I.

1. Can vei la flor sobre·l sambuc
2. et au lo pic e·l merle e·l gais,
3. e lo refrim del brau airol,
4. ma dompna m’am plus q’el non sol:
5. totz temps l’amei, pois la conuc,
6. mas ara m’es privatz e mol.

II.

7. Ben me cuia plantar lo duc
8. chi dis q’eu de s’amor mi lais.
9. Non vol m’ensegn’aital virol,
10. ancs l’amarai, se Deus lo vol:
11. anar i pogra ad oil cluc
12. lo iorn, cant son marit non col.

III.

13. Per lei m’aplan lo pel del zuc
14. e non desir guera ni fais;
15. cant en la plaza m’acuoil,
16. tenc mon meillor vesin per fol;
17. cant eu la vei, tot m’abessuc
18. et oclei mai d’un ratairol.

IV.

19. Ela tem canch e pezuc, (- 1) †
20. e val tal q’i s’apreza mais;
21. e negerei entr’un moiol,
22. qe·l be plus prim d’un rocairol:
23. anc non vic ren tant leu s’embuc
24. e mania a lei d’un escirol.