31. Qe plus prim nos sapzh ente(n)dre ·
32. Toz homs en amesurar
33. Sos dos e sa mession ·
34. Cuian saissi ab lairon ·
35. Per pauc gran prez gazagnar ·
36. Mas per mesura prestar ·
37. Ne tostemps mesura rendre ·
38. §G(r)eu mes parlar e contendre ·
39. De cels qi uan soterrar
40. Lauer don fan tal mesprendre ·
41. Qil no sen podon saluar ·
42. Sab anz no fan redenzon ·
43. De lauer qan en preisson

6vA

1. Car per auer amassar
2. Nol cuidas deu renegar
3. Et al uen sen an(n)et pendre ·
4. §Seruentes tal sap ton son ·
5. Qinon enten ta razon ·
6. E tals lenten qil zantar
7. Uol mais qe ton razonar
8. Qa mainz fai uergogn ente(n)dre ·
9. §Bel segner donaz mun don ·
10. Morruel cor de baron ·
11. Qe nous lasez de ben far
12. Nil prez quis fai aut poiar
13. No laisaz per ren deisendre ·
    DPrad 124.17 (P 17)
14. Giraut de Bornelh . .XVII.
15. Tant sent al cor un amoros desir ·
16. Qei an mei oil nouellam(en)t assis ·
17. Qen non uol ges esser en paradis
18. Per zo qe mais non pogues auenir ·
19. Lai on beltaiz e iouenz segnoreia ·
20. Et tot azo qen amor plazer deia ·
21. Qel no(n) es nuillz homs tan maluatz ·
22. Lai no(n) tornes ioios e ben estanz
23. §Ben sap amors onrar e enriqir
24. Caranc degnet uoler q(e)u men ardis
25. Tan qeu penses qe madonam sufris ·
26. Qeu les les gardes dreiz oil al dep(ar)ti(r)
27. Ben sai qe ia non aurai mais lenueia ·
28. Mais sim consen sos amoros senbanz ·
29. Beil cuit mostrar cals es totz mos talanz
30. §Bes fai adir chochuch car afortir
31. No den ges pos amors la coqis
32. Car plus uencutz es cel qe sa fortis ·
33. Qi cel qi sap humilment hobedir
34. Donc ben es fols qi ab amor guereia ·
35. Car saber pot se merce non plaideia ·
36. Asufrir ler sols mals (e) sos affanz ·
37. Tan qan uolra cel de cui es lo danz ·
38. §Ia sim uolgues mi donz del tot auzi
39. Non cuig tan gen mo(r)res ni macuillis ·
40. Ni sei bel oil amoros plens de ris ·
41. No maneran tan dolzamen ferir ·
42. Mon cor qes ren aleis toiz es autreia ·
43. O parla ab leis e solaz e doneia ·

6vB

1. Tot autresi cum seu lera denanz ·
2. E magues pres per amic en baisanz ·
3. §Dompna uostroms soi per far e per di(r) ·
4. Tot can uolres p(er) ma fe us o pleuis ·
5. E sem prendeis per tal cum eu mofris ·
6. Ia deus nom don poder coillors me ui(r)
7. Hai douza res cui adora e sopleia
8. Prez e uallors e tot qant es merceia ·
9. Uoillaz se us plaz qeu retraia mos canz ·
10. Cum eu uos sui e serai fins amanz ·
11. §Amon amic car fai mielz tot candeia ·
12. De nul baron qe hom ara uieia ·
13. Ten ua chanzons e sias ben menbraz
14. Qe mantas uez uals mais un iorn cus anz
    GrBorn 242.35 (P 18)
15. Giraut de bornelh XVIII.
16. Gen me staua e suau e en paz ·
17. Lo iorn camor entret en mon corage ·
18. Qeu non amaua ni non era amaz ·
19. Nim sentia damor mal ni da(m)pnage ·
20. Ara non sai qi ses ni se deue ·
21. Qeu am cella qe il no mama re ·
22. E sin tenc eu tot cant ai en bailia ·
23. E tot lo mond si fos meus en tenria ·
24. §Lo cor en tenc en loc dautras ritaz ·
25. E mas chanchonz en loc de uasalage ·
26. E sieu fos reis ni ducx ni amiraz ·
27. Farai ricx faitz p(er) samor e barnage
28. E car non ai lo poder qellz coue
29. A lei (ser)uir euai ma bona fe ·
30. E bona fe qi ben la conosia
31. Deu prender en loc de mane(n)tia
32. §Ben son maneinz del mal trag qem donaz ·
33. Soffrir en patz deu men don el egraze ·
34. E soi paubres qant uos nom esgardaz
35. Et als autres den torn fai bel usage ·
36. E mi qe us am non esgardatz p(er) be ·
37. E deu don mei mais qe no men (con)ue ·
38. Et seu per zo qami nos tagnaria
39. Forza damor mi fa dir la folia ·
40. §Cai mespert qant uei uostras beltaz ·
41. Com lo cugnatz de galuan per saluage ·
42. E can per guerra nac toiz sos filz menaiz ·
43. Et sa filla qe ria per oltrage ·

7rA

1. E len deman redialail ab se ·
2. Entroc quiuan los defendet e me ·
3. Defendam uos merces e cortesia ·
4. E si uoletz ia ren guirenz non sia ·
5. E si uoletz ia ren guirenz non sia ·
6. §Dels lausengiers me tenc molt p(er) pagatz ·
7. Zo q(e) no(n) fa hom mais de mile(n)gage
8. Car man faidit del pais on estaz ·
9. Qen tan mera lo uer deu dagradaze ·
10. Qeu fora morz qe fins amics qan ue ·
11. Zo chama fort e altra pro noi te ·
12. Mor de desir don uoill mais q(e) maucia ·
13. Amor cai loing qe lai si non lauia ·
14. §Auer non puesc q(e) tan ia de be
15. Et de beutat ca fugir men aue
16. E ses dom(n)a serai tant qant uiu sia ·
17. Si uos no(n) ai eqi eu ses donna sia ·
18. §Pro contessa cui proenza mante ·
19. E tot lo mal ifai tornar en be ·
20. Caps es de prez e caps de cortesia ·
21. Per qen ual mais sauoia e lomba(r)dia ·
    FqMars 155.10 (P 19)
22. Giraut de Bornelh XVIIII.
23. GReu fera nuls hom fallenza
24. Se tant tenses son bon sen ·
25. Com lo blasme de la gen ·
26. Qe iuia desconoissenza ·
27. Qieu faill car lais per temenza ·
28. De blasme de sconoisen ·
29. Qen(con)tra amor no men pren ·
30. Qe issamenz noz trop suffrenza
31. Com leus cors ses retene(n)za
32. §Car en uostra ma(n)tene(n)za ·
33. Me mis amor franzamen ·
34. E forai mort ueraimen ·
35. Si non fos ma conoiscenza ·
36. Don non aiaz mais pleuenza ·
37. Qi em nam si com sueill plaignen ·
38. Nin moira mais tan souen ·
39. E mas chanzons qen perue(n)za
40. Nauion menz de ualenza
41. §E ia merzes non uos uenza ·
42. Per qeu non lai aten
43. Anz mestarai bonamen ·
44. Se uos pos tant uos agensa

7rB

1. Francs de bella captenensa ·
2. Si puesc qen aisso menten ·
3. E sil suffron lur tormen
4. Qui fan per long atendenza ·
5. Anz del pecat penedenza
6. §E sim degras dar guirenza
7. Qi miels gasangne plus gen
8. Qi dona qe sel qe pren ·
9. Cant prez na ni benuolenza
10. Mas uout es en uil tene(n)za ·
11. Uostra fars e en nien ·
12. Com uos sol darar uos uen ·
13. Mais lais men qeu ai sabenza ·
14. De mal dir e estenza ·
15. §Mas ieu auia pleuenza ·
16. Tant com amei follamen
17. En aiso com uai dizen ·
18. Ben finis qil mal comenza ·
19. Don ieu aui entende(n)za ·
20. Qi per proar mon talen ·
21. Mac ses comensamen ·
22. Mas conos aprezenza ·
23. Qe tostemps nagra temenza ·
    FqMars 155.11 (P 20)
24. Giraut de Bornelh . .XX.
25. IA nos cug hom qeu cange mas cha(n)sos ·
26. Pos nos canga mos cors ni ma rasos ·
27. Qi sim iausis damor ieu men lauzera ·
28. Mas qui en mentis no(n) siria nuls pros ·
29. Catre sim ten com se sol en balanza ·
30. Desperaz alques desperanza ·
31. P(er)o non uol del tut laissar morir ·
32. Pe so qem puesca plus souen auzir ·
33. §Mas er esso canc non cugei qe fos ·
34. Qeu soi tornaz de mi meseis gilos ·
35. Contra mi donz qeu non la corteiera ·
36. Mas tot conseill cas amors si a bon ·
37. Ai assaiat e pos ren nomena(n)za ·
38. Tot li farai desamar senblanza
39. Ailas cai dig ian cuiai eu morir ·
40. E duncs oimais ia sap tot mon arbir ·
41. §Do(m)pne speranse paor ai de uos ·
42. Ar men conort e ar en soi doptos ·
43. Mas un conort ai damor asazos ·

7vA

1. Per ol paors tem co o poderar ·
2. Cab tal poder mi mostra sa condansa
3. Qi plus nom pot mo(n)strar d(e) malena(n)sa ·
4. E fai esfors qi pot ensems soffrir ·
5. Ire poder de cels qel uol delir ·
6. §E si non fos qes granz meillorazos ·
7. Es de tort fag cant hom nes oblidos ·
8. Iamais amors a tal tort nom mene
9. ra · Si ia pogues to(r)nar desamoros
10. P(er)o leus cors tol manta benena(n)sa ·
11. En ueg faillir manz p(er) q(e)u nai doptaza ·
12. Qil faillimen dautrui taig com se mir ·
13. P(er) so com gard se meseis de faillir ·
14. §Do(m)pna ben uei qe no(m) ual ocaissos
15. Camors non uol qeu ian si engignos ·
16. Merce uos clam qe no men lais anq(e)ra
17. Tant mos cors de uostramors coitos ·
18. Uolc es si us plaz co(m)plir la d(e)uina(n)sa ·
19. Co di qeu ai dautra mor benena(n)za ·
20. E qe us pogues cubertamenz iauzi(r) ·
21. El bruiz uegues de lai don sol ueni(r) ·
22. §Na ponza tal esfors faiz per uos
23. Car era chant en ai nulla legranza ·
24. Qil morz de mos seigner mi desena(n)za
25. Qi uos sabez qel solia zausir
26. Cui hom deui honrar ni enantir ·
    FqMars 155.15 (P 21)
27. Folket de marxella . .XXI.
28. AU mais noi conosc razon ·
29. Ab que nos puescan cobrir
30. Si ia deu uolen seruir ·
31. Pos tant enqer nostre pron ·
32. Que son dan en uolc suffrir ·
33. Qel sepulcre perdet primeramen ·
34. Et er suffre qe Spagnas uai p(er)den
35. Per so car lai trobauan ochaison ·
36. Massai si uals nom temem mar ni uen ·
37. Las conos pot plus fort auer so mos ·
38. Si doncs non fos tornaz morir p(er) rios ·
39. §Auiaz en cal error son ·
40. La genz ni qe porra dir ·
41. Qil cors com no(n) pot gandir
42. De mort per auer qei don ·
43. Uolquecs gardar e gandir ·

7vB

1. E de lalma non a nul espauen ·
2. Qe pot gardar de mort e de turmen
3. Pes quecs de cor si eu dic uertat e non ·
4. E pueis aura dannar meillor talen ·
5. E ia noi ga(r)rd paubrera nul hom pros ·
6. Sol qe comenz qe dieus es piatos ·
7. §Cor saluars pot nauer bon ·
8. Daitan porria se guarnir ·
9. Qi lals pot dieus tot conplir
10. E nostre reis daragon ·
11. Qil non cre saubes faillir ·
12. A nuil home qe an ab cor ualen ·
13. Tan pauc uezem qe faill a lautra gen ·
14. Non deu a deu ges far peiu razon ·
15. Qil lo conrara sil seru honradamen ·
16. Coian sil uol ne coronatz saios ·
17. O sus en cel us noill faill daquest dos ·
18. §E ia non prez fol resson ·
19. Lo reis castellas nis uir
20. Per perdre canz deu grazir ·
21. A dieu qel mostrel somon ·
22. Qen luis cuol emantir ·
23. E autre fors ses dieu torn en nien ·
24. Caissi ualra sos bos prez per un cen
25. Si acueill dieus oimais a conpaignon ·
26. Qil non uol ren mas reconois semen ·
27. Sol qe uas dieu no(n) sia orgoillos ·
28. Mout es sos pretz honratz e enueios ·
29. §Uida e pretz com uol de folla gen ·
30. On plus aut son cazon lauzeramen ·
31. Qastigam doncs en ferma penzazon ·
32. El pretz qes ten qi cant lautre uan cazen ·
33. Qe tot sos prez sos gautz e sos laus fos ·
34. En pensar fort cant a dieus fatz p(er) nos ·
35. §Bels aimanz dieu uezem qe us aten ·
36. Tan qe uos uol gasagnar franzamen ·
37. Conrat uos ten tant qe ami sap bon ·
38. Non fasas donc camiar son bon talen ·
39. Anz camias nos qe mais ual per un dos
40. Com safraing anz qel forsatz caia ios ·
    FqMars 155.13 (P 22)
41. Folket de marsella XXII.
42. Merauilme com pot nuls hom canta(r) ·
43. En com ieu cant per lei qem fai doler

8rA

1. Qe ma chanson non puosc apareilla(r) ·
2. Dos motz cal ters nom lais marriz caze(r)·
3. Car non sui lai en estai sos cors genz
4. Douz e plazenz qe mauci deziran ·
5. E nom pot far morir tan sui aman ·
6. §Car non puesc nulla ren tant ama(r) ·
7. Ges salle plaz no(n) deu ma mort uoler ·
8. Canc pueis la ui no(n) puosc dal re p(er)sar ·
9. Mas com pogues far e dir son plazer
10. Et es ben dreuz cal laus del concastenz
11. Es plus ualenz p(er) qeu nim mais lafan ·
12. De lei seruir qe dautra uer ioi gran ·
13. §Mas ieu non lais mon messaienuiar ·
14. Ni tant dardit no(n) ai qeu lam uezer ·
15. E non o lais mas car uoil far cuiar
16. Als fals deuis caillors ai mon esper ·
17. P(er)ol dezirs mes ades plus plazenz ·
18. Els pensamenz car ieu nol sui d(e)nan
19. Manz ioinz a clis p(er) far tot son coman ·
20. §Lo mal qieu trac non pot descouertar ·
21. Tant la fai prez sobre totas ualer
22. Ni negus hom no(n) la pot trop lauzar
23. Dieus don quill uoill omilitat auer ·
24. Si con en leis es proz e iouenz beutat e senz
25. Canc do(m)pna no(n) nac tant doncs ·
26. Qual tort nai si eu nuil autra no(n) blan ·
27. §Bella do(m)pna tant uos tenc car ·
28. Qe ma(n)tas uez lo iorn no(m) pocs tener ·
29. Caz una part no(n) an tort sols plor ·
30. Si qieu no(m) puesc duna pessa moue(r) ·
31. Tal paor ai nom uailla chausimenz ·
32. Car plus me uenz uostramor sospiran ·
33. Qieu no(n) sai dir ni retraire en chantan ·
34. §Uieu guirenz plus uos am ses enian ·
35. Non fes isout son bon amic tristan ·
    FqMars 155.8 (P 23)
36. Folket de Marsellha . XXIII.
37. EN chantan mauen a mebrar ·
38. So qeu cug chantan oblidar
39. P(er) so chant coblides la dolor
40. El mal damor
41. Et on plus chan plus men soue ·
42. Ni ma boccha en al re non aue ·
43. Mas en merce ·

8rB

1. Per qes uertaiz e senblam be ·
2. Quinz el cor port do(m)pna uostra faison ·
3. Qim zastia qe no(n) uir ma razo ·
4. §E pos amor mi uol honrar
5. Tan quel cor uos mi fai portar
6. P(er) merze uos prec qe uus gardes d(e)la(r)dor ·
7. Qe ieu ai paor ·
8. De uos mol maior q(e) de me ·
9. E pos mos cors do(m)pna uos a dinz se ·
10. Si mals non ue ·
11. Do(m)pna pois dinz es soffrir loil conue ·
12. E p(er) so fais del cor so qe us er bon ·
13. E gardaslo si com uostra maison ·
14. §Qel garda uus e ten tan car ·
15. Qil cors en fai nesci semblar ·
16. Qel sen imet lengien e la ualor
17. Qinz en error ·
18. Lassal cors pel sen qen rete ·
19. Com me p(er) la mantas uez ses deue ·
20. Qieu non sa qe ·
21. Em saluda qi eu non aug re ·
22. P(er) so nuls hom non mi chaizon ·
23. Sim saluda e ieu moz non li son ·
24. §E ial cors non si deu clamar
25. De ren q(e)l cor li puesca far
26. Qe torna la al plus honrat seignor
27. E tout daillor
28. On trobauen ien e non fe ·
29. Mas drez torna son seignor ancse ·
30. P(er)o non cre ·
31. Qem deing si merces non mante ·
32. Queil en trel cor tant qen loc dun ric don ·
33. Deing escoutar ma ueraia cha(n)son ·
34. §E silla dignas escoutar ·
35. Do(m)pna merce porrai trobar
36. P(er)o ops mes coblides la ricor
37. E la lauzor
38. Qe nai dic e dira ia se
39. Mas autre pro mos lauzars no(n) capte
40. Com quem mal me
41. La dolors men graissem reue ·
42. Al fuec quil fai mouen creis de randon ·
43. E com uol coc mor en pauc de sazon ·

8vA

1. Morir puesc qieu nom clam de re ·
2. Neis sim do blaual mals daital faisson ·
3. Con doblal ponz del tauliel per razon
   FqMars 155.2 (P 24)
4. Folket de Marsellha . XXIIII.
5. A pauc de cantar nom recre ·
6. Per enoi de lauseniadors ·
7. Mas forzas damor men rete ·
8. Qe nom laissa uirar aillors
9. Tan son dels ben amanz la flors ·
10. Aisim te amors pres el fre ·
11. Qe dal re nom soue
12. Mas de lei seruir a iornal ·
13. Caissim pes co fal sollial ·
14. §E doncs seu fas so qes co(n)ue ·
15. Ben men deu eschazer honors ·
16. Qar qui pot amar miels de be
17. Per dreg leu eszai la lauzors ·
18. E sab ben mi donz e amors ·
19. Qeu en re uas lei nom malme ·
20. Mas car li clam merce ·
21. Qes des so qe mes plus corals ·
22. Pot esser qes co teigna amal ·
23. §E qant mi parla nim ue ·
24. Mi sail al cor la resplandors ·
25. Dels bels oilz e del doniz ale ·
26. Mi uenem mesclam(en)z las sabors ·
27. Si qen la boccam nais dousors ·
28. Per qeu conois e cre qel be ·
29. Qeu dic non ai de me ·
30. Anz mes desamor natural ·
31. Qem ma inz el cor pres ostal ·
32. §Dons son ben fols car nom recre ·
33. Damar leis qe ben par follors ·
34. Pes autre bes nom esdeue ·
35. E auei cades creis ma dolors ·
36. Qin mi solafarz tot son cors ·
37. Per ma fe mielz naue ·
38. Qe per leis suffeirra ia se
39. Mon dan si tot aleis non cal
40. Cautraz des samor per cabal ·
41. §E pos ale pielioi me mante ·
42. Sim fezes aitant de socor ·
43. Qen degnes retener abse ·

8vB

1. Gardatz si eu fora dels ausors ·
2. Qi sos rics prez e sa ualors
3. Creis en me meillura e ue ·
4. Ab sol qil agues lo mille ·
5. De la dolor fer e mortal ·
6. Non agram p(ar)tir per engal ·
7. P(er)o sil clamarai mere ·
8. Del dan qil me fai e del mal
9. Pois nuil autramor no mi ual ·
   FqMars 155.6 (P 25)
10. Folket de Marsellha . .XXV.
11. Chantan uolgra mon ferm cor descobrir ·
12. Lai on magrops q(e) fos sabutz mos uers ·
13. Mas p(er) dreig ai perdut mon sabers ·
14. P(er) cai paor qe nim pouisca uenir ·
15. Cuns nouels iois en cui ai mes spera(n)sa ·
16. Uol qe mos chanz sia p(er) leis enders ·
17. E pois li plaz quieu ennanz sa ualor ·
18. En mon chantar dei nauer gran lauzor
19. Car sos prez uol mout saui lauzador ·
20. §Per qe non par qieu pogues deuezir ·
21. Don cortes prez car tant aut es aders ·
22. Qe ren non duz qe nom semble plasers ·
23. Et a en lei tant de tot ben a dir ·
24. Qe sofraita men fai trop da ondansa ·
25. P(er) qeu men lais qe ges nom se(n)bla uers ·
26. Qeu ia pogues retraire sa lausor ·
27. Car de bon prez ama lo meillor ·
28. E dels amanz lo plus fin amador ·
29. §Car anc nol dis tem uas lei faillir ·
30. Con ses en lei aturaz mos uolers ·
31. Mas dar enan nomo cal plus temers ·
32. Qeu sai qe focs sa bassa per cobrir ·
33. El dieus damor ma naurat de tal lanza ·
34. Don non tem pro soiornar ni iazers ·
35. Qeu ai lassat
36.  
37.  
38.  
39. §E dons pos ieu non ai mas lo dezir ·
40. Non ai doncs p(ro) mout es granz mos podeis ·
41. Si uals daitan mena donat lezers ·
42. E doncs per qem uol de plus en ardir ·
43. Mas siei bel oill e sa gaia senblansa ·
44. Don pois mos oillz tant magradal uezers ·

9rA

1. Nais dun conort tal qe mon d(e)fallor
2. Cades mes uis qem uoilla dar samor
3. Can uo baras mi sos oillz ples de douzo(r) ·
4. §E doncs do(m)pna pos mais no(n) puesc sofri(r) ·
5. Los mals qieu trac per uos maitin e sers ·
6. Merze naiaz qeul mon non a auers ·
7. Qe senes uos mi pogues enriqir
8. E can nous uei souen ai gran doptanza ·
9. Qui nous mi fass oblidar non calers ·
10. Mas ieu qi sen la pene la dolor ·
11. No us oblit ges ainz iteng noeg e ior ·
12. Los oillz del cor si qe nol uir aillor ·
    FqMars 155.23 (P 26)
13. Folket de marsellha . .XXVI.
14. TAnt mou de corteza razon ·
15. Mon chantar qe noi puesc faillir ·
16. Anzseis idem mielz auenir
17. Canc mais no(n) fi e sabes con
18. Car lemperariz men semon ·
19. E plagram fort quid men guiquis ·
20. Sil mo sofris ·
21. Mas car il es si uurais ·
22. den segnamen ·
23. Non seschai ca son mandamen ·
24. Sia mos sabers flac ni lenz
25. Anz taingn qes deble mos engienz ·
26. §E sanc per leis en ma chanson ·
27. De lausengiers cui dieus a dir ·
28. Ar men uoil del tot siquir ·
29. E ia deus no(n) calor perdon ·
30. Car arditz so cant uen non fon ·
31. Per qe sella cui obezis
32. Me relinquis
33. Es cuida caillors aiassis ·
34. Mon pensamen ·
35. Muer ben doncs p(er) gran fallimen ·
36. Car per so qe am finamenz
37. Per so qe duz so qes nienz ·
38. §E si merces no mi ren pron
39. Qe farai porraimen partir
40. Non ieu capres ai morir ·
41. De guiza qem sab sobre bon
42. Quinz el cor remir sa faisson
43. Erremiran e ieu languis

9rB

1. Car ellam dis ·
2. Qe no(n) dara so qui eu languis ·
3. Tan longamen ·
4. E ieu p(er) aisso nom alen ·
5. Anz dobla ades mon pensamenz ·
6. E muor aissi mescladamenz ·
7. §E ges per tant non ma bandon ·
8. Qieu anc sempre ai auzit dir ·
9. Qe mensonnia no pot cobrir ·
10. Qe non moira cal qe sazon ·
11. E pos drez uenz falz ochaison
12. E car saubut e deuis
13. Com iel soi fis ·
14. Caisil sui subietz (e) aclis
15. De bon talen ·
16. Qen lei amar ai pres conten ·
17. E qecs cuida amar plus fortmenz
18. §Amataila doncs a lairon ·
19. Pos ella non uol consentir ·
20. Qieu tan en mon cor la desir ·
21. Et er mafar uoilla ou non
22. El cor tem lo cor en preison ·
23. Et al si destreg e (con)quis ·
24. Qe ri omes uis
25. Qel des poder qe sen partis ·
26. Que naz aten ·
27. Qe merçes lam uenza soffren ·
28. Car merces en lonc soffrir uenz ·
29. Lai on nom ual forza ni genz ·
30. §E iam morrai mas mout mes genz ·
31. Si eu muer p(er) leis tan finamenz
32. Pos a morir mer eissamenz
33. Mos ferm coraies e mos cenz ·
    FqMars 155.7 (P 27)
34. Folket de Marsellha XXVII.
35. CHAntar mi torn ad affan ·
36. Chant mi soue den Bairal
37. E pos damor plus no mi cal ·
38. Non sai con ni de cui chan ·
39. Mas qes dema(n)da chanson
40. E nol cal de la rason ·
41. Catresi mes obs la fassa ·
42. De nou con los moz el son ·
43. E pos forlaz ses amors

9vA

1. Chan p(er) deute de seignor ·
2. Pro er mos chanz caballos ·
3. Si non es aols ni bos ·
4. §Amador lon dun senblan ·
5. En ric co be arretal ·
6. Cades ab dolor mortal ·
7. Merma alor ioi on mais dan ·
8. Qen loc de fenestra son ·
9. Ques merma som ia pon ·
10. On plus pren quecs so qe cassa
11. Plus ades egra chaison ·
12. Per quieu tenc sell per meillor ·
13. Que rei ni emperador ·
14. Caisels mals aueniz amdos ·
15. Qui uenson plus dels baros ·
16. Bon fora son prez estan ·
17. §Dieus con si ni ben con mal ·
18. Mas soprez hom que non ual
19. E son pro ten hom ad an ·
20. Per qeu no(n) aus uostre pron ·
21. Dir chantan qe nom sap bon ·
22. Al segle ni grei qe plassa ·
23. Ques digna ren si mal non ·
24. Mas per o la deshonor
25. Posc dir sil tort entre lor
26. Bon uencut ni baissar ios
27. Pos tut uencut uencon nos
28. §Ben uenson pos nuill deman
29. Non fan de lancta mortal
30. E si nos fossan lial
31. Torneranz ad honor gran
32. Cun cortes gienz de dieus fon ·
33. Quel ric trobeisson perdon ·
34. Que son plus freol de classa ·
35. Som destrein sals somon ·
36. Mas cun queren ab lauzor ·
37. Na dieu pres en son labor ·
38. Ma(n)z que ia confessios
39. Nol plagra sa co no(n) fos ·
40. §Don nostre baron qe fan ·
41. Nil Reis engles cui dieu sal
42. Cuid auer faiz son iornal
43. Mout iaura la(r)g engan ·

9vB

1. Sia fag la mession ·
2. Et autre fai la prezion
3. Que lemperaire percassa ·
4. Con dieus cobres sa ragion ·
5. Que primeis cre qe so cor ·
6. Si dieus li rend sa honor
7. Ben tant es rics lo dos ·
8. Cai tals soal guiserdos ·
9. §Nai mant mout mi sap bon ·
10. E mout en prez mais ualor
11. Cab enbaral mon seignor
12. Es moriz prez e meissos
13. Aisi com sanc ren non fos ·
14.  
15.  
16. Le plor den baral seigners de marsella FqMars 155.20 (P 28)
17. le qual fez folket de marselha ·
18. SI com sel ques tan greuanz
19. Del mal qe non sent dolor
20. Non sent ira ni tristor
21. De tal guisam soi oblidaz ·
22. Car tan sobre pueial danz
23. Que mon cor nol pot pensar
24. Ni nuls hom tro al proar
25. Non pot saber con es granz
26. Den baral lo mieu segnor ·
27. Per qe sai chan o ri o plor
28. No me pres plus qe fer enanz
29. §Qieu mi pes si sai enchantaiz
30. O si son calut en error ·
31. Qant no(n) trop sa gran ualor ·
32. Caissi nos tenia honraiz
33. Qe issamen com lasimanz
34. Tira fer el fai leuar
35. Faziel manz cors dressar
36. Uas prez forsaz e pensanz
37. E qi prez e gaug e ricor
38. Cenz bargueza astre honor ·
39. Nos a tout pauc ual nostre nanz ·
40. §Aqant ni a deseretaiz ·
41. Qe tuit eron ric en samor ·
42. E canz en moriror ior
43. Qel fon moritz e soterraiz ·

10rA

1. Que num sol no(n) uist meuz tanz
2. Neus sels qe lauzon nomar
3. Na tendion en acaptar
4. Tant era sos prez presaiz
5. Caissi saup far son nom ausor
6. De pauc gran e de gran maior
7. Tro nol pot en claure garanz
8. §Et ar can fosc plus poiatz
9. Faillit a guisa de flor ·
10. Que quant hom la ue gensor ·
11. Adoncs il chai plus uiaiz
12. Mas dieu nos mestrab semblanz ·
13. Que sol lui deuem amar
14. El catiu segle azirar ·
15. On passam ton uiananz
16. Cautre prez torn en desenor
17. E tut autre cen follor
18. Mas de cels que fan sos comanz
19. §Bel seigner dieul cui no(n) plaiz ·
20. Mort de negun peccator ·
21. Anz pausi(r)e la lor ·
22. Sffrist uos la uostre en paiz ·
23. Faitz lo lai uiure ab los sanz
24. Pos sai nol uolges laissar
25. E ui deingnes len uos pregar ·
26. Uerge que pregas per manz
27. Uostre fil per quel soccor ·
28. Que sp(er)ans an tuit li meillor
29. El uostres cars precs merceianz
30. §Seigner merauellias granz
31. Es car de uos pueis chantar
32. Ar quant mils degra plorar
33. P(er)o tant plor en pensaz
34. P(er) qen ben seu mant trobadors
35. Diran de uos mais de lauzor
36. Que ieu quen degra dir mil tanz ·
    RicBarb 421.10 (P 29)
37. Folket de Marsellha .XXVIIII.
38. Tuit domandon ques d(e)uengut amo(r) ·
39. E ieu a tuit dirai la uertat ·
40. Tot eissamenz com lo soleil destat ·
41. Que p(er) toz locs mostra sas splendors ·
42. El ser sen uai colgar tot eissamen ·
43. O fai amors e cant a tot sercat ·

10rB

1. E no(n) troba ren que si a son grat ·
2. Torna sen lai don moc primeramen ·
3. §Car senz preiz e largueze e ualors
4. E tuit bon aib ierun aiostat
5. Ab finamor p(er) far sa uoluntat
6. Et era iois do(m)pneiars e honors ·
7. Tot eissamen con lo falcs que deisen ·
8. Uas son auzel quant la sobre mo(n)tat
9. Deissendia ab douz humilitat
10. Amors en sels camauan lialmen ·
11. §Amors o fai si com lo bon austors ·
12. Qui p(er) talant nos mou ni nos desbat
13. Anz seis esta en tro com la gitat
14. Et adoncs pren son auzel quan la sors ·
15. Et fin amors esgarde e aten ·
16. Una do(m)pna ab entiera beutat
17. On tuit li ben del mon son asenblat
18. E non faill gens amors cant tal la pren ·
19. §E per aisso uoill soffrir las dolors ·
20. Que per soffrir son mant ric ioi donat
21. E p(er) soffrir maint orgoill abaissat
22. E p(er) soffrir uenz hom lauzeniadors ·
23. Couidis dis es libre qe non ment ·
24. Que a soffrir a hom damor son grat
25. E soffrir fai mant amoros iausen ·
26. §E pos dompna tant es granz uostronors
27. Et en uos son tuit bon aib absenblat
28. Car noi metes un pauc de pietat
29. Con si fezes a mon mal trag socors
30. Caissi com sel quel fuc denfer espren ·
31. E muer de set ses ioi e ses clartat
32. Austresim muer ete(m) naias pechat
33. Si mauzirert pos nuil nous mi defen ·
    RicBarb 421.5 (P 30)
34. Folket de Marsellha . XXX.
35. BEn uorria saber damor
36. Sella ue ni au ni enten
37. Qui tan lai requis franchamen ·
38. Merce e de ren no mi soccor ·
39. Estiers non sai ues sas armas defendre ·
40. Mas ab merce qe tant li soi aclis ·
41. Qe no(n) ers iois ni autre paradis
42. Per qui canges lesperar ni latendre
43. §Terra ten hom de seignor

10vA

1. Cui serui de bon cor franchamen ·
2. Cant locs ni aizes lol consen
3. Deu ben far a son seruidor
4. E fin amors deu ben sel aprendre ·
5. Que gart ca dreg sion siei don d(e)uis
6. Ni qui lier francs ne lials ne fis
7. Que neguns hom non sen puesca mes
8. predre · §Caissi uen be(n)s apres honor ·
9. E apres gran mal iausimen
10. E gran ioi apres marrimen
11. E loncs repaus apres dolor
12. E granz merces ab soffrir ses (con)te(n)dre ·
13. Caissi sec hom damo(r) los dreiz camis ·
14. E qui estiers los sec il li gaudis
15. Cab tal engien pot hom bon amo(r) p(re)ndre ·
16. §Si com latigrel mirador
17. Que per remirar son cors
18. Oblida se e son tornamen
19. Aissi cant uei lei cui ador
20. Oblit mos mals e mas dolors esme(n)dre ·
21. E ia negus no(n) sen fassa deuis
22. Qieu uos dirai qui ma asers (con)quis ·
23. Sio sabez conoisser ni entendre ·
24. §Miels de do(m)pna miels de ualor
25. E miels de tot ensegnamen ·
26. E miels de beutat ab iouen ·
27. Mesclat ab tan fresca color
28. Que nuls archiers tan dreit n(e) sap este(n)dre ·
29. Quella plus dreich nomaia el cor assis ·
30. La douza mort don ieu uoill est(re) aussis ·
31. Se p(er) esgard damor nom uoill ioi re(n)dre
32. Marme mon cors uolgra ben q(e) saubis ·
33. E mos captenza qual dolor laguis
34. Lials amanz qe no(n) fai mais atendre ·
    GabPuic 173.11 (P 31)
35. Folket . .XXXI.
36. SIeu anc iorn dis claman
37. Encontra uos amors
38. Ergueilh ni deszonors
39. Aram dei en mos chans
40. Humeliar dos tans
41. E lassar mas clamors
42. Pueis ma do(m)pna Elienors
43. La pros raina prezans

10vB

1. O denh an aissi uoler
2. E si tot de uos grat non esper
3. Bens dei grazir lo ben el mal
4. Pos ilh ma manda que tan ual
5. §Humils e merceians
6. Mi ren a uos amors
7. Car mi forset errors
8. E ilh lengua mal parlans
9. Qui eus fos contrarians
10. Ab dig mals dizedors
11. Es zieus dirai lauzors
12. E de plazers sen aitans
13. Que non uos dis desplazer
14. Quergueilhs sai be que no(n) mi pot ualer ·
15. Per cuei mais de nemic mortal
16. Maures amic fin e leial
17. §Qui eus uenserai enans
18. Merce claman amors
19.  
20. Uos era contrastans
21. Ni us dizia folors
22. Al fals dig reprendedors
23. E si mos leugiers talans
24. Mi fes erguielhos parer
25. Encontra uos ni dire non deuer
26. Ben dei far penitens aital
27. Com tang a forfag desleial
28. §Sabetz qe als mieus ans
29. Mer tostemps mais amors
30. Doussamas greus dolors
31. E bes e pros mos dans
32. E seiorns mos afans
33. E gaugz e ris mos plors
34. E mos loncx trebailh legors ·
35. E totz mos destric enans ·
36. E tug mei enuei plazer
37. E despendrai mon sen e mon saber
38. En uos gen seruir a iornal
39. Com hom ser senhor natural
    GabPuic 173.3 (P 32)
40. Folket XXXII.
41. CAr non abelis solatz
42. Aitan com deuria

11rA

1. E uei qe chans non chantaria ·
2. E can men soi totz laissatz
3.  
4.  
5. So men senha amors</
6. Que enansar uostras lauzors
7. De do(m)pna en chantan ·
8. Per que souen di mon chan
9. §E tenc mi fort p(er) pagatz
10.  
11.  
12. Sol soffrir denhatz
13. Qi eu ben dizens uos sia
14. E si ben me faziatz
15. Enquara maiors
16. Tai te querguilhs e folors
17. Es de querre tan
18. E non puesc passar ses dan
19. §Mas de le per sai que fatz
20. Gran sobransaria
21. Que a mi nom tanheria
22. Ricx iois tant honratz
23. Per o quil dreg uignaria
24. Meilh men deu finamistat
25. Ualer qe ricors
26. Que nans deu trobar secors
27. Paubres hom qe e blan
28. Quel ricx derguilho senblan
29. §Mas tant tem uostras rictatz
30. Que ren nous qeria
31. Per o tan arditz seria
32. Que sim dona uatz
33. Ses querre ben ho penria
34. E doblarias lo gratz
35. Que dorbla ualors
36. Es de far ben eszonors
37. Lai on mestier an
38. Ans com quiera ni deman
39. §Bona do(m)pna ben sapchatz
40. Que sent tans ualria
41. Un dons cui hom fort uolria
42. Ser tost donatz
43. Que qui trop lo tarzaria

11rB

1. Qua sel dona que uiatz
2. Fai sos gratz meilhors
3. E quil don non fai de cors
4. Non les grazit tan
5. E pueis costaih autre tan
6. §Mas ieu soi sel qe en patz
7. Grazirai tot dia
8. Latendre com si prendia
9. E p(er) dons priuatz
10. Penria en grat la faidia
11. Ma uos er plus bel asatz
12. Sim fazes secors
13. Ans qua forsam forsamors
14. Languen e spectan
15. De sofranche de talan
16. §Namalric totz iors
17. Ses mera uostra ualors
18. Per quieu en chantan
19. Trac uostre bon pretz enan ·
    GabPuic 173.14 (P 33)
20. Gaubert XXXIII.
21. HUna gran amors corals
22. Mi destrenh em te
23. Si que non pens ren als
24. Mai clamar merce
25. E pueis mi dals non soue
26. Senble fatz entre las gens
27. En par menres ma sabensa
28. Don amors qem forssem uens
29. Degra uenser mas clamors
30. Qe uensedor es honors
31. Que merces lo uensa
32. §A tor mi uen de uos mals
33. E non sai per que
34. Mas daitan amor si uals
35. Men ueniarai be
36. Qua sels qe non sa bon re
37. Com uos es desconoissens
38. Dirai uostra captenensa
39. Don uos seres meins ualens
40. E naures meins seruidor
41. Cui sera ma grans dolors
42. Resels e temensa
43. §Car nom ual car sui tals

11vA

1. Com a drut conue
2. Sim faz ia desleials
3. Aurian ia be
4. Ben leu lai uire al fre
5. Mas no(n) dei som di mos sens
6. Far per faillimen failhensa
7. Mais uueilh soffrir los turmens
8. A los leials amadors
9. Cab los fals galeadors
10. Far de ioi paruensa ·
11. §Amor uostre noms es fals
12. Qar non amatz me
13. Quieu uos sui fis e leials
14. E uos am ancse
15. E pueis aissi sesdeue
16. Quieu uos sui obediens
17. Damor e de ben uolensa
18. E uos mes male cozens
19. Ses ben faig e ses secors
20. Per dreg seria hieu amors
21. E uos maluolensa
22. §Uostruzages es aitals
23. Car celui qe uos cre
24. Merma de ioi sos captals
25. Quar de uos non ue
26. Mas enian ses tota fe
27. E mal sen es iauzimens
28. E senes ben fait cozenssa
29. Trop faitz dautres failhimens
30. Mas selar me fai temors
31. Quergueilhs e e follors
32. Qui ab plus fort desente(n)sa
    AimPeg 10.14 (P 34)
33. Gaubert XXXIIII.
34. Quar fui de dura cordansa
35. Ues uos al comensamen
36. Tanh prendaz ueniamen ·
37. Ab mal respost ho ablansa
38. Cans quieus ames mames uas ses e(n)ian ·
39. E torner uas bona donen soan
40. Per tal qe ma trahit ses desfisanssa ·
41. §Si cus fui a la comensanssa
42. Fals arans am finamen
43. E sai quem dires souen

11vB

1. Que franchura dautramansa
2. Me fai uenir ues uos humelian
3. E quieu uos uauc minten e galian ·
4. Ni ges nous am en faitz mas en se(n)bla(n)sa ·
5. §De gran forfag gran ueniansa
6. So de dreitz p(er) iusiamen
7. E merces di eissamen
8. De gran tort gran perdonanza
9. Am dui son en maint luec dun se(n)blan
10. Eszen maint luec uan se (con)trarian
11. Car dreitz aussi e merces a pitansa ·
12. §Doncx si dreg ni uostronransa
13. Gardas nul mieu failhimen
14. Ia no maures chausimen ·
15. Cals mals dona dreit malanssa
16. Quel failhimen quie fis ues uos tan gran
17. E lonramen qua ues sobre mi tan ·
18. Creisson mamor e mermon me spera(n)sa
19. §Pueis conoissetz ses duptansa
20. Quieu failh nessiamen
21. Mas del be aiatz menbransa
22. Si pro nom faitz sa uals nom fasatz dan ·
23. E del be fag si el uostre talan ·
24. Quieus atendrai senes dezesp(er)ansa
25. §Rei darago quil uostre gai senblan
26. Ue pot ben dir de bon ·
    AimPeg 10.41 (P 35)
27. Naimeric de Pepugnan .XXXV.
28. Per solaz dautrui chan souen
29. Mas pero cora quieu chantes
30. Ni per bon respeg malegres
31. Ara uei qe chan per nien
32. E son a mon dan chantaire
33. Si com lauzels de bonaire
34. Que sap ques pres e p(er)o no(n) recre
35. Cades non chan autretal es de me
36. §En amor ai lo cor el sen
37. Fermat e meilhuram ades
38. Si pogues trobar qui mames
39. Tan be com hieu am finamen
40. Mais ieu am lieis ses cor uaire
41. Don sui desamatz amaire
42. Eszon hieu plus lam de cor e de fe
43. Adoncs creis pl(us) lamors qem lassem te

12rA

1. §No mes uis canc plus follamen
2. Nuilhs hom per amor folleges
3. Qui eu am mai que sautram baizes
4. De leis ses plus lente(n)demen ·
5. Conors mes mas que pot faire
6. Ses empiri emperaire
7. Quem ual honors ni pretz don mal mi ue
8. Si fai q(e)l mals cui platz e p(er)s del be
9. §Per som soilh mal qui eu nai plazen
10. Canc non ui dona luenh ni pres
11. Mielhs dieuisses ni mieilhs repo(n)des
12. Ni tan amezuradamen ·
13. Per que cascun nes lauzaire
14. Pueis es del mon la belaire
15. Canc natura no(n) mes en lieis so cre
16. Ni plus ni mens mas aco quei (con)ue
17. §Do(m)na per merces solamen
18. Suffretz cun pauc merceges
19. Merces e cun pauc afranques
20. Mercean uostre dur talen
21. Ues mi qeus sui merceaire
22. Tostems e merce clamaire
23. E merceian sui e cherai ia ce
24. Uostrom claman merce merce ·
    AimPeg 10.17 (P 36)
25. Naimeric de pepugnan . XXXVI.
26. DAisso don hom a loniamen
27. Ben dig entrels conoissedors
28. Sin di pueis mal uilanamen
29. Es a tot lo meins deszonors
30. Cais sel que se mezeus desmen
31. Del ben qua dig no mes paruen
32. Des ques trobatz ben dizen fals
33. Quel deiam creire dizen mals
34. §Si dieisses al comensamen
35. Lo mals ans quel ben dig fos sors
36. Dieisseron plus cubertamen
37. E senbla uer a pluzors
38. Mas per o ben aue souen
39. Caisso com cre blasmar defen
40. Doncs non es dome ques aitals
41. Lo bes digz bos ni mal dig mals
42. §Cun quen dieis liei premeiramens
43. Que de bas aut poget amors

12rB

1. En dis apres mal sotilmen
2. Per far semblar sos mals peiors
3. E per plus enganar la gen
4. Ab prouerbis dauratz de sen
5. Eszap paraulas uenals
6. Uol far creire del ben mals
7. §Non es bes qui fai dauinen
8. Segon lo mon so ques ualors
9. E qui sgarda de failhimen
10. On plus pot e creis sas lamors
11. Si es mas no(n) pot far nien
12. Si nona laministramen
13. Damors ques mastre leials
14. Quen senha triar bens de mals
15. §Quel cor nais on amans sen pren
16. Ensems ardimens e paors
17. Quen sauieza lardimen
18. E uolpilha gen la folors
19. E pueis es arditz eissamen
20. De languesza e densenhamen
21. E uolpilhs de scarseza e dals
22. Que fos uilania ni mals
23. §Per som par qui ditz mal uilanamen
24. Del maistre que donal sen
25. Com si om ualens e cabals
26. Ni com se pot gardar de mals
27. §Car ual plus e conois e sen
28. Na ioana dest eszenten
29. Uueilh segon lo dreg iutge cals
30. Deu hom dir damor bens o mals
    AimPeg 10.50 (P 37)
31. Naimeric XXXVII.
32. SI com larbres qe per sobre cargar
33. Fraing se meteis (e) pert son fruit (e) se
34. Ai eu perdut ma bella do(m)na (e) me
35. E mon enter se fraing p(er) sobramar
36. Per o se tot me soi apoderatz
37. Anc iorn no(n) fi mon dan a escien
38. Enanz cuit far tot zo qant fatz ab sen
39. Mais ar conosc qe trop sobral foldaz
40. §E non es ben com sia tot senatz
41. Qe a sazon non sega son talen
42. E se noia di chascun mesclamen
43. Non es bona sola luna mitatz

12vA

1. Car ben deuen hom p(er) sobra saber
2. Nesis en uai mantas uez foleian
3. Per qe seschai coman en lou mesclan
4. Senz ab foldaz qio sab gen retener
5. §Las qeu non ai mi meteis en pode
6. Anz uau mon mal enqeren e cerqan
7. E uoill trop mais perdre (e) fair mon dan
8. Ab uos do(m)pna qab autra conq(e)rer
9. Car eu cuit far ab aqest dan mon pro
10. E qe sauis ab aqesta follor
11. Per o alei de fin fol amador
12. Mauetz ades on piez mi fai plus bon
13. §No sai nul oc per qeu des uostre non
14. Pero souen tornon mei ris en plor
15. Et eu com fol ai gaug de ma dolor
16. Et de ma mort qan mir uostra faizon
17. Col baselesc qab ioi sanet a ocir
18. Qant el miral se remiret es ui
19. Tot autresi es uos miral ami
20. Que mauciez qan uos uei ne os remi(r) ·
21. §Et nous en cal qan mi uedez morir
22. Abanz o fai de mi tot en aisi
23. Com del enfant cab un maraboti
24. Faiom del plor laissar (e) departir
25. Et pois qant es tornatz en alegrer
26. Et hom lestrai zo qel donet el toll
27. Et el adonc plora e fai maier doll
28. Mil tant plus fort qe non fez de pimer
29. §Bel castelan ges uostre prez no(n) tol
30. De mellurar qoi ual pro mais q(e) her
    AimPeg 10.12 (P 38)
31. Naimeric XXXVIII.
32. AUtresim pren com fa al iugador
33. Cal comensar ioga maistramen
34. Al petit iog pois sescalfa perden
35. Qel fa montar tan qes en la folor
36. Aussi mis eu pauc a pauc en la uia
37. Qeu cuiaua amar a maistria
38. Si qem pogues partir can mi uolgues
39. Or soi entratz tant qesir no(n) puis gies
40. §Autra uez fui en la prison damor
41. Don escapei mais aoram repren ·
42. Ab un cortes engeing tan sotilmen
43. Qem fai plazer mon mal e ma dolo(r)

12vB

1. Cun laz me fez metral col ab qem lia
2. Don per mon grat mais nom deslieria
3. E nulz autrom qe fos liaz non es
4. Qil deslies qe ben no li plagues
5. §Anc mais nulz temps no(n) trobei liador
6. Qe tan ferm lies a tan pauc liamen
7. Qel liam fo cortz dun braz solamen
8. Don non trob chai qim desli ni aillor
9. Enliamaz soi tan qe sim uolia
10. Desliamar ges far non o porria
11. Camor qe lai mo liame(n)t empres
12. Me liama sai plus fort per un tres
13. §A lei des fers q(e) uai ses tirador
14. Ues laziman qel tirauan si gen
15. Amor qem sap tirar ses tiramen
16. Mas tira ma si uals p(er) la meillor
17. Qe se dautra meillurar me sabria
18. E am tant lo meill qe ben meilluraria
19. Mas meillurar non cre qe mi pogues
20. Ueus p(er) qe ma per la meillor conqes
21. §Ha g(e)ntil cors format plus gen d(e) flor
22. Aiaz de mi cal aco chausimen
23. Qi eu mor per uos denuei (e) de talen
24. E podetz lo proar a ma color
25. Cam uos remir qe trasu e chambia
26. Qe foralmosna e granz cortesia
27. Cumilitaz mercian uoz preges
28. Daqest coichos sofreichos de toz bes
29. §Ben platz Guill(e)m malaspina ma(r)ques
30. Car conqer prez e prez ali conqes
31. Biatriz dest lo bens qen uos es
32. Fa meillorar las autras ab los bes
    AimPeg 10.27 (P 39)
33. Naimeric XXXVIIII.
34. EN greu pantais ma tengut longamen
35. Canc no(m) laisset ni no(m) retenc amors
36. Et am saiat ab totas sas dolors
37. Si qe del tot ma fag obedien
38. E car me sa esforciu e soffren
39. Am si cargatz del amoros afan
40. Qel miellor cent no(n) soffrion tan
41. §Amar me fai ster mon grat finamen
42. Leis qe ma faig chausir per la gensors
43. Et agram ops qem fes causir aillors

13rA

1. Cassatz ual mais gazanhar en argen
2. Qe perdre en aur segon mon esien
3. Mas eu o fas a lei de fin aman ·
4. Qeu fug mon pro (e) uau seguen mon dan
5. §Et seu com fols sec mon dan folamen
6. A tot lo men mes la foudaz honors
7. Qeu ai uistas faire mantas folors
8. Qe torn auon a saber e a sen
9. Et ai uist far manz faz sauiamen
10. Qe tornauon a folia trop gran
11. Per qeu cuit fair sen qan uai foleian
12. §Et uos do(m)pna cauez ualor ualen
13. Aissi com es meiller pars las meillors
14. Menbreus merce e oblit uos ricors
15. Et noi gardaz raison mas chausimen
16. Car luns poia zo qel autre deiscen
17. Cho qe merce creis raisons uai me(r)man
18. Seus plaz aucir me podez raisonan
19. §Pauc uos carra del meu e(n)nansamen
20. Se uos souen uostra ualenz ualors
21. Nil douz esgard ni la fresca colors
22. Qen qeram son al cor uostroill rien
23. El cortes diz amoros e plazen
24. E qar eu plus souen nous uau d(e)nan
25. A pauc mi oilh estra mon grat noi uan
26. §Reis daragon e flors den seignamen
27. Foilla de gauz frug de bons fags donan
28. Uos es de prez maistres ses enian
29. Cont cominge eincent merces uos ren
30. Qe ses donar mauez donat aitan
31. Qe las honors ualon don riche gran
    AimPeg 10.15 (P 40)
32. Naimeric .XL.
33. CIl qe sirais ni guerria ab amors
34. Ges qe sauis no(n) fa al meu semblan
35. Car hom atrai pro en guerra tost dan
36. Et guerra fai tornar mal en peior
37. En guerra troff p(er) qeu no la uolria
38. Uiltat de mal e de ben carestia
39. Et fin amor se tot me fai languir
40. Ai tan de ioi qe pot leu esiauzir
41. §Bona do(m)pna de uos teing e damor
42. Sen e saber e cor moz e chan
43. Et seu faz ren qe sia benestan

13rB

1. Deuez nauer lo grat e la lauzor
2. Uos e amors qem donaz la maistria
3. E se ia plus de ben no men uenia
4. Pro nai daitan segon lo meu seruir
5. Se plus nagues ben sabria el plus grazir
6. §Qelh plazer son mais qel ennoi damor
7. El ben qel mal el soior qe lafan
8. El ioi qel dol leu fag qel pesan
9. El pro qel dan son mais el ris qel plor
10. Non dieu ges del tot qe mal non sia
11. Qel mal com na plaz plus qe qim gue(r)ria
12. Car cel cama de cor no(n) uol guerir
13. Del mal damor tan es dolz per soffrir
14. §Enqer sai eu mais de ben en amor
15. Qel uil fai car el nesi ben parlan
16. El escartz larg e leial lo truan ·
17. El fol saui el pec conosidor
18. Et lorgoillos domes gez humilia
19. Et fai de dos cors un tan ferm lolia
20. Per com non deu uas amor contradir
21. Pois tan gen sap emendar e fenir
22. §Seu lai seruiz pro nai canbis damor
23. Ab qe ia plus no(m) faza mas daitan
24. Qen mant loc ma fag tan haut e tan gran
25. Qe ses amor noi pogra auer honor
26. E mantas uez me trai de uillania
27. Qe ses amor gardar no men porria
28. Et manz bon mot me fa pensar e dir
29. Qe ses amor noi pogreu deuenir ·
30. §Chanson uaten de ma part e damor
31. Al pro al larg al ualenz al prezan
32. A cui seruon latin e aleman
33. El sopliom com bon emperador
34. Sobrez meillors a tan de maiuria
35. Ualor (e) sen largez e cortesia
36. Sen e saber conoisser e grazir
37. Naz de ricor fai fin prez enriqir
    RbVaq 392.2 (P 41)
38. Ranbaut de uaqeras .XLI.
39. ARam reqer sa costum e son us
40. Amor per qeu planc e sospir e ueilh
41. Qa la gensor del mon ai qist (con)seilh
42. Em di qieu am taut com puesq(e)n sus
43. La meilhor do(m)na e met en sa fizansa

13vA

1. Conor e pres mer e pros e no(n) dans
2. E car ella es del mon la plus p(re)zans
3. Ai mes en leis mon cor e mas esp(er)a(n)sa
4. §Anc non amet tan aut com hieu negus
5. Ni tan pro do(m)na e car noi trob pareilh
6. Menten e lei e lam al sieu (con)seilh
7. Mais q(e) tibrs no(n) amet priamus
8. Qe iois e prez sobre totas le(n)nansa
9. Qilhes al pros plazens ez acordans
10. E als auols ab erguilhos senblans
11. Largues dauer e de dura cordansa
12. §Anc Perseual cant el la cort da(r)tus
13. Tolc las armas al caualier uermeilh
14. Non ac tal gaug com eu del seu (con)seilh
15. Em fai morir si com muer dandal(us)
16. Caissom ueda de qem dona onda(n)sa
17. Mi dons qes pros cortes e benestans
18. Riqe gentils iones e gen p(ar)lans
19. E de bon sen e de bella senblansa
20. §Bona do(m)pna aitan arditz ha plus
21. Fui can uo quis la ioia del quabeilh
22. E qem dases de uostra mor conseilh
23. Non fo del saut de tir emenadus
24. Mas amicx qai mais presza do(n)ransa
25. Qen dreg damor fo lardim e(n)s pl(us) grans
26. Mas ben deu far tan dardir uostra mans
27. Morrai p(er) uos ho naurai benenansa
28. §A mon ergueilh nom blasme ni enc(us)
29. Sim luenh daurenga ni de mo(n)teilh
30. Caissim don dieus del seu bel cors (con)seilh
31. Qe plus ualen nulhs hom d(e) lieis n(on) uis
32. Qe sera reis danc la terso de fransa
33. Lonheramen p(er) far lo sieu comans
34. Qen lieis ai tot mon cor e mon tala(n)s
35. Eszes la res on plus ai de fizansa
36. §Bel caualier en uos ai mes sp(er)ansa
37. Qar uos es del mon la pl(us) presans
38. E la plus non mi deu esser dans
39. Qar uos mi des conseilh e fort fe(r)ma(n)sa
    RbVaq 392.13 (P 42)
40. Ranbaut .XLII.
41. EIssamen ai guerriat ab amor
42. Col franc uassal guerreia mal senho(r)
43. Qilh tol sa terra p(er)quel guerreia

13vB

1. E can conois queilh guerra pro noilh te
2. Pel sieu cobra uec pieis asa merce
3. Eszieu aitan de ioi cobrar enueia
4. Quaz amors quier merce de son pecat
5. E mon ergueilh torn en humeiltat
6. §Gaug ai trobat merce de la gensor
7. Quem restaura lo dan quai pres ailho(r)
8. E sa mistat p(er) plag damor mautreia
9. Ma bella do(m)na e gent alsim rece
10. Em p(ro)met tan p(er) quel rep(ro)chier cre
11. Com di qui ben guerreia ben plaideia
12. Ab amor ai en chantan guerriat
13. Tan cap mi dons nai meilhor plag tro
14. bat §El mon no na rei ni emperador
15. Quen lieis amar no(n) agues plag donor
16. Quar sa beutat e son pretz senhoreia
17. Sobr totas las pros donas com ue
18. E meilhs se(n)nansa e plus gen si capte
19. E meilh acueilh e meilh parl e do(m)pneia
20. E mostra als pros son sen e sa beutat
21. Saluan sonor e reten de tot grat
22. §Do(m)na ben sai si merces nom secor
23. Quieu no uailh tant queus tan hazamador
24. Que tan ualens p(er) qe mon cor feuneia
25. Car non puesc far tan ricx faiz cous (con)ue
26. Das mi quieus am mas per tan nom recre
27. De uos preiar que uassal pos desreia
28. Deu ponher tant qe fassa colp honrat
29. Per quieus enquis pos magues (con)seilh dat
30. §Uostri bl hueilh plazen galiador
31. Razon da quo don heu sospir e plor
32. El iouenes cors cabes gens e condeia
33. Maussi aman al enueira men ue
34. E si eu ab uos non trob amor e fe
35. Ia non trouarai ren cauia ni ueia
36. Nim fizarai en do(m)na daut barnat
37. Ni uueilh qem do nuilh autra sa mistat
    RbVaq 392.18 (P 43)
38. Ranbaut .XLIII.
39. GUerras ni plag no son bo
40. Contramor en nuilh endreg
41. E sel fabregua lo fer freg
42. Qim uol ses dan far son pro
43. Caussim uol amors ausire

14rA

1. Com ausi les sieius senher mals
2. Que sa guerra les mortals
3. E sa patz pietz de martire
4. E sanc fo iorn enemic
5. E tibautz ab lo zoic
6. No fes plag ab tans plazers
7. Com hieu cam soi torn merces
8. §Que p(er) esmende per do
9. Mas abrels amans cleg
10. Ma dona on son tug bon dreg
11. Pauzat en bella faisso
12. Don muer dire de dezire
13. Car no mistai comunals
14. Amors cap sospirs corals
15. Maussi ab bel senblan trahire
16. P(er) lieis cui am ses cor tric
17. Canc ioues grec en ric
18. E ual sobre totz ualors
19. Som mos trauzirs e uezers
20. §Can pe(n)s cals es ni qui so
21. Bem soi mes en destreg
22. E sieu quis mais qe non deg
23. Sa gran beutat nochaizo
24. Quem forsem fai lergueilh dire
25. E sa colors naturals
26. Quades gense noimet als
27. Mas bel solas e gent rire
28. E pos tant amar sem gic
29. Fai lenans al mieu destric
30. Mas sil sieu bels dig es uers
31. Tot restaural bons espers
32. §Si mestazes arazo
33. Bona dona eszadreg
34. Ia nom tengras tant destreg
35. En uostra onrada preiszo
36. Don no(n) ai poder qem uire
37. Ans soi tant francs e leals
38. Uas uos que uas me soi fals
39. Eus am tan que me nazire
40. E si eu non fauc tan ni dic
41. E si eisathan al uostramic
42. Al fag me sofranh poders
43. Eszal uostre laus sabers

14rB

1. §En luec te fag dau baro
2. Uos am eus preg eus do(m)pneg
3. El uostre gen cors adreg
4. Lau e gar a qui on sa
5. E can puec ben far nom uis
6. Quesser deu lo uostramic tals
7. Que sia entrels pros cabals
8. Qe sia entrels pros cabals
9. E qar suffres quieus dizire
10. Soi pars al plus ric
11. E cant dautra me fai dic
12. Non mo fai far non calers
13. Mas uostronratz cap teners
14. §Do(m)pnal bos conseilh mer mals
15. Quem dones si nom das als
16. E quar nous soi (con)tradire
17. Do(m)na lonrat conseilhs ric
18. De lemperador frederic
19. Caisson tengra a mais de plazer
20. Com sai damans la plus uers
    BnVent 70.15 (P 44)
21. Bernard del Uentedorn . XLIIII
22. Chantars no(n) pot gaire ualer
23. Si dins del cor non mou lo chans
24. Ni chans no(n) pot del cor mouer
25. Si no(n) hi es fin amors coraus
26. P(er) so es mos cantars cabalus
27. Quen ioi damor ai eszenten
28. La boquels hueilhs el cor el sen
29. §Ia dieus nom da aqul poder
30. Que damar nom prenda talans
31. Can ia re no(n) sabriauer
32. Mas chascun iorn men uengues maus
33. Trostemps naurai bon cor siuaus
34. E nai mot mai s de iauzimen
35. Qua nai bon cor e mi aten
36. §Amor blasmon per no(n) saber
37. Folla gens mas lieis no(n) es dans
38. Camors no(n) pot ges decazer
39. Si no(n) es amors comunaus
40. Aco no(n) es amors aitans
41. Nona mas lo nom el paruen
42. Que ren non ama si non pren
43. §Si eu en uolgues dir lo uer

14vA

1. Hieu sai be de cui mou lenguans
2. Daquellas camors per auer
3. E son mercandas uenaus
4. Mensongiers fo s hieu e faus
5. Uertat en dic uilanamen
6. E pezame car ieu non men
7. §En agradar eszen uoler
8. Es lamor de dos fis amans
9. Nuilha res noi pot pron tener
10. Silh uolontatz no(n) es engas
11. E sel es ben fols naturaus
12. Qui daco qe uol la pren
13. E ilh lauza so qe no(n) les gen
14. §Molt ai ben mes mon boner
15. Cant ellam mostra bels senblans
16. Quieu plus deszir e uueilh uezer
17. Franque dousa fin e leiaus
18. En cui lo reis seria saus
19. Bella cuenhda ab cor conuinen
20. Ma fait ric hom de nien
21. §Re mais non am ni sai temer
22. Ni ia res nom seria afans
23. Sol mi dons uengues a plazer
24. Caisel iorn mi sembla nadaus
25. Cab sos bels hueilhs esperitaus
26. Mas garda mas so fai tan len
27. Cuns sols dias me dura sen
28. Lo uers es fis e naturaus
29. E bons sel ui qui be lenten
30. E meilhers mi quel ioi aten
31. §Bernartz de uentadorn lenten
32. El ditz el fai el ioi aten
    GcFaid 167.52 (P 45)
33. Gauselm faiditz . XLV.
34. Si anc nuilh hom per auer fin coratge
35. Ni p(er) amar leialmen ses falsura
36. Ni per sofrir francamen son da(m)pnatge
37. Ac de si dons nuilh honrada ue(n)tura
38. Ben degra hieu auer
39. Alcun couinen plazer
40. Quel mal el ben cal quieu naia
41. Sai sufrir eszai saber
42. De far tot can mi dons plaia
43. Si qel cor no(n) puosc mouer
    43bis §De finamor sai segrel dreg uiatge

14vB

1. Si que tant am mi dons outra meszura
2. Far pot de mi tot qua(n)t le dagradatge
3. Que noilh deman tan tem dir forfaitura
4. Baiszar ni iazer
5. P(er)o si sai tant ualer
6. Azaps damar qui quem braia
7. Corrat ior e plazer
8. Ser e tot so qua drut seschaia
9. Aus dezirar e ualer
10. §Si tot la uoilh hieu no(n) ai autre gage
11. Don ni autrei ni paraula segura
12. Mas ilh es tan franca e de bel estatge
13. Part la ualor el pretz qen lieis satura
14. Caissom fai parer
15. Camors hiaia poder
16. Que lai on es ualors gaia
17. Deuria merces caber
18. Uec uos so quem napaia
19. Em tol que nom deszesper
20. §Auzit ai dir ab sen eszap folatge
21. Com hora mal selui don nona cura
22. E di queilh don dieus ioue senhoratge
23. Aquest orat sia tort o drechura
24. Ai hieu damor per uer
25. E si lai non deszesper
26. Que de pros do(m)pna ueraia
27. Ual mais com ric don esper
28. Caia don dauol saia
29. Com no den en grat tener
30. §Quien sa huna ques de tan fra(n)c huzatge
31. Canc no(n) gardet honor sotz la sentura
32. Si eus e lo tortz sieu en dic uilatge
33. Que senes genh e senes cobertura
34. Fai a totz uezer
35. Com pon hensi decazer
36. Dona cap tans sessaia
37. Nos cug quieu maler
38. Que ia de leis ben retraia
39. Ni uoilh quen deia escazer
40. §Namaria do(m)pna gaia
41. Uos non es daital saber
42. Que non faitz ren que desplaia
43. Ans plai a totz e deu plazer

15rA

GcFaid 167.53 (P 46)

1. Gauselm .XLVI.
2. SI tot mai tarzat no(n) chan
3. Ni nai fag trop lonc estatge
4. Aras ai cor e talan
5. Quen torn la perda el da(m)pnatge
6. Queilh bellam dreissel uiatge
7. Em ditz queilh mo(n)stren chantan
8. Lo ioi e la ualor gran
9. Quem donet e la legratge
10. Lo iorn quem retenc baisan
11. §Adoncx lestei tant de nan
12. Mans ionhtas de bon coratge
13. De genoilhos e ploran
14. Trom pres en son senhoratge
15. Mas al prim li fon saluatge
16. Quar mauziei en ardir tan
17. Pueis uit mon humil semblan
18. E retenc mon homenatge
19. Quar mi conosc ses engan
20. §Amicx can si uol p(ar)tir
21. De si dons fai gran enfansa
22. Si tot noilh uol acuilhir
23. Sos ditz ala comensanssa
24. Camors sabriue se(n)nansa
25. Ab honrar e sap seruir
26. E quis uol de leis iauzir
27. Si ailh de bella senblansa
28. E sap chamar essufrir
29. §Mi dons am tant e dezir
30. Que quim metien egansa
31. En tan cant hom pot chauszir
32. Non pe(n)ria cordansa
33. Qui eu ia mudes me speransa
34. Ni camges mon dezir
35. Ni non uoilh esdeuenir
36. Senes lieis senher de fransa
37. Gardas si eu uoilh quilh mazir
38. §Maintas sazos mesdeue
39. Que pens tan fort e consire
40. Non aug qui parla ab mi
41. Ni faug mas tremblar e frire
42. E pens com dieus uolc assire
43. Mas quen una sola re

15rB

1. La beutat quilh a en se
2. El gent parlar el dous rire
3. Ab que malegra em reue
4. §Molt ai p(er) ma bona fe
5. Conquis so don sol iauzire
6. E prec mi dons per merce
7. Quel sieu cor del mieu nos uire
8. Que sos hom e sos seruire
9. Soi ai estat ancse
10. Eszades pueia e ue
11. Lamor e doblal dezire
12. On oilh plus mi fai de be
13. §Linhaure lai uir manfre
14. Uas mon senhor cui dezire
15. E uoilh sonor e son be
    GcFaid 167.4 (P 47)
16. Gauselm .XLVII.
17. A Semblan del rei ties
18. Quan lac uencut lemperaire
19. Eilh fes tirar quanc lac pres
20. Sa carecta e son arnes
21. Don el chantaual mal traire
22. Uezen la roda uirar
23. E ser ploraual maniar
24. Hieu chant on plus ai malana(n)sa
25. Quan consir quen alegransa
26. Me pot mos mal traitz tornar
27. En plor quan uei ioi ni be
28. Als autre e mi soue
29. Quieu uaic proar non ai re
30. §Quen aital trebailham te
31. Amors pres en greu la lansa
32. E re nom sap dire per que
33. Mas car aten sa merce
34. Uencutz ses deszesperanza
35. E car nom recre damar
36. Que dals nom pot encolpar
37. Tant soi fis leials amaire
38. De uos cui no(n) aus retraire
39. Ni descubrir mon pensar
40. Pros dona ab gens cor cortes
41. Tan tem la pretz quen uos es
42. E las lauzors el bes
43. §Pero nom deszesper ges

15vA

1. Ni mes semblan ni uezaire
2. Quen uos non sia merces
3. Quel uostre cors gen apres
4. Humil franc e de bon aire
5. Uei ela uinen pretz car
6. El dous rire el gen parlar
7. Ioios de bella semblansa
8. E car no(n) auetz enguansa
9. El mon ni de beutatz par
10. Aissom te aissi e fre
11. Em tol lardir em rete
12. Qui eu nous aus pregar de re
13. §Que maintas sazos maue
14. Cap tota faita cordansa
15. Do(m)na us cug clamar merce
16. E pueis can mos cors uos ue
17. Mespert e non ai menbransa
18. Mas cant de uos esgardar
19. E no us aus ni sai pregar
20. Ni mamor nous puesc estraire
21. Ben gran merce pogratz faire
22. Sim dasetz ses demanda
23. El mon no(n) es tan pauca res
24. Qui eu del uostre don agues
25. Qui eu en gran no lam tengues
26. §Per o ans quel brui uengues
27. Ni fals lauszengier trichaire
28. Lamor qui eus ai conoges
29. Ben estera si us plagues
30. De conoisser mon afaire
31. Pos hieu nous aus pregar
32. Ben ric do mi pogratz dar
33. Senes totas malestansa
34. Si us plagues qua uostr onra(n)sa
35. Fosson fag tug mei chantar
36. Es plus lais car bes coue
37. P(er)o hieu no cug ni cre
38. Sieu len prec que mi malme
39. §Doncx pos en uostra merce
40. Soi eszen uostra fizansa
41. Eszun do no(n)m autreia
42. Asimon chan ni ma leial fe
43. Si uostra ualors me(n)nansa

15vB

1. Honors uos es ses duptar
2. E uos sabes cos tanh afar
3. Quie nous quier plus pauc ni gaire
4. Mas tant cumils merceiaire
5. Uos soi ab fin cor e clar
6. Esazimes ni saubes
7. Que plus dir en degues
8. Del plus mi for entremes
9. §Den uentadorn puies retraire
10. Qe la do(m)na no(n)n a par
11. De ualor al co(m)plitz bes
12. E sin marac des saubes
13. So qui eu sai beil fora pres
    GcFaid 167.59 (P 48)
14. Gauselm .XLVIII.
15. TAnt ai suffert lo(n)gamen en greu afan
16. Que se stes mais q(e) nom aperceubes
17. Morir pogra tost e leu sim uolgues
18. Ca la bella non preira ia dolors
19. En cui mala fos beutatz e ualors
20. Don regardan part forsatz mon coratge
21. E pos li plai segrai autre uiatge
22. Mas lieis no(n) cal ni no(n) so ten adan
23. De perdre me nils bels ditz de mon chan
24. §P(er)o tal re te hom uil que prezan
25. Tal ren pretz que di quel nes pres
26. Que pueis li fai sofraitamen re bes
27. Mas de mi dons es tan grans sa ualors
28. Que no(n) ler dans sim pert nim uir aillors
29. Doncx ben fe(n)zi outra cuiat folatge
30. Can percasei ma mort ni mon da(m)pnatge
31. Ab mon fol cor qem fes dir en chantan
32. Sa don degra gen cubrir mon talan
33. §E pos mon cor e mei hueilh trait man
34. E ma mala do(m)na e ma bona fes
35. Si que cascuns magra mort si pogues
36. Clamar men dei com de mals bailidors
37. E ia mos hueilh me(n)songiers traidors
38. No(n) creirai mais ni fiszansa ses gatge
39. Car sel es fols qe fai fol uassalatge
40. E fol qui cre auer a son coman
41. Tot so que ue plazen ni benestan
42. §Merauilh pos en mi dons es tan
43. Prez e ualors plazers ab ditz cortes

16rA

1. Com pot esser que noi sia merces
2. E merauil de lieis on es ualors
3. Sen e beutat que noi siamors
4. Ben merauilh de do(m)pna daut paratge
5. Bella e genta e de mal segnoratge
6. Ni com pot far (con)tra son ualor tan
7. Que desmenta son fran humil se(n)blan
8. §De tot aiso ai merauilha gran
9. E pos noilh plai quilh se cange de res
10. Nom tenra mais afrenat sos mals fres
11. Quera men part si tot mes dezonors
12. Car obs magra qem fos uiratz aillors
13. E pos aillors uauc mudar mon estatge
14. Bon encontrem don dieus e bon i(n)tratge
15. Em lais trebar do(m)na ses cor truan
16. Cap mal senhor ai estat aquest an
17. §Ab tot aital mal brau e tiran
18. Uolgri eu estarc uolontierc silh plagues
19. Mais cab autra que mais de bem fezes
20. E pos nom uol atal uauc p(er) secors
21. De cui mi uen al cor plazens dousors
22. Bell es e pros franca e de bel estatge
23. Que man mandat per un cortes messat
24. ge Cun pauc auzel en mon ponh q(e) nonan
25. Am mais qua sel huna grua uolan
26. §Arai conquist gran sen de gran folatge
27. E sai chausir damor lo pro el dan
28. E iamais nuilh tem no maussirai p(re)gan
    GcFaid 167.37 (P 49)
29. Gauselm XLIX.
30. MOn cor e mi e mas bonas chansos
31. E tot can sai dauinen dir ni far
32. Conosc quieu ten bona do(m)na de uos
33. Acui no(n) aus descubrir ni mostrar
34. Lamor quieus ai don languisc e sospi
35. re Pos lamor no us aus mo(n)stra(r) ni dir
36. Ni ben qui eus uailh greu mauzere na(r)di(r)
37. Sius uolgues mal de mon fin cor a dire
38. §Al prim quieus ui magra ops do(m)na q(e) fos
39. Percamors nous mi fezes tant amar
40. Que no(n) foses tant bella ni tant pros
41. Ni saubes tant auinen parlar
42. Qa do(n)cx plasmei can uos ui d(e)ls hueilhs rire
43. Duna doussor damor quen ue(n)c feri(r)

16rB

1. Al cor quem fes si tremblar e fremir
2. Ca pauc denan nous mor de dezire
3. §Adoncx parti desteitz eszenueios
4. De uos do(m)na cui dezir e tenc car
5. Si que anc pueis senher ni poderos
6. Non fui de mi mas de mon cor selar
7. Aisso conosc camors mi uol aussire
8. Car autramen non poiria murir
9.  
10. Tan bonamen ni ab tan bel martire
11. §Ai com me trag mon fin cor amors
12. Canc mais no(n) fo leus az enamorar
13. E cant hieu uei do(m)na luecx ni sazos
14. Per nuillha re no aus dir mon pensa(r)
15. Ni uos non plai conoisser mon ma(r)tire
16. P(er)o saber podes leu lo dezir
17. Qui eu ai de uos ab maint cortes sospi(r)
18. Quem uedem fai can uos uei ne remir
19. §Tot can ma cort en um mes ho en dos
20. En qual guisa uos pogues gen pregar
21. Oblit can uei uostras bella faiszos
22. Que no men pot souenir ni me(n)brar
23. Tan quan uos uei soi del uezer iauzire
24. E can me part remanc en tal consir
25. Que ges la nueg no(n) puesc el lieg do(r)mir
26. Ni sai als far mas planc e uols em uire
27. §Do(m)na la fans el consirs mes tant bos
28. Can plus hi pens e mais hi uoilh pe(n)sar
29. Eszai ab me maintas ues companhos
30. Qui eu uolgra mais totz soletz estar
31. Caitan bon mes can mi pens ni malbire
32. Uostra ualor mas aqui eus mazir
33. E muer car sai qui eu no us aus d(e)scobrir
34. So don lonc temps cre que serai sufrire
35. §Linhaure pro ai tostems que sospire
36. Mai ara sen mon corages clarzir
37. Que ab nagout soi don nom piesc partir
38. Don neguns hom no(n) pot mais de ben dire
    BnVent 70.41 (P 50)
39. Bernard del uentadorn .L.
40. QUant par la flors iostal uert foilh
41. E uei lo temps clar e sere
42. El dolz chanz des ausels p(er) broilh
43. Ma dolza lo cor em reue

16vA

1. Pos lausel chanton a lor for
2. Eu qai tan de ioi en mon cor
3. Dei ben chantar car toz li miei io(r)nal
4. Son ioi e chant q(e)u no(n) pes de ren al
5. §Cela del mon qal eu plus uoill
6. E mais lam de cor e de fe
7. Au de ioi mos diz els acoill
8. E mos precx escolta e rete
9. E se om per ben amar mor
10. Eu en morrai qinz en mon cor
11. Li port amor tan fin e natural
12. Qe tuit son fals ues mi li plus leial
13. §Ben sai la noich qan mi despuoll
14. En leich que no(n) dormirai re
15. Lo dormir perd qar eu lom tuoill
16. P(er) uos do(m)pna don mi soue
17. Qe la on om a son tresor
18. Uolom ades tenir son cor
19. Seu no uos uei do(m)pna dun pl(u)s mi cal
20. Negus uezers mon bel penser nom ual
21. §Qam mi menbra com amar suoill
22. La falsa de mala merce
23. Sapchaz qe tal ira macuolll
24. Per pauc uios de ioi nom recre
25. Do(m)pna p(er) cui chant e demor
26. Per la boccham feretz al cor
27. Dun dolz baisza de fin amor coral
28. Quem torn en ioi em get dira mo(r)tal
29. §Talia qan mais dorguoilh
30. Qan gran iois ni granz bens lor ue
31. Mas eu soi de meillor escuoill
32. E plus francs qan de us mi fai be
33. Cora qeu fos damor en lor
34. Er soi de lor uenguz al cor
35. Merce do(m)pna no(n) ai par ni engal
36. Res nom sofraing sol qe deus uos mi sal
37. §Do(m)pna se no us uezon mei oill
38. Ben sapchatz qe mos cor uos ue
39. E nous dollaz plus qeu mi duoill
40. Ben sai com uos destreing per me
41. Mas sil gelos uos bat de for
42. Gardatz q(e) no uos toz al cor
43. Si os fai e noi (e) uos lui altretal

16vB

1. Qe ia ab uos no gadaing ren p(er) mal
2. §Mon bel uezer gard deus dir e de mal
3. Seu soi de loing e de pres altretal
   BnVent 70.43 (P 51)
4. Bernard .LI.
5. QUan uei la laudeta mouer
6. De ioi sas alas contral rai
7. Qi soblidet laissa cazer
8. Per la dolchor qal cor lin uai
9. Hai com granz enueia menue
10. De cui qe ueia iauzion
11. Meraueillas mai qar de se
12. Lo cors de desirer no(n) fon
13. §Ha las cant cuiaua saber
14. Damor e qua(n)t petit en sai
15. Qar eu damar no(n) puos tener
16. Celei don ia pro no(n) aurai
17. Tolt ma mon cor e tolt ma me
18. E si mezeis e tot lo mon
19. E quant sim tolc nom laissa re
20. Mas desirer e cor uolon
21. §De las do(m)pnas me desesper
22. Iamais en lor nom fierai
23. Qaissi com las suoill captener
24. En aissi las descaptenrai
25. Pois uei qe una pro no(m) te
26. Ues lei qem destrui em confon
27. Totas las dopt e las mescre
28. Qe ben sai qaltretals se son
29. §Merces es perduda per uer
30. Et eu non o saubi anc mai
31. Qe cil qe plus en degrauer
32. Non agues e on la qerrai
33. Ha com mal sembla qi la ue
34. Qad aqest caitiu desiron
35. Qe ia ses lei non aura be
36. Laisse morir qe noill auon
37. §Pos a mi donz no pot ualer
38. Dieus ni merces nil dreich queu ai
39. Ni alei no uen a plaissir
40. Qeu lam iamais no lil dirai
41. Aissim part da lei em recre
42. Mort ma (e) per mort li respon
43. E uao men sella nom rete

17rA

1. Chaitius en esile non sai on
2. §Anc non agui de mi poder
3. Ni no fui meus des lor en chai
4. Qem laisset de mos oillz ueder
5. En un miraill qe molt mi plai
6. Miraill pois mirei en te
7. Man mort lisospir de prion
8. Qaissim perd cum perdet se
9. Lo bel Narcius en la fon
10. §De cho fai ben femna parer
11. Mado(m)na per qeull lo retrai
12. Qe cho com li deueda fai
13. Cauz soi en mala merce
14. Et ai ben fait con fols en pon
15. Ni no sai per che me deue
16. Mas car poiai trop (con)tra mon
17. §Tristeza non aue deme
18. E uaumen marriz no(n) sai on
19. De chantar me tuoill en recre
20. E de ioi e damor mescon
    BnVent 70.25 (P 52)
21. Bernard .LII.
22. LAn qan uei la fuoilla
23. Jos des arbres cager
24. Cui qe pes ni duoilla
25. Ami deu bon saber
26. Non creaz qeu uoilla
27. Flor ni fuoilla uezer
28. Qar ues mi sorguoilla
29. Cho qeu plus uolgra auer
30. Cor ai qe men tuoilla
31. Mas non ai ges poder
32. Qades cuich ma cuoilla
33. On plus me desesper
34. §Estraigna nouella
35. Podez de mi audir
36. Qe qant uei la bella
37. Qem solia cuoillir
38. Ara no mapella
39. Nim fai uas sei uenir
40. Lo cor soz las seilla
41. Men uol de dol partir
42. Dieus qil mon chapdella
43. Sil plaz men lais iausir

17rB

1. Sen aissim reuella
2. Noi a mais del morir
3. §Non ai mais fianzha
4. En augur ni en sort
5. Qe bon esperanzha
6. Ma confundut e mort
7. De tan loing me lanzha
8. La bella cui am fort
9. Quant li qer sa manzha
10. Com seu agues gran tort
11. Tant nai de pesanzha
12. Qe tot men desconort
13. Mas non faz senblanza
14. Cades chant e deport
15. §Al no(n) sai qe dire
16. Mas molt faz gran folor
17. Qaram ni desire
18. Del mon la bellisor
19. Ben deuria aucire
20. Qi anc fez mirador
21. Qan ben mo consire
22. Non ai guerer peior
23. Ial iorn qe las mire
24. Nis pes de sa ualor
25. No serai iauzire
26. De lei ni de samor
27. §Ia per drudaria
28. No man qe nos coue
29. Pero sil plazia
30. Qem fezes qalqe be
31. Eu li iuraria
32. Per deu e per ma fe
33. Qel bes quem faria
34. No fos sabutz per me
35. En son plaiser sia
36. Qeu soi en sa merce
37. Sil plaz qe maucia
38. Qeu nom en clam de re
39. §Ben es dreich qeu plaigna
40. Seu perd per mon orguill
41. La bona conpaigna
42. El solatz qauer suoill
43. Petit me gadaigna

17vA

1. Lo fols arditz qeu coill
2. Car uas mi sestraigna
3. Cho qeu plus am ni uoill
4. Orguoill deus uos fraigna
5. Car en ploron mei oill
6. Dreig es qem sofraigna
7. Tot iois qeu eis lom tuoill
8. §Escoltral da(m)pnatge
9. E la pena qeu trai
10. Ai molt bon usatge
11. Qades consir de lai
12. Orguoill e folatge
13. E uilania fai
14. Qim muo mon coratge
15. Ni daltram met en plai
16. Qar meillor messatge
17. En tot lo mon non ai
18. E man loill ostatge
19. Entro qeu torn de chai
20. §Do(m)pnal mon coratge
21. Meillor amic qeu ai
22. Uos man en ostatge
23. Entro qeu torn de chai
    BnVent 70.16 (P 53)
24. Bernard LIII.
25. COnort era sai eu be
26. Qe ges de mi no pensaz
27. Puos salutz ni amistatz
28. Ni messages no men ue
29. Trop cuit qei faz lon aten
30. Et er ben senblant oimai
31. Qeu chace zho qaltrui pren
32. Pois no men ue auentura
33. §Bel conort can mi soue
34. Com gen fui p(er) uos honratz
35. Et qan eram oblidatz
36. P(er) un pauc no muor de se
37. Qeu eisme uau enqiren
38. Qim met de foldat en plai
39. Qant eu mi don sobre pren
40. De la mia forfaitura
41. §Per ma colpa mesdeue
42. Et ia no(n) sia celatz
43. Car uas lei no(n) soi tornatz

17vB

1. Per foldat qi men rete
2. Tant nai estat longamen
3. Que de uergoigna qeu nai
4. Non aus auer lardimen
5. Qei ananz no masegura
6. §Il men colpet de tal re
7. Don mi degra uenir graz
8. Fe qeu dei al uergnaz
9. Tot o fi per bona fe
10. Et seu en amar mespren
11. Tort a qi colpa men fai
12. Qe qi en amor qer sen
13. Cel non a sen ni mesura
14. §Tant er gen seruiz p(er) me
15. Sos cors fels durs e iratz
16. Tro del tot ser adolchatz
17. Ab bels ditz e ab merce
18. Qeu ai ben trobat legen
19. Qe gota daiga qan chai
20. Fer en un luoc tan souen
21. Tro caua la pera dura
22. §Qi ben remire ni ue
23. Oillz e gole front e fatz
24. Aissi son finas beltaz
25. Qe mais ni meins noi conue
26. Cors loncs dreich e conuenen
27. Gent aflibar coint e gai
28. Hom nol pot lauzar tan gen
29. Cum lo saop formar natura
30. §Chanzoneta or ten uai
31. Ues mon frances lauinen
32. Cui prez enanz e meillora
33. §E digazli qe ben uai
34. Qe de mon conort aten
35. Enqera bonauentura
    BnVent 70.01 (P 54)
36. Bernard . LIIII.
37. AB zoi mou lo uers el comenz
38. Et ab zoi remaing e fenis
39. Et sol qe bona fos la fis
40. Bons teng qes los comensamenz
41. Per la bona come(n)cansa
42. Mi uen iois e alegransa
43. E per zo dei la bona fin grazir

18rA

1. Car toz bons faiz uei laudar al fenir
2. §Si ma podera ioi em uenz
3. Chem m04 Qar non o dic e non es bruis
4. Per qe soi tan gais ni zauzen
5. Mais greu ueirez fin amansa
6. Ses paor e ses doptansa
7. Qades tem hom ues zo qama fallir
8. Per qeu no maus del parlar en a(r)dir
9. §Duna ren ma uonda mos senz
10. Qanc nuls hom mon zoi non enqis
11. Qeu uolentier no len mentis
12. Qe no(m) par bons enseignamenz
13. Anz es folia enfansa
14. Qi damor a benenansa
15. Qe ia lo uol ad home descobrir
16. Sil no len pod o ualer o seruir
17. §Non es enois ni fallimenz
18. Ni uilania zo mes uis
19. Mais dome qan se fai deuis
20. Dautrui amor e conoisenz
21. Enoios e qeus enansa
22. Sim faiz enoi ni pesansa
23. Zascuns se uol de son mester fo(r)nir
24. Mi confondes e uos no(n) uei zausir
25. §Ben (con)uen a do(m)pna ardimen
26. Entre auols genz e mal uezins
27. Qe si bon cor nola fortis
28. Greu pod esser pros ni ualenz
29. Per qeu preg maia en menbransa
30. La bella en cui ai fiansa
31. Qe nos canges p(er) paraulas nes uir
32. Qels enemicx faz denueia morir
33. §Ia sa bella bocha rienz
34. Non cuidei baisan me trais
35. Qab un sol dolz baisar maucis
36. Et sab altre nomes garenz
37. Eissamen mes per senblansa
38. Com de peraus la lansa
39. Qe del seu colp no(n) podi hom garir
40. Se per eis loc no sen fezes ferir
41. §Bella do(m)pnal uostre cors genz
42. E ill uostre bel oill man conqis

18rB

1. Li bel senblant e li dolz ris
2. Et la bella boza rienz
3. Qan ben men prend a esmenansa
4. De beutat non sai engansa
5. La genzer es quom anc pogues chausir
6. Et non uei clar dels oillz ab qe os remir
7. §Bel uezer senes doptansa
8. Uei qel uostre prez ena(n)sa
9. Qe tant sabez de plaser far e dir
10. Nulz hom nos pot de uos amar sufrir
    BnVent 70.31 (P 55)
11. Bernard .LV.
12. NOn es merueilla se chan
13. Meillz de nul autre chantador
14. Car plus me trail cor ad amor
15. E meillz soi faiz al seu coman
16. Cors e cor e saber e sen
17. Et forz e poder iai mes
18. Sim tira uas amor lo fres
19. Qe ues autr afar no(m) aten
20. §Ben es morz qi damor no(n) sen
21. Al cor qalqe dolce sabor
22. Et qe ual uiure senz ualor
23. Mas p(er) enoi far ala gen
24. Ia damedeu nom air tan
25. Qeu ia pois uiua ior ni mes
26. Puis ia de noi serai mespres
27. Et damor naurai talan
28. §Ben uolgra fosen trian
29. Entrels fals li fin amador
30. Qe lausengiers e trizador
31. Portes un corn el fron denan
32. Tot lor del mon e tot largen
33. I uolgrauer dat seu lagues
34. Sol qe mado(m)pna conogues
35. Tan ben com eu lam finamen
36. §Qant eu la uei ben mes paruen
37. Als oils al uis e al cor
38. Qe issame(n)t trenbli de paor
39. Com fai la foilla contral uen
40. No ai de sen p(er) un enfan
41. Aissi soi damor antrepres
42. Et dome qes aissi conqes
43. Po do(m)npna auer almosna gran

18vA

1. §Bona do(m)pna plus no us deman
2. Mais qen prendaz a seruidor
3. Qe os seruirai com bon seignor
4. Cosi qe de guederdon man
5. Ueos mal uostre comandamen
6. Francs cor humils gens e cortes
7. Ors ni leons no(n) es uogues
8. Que mauciaz sa uos mi ren
9. §Aqest amors me fer tan gen
10. Al cor duna dolza sabor
11. Cen ues mor lo iorn de dolor
12. Et reuio de ioi altre cen
13. Tant es lo mals del dolz senblan
14. Qe mais ual mos mals qaltre bes
15. Et pois lo mal ai tan bon ses
16. Molt uaral bens apres lafan
17. §Per bona fes e ses engan
18. Am la plus bella e la meillor
19. Del cor sospir e dels oillz plor
20. Qar tant lamei per qei ai dan
21. Et qen pois als camor me pren
22. Et les zartres en qe ma mes
23. No pod clao obrir for merces
24. Et de merce noi trob nien
    BnVent 70.07 (P 56)
25. Bernard . LVI
26. Era non ui luser soleill
27. Tant me sont escurzit li rai
28. Et ges per aizo no mesmai
29. Cuna clartat me soleilla
30. Damor qenz al cor me raia
31. E qant altra gent sesmaia
32. Eu meillor enanz qe sordei
33. Per qe mon chant non sordeia
34. §Prat me senbla uert e uermeill
35. Issamen com lo te(m)ps de mai
36. Sim ten fin amor coint e gai
37. Nef mes flor blancha e uermeilla
38. Et li uer chalen de maia
39. La genser e la plus gaia
40. Ma mandat qe samor mautrei
41. Senqer nollam desautreia
42. §Paor me fan maluais conseill
43. Per qel secle mor e deschai

18vB

1. Adoncs sa ioston li saluai
2. E luns a lautre conseilla
3. Com se fin amor deschaia
4. Ai maluasa gent saluaia
5. Qi uos ne uostre conseil cre
6. Dame deu prec eldescreia
7. §Da qest me rancur em coreill
8. Qira men fan dol e esmai
9. Et pes alor del ioi qeu ai
10. Et pois chascun sen coreilla
11. Del autrui ioi e sesmaia
12. Ia eu meillor drec non aia
13. Cab sol deport uenz e guerei
14. A cil qe plus me guerria
15. §Ges mi do(m)pna nos meraueill
16. Sil qier qem don samor nim bai
17. Contra la foldat qem retrai
18. Feraimen grant merueilla
19. Sela macola ni baia
20. Ai seria com mi retraia
21. Ai cal uos ui e cal uos uei
22. P(er) benena(n)sa qem ueia
23. §Noig e ior pens consir e ueill
24. Planc e sospir ma pois ma pai
25. Et neguns hom tan mal no(n) trai
26. Mas un bon respeg mesueilla
27. Don mon coratge sapaia
28. Fol soi qar dic qe mal traia
29. Pois aitan ric amor en uei
30. Ben uai ab sola lenueia
31. §Fin amor a uos mapareill
32. P(er)o non couen ne meschai
33. Mais qar par uostra merce plai
34. Deu cuit qe mo apareilla
35. Caisi fin amor descaia
36. Ha do(m)pna per merce plaia
37. Caiaz del uostr amic merce
38. Pois aitant ges uos merceia
    BnVent 70.42 (P 57)
39. Bernard LVII.
40. QUan uei la flor lerba uert e la fuelha
41. E aug lo chan des auzels pel boscatge
42. Al lautre ioi qieu ai en mon coratge
43. Dobla mos iois em nais em creis em brueilha

19rA

1. Qe no mes uis q(e) ren puesc ualer
2. Sel que no uol ior en amor auer
3. Qe tot cant es salegre sesbaudeia
4. §Ia non crezatz qieu de ioi mi recreia
5. Nim lais damar per dan cauer esueilha
6. Camors ma sailh qem sobre senhoreia
7. Em fai ama(r) qual queilh plasse uoler
8. E si eu am so q(e) non deu escazer
9. Forsa damor me fai far uasalatge
10. §Mas en amo(r) no(n) a hom senhoratge
11. E qui lor quier uilanamen do(m)pneia
12. Quamor no(n) uol re quessar no(n) deia
13. Paubres e ricx fai am dos dun paratge
14. Qan lus amics uol lautre uil tener
15. Pauc pot lamor ab ergueilh remane(r)
16. Quergueils dechai e fin amors capduelha
17. §Hiesec sela q(e) pl(u)s ues mi sergueilha
18. E selam fui qem fo de bel estatge
19. Canc pueis no(n) ui ni me ni mon mesatge
20. Per qes mal sal que do(m)pna macueilla
21. Mas dreg len fauc qieu men fauc fol parer
22. Ca(r) per sela qem torn en no(n) cale(r)
23. Estauc ia tan de lieis q(e) no(n) laueia
24. §Mas costum es toste(m)ps q(e) fol foleia
25. E ia no(n) er qel eis lo ram no(n) cueilha
26. Quel bat el fer per cai razon qem dueil
27. ha Car an mi pres dautrui amo(r) e(n)ueia
28. Mas fe qi eu d(e) leis e mon bel uezer
29. Si desamor mi torn en bon esper
30. Aimais ue lieis no(n) farai uilanatge
31. §Ia nom aia cor felon ni saluatge
32. Ni contra me maluatz (con)seilh n(on) creia
33. Qi eu soi sos hom liges on qe mestia
34. Si que del cap d(e)sus li ren mon gatge
35. Mas ionchas li uenc a son plazer
36. E ia nom uueilh mais de sos pes mou(er)
37. Tro per mercem tenha laios despueilha
38. §Laigua del cor cam dos los hueilhs mi mu
39. eilha Mes ben guire(n)s qieu pen mon da(m)p
40. natge E conosc be qieu ai dig gran folatge
41. Qar ai dig so qe samor mi tueilha
42. §Mon messagier man a mon bel ueze(r)
43. Quaissilh qem tolc lo sen e lo saber

19rB

1. Ma tout mi dons elieis que no(n) la ueia
2. Amicx tristans qar hieu nous puesc uezer
3. Adieu uos do qualqe part me stia
   GlAnel 204.4 (P 58)
4. Guilielm Anelier LVIII.
5. Uera merce e drectura sofranh
6. En est secle car cobeitatz ofranh
7. Qan li maluatz on maluestatz safranh
8. Per qe bos pretz ab ualor nos refranh
9. E sel cui platz qe maluastatz no(n) franha
10. Bes tainh qe dreitz e merces li sofranha
11. Pos qe ab enian sos maluatz cors safranha
12. Per cami platz cap dreituram refranha
13. §Si meteis franh e da(m)pna e repren
14. Sel quab enian gazanha mi repren
15. Gazanh non es quel pecat lo repren
16. Per qe nes fols quin be far nos enpren
17. Ans qe del tot maluastatz lo p(er)prenda
18. Quar ges nuilhs bes nona poder qes prenda
19. En nuilh home on enguan se (com)prenda
20. P(er) qieu am dreg quis uoilha me reprenda
21. §A tot home que uoilha ualor man
22. Que diga uer e que tort non deman
23. Car hieu uos iur p(er) mafe e uos man
24. Qe p(er) tort far chi ualor e reman
25. Oauan no uai ni nius nola dema(n)da
26. Quar cobitatz quez anditz e lur ma(n)da
27. Que dema(n)do mainta falsa demanda
28. E tengan nec si re an de comanda
29. §Be lai per fol qui ab cobeitaz satrai
30. E per plus fol qui la e nos nestrai
31. Car maint fals dig meso(n)gier sen retrai
32. E maluastatz esz engan qe sen trai
33. E ia nos pens neguns cap se la traia
34. E qes ne men ab ans quel lo retraia
35. Qar pueis noi ual plaides com hi atraia
36. §En aqest mon estai engans tam ferm
37. Que ges nona poder dreitz lo deferm
38. Qar li maluatz aman mot fals e ferm
39. Lo ma(n)tenor p(er) tal quel se referm
40. Eszes me greu quar la mort no desferma
41. Tot fils home quengan uol ni (con)ferma
42. P(er)o no(m) par que(n)guans sia causa ferma
43. P(er) qe mos cors en ben far se referma

19vA

1. §Al ioue Rei darago qe (con)ferma
2. Merce e dreg e maluestat d(e)sfe(r)ma
3. Uai siruentes quar trastot be refe(r)ma
4. E nuls engans de dins son cors nos fema
5. §Hieu am mi dons car mes capdels e fe(r)ma
6. E qi uol pretz auer ab leis saferma
   GuiUss 194.1 (P 59)
7. Guiduisell LIX
8. ADes on plus uio mais apren
9. E mais sai de mal e de be
10. E mieilh sai conoisser en me
11. Esz enautrui foudat e sen
12. Mas sel qe autrui folia
13. Conois e se no(n) castia
14. Non obra ges a dreg garan
15. E silh qem blasmon car hieu chan
16. Degron blasmar los lurs faitz deschau
17. zitz E mi del chan sil chans no(n) fos grazitz
18. §Quieu no(n) casti ni non repren
19. Que cascuns sap con sis capte
20. Mas gen fora com ueis en se
21. So que conois en lautra gen
22. Mas be us dic qe pauc ualria
23. Chans si damor non mouia
24. E de mi a passat un an
25. §Camors nom tenc ni pro ni dan
26. Mai eras conosc camor mes guitz
27. Coue queu chan qadreg port soi issitz
28. Camors mesmenda ben e gen
29. Los mals quieu nai sufert ancse
30. Camar mi fai per bona fe
31. La meilhor e la plus plazen
32. E tal que a en sa bailia
33. Tot can iois uol ni ualors tria
34. Canc natura no(n) obret tan
35. Cautram fezes del sieu senblan
36. Quen lies es iois rastauratz e noiritz
37. Quera aillors sordeiatz e faillitz
38. Quel cors a gai e conuinen
39. Entier qe res noi descoue
40. E beutatz noi uai ni noi ue
41. Ans hia fag son poder estamen
42. Iois pretz e cortesia
43. Solatz ses uilania

19vB

1. Solatz ses uilania
2. Couinen dig e fag prezan
3. Soiornon allieis esz estan
4. De tot bons aips es sos gens cors garnitz
5. E tot los mals an lieis e faiditz
6. §Lo cors el cor el pensamen
7. Ai en lieis que dals nom soue
8. Ni ia pensar no(n) uoilh de re
9. Mas quan del sieu ena(n)ssamen
10. Mas plus quen lamar parria
11. Laigua qui mais ni metia
12. Non pareis al sieu ric pretz gran
13. Lo ben qeu dic de leis lauszan
14. P(er)o uers es so quel roprochier ditz
15. Que bon pretz creis on plus luenh esauzitz
16. Do(m)pn ieu nous prec ni non enten
17. Que uos mames ni non coue
18. Que si tot crezias merce
19. Paratge sai que us mi defen
20. Mas daiso us prec si us plazia
21. Do(m)na que si eu ren dizia
22. Que us fos plazen ni benestan
23. Que de uos fos e si daitan
24. Mi uol onrar uostre gens cors cauzitz
25. Uos non er dans e mieus iois er (com)plitz
26. Si ia raszon nom dizia
27. Qui eu de mi dons namaria
28. Parles ni deisses benestan
29. Uertatz me fai dir aitan
30. Quel sieus noms es sobrautres noms grazitz
31. Eilh siei fag son de pretz sims e razitz
    GuiUss 242.64 (P 60)
32. Guiduisel LX.
33. REis glorios uerais lums e clardatz
34. Dieus poderos senher si a uos platz
35. Al mieu (com)panh siatz fizels aiuda
36. Qui eu nol ui pois la nueitz fo ue(n)guda
37. Eszades sera lalba
38. §Bel companho si dormes ho ueilhatz
39. Non dormas plus senher si auos platz
40. Quen aurien uei le stella ereguda
41. Qamen al iorn qui eu lai ben conoguda
42. Eszades sera lalba
43. §Bel companho en cantan uos apel

20rA

1. Non dormas plus qui eu aug ca(n)ta(r) lausel
2. Que uai queren lo iorn p(er) lo boschatge
3. Eszai paor quel gelos uos assatge
4. SI us consec anans lalba
5. §Bel companho pos me parti de uos
6. Hieu non dormi nim mue de genoilhos
7. Ans preguiei dieu lo filh sancta Maria
8. Queus mi rendes p(er) leial companhia
9. Eszades sera lalba
10. §Bel companho isses al fenestrel
11. Eszesgardas las stellas del sel
12. Conoisses si us sui fizels messatges
13. Si non o faitz uostres ner lo da(m)pnatges
14. Eszades sera lalba
15. §Bel companho la foras al perros
16. Mi pregauas quieu no(n) fos dormeilhos
17. Enans ueilhes tuta nueg tro al dia
18. Ara nous plai mo chans ni ma paria
19. Eszades sera lalba
    PVid 364.46 (P 61)
20. Peire uidal de tolosa LXI
21. TAnt ai longamen sercat
22. So cops no mauia
23. Quen aisi o ai trobat
24. Com hieu ho queria
25. Perdut ai e mescabat
26. So cauer solia
27. E re non ai gazanhat
28. Don mos amicx ria
29. E fols quan fai foudat cuiaua far sen
30. E nos conois tro se stai malamen
31. Qui em soi lonhatz de plazer e donra(n)sa
32. E chauzimens ni merces no mena(n)ssa
33. Quel cors el cor de mi e la ualor
34. Ara nom ual ni heu nom uiral cor
35. §De ioi don a gran uiutat
36. Mi fai quarestia
37. Mal la ui sa gran beutat
38. E sa cortesia
39. Trait ma e galiat
40. Cab bella paria
41. Ma si tot mon cor emblat
42. Que re noill creiria
43. Liei am plus que me p(er) qem repen

20rB

1. Esz enquier mi mon dan az essien
2. Can liei non trop amistat ni pieta(n)ssa
3. Ni chausimen ni negun acordanssa
4. Qui eu clam merce e merce nom secor
5. Merce claman cug morir de dolor
6. §Tant clam ab umiltat
7. Merce quascun dia
8. Merces faria pecat
9. Si no men ualia
10. Molt ai chauzimen cridat
11. Ues pauc men menbria
12. Pueis ab leis no(n) lai trobat
13. Ben cre que mortz sia
14. Mado(m)pna mort me e chauszimen
15. Son dous esgart e sos bels hueilhs desmen
16. Ab qem mostret tan cortessa semblansa
17. Qui eu cuigei plus auer quel reis d(e) fransa
18. Daissom sembla crez ge trahitor
19. Cab bel senblan met home en error
20. §A bel senher castigat
21. Com muer de feunia
22. Cap bel s semblan ma nafrat
23. Mala enemia
24. E ges aitan de bontat
25. Nom demostraria
26. Qem fes amor de conihat
27. Cap tan ia uiuria
28. Com sofracos qua damor talen
29. So que sen pot auer aisso sen pren
30. Eszieu estauc en atrestal balanssa
31. Mai en bon esmenda nai mes mespera(n)ssa
32. Quem secoira de las penas damor
33. Que ualer deu do(m)na ason amador
34. §Ar tem que dic gran foudat
35. P(er) ma leuiaria
36. Deu messer perdonat
37. Que no sia quem dia
38. E uec mi apoderat
39. Del tot asa guia
40. Efassane sa uolontat
41. Quella sis faria
42. Bona do(m)pna si us plai a uos mi ren
43. E si nous plai si mo fauc eissamen

20vA

1. Que ben conosc que neguna isma(n)sa
2. Molt trai greu malansa
3. E chaitius qe chai en ira de senhor
4. E non troba sostenh ni ualedor
5. §Tro chaia rozer passat
6. Lai ues lombardia
7. Non aurai mon cor pagat
8. Com quieu quie sai me stia
9. Tant ai de proensse stat
10. Quieu tem que maussia
11. Ma do(m)pna ma tan aut montat
12. Si tost o fazia
13. Cauer dei be uergonhiz espauen
14. Qar ai estat de liei tan loniamen
15. Si tals pecatz non fos deszespera(n)ssa
16. Dezesperat mi forieu ses doptanssa
17. E ren ma lieis de bauszador
18. Eszilh fassan so quelh torn azonor
19. §Hueilh de merce bocha de chausimen
20. Nuill hom nous ue qe nol faszatz iauzen
21. Per quieu ai mes en uos fermesspera(n)ssa
22. E tot mon cor e tota ma fizansa
23. E fauc de uos ma don e mon senhor
24. Nauierna bem uai per uostramor
25. Ab sol quieu uis castigat mon senhor
    PVid 364.39 (P 62)
26. Peire uidal LXII
27. QAn hom es en autrui poder
28. Non pot tot sos talenz complir
29. Anz li auen souen gechir
30. P(er) lautrui grat lo seu uoler
31. Donc pois en poder me soi mes
32. Damor segrai lo mals els bes
33. Els torz els dreich els dans els pros
34. Qaissi mo comanda raisos
35. §Qar qi uol el segle plazer
36. Mantas uez li auen asofrir
37. Cho quil desplaz ab gen cobrir
38. Per semblanz de no(n) caler
39. Donc pois qan ue qe sos luocs es
40. Contra cil qil aura mespres
41. Non sia flac ne nuallos
42. Quen gran dreit noz pauca ocaisos
43. §Prez e iouen uoil mantener

20vB

1. E bona do(m)pnas obezir
2. Et a corteisa gen seruir
3. Eu non ai gran cura dauer
4. Et pero seu poder agues
5. Non es coms ni dux ni marques
6. A cui meillz plagues messios
7. Ni men se pac dauol baros
8. §Bona do(m)pna deu cuit ueder
9. Qan lo uostre gen cors remir
10. E puos tan uos am eus desir
11. Granz bes men deuria escager
12. Caissi ma uostr amors co(n)ques
13. Et uencut e lazhat e pres
14. Cab tot lo secle se meus fos
15. Men tenrieu paubre ses uos
16. Do(m)pna qan ui remaner
17. Et mauenc de uos a partir
18. Tan ma(n)goisseron li sospir
19. Ca paoc no mauenc a cazer
20. Ha dolcha do(m)pna francha res
21. Uaillam ab uos deus e merces
22. Retenez mi e mas canzhos
23. Si tot pes al cortes gelos
24. §Tant ai de sen e de saber
25. Qe del tot sai mult meill chausir
26. Et sai conoisser e grazir
27. Qim honrar ni car tener
28. Et teing malus del genoes
29. Cab bel semblan gai e cortes
30. Son a lor amicx amoros
31. Et als enemicx orgoillos
32. §Sil qi pot e no uol ualer
33. Com no sesforcha del morir
34. Deu car la mort nol deigna ucir
35. Per far enoi e desplaiser
36. Et es trop laich donrat pagues
37. Qan recoill las rendas el ses
38. Cor puirit ab cors uermenos
39. Uiu ses grat de deu e de nos
40. §Emperair soi dels genoes
41. Et ai un etal feu conqes
42. Don eu me teing honraz e pros
43. Et soi amicx dels borgonos

21rA

PVid 364.40 (P 63)

1. Peire uidal LXIII.
2. QUant hom ornatz to(r)na en gran pau
3. brera Qa estat ricx e de gran benena(n)sa
4. De uergoigna no(n) sab ren com se q(er)ra
5. Et ama mais cobrir sa malenasa
6. Per qes maior merces e pl(u)s francs dos
7. Qant hom fai ben al paubre u(er)goignos
8. Qe amanz daltres qont en q(e)rir fianza
9. §Qeu era rics e de bona mainera
10. Mas mado(m)pna ma tornat en eransa
11. Qe mes mala e seluatge guerrera
12. Et an pecat car aisim desena(n)sa
13. Et no(n) pot trobar mais nullas occaisos
14. Mas qar li soi fizels e amoros
15. Et da qest tort nom uol far pe(r)dona(n)sa
16. §La sa gue(r)ra mes tan sobrameera
17. Qe sim fai mal no(n) aus prendre ve(n)ia(n)nsa
18. Et seu li fug ni qanbi ma charera
19. Denan mes oillz uei sa bella senbla(n)sa
20. Per qe no(n) soi del fugir poderos
21. Ni del tornar p(er) qe men for bos
22. Plaic hoc ueos tant qela iagues onra(n)sa
23. §Qe nom ual forsa ni gens qeu len q(e)ira
24. Plus qe len claos qant a de mort dota(n)sa
25. Qi trai de dinz entrel e fai arqeira
26. Per sels de lost e pren a traire esma(n)sa
27. Mas cel archiers de fors es pl(u)s ginos
28. Qel fer primer p(er) aqel loc rescos
29. Et ma do(m)pnam ten en aital balansa
30. §Fol soi qar anc lapelai me(n)songera
31. Mas druz certans non a sen ni m(en)bra(n)sa
32. Qar pauc no(n) mor qar tan mest uetad(e)ra
33. Qe ietat ma de la paubre speransa
34. Donc alas uez era mon cors ioios
35. Per qeras uiu damor e de ioi blos
36. Sab gauz entier no(n) posc far acorda(n)sa
37. §Qill es tan franc e douz e plasentera
38. De corteis diz (e) de bella coindansa
39. Qeu no(n) ages poder qe men soffera
40. Plus qe lausels qes noirit p(er) soffra(n)sa
41. Qant hom lapella el respon cochos
42. Et sap qes mort par mon cor uolo(n)tos
43. Ab mils carreils cab sos bels oilz mi lansa

21rB

1. §Canson uaiten al bon rei par orueira euQ
2. Qe sa ualor non a el mon engansa
3. Sel fos plus dolz uas mi don de cabriera
4. Qe de ren mais no(n) fai desmesuransa
5. Mas toz rics hom qant destrin ses baros
6. Nes mens prezaz e tensut p(er) los pros
7. Et eu lo dic qar li port fin amansa
8. §Nauierna eu nom clam ges de uos
9. Mas ben magrops plus adrgs guierdos
10. De lonc aten on aui esperansa
11. §Saire ben uoill qe maintegnan los pros
12. Et confundam los maluaz enueios
13. Qar no(n) sente mos rainers en bassansa
14. §Et chastiatz uostre prez poderos
15. Et sta sus haut can tuit lautre uan ios
16. Cab meill ualer se meillor e senansa
17. §Et car non uei mon gazanhat ni uos
18. Non posc estar alegres ni ioios
19. Mas sobrafars men tol ma benena(n)ssa
    PVid 364.42 (P 64)
20. Peire uidal LXIIII
21. SEu fos en cort on hom tengues dreitura
22. De mado(m)pna se tot ses bona e bella
23. Mi clamera qa tan gran tort mi mena
24. Que non matend pleuit ni conuene(n)za
25. Et donc per qem promet zo qe no(m) dona
26. Non tem pechat ni sap qe ses uergoigna
27. §Et uolgra mais qem fos al prim esquia
28. Qe qem tengues en aitan greu rancura
29. Mais il lo fai si com cel qe cenbela
30. Cab bel senblan ma mes en mortal pena
31. Don ia ses lei non posc trobar guirenza
32. Qanc mala fos tan bella ni tan bona
33. §Dautres afair es cortes e zausida
34. Mais mal o fai qar en mos danz sabria
35. Qe pieiz mi fai ges no sen meillura
36. Qe mals de dent can dol en la maissella
37. Qel cor mi bat em fer qe nos refrena
38. Samors ab leis e ab tota proenza
39. §Qe qan non uei mon Rainer de ma(r)seilla
40. Si tot me uio mos uires no mes uida
41. E malautes qe souen recaliua
42. Garis mol greu anz mor qan sos mals dura
43. Donc soi eu mortz sen aisim renouella

21vA

1. Aqest desirs qen tol souen la lena
2. §A mon senblan molt laurai tart (con)qista
3. Qar nulla do(m)pna pieiz no(n) sen (con)seilla
4. Ues son amic e on plus lai seruida
5. De mon poder eu lai trop plus unbriua
6. Do(n)c qar tant lam molt soi plus fol atura
7. Qe fol pastre qa bel poi caramela
8. §Mais uencus es cui amors apodera
9. Apoderatz soi qant ma do(m)pna ai uista
10. Qar neguna a lei no sapareilla
11. De gauz entier ab proeza (com)plida
12. Per qeu soi seus e serai tan qan uiua
13. E si nom uol er torz e desmesura
14. §Canzon uaten ala ualen regina
15. En aragon car mais regina uera
16. Non sai el mon e si nai mant qista
17. Et no(n) trob mais ses tort ni ses q(e)rela
18. Mais ill es franqe leials e grazida
19. Pe tota gent e a deu agradiua
20. §Et qar lo reis sobrautres reis sena(n)za
21. Adaital rei couen aitals regina
22. §Bels castiaz uostre prez segnoreia
23. Sobre toz prez ab meillors faiz sena(n)za
24. §Mon gadagnat sal dieus en auierna
25. Qar hom tan gent no dona ni guereia
    PVid 364.37 (P 65)
26. Peire uidal LXV.
27. POis tornaz soi en proenza
28. Et ama do(m)pna sap bon
29. Ben dei far gaia chanzon
30. Si uau per reconoissenza
31. Cab seruir e ab onrar
32. Conqer hom de bon seignor
33. Don e ben faitz e honor
34. Qi benl sap tenir en car
35. Per qe men dei esforzar
36. §Et car anc noill fi fallenza
37. Soi en bona suspeison
38. Qel mal traiz men tor en pro
39. Pois lo ben tan gen comenza
40. Ami tuit laltr amador
41. Car sobres fortius labor
42. Trac de freda neu foc clar
43. Et aiga dolza de mar

21vB

1. §Ses pechat pris penedenza
2. Et ses torz faiz qis perdon
3. Et pris de nient gent don
4. Et trac dira benuoillenza
5. Et gauzenter de plorar
6. Et damar dolsa sabor
7. Et so arditz per paor
8. Et sai perden gadagnar
9. Et can soi uencutz sobrar
10. §Et cil qi longa tendanza
11. Blasma fa gran fallison
12. Ca(r) an artus li briton
13. On auion lor pliuenza
14. Et eu per lonc esperar
15. Ai (con)qis tan gran ricor
16. Lo bais qem forcet damor
17. Qem fez a mi don emblar
18. Qera lom uol outriar
19. §Et ia no(n) agra garenza
20. Mas car sap qe uencuz son
21. Sel mado(m)pna aital raison
22. Qe uol qeu uencuz la uencha
23. Caissim deu apoderar
24. Franc humiltaz ricor
25. Mas eu non trop ualidor
26. Uas lei men posca iudar
27. Mas precs e merces clamar
28. §Bel rainer per ma credenza
29. Nous sai par ni (com)pagnon
30. Car tuit li ualen baron
31. Ualon sot uostra ualenza
32. Et car deus uos fez ses par
33. E os det mi per seruidor
34. Seruirai uos de lausor
35. Et daitan com porrai far
36. Bel rainer qi os es ses par
    PVid 364.4 (P 66)
37. Peire uidal LXVI.
38. ANc no mori per amor ni per al
39. Mas uida pot ben ualer morir
40. Qan ue la ren qe plus am e desir
41. E ren non fai mas qe dolor (e) mal
42. Ben me ual mort mais anqar mes pl(u)s greu
43. Qen breu serem ia ueilz ela e ieu

22rA

1. Et saissi perd lo meo el seo iouent
2. Mal mes del meo mas del seo p(er) un cent
3. §Et anc no ui plait tant descomunal
4. Qe qant eu pois nulla ren far ni dir
5. Qa lei deignes plazer ni abelir
6. Et mais no uoill far nuill altre io(r)nal
7. Mas tot qan faz par aleis uil e leo
8. Qe per merces ni per amor de deo
9. Non pois trobar en lei nul zausiment
10. Tort a de mi e pechat senz (con)tent
11. §Bona do(m)pna uostr home natural
12. Podez se os plaz leogerament auzir
13. Mas a la gent uos ferez escarnir
14. Et pois naurez un pezaz criminal
15. Uostrom soi ben qe ges nom teng p(er) meo
16. Mais ben saubreu honradamen grazir
17. Sem fes socors alei damic coral
18. Qe seu uolgues do(m)na segre autre treu
19. Onrat plazer agra conqist en breu
20. Mas senes uos non posc esser plasenz
21. De ren als gauz entier non aten
22. §Esters mon grat am tot sol per cabal
23. Leis qui nom deigna uezer ni auzir
24. Qen farai doncs pois no men pois p(ar)tir
25. Ni zausiment ni merces no mi ual
26. Tenraimen al us del enoios romeu
27. Qi qer e qer qai de la freda neu
28. Nais lo cristals don hom trai fog a(r)dent
29. Qe p(er) esforz uenzon li bon soffrent
30. §Per zo men soi geitaz a no mencal
31. Com hom uolpiz qi sobrida fugir
32. Qi no sausa tornar ne sap gandir
33. Qant lenzausen soi enemic mo(r)tal
34. Non ai conort mas a qel del iudeu
35. Qe sem fai mal fac ades lo seu
36. Aissi com cel qa orba se defent
37. Ai tot p(er)dut la forz e lardiment
38. §Cons de piteu de uos me clam a deu
39. Et deu a mi de uos tot ensement
40. Qe uos nauez traiz molt malame(n)t
41. Lui de sa croiz e mi de mon argent
42. Per qem deuez auer gran marrime(n)t
    RichC-de-L 420.2 (P 67)
43. Reis Rizard LXVII.

22rB

1. Ia nus hom pris non dira sa raison
2. Adreitamen se com hom dolent non
3. Mas per conort pot il faire chanson
4. Pro adamis mas poure son li don
5. Onta iauron se por ma reezon
6. Soi sai dos iuer pris
7. §Or sachon ben mi hom e mi baron
8. Engles norman pettauin (e) guascon
9. Qe ge nauoie si poure (com)pagnon
10. Qeu laissasse por auer en preison
11. Ge nol di pas por nulla retraison
12. Mas anqar soi ge pris
13. §Tan sai eu de uer certanament
14. Com mort ne pris na amic ne pare(n)t
15. Qant il me laissent p(er) or ni p(er) argent
16. Mal mes de mi mas peiz mes por ma gent
17. Qa pres ma mort nauron rep(ro)zhament
18. Tan longamen soi pris
19. §Nom merueill seu ai lo cor dolent
20. Qe messenher met ma terra en torment
21. No li menbra del nostre segrament
22. Qe nos feimes an dos comunelme(n)t
23. Bem sai de uer qe gaire longament
24. Non serai eu sa pris
25. §Mi conpagnon cui iamoi e cui iam
26. Cil de chaill e cil de persarain
27. De lor chanzon qil no(n) sont pas certain
28. Unca uers els non oi cor fals ni uain
29. Sil me guerroient il feron qe uilam
30. Tan com ge soie pris
31. §Or sachent ben enieuin e torain
32. Cil bachaliers qi son legier e sain
33. Qen gombre soi e pris en autrui main
34. Il ma iuuassen mas il no ueun grain
35. De belles armes sont era uoit li plain
36. Per zo qe ge soi pris
37. §Contessa soir uostre prez sobraim
38. Sal deus e gard e cel p(er) cui me clam
39. Et per cui ge soi pris
40. §Ge nol di pas por cela de certrain
    FqMar 155.16 (P 68)
41. La mere lois Folqet de marsella LXVIII.
42. PEr deu amors ben sauez ueramen
43. Qan plus deiscen plus poia humilitaz

22vA

1. Et orgoillz chai on plus alt es poiatz
2. Don dei auer gauz e uos espauen
3. Qanc se mostraz orgoill contra mesura
4. Et braus respos amas homils cha(n)zos
5. Per qes senblanz qel orgoillz chaia ios
6. Qa pres bel iorn ai uist far noig escura
7. §Ma uos non par posqaz far fallimen
8. Per o can faill cels qes pros ni prisaz
9. Tant com ual mais tan es plus encol
10. paz Qe la ualors poial colpa deisen
11. Et qant hom tot p(er)donal forfaitura
12. Ia del blasme noi sera faich p(er)dos
13. Qe cel reman en mala sospeichos
14. Qamant met cel qe uas un desmesura
15. §Blasme na hom e chascuns sel a sen
16. Per qes lenganz en el plus galiaz
17. A cel qo fai qa cel qes enganaz
18. Et donc amors p(er) qo faiz tan souen
19. Com pl(u)s uos se(r)f chascu(n)s pl(u)s sen rancura
20. Et del seruir taig calqe guierdos
21. Prez o amix meilloramenz o dos
22. Meins dun de cels es fols qi sa atura
23. §Donc sui eu fols qei mis lo cor el sen
24. Senz no fo ges anceis fu gran foldaz
25. Qar cel es fols qe cuia esser senaz
26. Et sap hom meins ades on plus apren
27. Qanc iorn merces qe ual mais q(e) dreizura
28. No ualc a mi ni ac poder en uos
29. Et senblan paoc pogues ualer raisos
30. Per qeu sui fols qar anc de uos aio cura
31. §Mas er soi ricx car en uos no me(n)ten
32. Qem cuiai les riqeze paubertaz
33. Et cel es ricx qe se ten p(er) pagaz
34. Et cel paubres qen trop ricor enten
35. Per qeu soi ricx tan gran iois masegura
36. Qan pes com soi tornaz desamoros
37. Qa donc era marriz er soi ioios
38. P(er) cho mo teing a gran bonaue(n)tura
39. §Cortesia non es als mais mesura
40. Mas uos amors no sabez anc qe fos
41. Per qeu serai tan plus cortes de uos
42. Qal maier brui calerai ma rancura
43. §Abadiman e ab toz tens tatura

22vB

1. Canzhos qe de lor es e lor razos
2. Caltresi ses chascuns paoc amoros
3. Mas senblan fan daicho don no(n) an cura
   FqMar 155.22 (P 69)
4. Folqet LXIX.
5. Tant mabelis lamoros pensamen
6. Qe ses uenguz en mon cor asire
7. Per qe noi pot nullz altre pes caber
8. Ni mais nigus nomes dolz ni plaisenz
9. Qa doncs uiu san qan maucion (con)sire
10. Et fin amors aleuza mon martire
11. Qem promet ioi mais trop lon dona len
12. Qab senblan ma trainat loniamen
13. §Bem sai qe tot qant faz es dreich nienz
14. Eu qem puos al samors mi uol aucire
15. Qar esien ma donat tal uoler
16. Qe ia no(n) er uencuz ni el no uenz
17. Uencuz si er qe mort man li sospire
18. Tot so auet se de lei cui desire
19. Non ai secors qe daltra nol aten ·
20. Ni daltramor no(n) puosc auer talen
21. §Bona do(m)pna si os plaz siaz sofrenz
22. Del ben qe us uoill qeu soi del mal sofrire
23. Et pos lo mals nom pogra dan tener ·
24. Anz mer senblanz qa partam engalmenz ·
25. Et sa uos plaz qen altra par me uire
26. Tolez de uos la beltat el gen rire
27. El dolz parlar qe ma folis mon sen ·
28. Partir mai poi de uos mon escien
29. §Ca toz iorz mes plus bel e pl(u)s plaisenz
30. Per qen uoill mal oillz ab qe os remire
31. Qar al meu grat nos porrion uezer
32. Mas al meu dan uezon trop sotilmenz
33. Mos danz non es cho sai pos non azire
34. Anz me sap bon do(m)pna per qeu malbire
35. Si maucien noc aos estara gen
36. Qe lo meus danz uostr er issamen
37. §Perzho do(m)pna no us am sauiamenz
38. Qa uoi soi fis e a mos ops traire
39. Qeu uos cuit perdre e mi no(n) puosc auer
40. E uos cuit noser e a mi soi noisenz
41. Per zho nos aus mon mal mo(n)strar ni dire
42. Mas alesgard podez mon cor deuire
43. Qe us cugei dir mas era men repen

23rA

1. E port els oillz uergoigna e a(r)dimen
2. §Et car uos am mil tanz qe no sai dire
3. No men ponet anz uos am per un cen
4. Qar qi proat altrui captenemen
5. §Ues nem sen uai canzos qi qes nazire
6. Qe gauz nauran per lo meu escien
7. Las do(m)pnas a cui eu te presen
   FqMar 155.21 (P 70)
8. Folqet LXX
9. SI tot me soi tart a percebuz
10. Aissi com sel qa tot p(er)dut e iura
11. Qe mais no ioc a gran bona uentura
12. Mo dei tener qar me soi conegutz
13. Del gran enian qamors ues mi fazia
14. Qab bel senblan ma tengut en fanzia
15. Plus de dez anz alei de mal deo tor
16. Qades promet e re non pagaria
17. §Ab bel senblan qel fals amors aduz
18. Satrai ues lei fis amanz e satura
19. Col parpaillos qa tan folla natura
20. Qes met el foc p(er) la clardat qe luz
21. Mas eu men part e segrai altra uia
22. Soi mal pagaz qestres nomen pa(r)tria
23. Et segrai laips del tot bon sofridors
24. Com plus sirais plus fort somelia
25. §Per o uos cuich qeu sia irascuz
26. Si tot me dic en chantan ma rancura
27. Mas sapcha ben qa sos ops soi p(er)duz
28. Ne digaz qe sia outra mesura
29. Qanc sobre fre no(n) uolc menar un dia
30. Anz mi fez far mon poder tucta uia
31. Mas hanc sen pres cauals de gran ua
32. lor Qin bagorda trop souen coill felnia
33. §Fel for eu ben mas soi men retenguz
34. Qe qi a plus fort de si desmesura
35. Fai gran foldat en es en auentura
36. Neis de son par car pot esser uencuz
37. Et de plus freuol de si es uilania
38. Per qanc no(n) plac ni plaz sobranzaria
39. Per o en sen de hom gardar honor
40. Qe sen onit no prez mais qe folia
41. §Per o amor me soi eu recreuz
42. De uos seruir e mais no(n) aurai cura
43. Qaissi com prez hom pl(u)s laida pei(n)tura

23rB

1. Qan es deloing qe qan es pres ue(n)guz
2. Prez aue uos canc no uos conoisia
3. Et sanc naic pauc mais nai qeu no(n) uolria
4. Aissim nes pres cum al fol qeridor
5. Qe dis qa ors fos tot so qe tocaria
6. §Bel naiman samor uos destreignia
7. Uos en toz temps ieus en (con)seilleria
8. Si uos menbres cant ieu nac de dolor
9. Ni qan de ben iamais ne us enca(r)ria
10. §Eu plus uall sab los dillz uos ueia
11. So qeu ai ditz porria auer ualor
12. Qieu qier conseill e conseill uos daria
    FqMar 155.18 (P 71)
13. Folqet LXXII.
14. SAl cor plagues ben for huimais saisos
15. De far canzhos p(er) ioia mantener
16. Mas trop mi fai ma uentura doler
17. Qant eu regart los bes el mals qeu nai
18. Qe ricx diz hom q(e) soi e qe ben uai
19. Mas cel qo diz no sap ges ben lo uer
20. Qe benena(n)zha no(n) pot nus hom auer
21. De nulla re mas de zho qal cor plai
22. P(er) qe nam mais un paubres ses ioios
23. Cuns ricx ses ioi qes tot lan consiros
24. §Et si anc iorn fui gais ni amoros
25. Ar non ai ioi damor ne len esper
26. Ni altre bes nom pot al cor plazer
27. Anz mi senblon tot altre ioi esmai
28. Per o damor qe uer uos en dirai
29. Nom lais d(e)l tot ni nomen puosc remane(r)
30. Aissi com cel qem mei del arbre stai
31. Qes tan poiaz qe no sap tornar ios
32. Ni sus no(n) uai tan li par temeiros
33. §Per zho nom lais se tot ses perillos
34. Qades no(n) page sus amon poder
35. Et deuriam do(m)pnal fis cor ualer
36. Pois conoissez qe ia non recrerai
37. Qab ardime(n)t apoderom les glai
38. Et non tem dan qe me posca escazer
39. Per cho user gen sim deignatz retener
40. El guierdos es aitals chom seschai
41. Qe neis lo dos len eis faich guierdos
42. A cel qe sap dauinen far sos dos
43. §Donc s merces a nuill poder en uos

23vA

1. Traia sen(n)an se iam uol pro tener
2. Qeu nomen fi en prez ni ensaber
3. Ni en chanzons mas car conosc e sai
4. Qe merces uol zo qe raisons d(e)schai
5. Per qeu uos cuich ab merce (con)qerer
6. Qi mos escuz contral sobre ualer
7. Qeu sai en uos per qem met en assai
8. De uostramor zo qan ueda raisos
9. Mas ille mi fai quiar qauinen fos
10. §Azho conosc qeu soi meins pauros
11. Qant al comenzamen me desesp(er)
12. Et mas chanzhons pois uoill m(er)ce q(e)re(r)
13. Farai doncs aissi col ioglars fai
14. Aissi cum muo mos uers lo finerai
15. Desesperar puos doncs noi puosc sabe(r)
16. Raison per qeill deia de mi caler
17. Ma tot lo meins ai tant en rete(n)drai
18. Qinz en mon cor lamarai a rescos
19. Et dirai ben de lei en mas chanzos
20. §Si Nazimanz sabia cho qeu sai
21. Dir porria cuna pauca ocaisos
22. Noz en amor plus qe noi ual raisos
    FqMar 155.3 (P 72)
23. Folqet LXXII
24. AI qant gent uenz e ab qan pauc da
25. fan Ab cel qis laisa uencer ab m(er)se
26. Qar en aisi uenz hom autrui e se
27. Et a uencut duas uez senes dan
28. Et uos amor no o fai ges aissi
29. Qanc ior merces ab uos no(m) pog uale(r)
30. Anz mauez tant mostrat uostre pode(r)
31. Qai no uos ai ni uos no auez mi
32. §Per zhom par fol qui non sab retene(r)
33. Zo chom conqer qeu prez ben aut(re)ta(n)t
34. Qi zo reten com a (con)qes de nan
35. Per son efforz com faz lo conqerer
36. Qaissim pograz tener com fol rete
37. Le sparuer fer qant tem qe se desli
38. Qel estreing tant el poing tro q(e) la oci
39. Mais pois estorz uos soi uiure pois be
40. §Tot zho qe ual pod noser altresi
41. Donc sens tegn pro be os po(r)rai dan te
42. ner Et er merces sabeis uostre saber
43. Qe mauez dat don anc iorn no(n) gaudi

23vB

1. Uos mou tenzon ni os dig mal en cha(n)tan
2. Mais no(n) er fait qe zausiment men te
3. Mais uoill sofrir mon dan en paz iase
4. Qel uostre tort adreturer claman
5. §Ou troberai mais tant de bona fe
6. Qanc neguns hom se mercis no trai
7. Son escient si com eu qe os serui
8. Tan lo(n)gament qanc no gaodi de re
9. Ar qer merce e faria parer
10. Qar qi trop uai seruisi reprozan
11. Ben fai senblant qel guederdon deman
12. Mais ia de mi no(n) cuies qeol nesper
13. §Et qil bon rei Rizard qi uol qeu chant
14. Blasmet p(er)zo qar no(n) paset de se ·
15. Ar len desment si qe chascun lo ue
16. Qa reires trais per meill sallir en an
17. Qel era cons ar es ricx reis ses fi
18. Mais bon secors fai de os al bon uoler
19. Et sen diz ben al crozar eu dis uer
20. Et ar uedem per qa donc no menti
21. §Ia nadiman toz temps no(n) an cuian
22. Qe contramor ai auira mon fre
23. Mas eu tenc ben per probat cho (con)ue
24. Et sabra o meill chascuns des or en an
    FqMar 155.1 (P 73)
25. Folqet LXIII.
26. AMor merces no(n) moira tan souen
27. Qe iam podez uiaz del tot aucire
28. Qar uiurem fai e morir mesclamen
29. Et en aissi doblen mi mon martire
30. Pero mez morz uos soi hom e seruire
31. El seruizis es me mil tant plus bons
32. Qe de nul altr auer ricx guierdons
33. §Per qes pechaz amors so sabes uos
34. Se mauciez pos uer uos nom aire
35. Mas trop seruir ten dan ma(n)tas sazos
36. Et son amic en perd hom so auz dire
37. Se os ai s(er)uit ni anqer no men uire
38. Et qar sabez qen guierdon enten
39. Ai perdut uos el seiur issamen
40. §Et uos do(m)pna qe auez mandamen
41. Forzaz amor e uos cui tan desire
42. Non ges per mi mais p(er) dreit iausemen
43. Qe tan plaignen uos pregon mei sospire

24rA

1. Qel cor plura qan uedez los oillz rire
2. Mas per paor qeu senbles enoios
3. Enian mi es e trag mal en perdos
4. §Et ia no(n) crei uostre cor orgoillos
5. Uolgues el meo tan lonc desir asire
6. Per qai paor no fezes dun dan dos
7. No uos ausei lo mon mal trait deuire
8. Ai qar uostroill no(n) uezon mon ma(r)tire
9. Qa donc na gran merce se el no men
10. Ai dolz esgart qin fan senblan paruen ·
11. §A uos uolgra monstrar lo mal qeu sen
12. Et as altres celar e escondire
13. Qanc no(n) posc dir mon cor celadamen
14. Et seu no(n) sai cobrir qi mer cobrire
15. E qui mer fins si eu eismi soi traire
16. Qar qi no(n) sap zelar non es rasos
17. Qe zelo(n) sels a qi no(n) es nuls pros
18. §Mas nazimanz diz qeu li soi traire
19. Ill es tos ten(m)ps dizon qieu soi ginhos
20. Car tot mon cor no retrac a els dos
    FqMar 155.5 (P 74)
21. Folqet LXIIII.
22. Ben an mort mi e lor
23. Mei oill galiador
24. Per qem plaz qa bels plor
25. Pos ill cho an merit
26. Qen tal do(m)pnam chausit
27. Don an faich falimen
28. Et qi trop puoia bas deiscen
29. Per o en sa merce mi ren
30. Qe no(n) crei ges qe merces aus fallir
31. Lai on deus uolc toz autres bes aissir
32. §Per o conosc damor
33. Qe mos danz la sabor
34. Qe zho don ai langor
35. Me fai prezar petit
36. Et poigner a destrit
37. En tal qi sen defen
38. Zho qi men chauzha uau fugien
39. Et cho qim fug eu uau seguen
40. Qem sems no(n) puosc en chauza(r) e fuzir
41. §Ar auiaz gran folor
42. Qarditz soi per paor
43. Mas tan tem la dolor

24rB

1. Damor qi ma saizit
2. Ai chom fai plus ardit
3. De monstrar mon talen
4. Alei qem fai ueillar durmen
5. Dons ai p(er) paor ardimen
6. Aissi com cel qestres no pot gandir
7. Qis uai totz sols entrels cinc cens ferir
8. §Pros do(m)pna cui ador
9. Restauraz en ualor
10. Mi e uostra lausor
11. Cam dui em afreblit
12. Car metez en oblit
13. Mi qe os am finamen
14. Qe cil qo sabon uan disen
15. Qe mal seruir fai manta gen
16. Et qar uos am tan qe dal non (con)sir
17. Perd mi e uos gardaz sin dei morir
18. §Mas ges oian per flor
19. Non uiraz chantador
20. Mas pres de mon seignor
21. Lo bon rei cui deus guit
22. Da ragon men partit
23. Dir e de marrimen
24. Per qeu chant tot forzadamen
25. No deuon ges sei amic (con)tradir
26. Cals enemicx uem qes fai obezir
27. §Chai a la dolo(r) de la den
28. Uir la lenga lei cui mi ren
29. Et er merces sil mi deigna coillir
30. Qen maint bon loc faz son ric prez auzir
31. Bel raimanz deus mi gard de faillir
32. Uas lei qi faill ues mi seu lauses dir
    FqMar 155.14( P 75)
33. Molt i fez gran pechat amors Folqet . LXXV
34. Qan li plac qes meses en me
35. Qai merces noi aduis ab se
36. Ab qe sa dolces ma dolors
37. Qa mors perd son nom e desmen
38. Et es desamors planamen
39. Pois merces non pot far secors
40. A cui fora prez e honors
41. Pois ill uol uencer totas ues
42. Cuna uez la uences merces
43. §Si nos uenz uencuz soi amors

24vA

1. Uencer nos puos mas ab merce
2. Et sentre tanz mals trai un ben
3. Ia nuos er danz ni deshonors
4. Cuia uos qe os esteia gen
5. Qan mi faiz plaigner tan souen
6. Anz en ual men uostra lausors
7. P(er)ol mals me fora dolzhors
8. Si lauram a qe ram soi pres
9. Me pleies merceiant merces
10. §Mas trop ma airat amors
11. Qar ab merce sen desaue
12. P(er)ol meillz del mieillz qet hom ue
13. Mi donz qe ual meillz qe ualors
14. En pot leu far acordamen
15. Qar mager ne faiz per un cen
16. Qi ue com la neus el colors
17. Cho es la blanc e la colors
18. Sacordon en lei senblanz es
19. Qamors si acord e merces
20. §Mas no(n) pot esser pos amors
21. Non o uol ne mi donz cho cre
22. Per o de midonz no sai re
23. Canc tan no men follit follors
24. Qeu lhauser dir mon pensamen
25. Mas cor ai qem capdel ab sen
26. Ab ardimen qel tol paors
27. Per o esperar fai la flors
28. Torn en fruich e de mi don pes
29. Qesperan la uences merces
30. §Ester no puos durar amors
31. Et no sai cosi se desue
32. De mon cor qe si os a eos te
33. Qe re non cuich qe naia aillors
34. Qe si beos es granz eissamen
35. Podez e mi caber leumen
36. Qo us deuis una granz tors
37. Qen un paoc mirall es largors
38. Eu soi tan granz qe si os plagues
39. Ancar neis icaubra merces
40. §Mal mi soi gardaz p(er) un sen
41. Enblat amors
42. Mar qer estorz de sas dolors
43. Mas dir pot qeu ues mi soi pres

24vB

1. Neus no mi ual dreich ne merces
2. §Naiman lo uostre socors
3. Et en toz temps uolgre uaillors
4. Mas daqest no(n) uoill sapchaz ges
5. Qa penas neis o sap merces
   PVid 364.43(P 76)
6. Peire uidal LXXVI.
7. SIm laissaua de chantar
8. Per trabaill ni per afar
9. Ben leu dirion la genz
10. Qe non es aitals mos senz
11. Ni ma gaillardia
12. Com esser solia
13. Mai be os posc en uer iurar
14. Canc mais tant nom plac iouenz
15. Ni prez ni caualaria
16. Ni doneis ni drudaria
17. §Et seu pogues acabar
18. Zho qe mai faich comenchar
19. Mos sobresforcius talenz
20. Alixandres fo nienz
21. Contra qeu seria
22. Et sa deu placia
23. Qe mi deignas aiudar
24. Ial seus uerais monimenz
25. Longament non estari
26. Sot mal serua seignoria
27. §Hom nos deuria tardar
28. De ben dir ni de meillz far
29. Tant can uidales presenz
30. Qel secle no es mais uenz
31. Et qi plus sei fia
32. Fai maior folia
33. Cala mort pot lom proar
34. Cum pauc ual lo remanenz
35. Per qes fols qi nos castia
36. Et no reigna en cortesia
37. §Mas tant ai de qe pensar
38. Per qeu no(n) puos deliurar
39. Totz mos honraz pensamenz
40. P(er)o bos comenzhamenz
41. Me tol bona uia
42. Et no sen canbia
43. Mas eu p(er) sobresforzhar

25rA

1. Cuich dels felon mescredenz
2. En breu recobrar sorria
3. Et damasqe e tabaria
4. §Tant es dolzha per amar
5. Et bella per remirar
6. Et corteissa e conoissenz
7. Si cals pros e als uaillenz
8. De bella paria
9. Qe si uer dicia
10. El mon non auria par
11. Mas fraiz matal mil conuenz
12. Qe sim sol men atendia
13. Escort e gant mauria
14. §Ges no maus desesperar
15. A lei dun flac rei auar
16. Cui sobra ors e argenz
17. CuiIa cal resmane(n)z
18. Cautre deus non sia
19. Per sa manencia
20. Cauer lo fa renegar
21. Man qan uendra aliuiamenz
22. Car (com)parra sa felonia
23. Et lengan e la bausia
    Peirol 366.21(P 77)
24. Peirol daluergnia . LXXVII.
25. MOlt mentremis de cha(n)tar uole(n)ter
26. Et dalegranz e de ioi mantener
27. Aitant com fui damor en bon espe(r)
28. Mas er non uei mon pro ni li enten
29. Ni mai secors de mi don non aten
30. Tal desconort e tal esmai men ue
31. Qe par un paoc de tot zoi nom recre
32. §Gran mal ma fait lacuidamen prime(r)
33. Et bel senblant qi ges no merron uer
34. Qan pois no(n) poi mon coratge mouer
35. Qen un desir soi ades solamen
36. Ni de ren al grand enueia nom pren
37. E pois no(n) plaz qeu nai altra merce
38. A soffrir mer lo trabail a qem te
39. §Ia no partria de leu mon consirer
40. Per mal qem faz e noi posc mal uoler
41. Qar la fait senz e beltaz ualer
42. Segon lamor folei sabuiamen
43. Qe fols ai diz anz folei folamen

25rB

1. Qant narcisus qan uet lombra de se
2. Se ben mori no fo plus fols de me
3. §Caltresi mor entre long desirer
4. Qim fan tot ior sospirar e doler
5. P(er) lei qi ma tornad a non chaler
6. Qora sai eu e conois ueramen
7. Qil men schiua son priuat parlamen
8. Et eu lam tan cala mia fe
9. Qan uei mon dan ia mi meteis no(n) cre
10. §Ben sai qals es tot mon (con)seill derer
11. Pois del partir non ai zeng ni poder
12. Se(n)s sos pensar farai lo meo plaser
13. Amerai la mi don per tal conuen
14. Qel cor aurai lamoros pensamen
15. Mais la bocha tenrai ades en fre
16. Qe sil per uer no lim dirai mas re
17. §Anz me strarai com fals penedenzer
18. Qi ren non qer daizo qel uol auer
19. Ai qam tarza qeu no la uau uezer
20. Irai la donc donc morir mon escien
21. Oc qaital mort amerai eu souen
22. Qestragnamenz es granz plaiser qi ue
23. Cho qama fort ia non az altre be
24. §Bon uers tramet mi donz per tal couen
25. Ca tolomeus saltre pro no campte
26. Can laudira menbrerali de me
    Peirol 366.19 (P 78)
27. Peirol LXXVIII.
28. MAnta genz mi mal raisona
29. Qar eu no chant pl(u)s souen
30. Et qi daizho mo caisona
31. No sap ges qan longamen
32. Ma tengut en greu pensamen
33. Cil qi mon cor enpreisona
34. Per qeu pert esbaldimen
35. Tal desconort me dona
36. §Per o sem fo franc e bona
37. Mi do(m)pn el comenzamen
38. Era no ma coill nim sona
39. Mas aissi com laltra gen
40. Qar conosc qeu lam finamen
41. Aqo mal mi guierdona
42. Amors fara fallimen
43. Saqest tort li perdona

25vA

1. §De to ioiam deslonia
2. Mado(m)pna noill es honors
3. Cab qalqe plaizen menzonia
4. Me pogra il far gen secors
5. Er sai qe no(n) es mas folors
6. Aqesta entendanzha lonia
7. Don ai fat tantas clamors
8. Qantas nai ab uergoigna
9. §Ha partiraimen eu no ia
10. Qe son prez e sa ualors
11. Mo deueda e mo caloia
12. Qant eu cuit amar aillors
13. Per tot lo cor mintra lamors
14. Si com fai laiga en la spo(n)nia
15. Tot ior mi plairal dolors
16. Qo qem destreing ni ponia
17. §Ades uoill qamors masailla
18. Em guerrei maitin e ser
19. Contra la soa batailla
20. Non qier rapaos ia auer
21. Et seu non ai tot mon uoler
22. Tals es cil qaissim trauailla
23. Qel mon non a mais plazer
24. Qe lo meu mal traiz uailla
25. §Lausenga ni deuinalla
26. Denueios non cal temer
27. Sol pensar de leis nom failla
28. Nul no men po dan tener
29. Qel consir dum eu malezer
30. Mi pais meill daltra uitailla
31. Per ren qe naia en poder
32. Mos cors no sen auailla
33. §Chanzs a toz pot dir en uer
34. Qe mon cant non agra failla
35. Sem uolgues damor ualer
36. Mi do(m)pna cui iois uailla
    Peirol 366.31 (P 79)
37. Peirol LXXIX
38. SE ben soi loing e entre gent estraigna
39. Oimais consir damor aqem conort
40. Et pens dun uers con sil faz e acort
41. Tal qe sia gais e plasenz e fis
42. Et qant tot miell mon chantar me gra
43. zis Et eu me dei ga(r)da(r) q(e) no mespre(n)da

25vB

1. Ni diga res don sauis me reprenda
2. §Non es null ior qenz el cor no desce(n)da
3. Una dolzor qim uen de son pais
4. La zoing las mains e la estao aclis
5. Et la uos dic qeu uorria esser fort
6. Pres de mi don si tot aues mi tort
7. Qab bel solaz e ab dolce conpagna
8. Mi dauret genzo qa hora mi stagna
9. §Ben ai oimais qeu sospir e qeu plaigna
10. Qab paoc lo cor no(n) part qan me recort
11. De bel solaz del ioi e del deport
12. Et del plaiser qel lam fes e qem dis
13. Ai com fora gariz sa donc moris
14. Qe qan la prec qe de mi merceill p(re)nda
15. Nul uezaire no fai q(e) lo entenda
16. §Ben es raizos qeu sofra e atenda
17. Cum atendrai pois el non abellis
18. Meill me fora zhom par qeu men p(ar)tis
19. Partir no(n) ges trop nai pres long acort
20. Bella do(m)pna uostrom soi tot a fort
21. Non credaz ges lamors en mi remagna
22. Qen uos amar tem qel temps no(n) so fragna
23. §Lei no(n) fall ren qia pro do(m)pna tangna
24. Com no la ue qi de leilaus no(n) port
25. Coind e gaies e pro per qeu lam fort
26. Et donc amor cui toz te(m)ps obedis
27. Plairialza cuna uez men zausis
28. A qesta iqer perdon e per esmenda
29. Et se noza guierdon no men renda
30. §Daltre trabaill prec deu qe lam defenda
31. Mais un sol iorn uolgra qela sentis
32. Del mal qeu trai per leiser e maitis
33. Qen greu perill ma lassat loing del port
34. Mas eu no(n) qier caltra men aia stort
35. Qe sa lei plaz car enues mi safragna
36. Anc hom damar no(n) fes genzer gadaigna
    Peirol 366.14 (P 80)
37. Peirol .LXXX
38. DUn sonet uau pensan
39. Per solatz e per rire
40. Qeu non chantai oan
41. Ester per mon consire
42. Don mi conort chantan
43. Camors mauci desmai

26rA

1. Qar ma trobat uerai
2. Plus de nul autr aman
3. §Se uals ben uai daitan
4. Qe ges non pot auzire
5. A plus honrat afan
6. Ni a tal dolz martire
7. Qaital do(m)pnam coman
8. Qes la genser qeu sai
9. Bos mes lo mal qen trai
10. Mas il na pechat gran
11. §Las mon cor desiran
12. Sos hom e sos s(er)uire
13. Qanar eu en sellan
14. Mantas uez men adire
15. Et dic per mal talan
16. Qades men partirai
17. Mas qi me destroplai
18. Mon cor un ser a tan
19. §Li oill del cor min stan
20. Uas lei qaillors non uire
21. Qen las parz on eu an
22. La uei e la remire
23. Tot per aital senblan
24. Cum la flor qom retrai
25. Qe totas uias uai
26. Contral soleill uiran
27. §Ges per autrui noill man
28. La ren qeu plus desire
29. Tanz la dot e la blan
30. Forses qeu noill sai dire
31. Et qan li soi denan
32. Mantas uez qan seschai
33. Dic dopna q(e) farai
34. Nom respon mas gaban
35. §Do(m)pna percui eu chan
36. Una ren uos dirai
37. Sel uostramic deschai
38. Ontas naure e dan
39. §Damors uos dic aitan
40. Qe bon consirier nai
41. Niza daichi en lai
42. Nuls hom no men deman
    Peirol 366.15 (P 81)
43. Peirol LXXXI.

26rB

1. EN ioi qe demora
2. Uoill un sonet faire
3. Qe ben uai a ora
4. De tot mon afaire
5. Fins amors monora
6. Si qe mes ueiaire
7. Ges tan ricx non fora
8. Seu fos enperaire
9. Qel corage nai
10. Iauxion e gai
11. Per o non a gaire
12. Qere mort desmai
13. §Plus est amors bona
14. Qeu no(n) pois retraire
15. Qi mal la raisona
16. Non es fis amaire
17. Car gen guierdona
18. Si tot fai mal traire
19. Qi si abandona
20. Nolleis merceaire
21. Ou qeu me stei chai
22. Mon pensamen ai
23. Tot dreit al repaire
24. Ou mi don estai
25. §Seu per alegranza
26. Uoill gabar ni rire
27. De ioi qe menanza
28. Don eu soi iauzire
29. Do(m)pna ia doptanza
30. Non aiaz del dire
31. Qeu fasa semblanza
32. Qe de uos consire
33. Ben e gen mi sai
34. Cubrir qan seschai
35. Et seu mos oills uire
36. Tost los en retrai
37. §Som ren me demanda
38. De mon dolz desire
39. Amors mi comanda
40. Uertat contradire
41. Molt couen qeu blanda
42. Lei qeus plus desire
43. Qar foldat es granda

26vA

1. Seu qier qi maire
2. Gardatz com seschai
3. O cum si men uai
4. Zho qem sol auzire
5. Er ma duz ioi uerai
6. §Seu soi qil me mena
7. Et es cortesia
8. Cab soa cadena
9. Mi destring em lia
10. Mon mal non refrena
11. Car gariz seria
12. Sab tan dolza pena
13. Per mi don moria
14. Ia no men partrai
15. A ma uida mai
16. Seu toz temps uiua
17. Toz temps lamerai
18. §Francha res cortesa
19. Bella dolz amia
20. Al cor mauez mesa
21. Amor tota uia
22. Gran ioie mes presa
23. Daital compaignia
24. Qe us soi se nos pesa
25. Uostrom ou qeu sia
26. Ia ren nos qerrai
27. Anz uos seruirai
28. Et si uos plasia
29. Ia ren non dirai
30. Gent emenderai
31. Contral grand esmai
    Peirol 366.33 (P 82)
32. Peirol LXXXII.
33. TOt mon engen e mon saber
34. Ai mes en un zoi qem soiste
35. Qan mi remenbra ni soue
36. Can bona do(m)pna fai chantar
37. Adonc me deurieu forzar
38. Com pogues far mon chan ualer
39. Qeu trai sisi greu martire
40. Damor cui soi seruire
41. §Amor ma si en son poder
42. Et ma fait comenzar tal re
43. Qeu non posc ama ni a be

26vB

1. Trar a cap plus cal cel montar
2. Per la genser qom po trobar
3. Gardaz seu deuria chader
4. Qeu lam tan e desire
5. Callors mon cor non uire
6. §Eu lam mais qeu no faz parer
7. Et parlo mai qe nom coue
8. Et uoill qe maucia de se
9. Se iamais men oez parlar
10. Ni adret senblan deuinar
11. Tan soi cobertamen tener
12. Et celar mon albire
13. Ab solaz e a rire
14. §Lo reprozer no(n) es ges uer
15. Qe cor oblida coill no(n) ue
16. Anz a ben falit endret me
17. Qeu no la posc entroblidar
18. La bella cui no(n) aos pregar
19. Tan tem fallir al seu uoler
20. Per qeu plaing e sospire
21. Nai amor no malzire
22. §La noit qan soi anat zaser
23. El ior manta ues mi deue
24. Cosir cum li clames merce
25. Qant eu porria a lei parlar
26. Adonc mosai eu ben pensar
27. Et bon mot zausir e ueder
28. Et ma raison aisire
29. Et la non sai qe dire
30. §Oi las qe cuiaua auer
31. Qalqe pro en ma bona fe
32. Qant eu soi plus desperaz cre
33. Qamor me degues aiudar
34. Era no me sai conseillar
35. Anz atendrai al seu plaser
36. Greu est damor iausire
37. Qe no(n) est franc sofrire
38. §El uers no(n) es ren a dire
39. Sest qi lo sapcha dire
    Peirol 366.16 (P 83)
40. Peirol LXXXIII.
41. EU no(n) lauzerai ia mon zan
42. Mas se us agrada ni bons es
43. La mors qi ma el seu coman

27rA

1. En sapchaz grat qa mi no ges
2. Qar amor me guida e me na(n)sa
3. Se ben da trabaille pesansa
4. Et uio zausen qamor aman
5. §Mi don per sa franqesa gran
6. Plac e recep mo mo nom en es
7. Et monret em dis em fes tan
8. Qeu no cuide com me ualgues
9. Mais er ai paor e doptansa
10. Qe per non cur o per uiltansa
11. Moblid e me torn en soan
12. §Sofrir mer la pen e lafan
13. Tot temps no(n) pas dos iors ni tres
14. Anz qe uaua aillors uiran
15. Qe mal me senbrera altre bes
16. Qe de uos do(m)pna ai desiransa
17. Qem dones ioi e alegransa
18. Conseill el mon plus no deman
19. §Alt fui e uei qar uai bassan ·
20. Et pois dir qen aissi mespres
21. Con selui qis uai ioi sognan
22. Et qan resida no(n) a res
23. O qerrai eu mais fidansa
24. En neguna bella senblansa
25. Pois en aqest trob enzan
26. §Trop dic no(n) pois mals q(e) mor man
27. Atendres e longes merces
28. Qe farai eu de ser en an
29. De gran partir ohc seus pogues
30. Mas mentreu me stao en balansa
31. Sen desloigna desesperansa
32. Fin amor ma proz altretan
33. §Ia drut no cognosca son dan
34. Sesser uol sauis ni cortes
35. Ni faza parer ni trian
36. Qar en contra si don li pes
37. Qai sel enqer sa malenansa
38. Qi per orgoil cuida ueniansa
39. Penre a qi om nol blan
40. §Do(m)pna ren no(n) ual ne enansa
41. En amor trop longa speransa
42. Qi ama far en desenblan
    ArnMar 30.23 (P 84)
43. Narnald de miroill .LXXXIIII

27rB

1. SIm destrenez do(m)pna uos e amors
2. Qamar nous aus ni nomen posc estraire
3. Luns men ardis e lautrem fai temer
4. Preiar nous aus pe(r)enten de gaudir
5. Aissi com cel qes nafraz per morir
6. Sab qe mortz es e per o sis conbat
7. Uos clam merce ab cor desesp(er)at
8. §Bona do(m)pna paratges e ricors
9. On plus auz es e de maior afaire
10. Deo mais ensi domiltat auer
11. Qar ab orgoill no(n) pot bon prez caber
12. Qui gent nol sap ab iausiment cobrir
13. Et pois no(n) posc de uos amar sofrir
14. Merce uos clam p(er) uostrumilitat
15. Qen uos trobes qalacun pietat
16. §No minogues uostra rica ualors
17. Qanc nola puosc un ior pl(u)s ananz traire
18. Pois en uos ui ab lo sen el saber
19. Del uostre prez creisser a mon poder
20. Qen mant bon locs lai dit e fait auzir
21. Et se os plagues qem degnessez grazir
22. Nos qerra plus deuostramistat
23. Et gaudirai per guederdon lo grat ·
24. §Tot los forfait e totas las clamors
25. Qe os mi podez rancurar ni retraire
26. Es qar mausaz abellir ni plaiser
27. Mais daltra reis qeo anc pogues ueder
28. Altra ochaison do(m)pna no(n) sabez dir
29. Mas car uos sai conoiser e zausir
30. Per la meillor e ab mais de beltat
31. Ueos tot lo tort en qe mauez trobat
32. §Uostre genz cors uostra fresca colors
33. Eill dolz esgard plazent qem sabez faire
34. Mi uos fan tan desirar e uoler
35. Qe mais uos am on plus me desesper
36. E si folei no men posc partir
37. Mas qant eu pens qi es qim fa languir
38. Consir lonor e oblit la foldat
39. Eu fug mon sen e sec ma uoluntat
    ArnMar 30.22 (P 85)
40. Narnald . LXXXV
41. SI com li peis an en laiga lor uida
42. Lai eu en ioi e toz temps lai aurai
43. Qamors ma fait en tal do(m)pna iausir

27vA

1. Don uio gaude(n)t sol del d(e)sir qeo nai
2. Tant es ualenz q(e) qan ben mo consir
3. Me nais orgoillz em creis humilitatz
4. Mais sis ten ioinz amor (e) iois am dos
5. Qe ren noi perd mesura ni raisos
6. §Tot autre ioi desconois e oblida
7. Qe uel seu cors coind e cortes e gai
8. Qen aissi sab dauine(n)t far (e) dir
9. Ab pur plazer tot zo qil diz ni fai
10. Qom no(n) pot mal dir senes mentir
11. Qen lei es prez honor senz e beltatz
12. Et se nom ual sos genz cors amoros
13. Amor na tort qi men fai enueios
14. §Bona do(m)pna de toz bons aibs complida
15. Tant es ualenz p(er) la meillor qeu sai
16. Mais am de uos lo talenz el desir
17. Qe dautr auer tot zo qa drut seschai
18. De tant nai pro qar tem el pl(u)s faillir
19. Per o no(n) soi del tot desesperaz
20. Men richas corz ai uist mantas saisos
21. Paubren richir e recebre genz dos
22. §Ues lo pais pros do(m)pna escernida
23. Repaus mos oill ol uostre cors estai
24. Et qant de uos plus pres nom poisc aisi(r)
25. Tenc uos al cor ades e consir sai
26. Uostre bel cors cortes qim fai langui(r)
27. Et gent parlar el deport el solaz
28. Lo prez el sen e le beltatz de uos
29. Don pois uos ui no sui anc oblidos
30. §Do(m)pna cui prez e iois e iouenz guida
31. Ia nom amez toz temps uos amerai
32. Qamors o uol ues cui no posc ga(n)dir
33. Et qar conois qeu ai fin cor uerai
34. Mostram de uos de tal guisa iausir
35. Pensan uos bais e os manei e us e(n)braz
36. Aqest do(m)pneis mes dolz e qars e bos
37. Et no mil pod uedar neguns gelos
38. §Mos genz conqis iois e prez e solaz
39. Uos tenon gai uostre cors e ioios
40. Per com nos uei qi no sa haut de uos
41. §Ues mon frances uoil qes an ma za(n)sos
42. Qar es adreitz e largs e amoros
    ArnMar 30.22 (P 86)
43. Narnald LXXXVI.

27vB

1. Aissi com cel qama e no(n) es amaz
2. O ai eu faich qai amat loniamen
3. En un sol loc e ges no men repen
4. Anz la uoill plus amar desesperaz
5. Qe daltr auer tota mas uoluntaz
6. Et qar eu lam finamen ses engan
7. Creu qil ual tan p(er) qe noi aurai dan
8. §Auzit ai dir per qeu soi conortaz
9. Qe qi ben serf bon guierdon aten
10. Ab qel seruir sia en loc ualen
11. Qen aisi es molt meilz guierdonaz
12. Per qeu me soi del tot a uos donaz
13. Bella do(m)pna qe dal non ai talan
14. Mas de seruir uostre cors benestan
15. §Meillz qeu no dic uos prec qe mente(n)daz
16. Qe mais uos am qe no(n) aus far p(ar)uen
17. Et no men lais mas per dreich espauen
18. Qeu me feira molt de uos pl(us)us priuaz
19. Mas diriom qeu fos enamoraz
20. Per o uers es qanc re no(n) amei tan
21. Mas endreizh uos no(n) aus far lo senblan
22. §Uos ualez tan ben crei qe sapiaz
23. Qe qi meillz ama si prega plus temen
24. Qe cels qe prec ades ardidamen
25. Bella do(m)pna ia a cel no creaz
26. Cab en gan ua e sia enganaz
27. Mas eu soi cel qe temen mor aman
28. Per qe no us aus preiar mais en ca(n)tan
29. §Souen mauen la noich can soi colgaz
30. Qeu soi ab uos per senblan en durmen
31. Adoncs estau en tan ric iauzimen
32. Ia no uolria mais esser residaz
33. Sol qem dures aqel plaisenz pensatz
34. Et can mesueill cuich morir desiran
35. Per qeu uolgra aissi dormir un an
36. §Bella do(m)pna souen soi acordaz
37. Qe us an ueder e souen uau doptan
38. Qe no us plagues p(er)qeu nai esbat tan
39. §Seigner franceis cals qe sia bausaz
40. De toz bos prez uos anaz meilloran
41. Per dir e far trestot faich ben estan
    ArnMar 30.16 (P 87)
42. Narnald LXXXVII.
43. LA gran beutaz el fins enseignam(en)z

28rA

1. El uerais prez a las bona lausors
2. El cortes diz ala fresca colors
3. Qe son en uos bona do(m)pna ualenz
4. Me donon geing qeu chant e essienza
5. Ma granz paors mou tol e gran teme(n)za
6. Qeu no(n) aus dir do(m)pna qeu chant d(e) uos
7. Ni ren no sai si mes o danz o pros
8. §Eu uos am tan do(m)pna celadamenz
9. Qe non osa mas chant eu e amors
10. Ni uos eissa tan granz sobre temors
11. Mou tol ades qeu no(n) aus far parue(n)z
12. Tal paor ai qira e mal uolenza
13. Nom portasses qar eu ai entende(n)za
14. Et pos mon cor nos aus dir arescos
15. Pregar uos ai seu aus en ma cansos
16. §Aissi uos ren pros dopna conoissenz
17. Mon cor ni ia nol uirerai aillors
18. Et uos faz mi qan uos plaira socors
19. Qeu uos serai de tot mon mal sofrenz
20. Tro conoscaz ma fina ben uolenza
21. Bona do(m)pna aiaz en conoisenza
22. E nom siaz de senblat orgoillos
23. Ami qi soi leials e amoros
24. §Ia non serai uencuz ne recredenz
25. De uos amar sia sens o folors
26. Car seu follei per uos mas mes donors
27. Qe sab autra mabondaua mon sens
28. Et se ricors me tol uostra ualenza
29. Per merce prec comilitaz uos ue(n)za
30. Seu aus daitan do(m)pna genser can fos
31. Qel mon seruis uos plaza e sia bos
32. §Genser do(m)pna can fos de nulla genz
33. Per uos morrai chom dis ades paors
34. Sen uos non trou merce ni iauzimenz
35. Bona do(m)pna aiaz en subuine(n)za
36. Al cor ni ia no me fazaz paruenza
37. Tro conoscaz qe ben sia raisos
38. Qe nescaia qalqe ric guierdos
39. §Bella gard a saber e conoissenza
40. Uos donen gen sobre totas ualenza
41. Per qeu retrai uostre prez cabaillos
42. Al melz qeu sai ama humill cha(n)sos
    FqRom 156.10 (P 88)
43. Folqet de Roman LXXXVIII

28rB

1. Can ben me soi apensaz
2. Touz laus es nienz mas deus
3. Com lassa la locs el feus
4. Et totas las eritaz
5. El ricors del secle maluaz
6. Non es mas trepassamenz
7. Per com deu esser temenz
8. Et leial senz totz enianz
9. Car chascuns es uiananz
10. §Car tan tost com hom es naz
11. Mou enuia com rumeus
12. Aiornadas (e) es greus
13. Lo uiages cho sapchaz
14. Qe chascuns uai tuz eslaissaz
15. Uers la mort qaurs ni argenz
16. Noi en pot esser garenz
17. Et can hom mais sai uiu danz
18. Sens deu mais fais de son danz
19. §Et tu chatis qe feras
20. Qe conosc lo mal el ben
21. Fols es se no ten souen
22. Un es uenguz ni un uas
23. Qe sen ta uida ben non fas
24. Tu medes nes escherniz
25. Et si sen part lespiritz
26. Cariat del pechaz mortals
27. Tamors es perpetuals
28. §Dun garda com obreras
29. Tan com uida te sosten
30. Qen pauc dora sesdeuen
31. Com es mors en un trepa
32. Per com no(n) deu esser las
33. De ben far qi nes aisiz
34. Qen breu de tens es failliz
35. Le iois de cest secle fals
36. Ca toz es mors comunals
37. §Eu non ue freuul ni fort
38. Qe tan sapcha de scremir
39. Qa la mort poscha gandir
40. Qil no(n) garda augur nin sort
41. Ni dreic ni mesura ni tort
42. Caissi tost pren lo meillor
43. El plus bel col surdeior

28vA

1. Ni niguns hom p(er) nul plaiz
2. Nus pot gardar del seu traiz
3. §Eu non sai mais un conort
4. Com se pung de deu s(er)uir
5. Et com se gard de fallir
6. Mentre sen uai uers la mort
7. Car passar nos coue al port
8. On tuez passan ab dolor
9. Et rei e enperador
10. Et lai trob hom atrasaz
11. Lo ben el mal com a faz
12. §A deu prec per sa dolzor
13. Qem gard del mortal agaiz
14. Tro son plazer aia faiz
    FqRom 156.6 (P 89)
15. Folqet LXXXVIIII.
16. EU farai un seruentes
17. Et raison ai granda
18. Et dirai de prez on es
19. Som tot non demanda
20. Prez soiorna ab lo cortes
21. Et noill qier liuranda
22. Mas ioi e ualor
23. Et ten celui per seignor
24. Qill dai tal uianda
25. §Prez uolom en conoisses
26. Ab fina largessa
27. Franc e leial e cortes
28. Et sens auolessa
29. A celui no dona res
30. Qilla samor missa
31. Mais pauc na conqes
32. Qen null baron no(n) atres
33. Compli de proessa
34. §Iamais negus mos amic
35. No uoill ric deuiegna
36. Pois mon seignor federic
37. Qe sobre toz regna
38. Era larc anz qil fos ric
39. Or li plaz qil tegna
40. La terra el auer
41. Aicho me contom per uer
42. Cascuns qi qem ueigna
43. §Duna uoill qe siaz cert

28vB

1. Ca il sabi audire
2. Qi tot uol tenir tot pert
3. En aicho se mire
4. Et tegna donar obert
5. Qe roda nos uire
6. Cel de sus de soz
7. Cal uirar faria toz
8. Ses enemics rire
9. §Anz am deu qe sus la mes
10. Ella dat corona
11. Et son cosin lo marqes
12. Qe chascun rasona
13. Uenir len deuret gran bes
14. Et ualora bona
15. Si com ui laltres
16. Lamor qe cil dest li fes
17. El cont de uerona
    FqRom 156.8 (P 90)
18. Folqet LXXXX.
19. MA bella do(m)pna per uos dei esser gais
20. Cal deparir me dones un dolz bais
21. Tan dolzamen lo cor del cors me trais
22. Lo cor auez do(m)pna qeu lo uos lais
23. Per tal couen qeu nol uoill cobra(r) mais
24. Qe meill no(n) pres a Raol de cambrais
25. Ne a florican poget el palais
26. Com fez ami car soi fins e uerais
27. Ma bella do(m)pna
28. §A uos me ualla deu
29. Qe mill aitanz soi meill uostre q(e) meu
30. Obedient plus qe serf ni iudeu
31. Et de uos teng mon aloc e mon feu
32. Et null trabaill no me pot esser greu
33. Sol qa uos plaza anz mes plasenz e leu
34. Et morrai tot aissi com fes Nandreu
35. Et uolgra mais qa gues mort uint Romeu
36. Ma bella do(m)pna
37. §Ia uos am eu tan fort
38. Se no uos ai uenguz soi a mal port
39. Qeu ai ben uist e coneguz en sort
40. Qen breu de te(m)p maura li sospir mort
41. Se eu a uos en cha(n)bra nom deport
42. Ha dolza res uostre cor si acort
43. Qe ren sen uos no me poi dar conort

29rA

1. Sen aissi mor pechaz naurez e tort
2. Ma bella do(m)pna
3. §No me laissaz morir
4. Qe mill aitant uos am qeu no sai dir
5. Qe nulla ren no(n) am tan ne desir
6. Com eu faz uos p(er) cui plang e sospir
7. Lo danz er uostre sen aissim faz la(n)gui(r)
8. Can plus uos uei mas uos ue en beli(r)
9. Naffrat mauez no sai tant del scrimir
10. Ab dolz esgart e ab genz acoillir
11. Ma bella do(m)pna
12. §De uos soi enueios
13. Sabez per qe car es ualenz e pros
14. Et ges parlant e dauinet respos
15. Com no uos ue de cors ad bellas faichos
16. Et ia nous pes sem soi un paoc gelos
17. Qe per amor fu uencuz salamos
18. Aissi soi eu cortesa res per uos
19. Ma bella do(m)pna
    RbVaq 392.26 (P 91)
20. Naimeric de bellinoi . LXXXXI.
21. NUlls hom en ren non faill
22. Tan tost ni mesaue
23. Com en loc un se te
24. Per plus aseguraz
25. Per qem par gran foudaz
26. Qi non tem zo cauenir li porria
27. Qeu cuiaua qant amor nom tenia
28. Qe nom pogues forsar estra mon grat
29. Mas era ma del tot apoderat
30. §Tant es damoros taill
31. La bella qem rete
32. Qe nuls hom no la ue
33. Non sia enamoraz
34. Et seu en soi forsaz
35. Ia no(n) cuiez granz
36. merueilla sia
37. Qe sa beutaz lai onilh se deslia
38. Uenz en aissi totas autras beutaz
39. Com lo soleils passa totas clartaz
40. §De robin ab cristaill
41. Senbla qe deus la fe
42. Et del seu dolz ale
43. Laspirez cho sapchaz

29rB

1. Ab digz enamoraz
2. Plens de douchor ab orguill ses feunia
3. Ioga e rii ab tan plazen conhdia
4. Cals amors creich damor uoluntaz
5. Et fai amar cels qe non an amaz
6. §Trop suffri greu trabaill
7. Can lognar men aue
8. Mas ai chom fai gran be
9. Qe qant me soi loniaz
10. Me stai gran sa beutaz
11. Tals com la ui en mon cor noich e dia
12. En gens parlars el auinez paria
13. On eu do(m)pnei mantas uez a celaz
14. Com se cuia qeu aia dals pensaz
15. §Et car eu tant non uaill
16. Com al seu prez coue
17. Am leis e air me
18. Car men soi azantaz
19. Com non es tant preiaz
20. Qel sa ualors al seu ric prez par sia
21. Mas ses amors entrels amanz li tria
22. Lo plus leial meillz enamoraz
23. Non cal temer son prez ni sa rictaz
24. §De la contessa Beatrix non porria
25. Tan de ben dir qe mais en lei no(n) sia
26. Qen leis a deus tan de ben aiostaz
27. Com per part na a las autras donaz
28. §Sen gers nimo samors · no(m) retenia ·
29. De uos ueder mais tenir nom porria ·
30. Mas amor ma tant fort apoderaz ·
31. Qe no(n) posc far mas a sa uoluntanz
    AimBel 9.7 (P 92)
32. Naimeric LXXXXII.
33. ERam destreing amors
34. Tant amorosamen
35. Qel mal qeu trai non sen
36. Anz mes lafan dousors
37. Qe la humils paruensa
38. El francha captenensa
39. De leis qaissim ten pres
40. Amors ma si conqes
41. Qe uas un qeu me stei
42. La om la ui la uei
43. §Qe qant eu ueng daillors

29vA

1. La gran beltat el sen
2. Trop dobla doblamen
3. Per qe men pren paors
4. Qe merces no la uensa
5. Mas en so nai pleuensa
6. Car anc orgoill nos mes
7. En tan franc loc son pes
8. Per qeu com qem guerrei
9. Amors soi tals com dei
10. §Tant es granz sa ricors
11. Qeu no(n) aus far paruen
12. Com lam celadamen
13. Ni non aten socors
14. Mas de sa conoissensa
15. Qeu lam a tal temensa
16. Qesgardar no(n) laus ges
17. Qellam ueia ni res
18. Anz can garda uas mei
19. Seu lasgard men recrei
20. §Sa co(n)uinenz colors
21. Els oillz clars e rien
22. El douz esgard plazen
23. Et lonrada ricors
24. Me torn en souenesa
25. Per ca toz iors ma gensa
26. Sos leials cors cortes
27. Mirall de toz mos bes
28. Qe qant aillors cortei
29. Pensan aleis do(m)pnei
30. §Mas tant me uenz temors
31. La bella a cui me ren
32. Naia franc chausimen
33. Qel mon no(n) es dolors
34. Mas trop longa tendensa
35. Qeu faz tan gran sofrensa
36. Qe se nol ual merces
37. Ab leis en bona fes
38. Paor ai non derrei
39. E car o dic follei
40. §Segner ni mo can pes
41. Uos cals es ne qi es
42. Lo sengles eu non uei
43. Qe tan bel esplei

29vB

1. §Et qi tort non fezes
2. Et la rengare ges
3. En tot lo mon no(n) crei
4. Tan bona i estei
   Perd 370.14 (P 93)
5. Perdigon daluergna . LXXXXIIII.
6. TRop ai istat bon esper no ui
7. Per qes ben drez q(e) tot ioi me sofraigna
8. Can eu me long de la soa conpagnia
9. Per mon fol sen don tan ior no(n) la ui
10. Mas seu am lei noill costa re
11. Qel dan torna tot sobre me
12. Qe qant eu plus men uai lognan
13. Mens nai de ioi e mas dafan
14. §Se ma foldaz men ianna ni auci
15. Ben e razon qe ia hom no me plaig(na)
16. Qeu soi com cel qen mez de laiga baigna
17. Et mor de se e es drez chous affi
18. Qe mora desiran del be
19. Qe aurai desirat tan se
20. Qeu nagra tot zho qen deman
21. Se can fuiz me trasses eman
22. §Gran merces es sai mor en aissi
23. Qeu soi remas marriz en terra stragna
24. Et ai aisai qe sospir e qe plangna
25. Car no(n) uei lei qe de mort me gan
26. Et qem trais de mala merce
27. Ai las cal foldaz me rete
28. Qe sagues mors estat un an
29. Sill degra pois uenir denan
30. §Si soi mespres qe ren no(n) sai cosi
31. An denan lei ni no sai com remagna
32. Qar qi zo fai a seignor qi nol tagna
33. Qanc un troua franc e leials e fi
34. Paor de auer can il la ue
35. De perdre son segnor e se
36. Et seu perd lei cui mi coman
37. Perdut ai mi e ioi e can
38. §Perdre la puis qil no(n) pre(r)dra ia mi
39. En es lo ior uoill qe mort m (con)tragna
40. Qeu ia mon cor departissa nim fragna
41. De lei un es tan dolsamen acli
42. Qen tot altra far lo mescre
43. Ues qen lei trou de bona fe

30rA

1. Qel cor el desir el talan
2. Sa cordon en lei dun senblan
3. §Cel qe di cal cor non soue
4. De cho com ab los oill no(n) ue
5. Mi oill lon desmenten ploran
6. El cor plaguet e sospiran
7. §Bel mainer de uos mi soue
8. Et de mi don mas no(n) daltra re
9. Et car no(n) uos uei faz mon dan
10. Et de mi don mor desiran ·
    Perd 370.13 (P 94)
11. Perdigon . LXXXXIIII.
12. TOt temp mi ten amors d(e) tal faison
13. Com sta cel qal mal don se dormis
14. Et murria dormen tan es conqis
15. En breu dora entro com lo resida
16. Altresi me stal dolor denudida
17. Qem donamor qe son no(n) sai nim sen
18. Et cuit morir a qalqe ma(r)rimen
19. Tro qeu mesforz de far una chanzon
20. Qem resida da qest torme(n)t on son
21. §Ben fez amors lusage del lairon
22. Qant encontra celui de straing pais
23. El fai creire qaillors es sos chamis
24. Tro qe li dis bels amics tu me guida
25. Et en aisi es manta gent tradida
26. Qe lai laduz on pois lo lia el pren
27. Et eu pos dir autresi ueramen
28. Qe seu segui amor qar li fo bon
29. Tan me menet tro mac en sa preson
30. §Et ten lai pres o no(n) trob reenzon
31. Mais de ma mort qaissi lor abelis
32. Entre mi dons e amor cui soi fis
33. Lor plaz ma mort e lor es abellida
34. Et eu soi cel qe merce no lor crida
35. Plus qe ai cel qes iuiaz a turmen
36. Qe sap qe pois noill ualria nien
37. Merces clamar aia tort o raison
38. Per qeu men lais q(e) mot no lor en son
39. §Per o no sai qel me faza o qal non
40. Pois per mon dan mengana em trais
41. Amors uas cui eu stao toz temps aclis
42. Al seu plazers qaital fo mascarida
43. Et tengra tot a paraula grazida

30rB

1. Si nom mostres tan mal captenemen
2. Mais sia oniz pel meo descademen
3. Ben fai senblan qe mai al cor felon
4. Qan per mon dan no tem far mesprison
5. §Et faz esforz sab ira ioi mi don
6. Car en aissim conort e mafortis
7. Contral desir en cui amor ma sis
8. Aisi com cel qa batailla remida
9. Et sa de plan sa raisons es delida
10. Qan es en cort on hom dreitz noil (con)sen
11. Et a tot zo se combat issamen
12. Me (con)bat eu en cort e nom ten pron
13. Qar amors ma for iuiaz no sa con
14. §Ai bels esper pros do(m)pna escernida
15. Tan gran dreiz er se damor mal men pren
16. Car an de uos mi parti las dolen
17. Per tal una qe ia nom tenra pron
18. Anz maucira en sa dolza preison
    Perd 370.9 (P 95)
19. Perdigon LXXXXV.
20. LO mal damor ai eu ben tot apres
21. Mas anc los bens no posc un ior saber
22. Et se no(n) fos car eu ai bon esper
23. Eu cugera qel no(n) iagues ges
24. Et a gran dreiz qeu fos desesperaz
25. Tant ai amat e anc no fui amaz
26. P(er)o sell ben es tan dolz e plaisenz
27. Com es lo mal angoisos e coisenz
28. Anz uoil morir qanqera no la tenda
29. §E altresi cuiz qa morir me uengues
30. Com uiuria toz temps senz mon plaiser
31. Don mes lo meill qe mor en bon esper
32. Caia uida qe ia pro nom tengues
33. Cassaz es morz toz hom qi uiu iraz
34. A cui no(n) es iois ni plazers donaz
35. Eu soi ben cel cui nigus iausimenz
36. Nom pot dar ioi per qeu sia gaudenz
37. Tro qa mi don plaza qe mercen pre(n)da
38. §Et seu per zo soi forzhaz ni mespres
39. Car sol uos aos desirar ni uoler
    39bis Ges p(er) aital nom toill del bon esper
40. Qe maior tort perdona ben merces
41. Per o si tort me fos a dreiz iuiaz
42. Eu no(n) cuider esser dreit encolpaz
43. Qe uencuz es tot zo qe forza uenz

30vA

1. Qe negun dreiz noill pot esser garenz
2. Per qe magra ops qe merce me d(e)fe(n)da
3. §La granz beltatz el ualor qen leis es
4. Et tot bos aips qe do(m)pna poisca auer
5. Me fan estar ades en bon esper
6. Car so no(n) crei qe ges esser pogues
7. Qe lai on es tot altre ben pausaz
8. Qe altresi nol sia omilitaz
9. Qom fai sofrir ma dolor bonamen
10. Men pot ualer sol qe mi don sen pre(n)da
11. §Eu e amors sen daital guisa en pres
12. Qora ni ior noich ni maitin ni ser
13. Non part de mi ni eu del bon esper
14. Qe mort magra la dolors tan gra(n)z es
15. Sen bon esper non fos aseguraz
16. Per o mon mal no(n) es en ren mermaz
17. Qen loc esper maura faiz loniamen
18. Estar mar(r)it e en gran pensamen
19. Et encar tem qe plus car no mo ue(n)da
20. §Et seu un ior fos a mi apelaz
21. Daitan bon cor com a lei soi donaz
22. A la bella don non part mon talen
23. Anc tant amor nom destreng malam(en)
24. Qe es lo ior non agues faz esmenda
25.  
26. ArnDan 29.17 (P 96)
27. Narnad Daniel LXXXXVI.
28. SEm fos amors de ioi donar tan laria
29. Com soi a lei dauer cor fin e fra(n)c
30. Ia per amar no(n) uolgra far embarc
31. Qe am tant aut qe spers me pui en to(n)ba
32. Mas qan albir cum es de pres al som
33. Trop men am mais car anc lause uole(r)
34. Qera sai ben qe mon cor e mons senz
35. Me faran far lor grat ricca conqesta
36. §P(er)o seu faz lonc esper nomen baria
37. Qe tan ric loc me soi mes e me stanc
38. Don li bel diz me terran de ioi larc
39. Et segrai tant com me port la tonba
40. Qeu no(n) soi ges cel qe lais aur p(er) plom
41. Et pos en leis nos tang com ren esme(r)
42. Tant li serai fis e obedienz
43. Tro de samor sell plaz baisan me uesta

30vB

1. §La granz ualors el fins prez me descharia
2. Del greu sospir don me dolon li flanc
3. Car en pais pren lafan el sofrel parc
4. Pois de beltat son las autras en to(n)ba
5. Qe la genser par caiam pres un tom
6. Plus bas de leis qi las ue e es uer
7. Car tuit bons aips ioi e ualors e sens
8. Reg hom ab leis cuns no(n) es me(n)s nin resta
9. §Et pois tan ual cuiaz doncs qe sesparia
10. Mos deziers ni qes forz ni sesbranc
11. Non serai meus ni seus se ia men part
12. Se maiut cel qes mostret en columba
13. Qen tot lo mon no(n) es hom de mil nom
14. Qaissi desir de si granz ben auer
15. Cum eu faz leis mais feng mon no(n) chale(r)s
16. Pels deuinans cuidans dels druz es festa
17. §Na melz de ben ia non siaz auaria
18. Qen uostramor me trobarez tot blanc
19. Qeu no(n) ai cor ni talent qem descarc
20. Del ferm uoler qe nes pas de recomba
21. Qe qant esueill ni clau les oillz del som
22. Uostre remaing can leu en uau iazer
23. Et doncs cuiez qes nabais mol bilens
24. Non ferai ges tals sen sent en la testa
25. §Fals losengiers foc las lenguas uos aria
26. Et qe fossaz tuit ferit de mal cranc
27. Car per uos son estrat cauals e marc
28. Amor tolez ca pauc de ioi non tomba
29. Confonda us deus car ges no(n) sabez com
30. Uos faiz als druz mal dir e uil tener
31. Mals astres es qe us teng desconoiscenz
32. Car peiors es com plus uos amonesta
33. §Arnaut a fait e fara lons atens
34. Cap sofrir fan pros hom ricca (con)qesta
    ArnDan 29.6 (P 97)
35. Arnald LXXXXVII.
36. CHanzon dun mot son plan (e) prim
37. Farai pois qe brotonon uim
38. Ella forsim son de color
39. De mante flor
40. Et uerde on la foilla
41. El chant el brall
42. Son al onbrall
43. Dell ausell p(er) la proilla

31rA

1. §Per broill au lo chant el refrim
2. Et per tal com no facha crim
3. Obri e lim mot de ualor
4. Ab art damor
5. On non ai cor qem toilla
6. Anc se ben fall
7. La seg atrall
8. Com plus uas mi sorgoilla
9. §Petit ual orgoill damor
10. Qades trebucha son seignor
11. Dal loc al sor ios al terrall
12. En tal traball
13. Qe de ioi lo despoilla
14. Drizes la grim
15. Et art terrim
16. Qe contr amor zangoilla
17. §Ges per zangoill no(n) uir allor
18. Bella do(m)pna uer qi aor
19. Mas per paor del diuinall
20. Don ioi trassaill
21. Fai senblan qeu nol uoilla
22. Anc no(n) iausim
23. De lor norim
24. Cor ai qeu lor o toilla
25. §Ges nom toill damor un badaill
26. Ne no sec mesura ne taill
27. Sol mo engall qe anc no uim
28. Del temp caim
29. Amadors mei(n)s acoilla
30. Cor truizador
31. Ne baudador
32. Per qe mon prez capdoilla
33. §Se tot ual per dos madaill
34. Mon pensamen lai uos lassaill
35. Qeu chant e uall per zoi qe fan
36. La on partim
37. Dont souent loil mesmoilla
38. Dira e de plor
39. Et de dolzor
40. Car paor ai qem doilla
    Caden 106.2 (P 98)
41. Cadenet .II.C.
42. A Com do(m)pna ric corage
43. De preiar e dardimen

31rB

1. Amors qe dona spauen
2. Ad autre fin amador
3. Qe qant sa dona ualor
4. A beutat e cortesia
5. No laissa sos talans dir
6. Per o mi fai enardir
7. Mais qe se ren no(n) auia
8. Cum hom mais cuia (con)qerer
9. Maior ardimen deu auer
10. §A faire gran uassalage
11. Sesschai ben com aia sen
12. P(er)o plus ardidamen
13. Lo fai qi mescla folor
14. Car anc bon enuaidor
15. Non ui se no sent folia
16. Car ges nos tang com salbir
17. Tot cho qes pot auenir
18. Car ia rien ben non faria
19. Qeu nai uist ia mans dechader
20. Tals qeron ricx per trop temer
21. §Temer deu hom uilanage
22. Far e tot deschauzimen
23. En nas e idos fallimen
24. Et uergoigne e deshonor
25. Et aicho de meu temor
26. Cars seu aizho no(n) temia
27. Et uas mado(m)pna mentir
28. Trop cuiaria faillir
29. Per o eu faz tota uia
30. Oimais e melz son uoler
31. Et sei faill non ai pro saber
32. §Do(m)pna eu ai un usage
33. Et segon mon escien
34. Per sobre forci talen
35. Ne cum parria derror
36. Can uostra frescha color
37. Auinen ses maistria
38. El uostre gens cors remir
39. Soi tan iauzens cal partir
40. Men cresc ira e felnia
41. Cautresi nai gran desplaiszer
42. Can no us ui cam ior del uezer
43. §Tan ma gradolh uostre stage

31vA

1. Do(m)pna tan me son plazen
2. Li uostre captenemen
3. E uos port tan fin amor
4. Qe se plus tost qe non cor
5. Uns cabals de prez corria
6. Lai on es dopna uenir
7. Segon aicho qeu malbir
8. Tuz autresi cuieria
9. Anar do(m)pna de gran lazer
10. Et gardaz sei ai mon uoler
11. §Lausengiers grazidans sia
12. Lonors qem faiz ab mentir
13. Ca toz faic cuiar e dir
14. Qeu am tal per drudaria
15. Dom anc iorn no(n) aig mon uoler
16. Et ab mentir cobertz lo uoler
    Caden 106.7 (P 99)
17. Cadenet .IC.
18. AMors enqiers de me
19. Ia soi tornaz al afan
20. A qe me largest antan
21. En aissi de tot lo fren
22. Per ueder se ia sabria
23. Ben ni genz uiure sen uos
24. Ben ni genz no(n) mais uiuria
25. Segur al mens com qe fos
26. Aissi com uei uiure asaz
27. Sen uos e sen uostraiuda
28. De rics e daleguraz
29. Can la uergogna p(er)duda
30. §De tot autre gue(r)rier cre
31. Qes pot hom defendre as bran
32. O metre le seu de nan
33. Seuals entre lui e se
34. Et se stremon de sa uida
35. Os met en un loc rescos
36. Olh uals forsa o galiardia
37. O gens o defensios
38. O chastels o fermetatz
39. O amicx o bona iuda
40. Mas a cel qe guerria
41. Uals mens on plus ses uertuda
42. §Ha de mon cor car no(n) ue
43. Da qi on remais ogan

31vB

1. Amors a uos o deman
2. Mado(m)pna per qel rete
3. Uau ueer sel me rendria
4. Alanar soi eu cochos
5. Mas al tornar com seria
6. Ben faria dun pas dos
7. Qe mas menoiz a deu siaz
8. Qe deus uos no ma iuda
9. Do(m)pna se no fos cumiaz
10. Molt fora bon al uenguda
11. §Tres letras del a.b.c.
12. Aprendez plus non deman
13. A.m.t. car aitan
14. Uolon dire com am te
15. Cab aitan de clergia
16. Auria pro entre nos
17. En per o mais eu uolria
18. O. (e) c. mantas sazons
19. Puis seu dizia digaz
20. Do(m)pna uos farez ma uida
21. Eu sai qe uos seriaz
22. De dir oc apercebuda
23. §Bona do(m)pna car mauen
24. Qeu uos diga mon talan
25. Et adoncs pauc en doptan
26. Et ab tot so non recre
27. Ni car uostra compaignia
28. Es tota dome gelos
29. Uos amis itan geria
30. Dom entretans enoios
31. Qeu tem e uos en doptaz
32. Per qeu auria ops daiuda
33. Ha per qe no(n) comensaz
34. Bella do(m)pna esperduda
35. §Lausengiers ben ben abrasaz
36. O ades me faz bonaiuda
37. Cab uostre mentir monraz
38. El uertaz non es sabuda
39.  
40.  
41. RmMirav 406.12 (P 100)
42. Raimon de miraual .C.
43. BEl mes qeu chant e condei

32rA

1. Pois laura dolz el teps gais
2. Don per uezer e per plais
3. Au lo refrim el gabei
4. Qe fan lauzelez menut
5. Entre uers el blanc el uaire
6. Adonc se deuria traire
7. Cel qe uol qamor la iut
8. Uas captenenza de drut
9. §Druz non son eu ni do(m)pnei
10. Ni non tem pena ni fais
11. Nim rancur leis ni mirais
12. Ni per orgoill no mesfrei
13. Per o temensa fai mut
14. Ca la bella de bon aire
15. Cui non au dir ni retraire
16. Mon cor qeu teng escundut
17. Pos ac son prez conegut
18. §Eu no(n) crei cab lei parei
19. Beutaz dautra dompna mais
20. Qe flor de roser qan nais
21. Non es plus fresca de leis
22. Cors ben faiz e gen cregut
23. Boca e oill de mont esclaire
24. Cant beutat no pot plus faire
25. Sin mes totas sa uertut
26. Qe ren non a retengut
27. §Ben uol com gen la cortei
28. Et plazli solaz e gais
29. Et noill grada hom saluais
30. Qi se desguim ni faudei
31. Mas li pros son ben uengut
32. Qill mostra tan bel ueiaire
33. Qe chascuns dels nes lauzaire
34. Qan son deuan leis mogut
35. Mais qe serunt seu uendut
36. §Ses preiaire e ses autrei
37. Soi entraz en greu pantais
38. Com pora senblar uerais
39. Se sa gran ualor desplei
40. Qancar non a prez agut
41. Dompna qe nasqes de maire
42. Qi contral seu ualgues gaire
43. Et sin sai man car tengut

32rB

1. Qel seu al meller uengut
2. §Chanson uai me dir al rei
3. Cui ioi guida e uest e pais
4. Qen leis no(n) a ren biais
5. Mas tal com lo uol lo uei
6. Ab qe cobres mont agut
7. Et carcasona el repaire
8. Pos e(r) de prez emperaire
9. Tan doeteran son escut
10. Sai franceis e lai masmut
11. §Dompna pro mauez ualgut
12. Tan qe per uos soi chantaire
13. Eu non cuidei chanson faire
14. Tro qe mer lo feu rendut
15. De miraual qai perdut
16. §Mai lo rei ma conue(n)gut
17. Qel cobrera anz de gaire
18. Et mon oldeard e belcaire
19. Pos porran do(m)pnas e drut
20. Cobrar lo ioi can perdut
    RmMirav 406.20 (P 101)
21. Raimon .CI.
22. SIl qi non uol audir cha(n)zos
23. De nostra compagnias gar
24. Qeu chant per mon cor alegrar
25. Et per solaz des compaignos
26. Et plus per zo qes deuengues
27. Et canzos qa mi don plagues
28. Caltra uolu(n)tat nom destreing
29. De solaz e de bel capteng
30. §De la bella don soi coizos
31. Desir lo iaser el baisar
32. El tenir el plus (con)qistar
33. Et apres magues ecordos
34. Et del plus qill clames merces
35. Qe iamais no(n) sera conqes
36. Per zoia ni per entreseing
37. Se zo qeu plus uoill no(n) ateing
38. §Ben es sauis alei de tos
39. Qui drut blasma de folleiar
40. Cun deis qes pot amesurar
41. Non e poi adreit amoros
42. Mas cel qen sap far nescies
43. A qel sap damor tot qant nes

32vA

1. Qeu no sai trop ni no men feing
2. Ni ia no uoill com men enseing
3. §Pauc ual qi non es enueios
4. Et qi nom desiral plus car
5. Et qi no sentremet damar
6. Greu pod esser gaillard ni pros
7. Qe damor uen gauz e uen bes
8. Et per amor es hom cortes
9. Et amor dona lart el geing
10. Per qe bon prez troba manteing
11. §Ben ai qi premers fes gellos
12. Qe tan cortes mesters saup far
13. Qe gelosiam fai gardar
14. De mal parler e den ueios
15. Et de gelozia ai apres
16. Tan qeu meteis soi endefes
17. A obs mi don cautra non deing
18. Ne us de cortezar men esteing
19. §Et mais ual bella tracios
20. Don ia om no prend son par
21. Qaltrui benenanz cuiar
22. Qant deus en uol aiostar dos
23. De do(m)pna uol qil li auont fes
24. Et qe ia nollien sobreges
25. Et qi men qier com uau nim ueing
26. Amor ma al seu plazen reing
27. §Aldiars de uos ai apres
28. Zo duna totas soi cortes
29. Mas duna chant e duna feing
30. Et da qela miraual teing
    RmMirav 406.13 (P 102)
31. Raimon .CII.
32. BEn magradal bel temps de stiu
33. Et des ausel magradal chanz
34. El foilla magrad el uerianz
35. El praz uerz mi son agradiu
36. Mas uos do(m)pna magradaz mil aitanz
37. Et agradam can faz uostres comanz
38. Mas uos no(n) plaz qem degues rengrazi(r)
39. Et grada uos car me muor de dezir
40. §Per un desir dompna reuiu

32vB

1. Qi mes dautras desir plus granz
2. Qeu desir qel ric benestanz
3. Desirran uostre cors masiu
4. Qel meu desir se doubles en bassanz
5. Et pois tan ben desir sens toz enianz
6. Ia no(n) laisses al desirrer aueir
7. Qe desiran deuon damor iauzir
8. §Toz iausir dautramor esqiu
9. Mas de uos a iauzir menanz
10. Qeu lau los bes e cels lo danz
11. De uos qim fai iauzen pensiu
12. Tan soi iauzen per qe negus afanz
13. No(n) tol iauzir qel uostre bel senblanz
14. Mes iauzis tan qel iorn qeu uos remir
15. Non posc ses ioi estar uas on qeu uir
16. §En alqes an uirat mon briu
17. Lausengiers qe uiron amanz
18. Et uiron las dompnas prezanz
19. Et manz gais uiron en chaitiu
20. Et si us uiraz do(m)pna p(er) mal parlanz
21. Uostre fin prez tem qe se uir truanz
22. Qaissis uiron plaziers en escernir
23. Et granz lausor seuiron per mal dir
24. Per qeu dic qe se toz temps uiu
25. Toz temps dirai uostre comanz
26. Et sem disez uao o non anz
27. Al uostre bel diz mumeliu
28. Sol no(m) digaz qe remangal demanz
29. Qe toz mos diz en passaria enanz
30. Qe ia de uos do(m)pna pogues partir
31. Lo cor nil diz nil faz de uos seruir
32. §Per seruir en ric segnoriu
33. Son manz seruidor ben ana(n)z
34. Per qe os seruirai toz mos anz
35. Et anc seruidor mens antiu
36. Non ac la bella cui seruit tristan
37. Qeu uos farai de bel seruizis tanz
38. Tro mon seruir deignaz en grat coillir
39. O uos direz mon seruidor air
    ElBarj 132.4 (P 103)
40. Elias de berzoll CIII.

33rA

1. Ben deu hom son bon seignor
2. Amar e seruir
3. Et onrar e obedir
4. A tota sonor
5. Et de mal seignor ses merce
6. Qe pugnal seus en desfaire
7. Se deuom qui pot estraire
8. Can seu seruisi pro noill te
9. Autresi deu hom damor
10. Per bon dreich partir
11. Qi damor nos pot iauzir
12. Nill ual nill acor
13. Per zom part forsat em recre
14. Damor cui soi merceaire
15. Car anc nul ben non uolc faire
16. Ni non ac iauzimen de me
17. §Iamai senblant tricador
18. Non faran morir
19. Nill meu no faran languir
20. Oill galiador
21. Car fols es qi sos fols oill cre
22. Mantas uez cho mest ueiaire
23. Et fols qi trop es gardaire
24. Daicho qil no(n) taing nil coue
25. §Partiz me soi del error
26. Era qem sol tener
27. Amors e dels lonc desir
28. Qe non sen dolor
29. Et seu ac dels mals trags gran ren
30. Et dels ben no(n) sabuzei gaire
31. Sos dans mes greu a retraire
32. Ai tan li port de bona fe
33. §Al ualenz emperador
34. Uoill mostrar e dir
35. Qe deus met tot en air
36. Mal sos seruidor
37. Et pois deus i a donat de qe
38. Serua la dregs emperaire
39. Qe del mon no(n) pot plus traire
40. Mas tant qant i fara de be

33rB

1. §Contessa beatris ben cre
2. Qe per uer pot hom retraire
3. Qe del mon es la bel aire
4. De las autras do(m)pnas com ue
5. §Ges de ualenz prez no(n) recre
6. Blancaz ni sen uol estraire
7. Anz ual mais qe non sol faire
8. Et meillora de so qil te
   BnVent 70.11 (P 104)
9. Raimon de la sala C.IIII.
10. AL chant dausel comensa ma cha(n)zon
11. Qant au chantar la gentas e la gron
12. Et per cortiu reuirdiar lo lins
13. La blaua flor qe nais entre el busson
14. El riu sont clars de sobre lo sablon
15. Lau sespan la blanza flor de lis
16. §Lonc te(m)ps aurai estat desamoros
17. De bon amor paubres e sofrachos
18. Per las colpas duna falsa amaris
19. Ca faich ues mi enian e traceions
20. Per cheu nai faich lo carantal p(er)dons
21. Et nom lasset entro qe mac aucis
22. §Ben pauc ama drut qe no(n) es gelos
23. Et pauc ama qi no(n) est airos
24. Et pauc ama qi non est follecris
25. Et pauc ama qi non fa tracios
26. Mais uaut damor qi bien est enueios
27. Un dulz plorar non fait qatorze ris
28. §Qant eu li qier merce en genoillons
29. Et ella me colpa e mi met ochaisons
30. Et laiguam cor aual per mei lo uis
31. Et elam fai un regard amoros
32. Et eu li bais la bucha els ols amdos
33. Adonc me par un ioi de paradis
34. §Daqesta main fo coilli lo bastons
35. De qe maucis la plus bella can fos
36. Tant uolgreu toz zo qe la bellis
37. Qe lonc respiz e mal trait angoissos
38. Et lausengiers a petit guierdons
39. Man fait estar faidiz de mo(n) pais
    GrdoRos 240.4 (P 105)
40. Girardon lo Ros C.V.

33vA

1. ERa parta sages de cortesia
2. En uos do(m)pna ni se temez pechat
3. Pois qe mer ma del tot oblidat
4. Sem secorrez er uos ensegnamenz
5. Et pois en als dom es tan conoisce(n)z
6. Conoscaz donc qe mal uos estaria
7. Sentre toz temps no(n) trobaria ab uos
8. Calqe bon fag o calqe bel respos
9. §Et car desir tant uostra seignoria
10. Can tot mauras adrez achasonat
11. Cho qe no(n) fo ni er ia sol pensat
12. Sim deuria puis ualer chausimen
13. Qeu ia clames merce se tot auia
14. Cab tot bon dreich estau eu temeros
15. Qe no(n) poscha ab uos ualer rasos
16. §Et no(n) es ges ualors ni gaillardia
17. Qi destrui zho qe troba poderat
18. Mas tantas uez uos aurai mostrat
19. Per qeus senbla mos chastiars nie(n)z
20. Qe qant tot es dopna sobre ualenz
21. Et pren orguill sa ualor sen desuia
22. Qe ges orguill per toz te(m)ps no(n) es bos
23. Mas ben estai alocs e asaizos
24. §Anc per ma fe sol ca uos mal no(n) sia
25. Non ui mai cors tan sem dumilitat
26. Cum lo uostre mas per crist de beutat
27. Non er ia fags (con)tra do(m)pnas cortes
28. A uos dic ben qe seras mest . v . cens
29. Calqe chausisc la genser uos penria
30. Et meiller es ab qe merce ifos
31. Mas trop perd hom p(er) un aips o p(er) dos
32. §Ades i faz gran sen o gran folia
33. Car soi uostre e no men sabez grat
34. Mas enanz uoill qen blasmon la foldat
35. Et uolgra mais qen fos laudat mos sens
36. Car de gran sen mou granz afortime(n)s
37. Et anc fols hom no sa forti un dia
38. Ni eu no(n) ui an bon drut nuallus
39. Per qeu mesforz desser auenturus
40. §Uostre serai se ia noncaus plazia
41. Et uostre soi qamors ma ensegnat
42. Qeu no(n) creia mal respos ni comiat
43. Car sel crezes mort for eu recrezens

33vB

1. Eu qe men lais o uos qe siaz mia
2. O eu morrai o serai poderos
3. A qest conort me ten de me ioios
4. §Bona do(m)pna de cor hi entendia
5. Deus qant formet uostre cors gens ioios
6. Et paret bien alas bellas faisos
   RmJord 404.11 (P 106)
7. Uescont de saint Antolin CVI.
8. UAs uos soplei do(m)pna primeramen
9. Per cui eu chant e come(n)z ma cha(n)zon
10. Et sa uos plaz entendez ma raison
11. Qester nous aus descobrir mon talen
12. Qaisi mauen qan uei uostras faizos
13. La lengam faill el cor nai temeros
14. Qar qi non tem no(n) ama coralmen
15. P(er) qeu tei(n)g car lo uostre segnorage
16. §Tant ai asis mon desir finamen
17. El uostramors qe ia deo ben nom don
18. Se mais no us am seruir tot en perdon
19. Qe nullaltra per far mon mon ma(n)dam(en)
20. Qa tan gran gauz se trai mon co(r) ues uos
21. Qan pois uos ui del no fui poderos
22. Tant enueios soi del uostre cors gen
23. Cab mi meteis remas el uostre stage
24. §Qe uos donei per fe e lealmen
25. Lo cors el cor don uos faz teneson
26. Et plaz mi fort qar sai qe uostrom son
27. Qim bon esper men ten gai e iausen
28. Qa bon seignor no faill bon guierdos
29. Car qi ben serf ai uist mantas sasos
30. Paubren riqir per bon atendimen
31. Per qeo uas uos afortis mon corage
32. §Bona do(m)pna merce us trag per gueren
33. Et se merces a uos no mi ten pron
34. P(er) merce us prec qil merces uincal non
35. Ni za daiso nom ueirez recreden
36. Anz clamarai tan merze a rescos
37. Tro per merzes prenaz mas mans a(n)dos
38. Dinz las uostras e farez iausimen
39. Qal non es menz del certan omenage
40. §Et si conos qe faz gran ardimen
41. Qant eu lenqer damar ni mot lin son
42. Mas eu non posc partir mas sospison
43. Per o ben sai qem trabaill de nien

34rA

1. Tant fai beltaz son ric cor orgoillos
2. Et son ric prez es pozaz lobrels bos
3. Per qeo nai mais desmai e de spauen
4. Tan soi dotos qeu mo tenc a folage
5. §Et se folei ben faz a escien
6. Sabez per qe qar mi em sa bon
7. Et dirai uos per qal entencion
8. Ben esperan uen om a saluamen
9. Et sem fai ben molton serai ioios
10. Et sem fai mal sofrai pensasos
11. Grazirail ben el mal isamen
12. Qaisi farai lo conort del saluage
13. §Chanzoneta uaten tost en coren
14. A ma do(m)pna e portai mon message
15. Et digaz li qe paubres iausimen
16. Sera toz te(m)ps en son ric poderage
    AimPeg 10.46 (P 107)
17. CVII.
18. QUi sofrir sen pogues
19. Ben fora com se stes
20. Qe ia pois non blasmes
21. So qe laudat agues
22. Per o sens tot pro don
23. E sens sciom affan
24. E sens aiuda fais
25. Uolgra porta mais
26. Qe deshonor suffrir
27. Don nom pogues cobrir
28. Nim ausas uenzar
29. Ni no porria far
30. E sia pro uenzanza
31. Qis par de falsa amanza
32. §Son men partiz non ges
33. Ainz men souen ades
34. De lei tan me sta pres
35. Del cor zo qa mespres
36. Sim sui partiz daitan
37. Qe tot lo mos prezan
38. Son faiz saluais
39. Qar una creis onais
40. Bellas plus com no(n) po dir
41. Iam fai dessabelir
42. Et de mon cor loingnar
43. Et sim fai tant amar

34rB

1. Qant en plus greu balanza
2. Non fui andreis de franza
3. §Aisi com serf sui seu liies confes
4. Et anc nus hom qames
5. Non fu tan leu conqes
6. Qal traire de son gan
7. Sa bella man bassan
8. Mintret tan aqel bais
9. Qel cor del cors men trais
10. El recor dun sospir
11. Per qel uiure el morir
12. En ses mesclar
13. Et hom nos po gardar
14. Ne cobrir de sa lanza
15. Damor pois qe dreit lanza
16. §E ia ner ric non es
17. Se tut qat com trobes
18. En do(m)pna tanc nasqes
19. Qasenbles tan de bes
20. Per qe des er enan
21. Humil e merceian
22. Li sui fins e uerais
23. Si qe ren no(n) biais
24. Si ab ien seruir
25. Sofrent e a blandir
26. Noi posc merce trobar
27. Ia nos de hom fidar
28. Mais en bella fianza
29. Ses peing o se(n)s fermanza
30. §Dompna se sif preses
31. Com mi pres ni forces
32. Amor en merceies
33. Si cum sol far merces
34. Uos ma graz fin tallan
35. Nom teignaz en soan
36. Si tot ai lo pesais
37. Qel cors ai fresch e gais
38. E sai bel faiz grazir
39. Et a honor qausir
40. E zo qes qai zellar
41. Sol qe da qesst penar
42. Me fesses perdonanza
43. Hanc dals non pensanza

34vA

1. A ragina ses par
2. De tollosa sap far
3. E dir co du(n)c sena(n)za
4. Son prez e creis sonrainza
5. §Lenfant pot hom laudar
6. Qastellan cui deus gar
7. Com el mon des enfanza
8. Tan dreit nas prez nos lanza
   UcSt-C 457.26 (P 108)
9. Nugo de san sil .CVIII
10. NUls hom no(n) sap damic tro la p(er)dut
11. So qe lamics li ualia denan
12. Mas qand lo perd e puois es a son dan
13. Eil noiz aitan com ualgut la uia
14. Adonc conois qant lamich li ualia
15. Per qeu uolgra qe mi don conoges
16. So qeu li uali ans qe perdut ma ges
17. Car pois sai ben qal seu tort nom p(er)dria
18. §Ben sai qe seu lages auem nogut
19. Com lia ualgut en son prez trar enan
20. Ben agra drez qem uolges mal pl(us) gran
21. Qe nulla ren per qeu ai conogut
22. De ma do(m)pna qe mais me noseria
23. Ab lei lo mals no me uarial bes
24. Per qe fara fort bon se zeu pogues
25. Qe men partis mas per deu no(n) po(r)ria
26. §Qe samors ma si dolsamen uencut
27. Qe ieu no(n) puosc ni naus aber tallan
28. Qe ia dallei qe malzi dessiran
29. Parta mon cor ni len uir ni len mut
30. Anz si sespren e ferma chascun dia
31. Per qe fera iaussimen sil plages
32. Mas tan soi seu se per seu me te(n)ges
33. Puis fezes com de seu hom a sa guia
34. §Amor tan ai uotre uoller uolgut
35. Et tan ai fag loing tens uostre coman
36. Canc no(n) trobes de ren uas uos tiran
37. De tan ric ben com mauez conuengut
38. De setz men un anz qe del tot morz sia
39. En tot lo mon no(n) es tan petiz bes
40. Amor qe sol da mado(m)pna uenges
41. Qe nom des ioi e nom tolgues felnia
42. §Sella nom ual ia autra nom aiut
43. Ni ma coilla nim fassa bel scenblan

34vB

1. Et sil nom uoill autra ioi no(n) deman
2. Ni sem uolria amors faire drut
3. De nuill autra ges eu non la penria
4. E sen lei faill dic qe al mon non es
5. Ni causimen ni beutaz ni merces
6. Ni franqesa el mon ni cortesia
   UcSt-C 457.40 (P 109)
7. Nugo .CIX.
8. TRes enemics e dos mals segnors ai
9. Cascus pugnan noig e ior cu(n) maucia
10. Les enemics son mei oill el cor qem fai
11. Uoller cell qami nom tagneria ·
12. E lun seingnor es amor qen bailia
13. Ten mon fin cor e mon fin pensamen ·
14. Lautre es uos do(m)pna en cui men ten
15. A cui no(n) aus mon cor mostrar ni dir
16. Cum mauciez den uei e de dexir
17. §Qen ferai eu do(m)pna qe za nillai
18. Non posc trobar respieg en uos qe bon sia
19. Qen ferai eu qi sen un esglai
20. Tot autre ioi se de uos non auia
21. Qe ferai eu cui capdella e guia
22. Lo uostramor eu fug e seg e pren
23. Qe ferai eu qautre ioi no(n) aten
24. Qe ferai eu ni com porai gandir
25. Se uos do(m)pna nom uolles acuillir
26. §Cum durarai eu qe no(n) posch morir
27. Ni ma uida no(n) es mais malena(n)sa
28. Cum durarai eu cui uos faz languir
29. Desesperar ab un pauc de speransa
30. Cum durarai eu qi ia allegransa
31. Mai no(n) aurai si no(n) me uen de uos
32. Cum durerai eu donc qeu soi gellos
33. De toz homes qan ian ues uos ni ue
34. E de toz cels a cui naug dire be ·
35. §Cum uiurai eu qe tan coral sospir
36. Fai noig e ior qel mi uonda pesansa
37. Cum uiurai eu qi no(n) pot far ni dir
38. Autre mas uos rem qem tegna onransa
39. Cum uiurai eu cal no(n) port de me(n)bra(n)sa
40. Mas uostre cors ella plaisenz faichons
41. El cortes diz humils e amoros
42. Cum uiurai eu qe dal no(n) pens de me
43. De us mas qem lais a uos trobar merce

35rA

1. Qe dirai eu si nome ual merce
2. Si uals daitan do(m)pna qe us uensa
3. A mon fin cor e a ma leial fe
4. Uostramistat e uostra gran uallensa
   04bis Qe dirai eu se uos no(n) faz suffrensa
5. Qe dirai eu qautra no(n) posc uezer
6. Qen dreiz damor mi posc al cor plazer
7. Qe dirai eu caltra el mon non es
8. Qem dones ioi per nuill ben qem fezes
9.  
10.  
11.  
12.  
13.  
14.  
15.  
16.  
17. UcSt-C 457.3 (P 110)
18. Nugo .CX
19. ANc enemic qieu agues
20. Non ten tan de dan
21. Con mon cor e mieus oillz
22. Et si eu ai per els mal pres
23. Ill noi an faitz nuill gazaing
24. Qel cor en suspir e plaing
25. Els oillz en sospiron souen
26. E on qascus pieig en pren
27. Plus uolen lai obezir
28. Don senton lur mal uenir
29. §P(er) qe magra ops si pogues
30. Qa(r) al cor es al oillz qem fan
31. Auer de ma mort talan
32. Fuir magra ops mas ieu no(n) puisc ges
33. Anz matur e ma compaing
34. Ab lor e fins serf remaing
35. Al adreiz cors gai e plazen
36. Qui eu soi obedien
37. Et uuoill honrar e blandir
38. Et gen lauzar senz mentir
39. §Mas una tal sazon es
40. Qe li plus finz fezels am tan
41. Et qamon sens enian
42. Son encolpat e meins pretzan
43. Sofraing son uolgut e no(n) es gen

35rB

1. Qamors faza lui iauzen
2. Qe no(n) sap los bens grazir
3. Nil mals si oz sen soffrir
4. Mas de mi uol qim tem pres
5. Qe fazia tot son coman
6. De leis qe nom uol ni(n) blan
7. Nil plaiz ges qa mi plagues
8. Qaissim pres (con) pren Galuain
9. Del bel desastruc iscamen
10. A qi la uenc far un conuen
11. Qe fetz e son mandamen
12. Et il no(n) deu far ni ren dir
13. Qel degues abellir
14. §Ab aital conue(n)t en pres
15. Sui qe plus noil deman
16. Mas (con)sir e uau pensan
17. Qom eu sos plazers fezes
18. Qel ditz feniza refraing
19. Qe ditz qe brau cors refraing
20. Qi on lo serui e humilmen
21. Per qieu no(m) espauen
22. Tan lai cor de ien seruir
23. Qella iam laises murir
24. §Mas per o pietz de morz es
25. Qi uai languen deziran
26. Et aten e no(n) sap qan
27. Li uolra ualer merces
28. Pueis ai patz per qem (com)plaing
29. Qen un iorn fenisz e fraing
30. Zo qem na conqist greumen
31. Damors es al meu paruen
32. Degra poingnar al fenir
33. Aitan con al conqerir
    MoMont 305.1 (P 111)
34. Vescont de saint . A . CXI.
35. AIssi cum cel qa estat ses seignor
36. En son alo francamen e enpaz
37. Canc re no(n) det ni mes p(er) amor
38. Nin fo destreiz mas p(er) sa uolontat
39. E puois sas es per mal seignor forzaz
40. Autresim soi eu mezeis longamen
41. Canc re no(n) fis p(er) autrui mandamen
42. Ar ai seignor ab cui no(n) ual merces
43. Amors qem amon cor en un loc mes

35vA

1. On no(n) aus dir ni mostrar mos talen
2. Ni per null plait partir no men posc ges
3. §Ges nuls gerrers nom fai mas tal paor
4. Qe dels autres mi deffen eu assaz
5. En fort castel o dinz mur o in tor
6. O uau fugen desgarniz o armaz
7. Mas ab qest nom ual senz ni foldaz
8. Qe inz el cor sen intra e sespren
9. Si qe nuls hom nol ue nil au ni sen
10. Tro qe ben la a toz sos ops (con)qes
11. E il fai scenblar lo ior an e lan mes
12. En tal do(m)pna ai mes mon pensamen
    12bis Qeu cre q(e)nanz en aurai dan qe bes
13. §A nuill mal trach nom ten greu la dollor
14. Qe iam uenges daltra nim fos iraz
15. Mas de uos do(m)pna ai teme(n)sa e paor
16. Qar ai en uos co(m)pagnia e solaz
17. E car uos soi uostra merce priuaz
18. No us sia mal do(m)pna sen uos me(n)ten
19. Qeu no no faz do(m)pna per lo mieu sen
20. Mas per aqel damor qe ma si pres
21. Qe qan eu cug qerre altra qem plages
22. Per coblides lo uostre entendimen
23. La plus bella mi scenbla laida res
24. §Et uos do(m)pna p(er) uostra gran uallor
25. Uos mezeissa daico ma (con)seillaz
26. Qe ben sabez qe nulz hom uers amors
27. Nos pot gandir pos ue qe ben li plaz
28. Qeu men sui tan deffenduz eloingnaz
29. Qe deuan uos non uau ni nom p(re)sen
30. Ni aus uezer uostre ien cors plazen
31. Ainz prec amor qe ia cor nom meses
32. De us amar qar tem do(m)pna no us pes
33. Esson aissi uos prec forsadamen
34. Nom sia peiz do(m)pna se mielz nom nes
35. §De tot (con)seill uos daria el meillor
36. Bella do(m)pna se uos me creiaz
37. Qe seu uos prec nom siaz de peior
38. Acuillimen se mos preiars no us plaz
39. Ez aissi er toz repres lo donz selaz
40. Qar si de uos mi partez malamen
41. Ez eu uos sai amich ni ben uollen
42. En preiarai asaz leu dos o tres
43. E puois sera cuida zo qe no es

35vB

1. Car uns fals diz entre la folla ien
2. Ual autres tan com proaz fora uers
3. §A cen doblas e mais doblaz plus
4. Qe no(n) soill mes damor lo greu fais
5.  
6.  
7. (CXII)
   RambBuv 281.1 (P 112)
8. AL cor me stai la moros desirers
9. Qi ma leuia la greu dollor qeu sen
10. Et estai se dinz tan dolsamen
11. Qe mais noi pot entrar alte pensers
12. P(er)qe mes dolz lo mals e plazenters
13. Qe p(er)zo lais tot altre pensamen
14. E non pens dal mas damar finamen
15. E de faire gais sonez e leugers
16. §Per o nom fai chantar flors ni rosers
17. Ni erba uerz ni foilla daigillen
18. Sol amors qim te lo cor iauzen
19. Qe sobre toz amadors soi sobriers
20. Damar cellei cui soi toz domeniers
21. Ni de ren al no(n) ai cor ni tallen
22. Mas de seruir son ien cor auinen
23. Gai e adreich on es mos (con)sirers
24. §Preuonz sospir e lonchs consir desmai
25. Ma mes al cor la bella en cui menten
26. Mas sil saubes cum mauci mallamen
27. Lo mals damor ela pena qeu trai
28. Tan es ualen e de fin prez uerai
29. E tan se fai lauzar a totas ien
30. Qeu crei nagra merces mon essien
31. Qelles la flors de las meillor qeu sai
32. §Ai deu com am la t(er)ra on ella estai
33. El dolz pais on nasqer eissamen
34. E sa ualor e son ien cors plazen
35. O tan granz bes e tantas beltaz iai
36. Qe tan dexir deu cora la ue
37. Don tals dol cors inz al cor me dessen
38. Qim te lo cor fresc e gai e rizen
39. Com qeu esteu ades consir de lai
40. §Chanc me consir son rich prez cabalos
41. E ben remir son bel cors couinen
42. Gai e adreich cortes e conoissen
43. El dolz esgar e las bellas faicos

36rA

1. Nom miraueil seu en soi enueios
2. Ainz es ben drez qeu lam per tal couen
3. Com de seruir e damar leialmen
4. E son rich prez retraire en mas ca(n)zhos
5. §Can me soue dels bels diz amoros
6. E dels plazer qem sabez far tan ien
7. Bella do(m)pna cui hom sui luamen
8. Granz esforz es car mi loing de uos
9. Qeu degre star toz te(m)ps a genoillos
10. A uostre pes tro qe fos francamen
11. Seser pogues p(er) uostre ma(n)damen
12. Bon amistaz mesclat dentre no dos
13. §Bona do(m)pna si mal parler ianglos
14. Nuill destorbier uollon metre entre nos
15. Non aian ia poder allor uiuen
16. Qe us amarai toz temps celladamen
17. Et on qeu an mos cor reman ab uos
18. §Beatriz dest la meillor ez chanch fos
19. E ia deus no cam sal de ren men
20. Qel mon no(n) cre qe naia tan uallen
21. Qi uol gardar toptas bonas razos
22. GrSal 249.1 (P 113)
23. AIssi cum cel qa la lebre cazada
24. E pos la perd e altre la rete
25. Tot en aissi es deuengut de me
26. Duna falsa qai loniamen preiada
27. E seruida de bon cor humilmen
28. E qan cuiai auer mon caussimen
29. Per sordeior em mes en soan
30. Aissi ofez com la lebre o fan
31. §Mas si razos ifos adrez iuiada
32. Se uels ma part en degre auer be
33. De samistat don non uoill auer re
34. Qe tal do(m)pna ma samor orreiada
35. Qes a mos oill bella er per un cen
36. E ual ben mais al lais de toptas ien
37. Fina e leials e es ses cor truan
38. Per qeu lam mais non fez Auda Rolan
39. §Souen me uir ues la dolse (con)trada
40. On ella stai e si tot no(n) caiue
41. Eu la ui ben en mon cor per ma fe
42. Qar mai(n)tas uez laurai baissada
43. E na abuz mil plazers en durmen

36rB

1. Qe del menor ai plus mon cor gauden
2. Qan mi souen ni mi uai remenbran
3. Qe sautram des tot zo calei deman
4. §Damor mi lau qar ien man eme(n)dada
5. Tota lira qel me dona anse
6. Si ma do(m)pna agues tan de merce
7. Qella promessa nom sia uedada
8. Qan la uerai ea co er breumen
9. E pasaras al pro conte uallen
10. Ce de rodes qa fin prez ses engan
11. Et aiqest iorn uai sa uallor doblan
12. MoMont 305.4 (P 114)
13. AIssi com cel com mena au iuiamen
14. Et es per pauc de forfaiz accusaz
15. Et en la cort no(n) es gaires amaz
16. E porria ben estorger fugen
17. Mas tan se sap a pauc de fallimen
18. Non uol fuger mas uaisen lai doptos
19. Altresi ma amors en tal loc mes
20. Don nom ual dreiz ni laus clama(r) m(er)ces
21. Ni del fugir no(n) soi ies poderos
22. §Bona do(m)pna si eu fos leialmen
23. En uostra cort ma(n)teguz ni iuiaz
24. Lo torz qeus ei fora dreiz apellaz
25. Qeu men puois ben esdir per sagramen
26. Donc contra mi no(n) auez null garen
27. Qeu anc faillis do(m)pna cortes e pros
28. Mas car uos am e tot qan de uos es
29. E qar naus dir en mais rics locs grans bes
30. Ueez toz los torz do(m)pna qeu ai ues uos
31. §Per aital torz me podez longamen
32. Gran mal uoller do(m)pna mas ben sapchaz
33. Qe per ben dir uoill trop mais qem perdaz
34. Qem gazagnes uilan ni mal dissen
35. Qar damor son tuit sei faitz auinen
36. E pos hom es uillan ni anoios
37. Pueis en amar no(n) atendra ni ces
38. Amar pot el mas damor non a ges
39. Sil fat eildit tuit non son amoros
40. §Ben fai amors a honrar finamen
41. Qel mon non es tan richa poestaz
42. Qe no(n) faiza toptas sa uolontaz
43. E tot can fa trop e bon e plazen

36vA

1. E deus fezi molt grand enseignamen
2. E pora ges noi des rem ni tolgues
3. Pos finamors se metria en a(n)b dos
   PoChapt 375.19 (P 115)
4. Pons de Capdoil .CXV.
5. SEu fis ni dis sulla sazon
6. Ues uos orgoill ni faillimen
7. Ni passai uostre mandamen
8. Ab fin cor e leial e bon
9. Uos mi ren bella dousa amia
10. Em part da laltrui seignoria
11. E remaing en uostra merze
12. Qal qem uollaz far mal o be
13. §Per aital couen uos mi don
14. Qeu no(n) ai poders ni tallen
15. Qem parta a mon uiuen
16. Qamors ma en uostra preisson
17. Mas car es la iensor qe sia
18. Et auez tan de cortesia
19. Qel mais uillans can us ue
20. Cortes es e us porta bona fe
21. §Ben pograz trobar aqaisson
22. Mas tan uos ui bella e plazen
23. Franc ez humil e conoissen
24. Per qe us clam franchamen perdon
25. E cum nous tan qal non qeria
26. Mas ses engan e ses baussia
27. Uos am e us amerai ia se
28. E toz can us plaz uoill e cre
29. §A pena sai dir oc ni non
30. Qan remir uostre bel cors ien
31. Ella franch cera rien
32. Si mespren mout nai de razon
33. Qe toz lautre mon non porria
34. Tenir pro si uos non uessia
35. Ni ses uos non puosc auer be
36. Per qe us es ien si us en soue
    PoChapt 375.20 (P 116)
37. Pons CXVI
38. SI com celui qa pron d(e) ualidors
39. Faillen puois tuiz ia tant no(n) er amaz
40. Ella saisons qes dezauenturaz
41. Me faill ma do(m)pna qar conoisc amors
42. Me fai murir per lieis a greu turmen
43. Et sil pogues faire nuill faglimen

36vB

1. Uer mi fera mais mentz en ual so cre
2. Bar qe de qai aquo qe uencut ue
3. §Aiso sa ieu qes danz e dezonors ·
4. Qi no(n) a cor a los despoderatz
5. Si qol castels fleuol q(e) es aseiatz
6. A gran poder nos tenra ses acors
7. E sel seigners de cui es nol defen
8. En sas colpas lo perd pois longamen
9. Aisi perdra ma do(m)pna al sieu tort me
10. Qar nom secor on plus li clama m(er)se
11. §Perdre no(n) puoisc per tal qo(m) amo aillors
12. Per o sun son lo temps de lei longnatz
13. Qei fatz senblant qe tot mera cambiatz
14. Per assaiar sil plagra ma follors
15. E sagues messa en autra mon enten
16. Ben ai proat qil nagral cor gauden
17. Seo mi partis de lieis ma noi ual re
18. Qe ial meo cors no(n) pot partir del seu
19. §Bella do(m)pna uaglam uostra ualors
20. Canc nuls camos destreiz ni mal menaz
21. Non sap son dan tan gen suffrir en patz
22. E pois lo mals mes de leitz e sabors
23. Per amor deu e qar uus sera gen
24. Agias de mi cal o com cauzimen
25. Qe uostre sui e sem degnas far be
26. Sai qe fares cortesia e merze
27. §Uostre bels uoillz uostra fresca colors
28. Uostre ric prez uostra fina beutatz
29. Me fan de uos auer plus dur solaz
30. Ia nom agrops fos faitz lo miradors
31. On uostre iraz uostre cor bel e gen
32. Franc e ioios amoros e plazen
33. Qorguoill men faitz e qi bon p(re)tz mante
34. Erguoill nos taing uers lo sieus nil coue
    GsbPoic 173.1 (P 117)
35. Lanbert de ponzi bech CXVII
36. AMors si us plagues
37. E no(n) fos desrazos
38. Qa pres cent mals m(en) fes
39. Escariz uns sols bes
40. Dreitz fora qeu lagues
41. Mas uos no(n) plaz nien
42. Per o si us fora ien
43. Salcuns ioi men uenges

37rA

1. Don mos canz mais ualges
2. §Aissi com daut luoch pres
3. Mos chanz comenzamen
4. Ez en aut luoch menten
5. Et aut loch ma conqes
6. Conuegra qeu fages
7. De tan aut razos
8. Tan auinen canzos
9. Qal chantar en pares
10. Qe de ualen loch es
11. §E noi faillira ies
12. De mi seu fos ioios
13. Qa dreiz moz e gais fos
14. Ben faire non sabes
15. Mas amors qe ma pres
16. Chantar me desapren
17. Qi ma lo cor el sen
18. P(er) forza tan aut mes
19. O nom par qa teinses
    19bis § E pos a mi trames
20. Aitan fol ardimen
21. Qauses mon pensamen
22. Tan qen lei lom meses
23. Dreiz mi par qeil degues
24. Lo seu cor orgoillos
25. Tan aclinar ues uos
26. Qa orgoill no(n) tengues
27. Qe ues mi sa frainsses
28. §Ai do(m)pna no me nogues
29. Prez e ualors ab uos
30. E pos dreiz no mes pros
31. Si uals uaillam merzes
32. Qe ge esters nom pes
33. Tan uos sai dauta ien
34. Qe ioi tan auinen
35. Neguns dreiz maduises
36. Ia tan seruir pogues
37. §Na maria tant es
38. Uostre prez cars e bos
39. Qem chantan ni ab sos
40. Non sai com dir pogues
41. Tot lo ben qen uos es
    GcFaid 167.56 (P 118)
42. Gausem faidiz CXVIII.
43. SOM pogues partir son uoler

37rB

1. De zo don plus a cor uollon
2. Don no(n) pot iauzimen uezer
3. Luns dels granz senz fora del mon
4. Car de las granz foldaz qi son
5. E della maior qi senten
6. E son dan segre a essien
7. Car doblamen fai fallimen
8. Per o greu er fis amis druz priuaz
9. Sil bes el mals el iois el danz noil plaz
10. §Tot aiso me uen aplazer
11. Si ben soi el mal traich preon
12. Samors me uolges tan ualler
13. Qellamoros cor deziron
14. Em pages dun iaucion
15. E fora so cuig auinen
16. Qez agues del be qil mal sen
17. Qen pres cen mal trahit sofren
18. E foram ioi e plazers ben honraz
19. Sa prop cent mals en fos dun ioi pagaz
20. §Mas eu mi perch per bon esper
21. Com cel ca iuiar se (con)fon
22. Qi ioi e ioch non pot auer
23. Ni no sen fan ni frech ni son
24. Autressime poiat el fron
25. Et entrat el cor follamen
26. Cum plus i perch mais mi aten
27. Cobrar souen tan ai fol sen
28. Ellatendres no(n) es sen mas foldaz
29. Qar qem al meu dan soi trop enamoraz
30. §Tuit trop son mal qel sai en uer
31. Qel trop poiars cascuns gran don
32. Qeu fis em fez tan bas cazer
33. Per o qeu pogei tan amon qe pen
34. Qe penre cugei laurion
35. Com no(n) pot penre ab re uiuen
36. De tant fort maineras deffen
37. Per o temen e humilmen
38. O comenzei com hom da mort forsaz
39. Donch non mer mal sin era dreich iuiaz
40. §Ues mi donz soi de franc uoller
41. Plus humils dels frair del gran mon
42. Et il mes dorgoillos parer
43. Si qe qan la prech nom respon

37vA

1. Una uentura ai non sai don
2. Qanc re no(n) amei coralmen
3. Corgoill nom mostres mantenen
4. Et al tormen fer e qozen
5. Me mostra amors car eu lim soi donaz
6. Aqest mes toz lo gierdos el graz
7. §E qan res nom pot pro tener
8. Ues lei don muor e ard e fon
9. Un sen faz ab forsaz poder
10. Fuch dallei uezer em rescon
11. Mas mos senz no uei qe ma bon
12. Qeu mor car non uei son cors ien
13. E qan el uei muor issamen
14. E nuill paruen nom fai plazen
15. Ainz qan lesgar esgarda adaltre laz
16. E nom acuill nim uoill auer sollaz
17. §Chanson uaten tost e coren
18. A mon thesaur de cui es mon feratz
19. Qellam perdon qeu lai no(n) soi estaz
    GcFaid 167.60 (P 119)
20. Gauselm .CXIX.
21. TUt me quidei de chanson far sofrir
22. Era diuer tro uers kalenda maia
23. Mas era uei quieu no men puoisc geqi(r)
24. Per ma razon qe tot iorn es plus gaia
25. E per ioie qai de mon plus auinent
26. E de son prez qades puoia e dena(n)sa
27. Qar sai e uei e conoisc ses doptansa
28. Qen degra esser plus coinda ma cha(n)sos
29. Qar uol nil plaz qe so li bel nais un fos
30. §Uer ma do(m)pna soplei totas sazos
31. Qem nafra gent el cors ses colp d(e) lanza
32. Don dous esgar ab sos oillz amoros
33. Lo iorn qem det sa ioia e sa conda(n)sa
34. Et sel esgard mentret tan dousame(n)t
35. Al cor qe tot lom reuen el ma paia
36. Es a sos uoillz ma fac corteza plaia
37. Il men saob pois cortezamen gagir
38. P(er) qieu lo dei conoiser e grazir
39. §En amor son pausaz tutz mei (con)sir
40. Si qe ren al nai poder qels nestraia
41. Qi eu no(n) fai faitz mai p(er) far e per dir
42. Mi donz tut zo qil sia bon eil plaia
43. Qades laclim e gran merze li rent

37vB

1. A bona fei es a humils senblansa
2. E grazisli lo ioie e lalegransa
3. Qem det tan ferm qi non ro(m)p ni descos
4. Per qieu stao allegres e ioios
5. §Nuls hom no(n) pot ses amor far qe pros
6. Se noi enten e noia sa speransa
7. Qel ioi damors es tan fin e tan bos
8. Qen contra lieis no(n) es mais benena(n)sa
9. Qe per amor ten hom plus gent
10. Sin ual on mais en esforsa e nasaia
11. Dauer bon prez e de lauzor ueraia
12. Sin uolon mais caualgar e garnir
13. E far qe pros e donar e seruir
14. §Ia ma do(m)pna no(n) cuit qe de leim uir
15. Ni autramor iam toilla ni maia
16. On plus esgar autre do(m)pna e remir
17. Mens ai poder qe ia de leis mestraia
18. Per merzel clam e per ensegname(n)t
19. Aia de me (con)sirier e menbransa
20. E qar nom ue no sou te(n)gna en pesa(n)sa
21. Quie ne stao tan pensius e (con)siros
22. Cades itenc los uoillz de cor ab dos
    JordIsl 276.1 (P 120)
23. Gauselm .CXX.
24. LOingna sazon ai estat uers amors
25. Humilz e franc es ai faitz son coman
26. En tuit qan puisc es anc p(er) nuill affan
27. Qi eu en suffris e p(er) nulla dolor
28. De liei amar no(n) parti mon corage
29. Uas qi mera rendut de bon talen
30. Tro qi eu conoisc en lieis un fol usage
31. Ab qem desplatz e ma cangiat mon sen
32. §Agut maura per lial amadors
33. Mas tan la uei donar ab engian
34. Per qe non plaz samistat derenan
35. Ni ioi qem det nom pot donar sabor
36. Antz men partrai qaisim uem degradage
37. Puois ellas part de bon prez isiamen
38. Es er mal caing tener autre uiage
39. Un restauretz qe nai fait perden
40. §En patz men part mais tan (con)sir lonors
41. El dan qai pres el destreic lieis aunan
42. Ai com magra trobat sens cor truan
43. Qil fera bes em tengra en dausor
44. Noi poi mudar qieu no(n) sia saluage

38rA

1. Con ieu qai auzit dir souen
2. Qades passom primiers p(er) lo follaie
3. E pois conuen qe sia reconoisen
4. §Ben sai si cum part de lieis e uir aillors
5. Ia nogler greu n par qel tegna a dan
6. Maz si dun salutz e ualer tan
7. Si con sueill ena(n)tir sa ualor
8. Li saubrai preqasar son da(m)pnage
9. P(er)o lamet en dreich mon iauzimen
10. Car assatz fa qi de mal segnorage
11. Si pot partir ni loingnar bonamen
12. §Ai con qe foz danz daital colors
13. Com paret de fora per senblan
14. En aissi com ella es beutat gran
15. Ni com ual mais gardes son honor
16. En aissi es bel son estage
17. Ages ensimenz de catenimen
18. Es en aisi com es de bon paraie
19. Contra sos prez temes far faglimen
20. §Qa non degra beutat far son hostaie
21. Ni remaner do(m)pna dautramen
22. Si non gardes son honor e son paraie
23. Et non ages en se retenimen
    GcFaid 167.43 (P 121)
24. Gauselm .C.XXI.
25. NOm alegra chans ni critz
26. Dausels mon fel cor engres
27. Ni no sai per qem chantes
28. Nim perdes
29. Mos motz qar ben los perdria
30. Siu dizia qem ualgues
31. Ues mi dons precx ni merces
32. Qe nos tanh ges
33. Qe ilh sia per mi qeritz
34. Per dos tant li soi faillitz
35. §Doncx per qer mos chans auzitz
36. Pos nom tanh qem perdones
37. A dieu per so qeilh pregues
38. Qes uengues
39. De mi qar anc ma uenc un dia
40. Qe bauszia no ni fes
41. Ni preiars dautram plagues
42. Tant qem tolgues
43. Lieis don tanh qe siauzitz
44. Qar li ai mal sos dons grazitz

38rB

1. §Mas ab aitan for ieu gueritz
2. Sella tant si humilies
3. Qe solamen mentendes
4. Pueis apres
5. Uis com mos dans me chastia
6. Silh plazia caissi es
7. E qar anc fis ren qeilh pes
8. Mes tan mal pres
9. Cap lieis ai mains bes complitz
10. Perdutz e sai soi trahitz
11. §E qar huna enguanairitz
12. An beutatz mala nasqes
13. Mi fes failhir tanh qades
14. Mi pendes
15. Silh qe de nien ma uia
16. Mes i(n)uia de toz bes
17. Per o qui toz sels agues
18. Mortz can mespres
19. Qe noi fos capdels ni guitz
20. Merces trop nagrom delitz
21. §Doncx serai ai tant arzitz
22. Cumils mas io(n)has confes
23. Lirai qerre a sos pes
24. Qem dones
25. Do qem p(er)do ho maussia
26. Bem plairia maussizes
27. Mas hieu no(n) cre qilh fezes
28. Re qem plagues
29. Ans sai qer sieus lo chauzitz
30. Qe uol qieu uiua marritz
31. §Per o nom soi tant partitz
32. De ioi ni dira tan pres
33. Qieu encara noi tornes
34. Silh monstres
35. Sos sens e sa cortezia
36. Com mauria sobrepres
37. Sel sieu humil cors cortes
38. Franc ben apres
39. De ioi e de pretz (com)plutz
40. Mera de perdon aizitz
41. §Mon senhor cui poder es prec
42. Qe noilh pes an no(n) qes per me auzit
43. Qe ual mil ocx afortitz

38vA

PoFabre 376.1 (P 122)

1. LUocs es chom si deu allegrar
2. E seu tot non sui amaire
3. Si uoill eu esser chantaire
4. Et en loc mon saber mo(n)strar
5. Qeu uei qe paucx ni granz aures
6. Non ual saber qi lauia
7. Per qe de penre qec dia
8. Creis al plus sauis lor uale(r)s
9. §Chascuns deu entendre en plazers
10. Gardan sei de uillania
11. Et qe fassa chascun dia
12. De ben segon qer sos poders
13. Mas qis uol desmesurar
14. Sos presz no pod durar gaire
15. Car mesura enseigna faire
16. So don bos prez pod durar
17. § gran cor a de larguezar
18. Saber deu dond o pod traire
19. Non dic chom si deie straire
20. De ualer ni nos taing afar
21. Granz affanz es lo conqerers
22. Mais lo gardar es maiestria
23. Et qi pe(r)t per sa follia
24. No sap qals traich es qerers
25. §Ses mezura senz ni sabers
26. No ual granz mane(n)tia
27. P(er)o locs es qe seria
28. Dans trop gardars e reteners
29. Locs es don deu oltre passar
30. Locs de parlar locs de traire
31. Locs de dona locs destraire
32. Locs de sen locs de folleiar
33. §Qi son bon prez uol tener car
34. No sia folz ni gabaire
35. Car folia es a retraire
36. Zo qe plus fai a celar
37. Fols es neis qi diz toz sos uers
38. E fols qin fol sen fia
39. E fols qui fail e nos chastia
40. E fols qui sech toz soz lexers
    ArnMar 30.5 (P 123)
41. Narnald de miroill . CXXIII.
42. AIssi cum scel qi tem camor la ucia
43. Ni ren no sap o sesconda ni ganda

38vB

1. Met mi meteis en garda e en coma(n)da
2. De uos cui am sens geing e ses bauzia
3. Car es genzer del mond e la belaire
4. E si richs cor mi fai uas uos atraire
5. Seu ben follei gez no cuiz far follia
6. §Caissi mauen do(m)pna genzer qi sia
7. Dun desirer qinz en mon cor sabra(n)da
8. Conseill em dis qe us am e serua e bla(n)da
9. E uol qem lais enqer daltrui paria
10. Per uos en cui toz bons aibs repaire
11. E pois amor no uol qem uir nim uaire
12. Si maucies no cre qe gent uos stia
13. §Enseignam(en)z e prez e cortesia
14. Troban en uos lor obs e lor uianda
15. E non uoillaz samor nona trua(n)da
16. Gitar merçe de uostra (com)pagnia
17. E us clam merze a lei de fin amaire
18. E si merces ab uos noma qe faire
19. Ma uidam ual trop meinz qe seu moria
20. §Per o ben sai qe per maleuzaria
21. Uoill mais poizar qe dreitura no(n) ma(n)da
22. Qeu teing lo puoi e lais la bella la(n)da
23. E caz lo ioi cami nos taignaria
24. Pois di mamor qand eu men uoill estraire
25. Qe maneras uez poiz om de bais affaire
26. E (con)qer mais qe dreiz no(n) (con)sentria
27. §Iulius cessar (con)qes la seignoria
28. Per son esforz de tot lo mond aranda
29. Non per qel fols seigner ni reis dirlanda
30. Ni cons dangeu ni dus de norma(n)dia
31. Anz era hom bas segon cauzem retraire
32. Mas qar fo proz e francs e de bon aire
33. Poizet son prez can qe poizar podia
34. §Per qem conort en cor seu tan uiuia
35. Caia de uos tot qant mon cor d(e)ma(n)da
36. De cun sols hom ses tor e ses miranda
37. Conqes lo mond e lac en sa bailia
38. Aitan ben dei segon lo mieu uezaire
39. De uostramor p(er) dreiz esser emperaire
40. Com el del mond ses dreiz qel noi auia
41. §Do(m)pna ualenz cortesa e de bonaire
42. Nom despresaz se us am e ses cor uaire
43. Car esser de zo camor uol qe sia
    ArnMar 30.15 (P 124)
44. .CXXIIII.
45. La francha captene(n)sa