I.

1. Jausbert, razon ai adrecha Bertran
2. s’auzes descobrir mon sen
3. ni demostrar a prezen
4. d’amor cum cueill fola decha.
5. Ben sai que son dan esplecha
6. drutz qu’en dona jove·s pren;
7. mas qui en vieilla s’enten
8. mord ades quan lo fols lecha.

II.

9. Bertran, en vida destrecha Gausbert
10. avetz estat lonjamen;
11. mas ieu mantenrai joven
12. e vostra razos er brecha:
13. quar domna vieilla ni secha
14. non a pretz mest nostra gen,
15. e dizetz tal faillimen
16. don devetz morir ab flecha.

III.

17. Jausbert, drudari’ es morta Bertran
18. en las joves, qu’ieu o sai,
19. e proeza no·i es mai,
20. abans n’es la claus estorta.
21. mas qui ab vieilla·s deporta
22. suavet sojorn’e jai,
23. e ieis d’afan e d’esmai
24. cui vieilla met dins sa porta.

IV.

25. Bertran, ben sec via torta Gausbert
26. qui de vieilla·s met en plai;
27. mas cui las joves fan jai
28. jois e jovens lo conorta.
29. E fos pendutz ab redorta
30. qui ja met en vieilla bai!
31. Q’ieu conosc que miells l’estai
32. qui ab joves se conforta.

V.

33. Jausbert, qui las joves prega Bertran
34. non es luenh de follejar,
35. qu’elas vivon de raubar
36. plus qu’Aspes qui cor ab ega;
37. per que mos cors las abnega,
38. mas de tal vieilla m’ampar
39. que·m fassa matin disnar,
40. ans que·m lais ir una lega.

VI.

41. Bertran, ben es causa pega Gausbert
42. qui, per son cors esfrugar,
43. se vol de vieilla logar;
44. per qu’ieu ab lor no vueill trega.
45. E fa mal qui drut non nega
46. qui mais vol penre que dar
47. et ab vieilla·s vai colgar.
48. Quar non jai ab una sega?

VII.

49. Jausbert, diables l’agacha Bertran
50. qui de las vieillas ditz mau,
51. quar tant an lor pretz cabau
52. que las joves n’an sofracha,
53. quar putia las empacha
54. e vendon lor cons a frau;
55. e tot s’emporta la clau
56. qui plus deniers i destacha.

VIII.

57. Bertran, fols es qui s’estacha Gausbert
58. ab vieill’e tira jornau;
59. qu’ieu am mais un bon chivau
60. cavalgar que una vacha
61. ni roncin ab sella fracha.
62. E vos tenc ben per babau
63. e no vos tenc per leiau:
64. anz mentetz cum s’eratz gacha.

IX.

65. Jausbert, per vieillas m’esjau Bertran
66. que·m dan vin esperitau
67. e capons ab carn de vacha.

X.

68. Bertran, ja vieill’ab pot blu Gausbert
69. no·m baize per son ostau,
70. quar la pel a moll’e flacha.