Rialto

162.1

 

Garin d’Apchier

 

 

 

 
Aissi con hom tra l’estam
a l’envers, q’era a dreich,
e si cum meno·l carreich
4 li bou, qant trao·l legnam,
un nou sirventes ailluc
de mon Comunal astruc,
qui chaschus torn’en desdeing
8 e destorz son entresseing.
 
Ja no·ill cal gardar c’hom clam
per si ni per son arneich,
ni per bon astre qe·il veich
12 ni pel sieu corren volam,
pel joglareiar faduc,
ni per las canas del suc,
ni per las cordas del seing
16 qui son el sieu col susteing.

 

 

 

Testo: Latella 1994 (IX). – Rialto 23.xi.2002.

Ms.: Da (202v).

Edizioni critiche: Carl Appel, «Poésies provençales inédites tirées des manuscrits d’Italie», Revue des langues romanes, 34, 1890, pp. 5-35, a p. 26; Friedrich Witthoeft, Sirventes Joglaresc, Marburg 1891, p. 65; Fortunata Latella: I sirventesi di Garin d’Apchier e di Torcafol, edizione critica a cura di F. L., Modena 1994, p. 232.

Metrica: a7 b7 b7 a7 c7 c7 d7 d7 (Frank 577:267). Due coblas unissonans di otto versi ciascuna. 

[FL]

Premessa ai sirventesi di Garin d’Apchier e Torcafol

BdT    Garin d’Apchier    Torcafol