1 Gui d’Uissel si fo de Lemozi, gentils castellans, et el e siei fraire e sos consins N’Elias eron seignor d’Uissel, que es us rics chastels. 2 E li ui siei fraire l’uns avia nom N’Ebles e l’autre Peire, e·l cosins si avia nom Elias. 3 E tuich catre eron trobador. 4 E trobavant bonas chanssons e·N’Elias bonas tenssos, e·N’Ebles las malas tenssos, e·N Peire deschantava tot qant li trei trobavant. 5 E·n Gui era canorgues de Briude, e si s’entendet e·Na Margarida d’Albusson, qu’era moiller d’En Rainaut lo vescomte d’Albusson, et en la comtessa de Monferran, don fetz maintas bonas chanssons. 6 Mas lo legatz del papa i fetz iurar que mais non fezes cansos. 7 E per lui laisset lo chantar e·l trobar.