323.9(Fratta) - Rialto

Belh m’es qu’ieu fass’hueymais un vers
pus la flors e·l fuelha brota
e·l belhs temps nos a del lag ters,
que gieta e plou e degota;
e pus l’aura renovelha,
be·s tanh que renovel mos cors,
si que flurisca e bruelh de fors
so que dedins mi gragelha.

II.

Hai, pretz, quon hiest mutz, sortz e guers!
E, proeza, co·us vei rota
e menar de tort en travers!
Quar qui que·s vol si·us sabota?
Q’una puta gens fradelha,
que tir’e bat e pren a mors,
vos an cofundut e destors,
que·us afolha e·us descapdelha.

III.

Greu m’es qu’estiers sera trop paucx
lo pretz d’aquest segle aora,
et ieu suy del castiar raucx
e no·m val ges una mora;
q’usquecx a facha gonelha
corta resciza de mal vetz,
et a·l fait tant estreit cabetz,
que ia res non lay espelha.

IV.

S’als malvatz no fos tan grans guaucx,
avoleza ia no fora;
et es se tant ubertz lo traucx,
que sobre rocas laora,
selh cuy iay cors, e martelha;
qu’ayssi·ls ten enredatz lo retz,
non lur pot escantir lo setz
ni·l crims: tan los ras c[e]zelha!

Aquist engres, envers estrait,
fals e flac filh d’avols paires,
felo, embronc, sebenc, mal fait,
sers ressis, nat d’avols maires,
mal aibos, paupra escudelha,
volpillos, blau d’enveja, sec,
fan que quascus aprent un quec,
don nays e bruelha·l pustelha.

VI.

Ara·m tuelh hueymais de lur plait
dels forlinhatz d’avols aires;
mas qui proeza vol, aguait
cum pros si’e no·s tric guaires,
que si s’esforsa e·s revelha,
atretan tost, si anc esser dec,
sera ben pros co malvatz lec,
si no fo d’avol uzelha.

VII.

Oimais si’avols qi·s volra
o pros: plus als non puesc doncas!
Qe si pros es, ben i para,
o avols, si bec no·n bro[n]cas;
e non sap q’es calamella
qi sauc cuia faire t[e]il,
ni cant hom en autrui conseil
si met, qi non l’apella.

VIII.

Peire d’Alvergna mot qera
qi aco[int] tos us a concas,
e per aqui om lo sabra
car del fin trobar non roncas,
ans n’as ben la flor plus bella:
detorz e l’arc e ll’apareil,
e no·i a mot fals qe ro[v]eil
ni sobre dolat d’[a]stella.

IX.

On plus hom mos vers favelha,
fe que·us deg, on mais valon elh,
e no·y a mot fals que·i rovelh
ni sobre dolat d’astelha.

Testo

Edizione: Aniello Fratta 1996, con modifiche; note: Aniello Fratta. – Rialto 20.vi.2003.

Mss.

C 179r, z 2r, m 1v.

Edizioni critiche / Altre edizioni

Edizioni critiche: Rudolf Zenker, Die Lieder Peires von Auvergne, Erlangen 1900, p. 117; Peire d’Alvernha, Liriche, a cura di Alberto Del Monte, Torino 1955, p. 149; Peire d’Alvernhe, Poesie, a cura di Aniello Fratta, Manziana 1996 (Filologia, 1), p. 33.

Nota filologica

Ed. 1996: 33 D’esser: per Des er si è accolto il suggerimento di Aurelio Roncaglia, «In margine a un’edizione di Peire d’Alvernhe», Cultura neolatina, 58, 1998, p. 348.

Metrica e musica

Metrica: a8 b7’ a8 b7’ c7’ d8 d8 c7’ (Frank 421:32). Otto coblas doblas di otto versi e una tornada di quattro.

Informazioni generali

Vers con più che evidenti impronte marcabruniane, che si presenta come un estremo appello ai pros perché si dissocino dai malvatz e non si lascino corrompere. Connessioni più specifiche si registrano con Marcabru, Lo vers comens (BdT 293.33) e Al departir del brau tempier (BdT 293.3).

[]